យោងតាមសេចក្តីប្រកាសព័ត៌មានរបស់ក្រសួងសុខាភិបាលចុះថ្ងៃទី២១ តុលា ឆ្នាំ២០២០ ជនជាតិប៉ូឡូញរូបនេះ មានអាសយដ្ឋានបណ្តោះអាសន្នស្នាក់នៅសណ្ឋាគាមួយក្នុងខេត្តព្រះសីហនុ ហើយអ្នករួមដំណើរតាមយន្តហោះជាមួយអ្នកជំងឺខាងលើ សរុបមានចំនួន៥៣នាក់ដែលមានលទ្ធផលតេស្តអវិជ្ជមាន ត្រូវបានដាក់ឱ្យធ្វើចត្តាឡីស័កចំនួន១៤ថ្ងៃ នៅមណ្ឌលកងទ័ពជើងអាកាស និងសណ្ឋាគារមួយចំនួន ក្នុងរាជធានីភ្នំពេញ។

គូសបញ្ចាក់ផងដែរថា កម្ពុជាមានចំនួនអ្នកមានវីរុសកូវីដ​ ១៩ សរុបចំនួន២៨៦នាក់​ ដោយក្នុងនោះ មានអ្នកព្យាបាលជាសះស្បើយសរុបទូទាំងប្រទេស ចំនួន២៨០នាក់ និងមានអ្នកសម្រាកព្យាបាលនៅមន្ទីពេទ្យមិត្តភាពខ្មែរ សូវៀត ចំនួន ០៦នាក់៕

អ្នកទាំងពីរបានធ្វើដំណើរឆ្លងកាត់ទីក្រុងដូហា និងបន្តជើងហោះហើរនៅប្រទេសកូរ៉េខាងត្បូង មុនចូលមកកម្ពុជានៅថ្ងៃទី១៨ ខែតុលា ឆ្នាំ២០២០ ហើយក៏ត្រូវបានគេដាក់ឲ្យសម្រាកព្យាបាលនៅមន្ទីពេទ្យខ្មែរ-សូវៀត។ នេះយោងតាមសេចក្តីប្រកាសព័ត៍មានក្រសួងសុខាភិបាល។

សេចក្តីប្រកាសព័ត៌មានក្រសួងសុខាភិបាល​ ចុះថ្ងៃទី២០ តុលា ឆ្នាំ២០២០ បានឲ្យដឹងថា បុរសខ្មែរ និងស្ត្រីខ្មែរនេះ មានកូនអាយុ ០៣ឆ្នាំផងដែរ ហើយមានអាសយដ្ឋានស្នាក់នៅភូមិអាចារ្យលាក់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ។

អ្នករួមដំណើរតាមយន្តហោះជាមួយអ្នកជំងឺខាងលើ សរុបមានចំនួន១០៨នាក់ មានស្រី៣៤នាក់ កុមា០៣នាក់ និង​ ទារក០១នាក់ ហើយចំណែក អ្នកដំណើរចំនួន១០៧នាក់ទៀត ដែលមានលទ្ធផលតេស្តអវិជ្ជមានវីរុសកូវីដ​ ១៩ ត្រូវបានដាក់ឱ្យធ្វើចត្តាឡីស័កចំនួន១៤ថ្ងៃ នៅមណ្ឌលកងទ័ពជើងអាកាស ចំនួន៣៧នាក់ និងសណ្ឋាគារមួយចំនួន ក្នុងរាជធានីភ្នំពេញចំនួន៦៩នាក់។

កម្ពុជាមានចំនួនវីរុសកូវីដសរុបចំនួន ២៨៥ករណី​ មានស្ត្រី ៥៨នាក់ និងបុរស ២២៧នាក់ ដោយ ក្នុងនោះបានព្យាបាលជាសះស្បើយសរុបទូទាំងប្រទេស ចំនួន២៨០នាក់។

អ្នកសម្រាកព្យាបាលនៅមន្ទីពេទ្យមិតភាពខ្មែរ-សូវៀត មានចំនួន ០៥នាក់ មានជនជាតិឥណ្តូណេស៊ី ០១នាក់ បុរសខ្មែរ ០២នាក់ ស្ត្រីខ្មែរ ០១នាក់ និងស្ត្រីជនជាតិបារាំង ០១នាក់។ នេះយោងតាមក្រសួងសុខាភិបាល៕

ចាប់​តាំង​ពី​ដើម​ខែ​តុលា​មក កម្ពុជា​បាន​ទទួល​រ​ង​​ផល​ប៉ះពាល់​យ៉ាង​ធ្ងន់ធ្ងរ​ដោយសារ​គ្រោះ​ទឹក​ជំនន់ ជា​ពិសេ​ស​​អ្នក​​​រស់​នៅ​តំបន់​​​​​​ពាយ័ព្យ​នៃ​ប្រទេស​ដូច​ជា ​ខេត្ត​ពោធិ៍​សាត់ បាត់​ដំបង ប៉ៃលិន ​បន្ទាយ​មានជ័យ ​​ ហើយក៏មានខេត្តកំពង់ស្ពឺ ខេត្តកណ្តាល និង​រាជធានី​ភ្នំពេញ​ផងដែរ។​

អ្នកស្រី ថូល ធារី ​ដែល​បាន​អះអាង​ថា​ជា​ម្ចាស់​ផ្ទះ​ដែល​បាក់​ស្រុត​ចូល​ទន្លេ ប្រាប់​​ Newsroom Cambodia ថា នៅ​មុន​ពេល​ផ្ទះ​របស់​អ្នកស្រី បាក់​ស្រុត​ ទឹកទន្លេ​នៅ​ក្រោយ​ផ្ទះ​អ្នកស្រី​ចាប់ផ្តើម​ឡើង​ខ្លាំង ប៉ុន្តែ​​អ្នកស្រី​ជាមួយ​ស្វាមី​ដែល​ជាអ្នកធ្វើការសំណង់ ព្រមទាំង​កូន​បី​នាក់​នៅ​ក្នុង​បន្ទុក​គ្រួសារ បន្ត​រស់នៅជា​ធម្មតា។ អ្នកស្រី​បន្ត​ថា​ ស្រាប់តែបាន២ទៅ៣ថ្ងៃបន្ទាប់​ ផ្ទះ​​របស់​អ្នកស្រី​ក៏​បាន​បាក់​ធ្នឹមក្រោយ និង​ប្រេះ​ជា​បន្តបន្ទាប់ ទើប​អ្នកស្រី និង​គ្រួសារ​បាន​សម្រេច​ចិត្ត​ចាក​ចេញ​ពី​ផ្ទះ​ទៅរកទីទួល​សុវត្ថិភាព​។ រយៈ​ពេល​៣​​ទៅ​៤ថ្ងៃបន្ទាប់​ពី​​​អ្នកស្រី​បាន​ចេក​ចេញ ផ្ទះ​ក៏​បាក់​ស្រុត​ចូល​ទន្លេ​។​

អ្នកស្រី​បន្ថែម​ថា៖ «ខ្ញុំអត់មានដីធ្វើផ្ទះទៀតទេ ព្រោះដីបាក់ចូលទន្លេបាត់ហើយ ទម្រាំ​តែ​សាងសង់​បាន​ប៉ុណ្ណេះ​យូរ​ឆ្នាំ​ណាស់ ធ្វើការ​សំណង់​រាប់​ឆ្នាំ និង​ជាប់​ជំពាក់​លុយ​ខាង​ធនាគារ​ទៀត អត់​ពី​ទី​ហ្នឹង​ទៅ​មិនមាន​ទី​ជម្រក​ណាទេ​»។

លោក ម៉ន ម៉ាលី មេភូមិព្រែកថី ប្រាប់ Newsroom Cambodia ថា​ ​ផ្ទះ​មួយ​ខ្នង​ដែល​បាក់​ស្រុត​នេះ​ គឺ​បណ្តាល​មក​ពី​ទឹក​ជន់​លិច​ខ្លាំង ​តែ​​​​លោក​ថា​មិនបង្ក​ឲ្យ​​មាន​គ្រោះថ្នាក់​ដល់​អាយុ​ជីវិត​មនុស្ស​ទេ។​ លោកបាន​បន្ថែម​ដោយ​អំពាវ​នាវ​ឲ្យ​ប្រជាពលរដ្ឋ​ទាំងអស់​ដែល​រស់នៅ​តាម​មាត់​ទន្លេ មាត់ព្រែក​ មាន​ការប្រុង​ប្រយ័ត្ន​ឲ្យ​បានខ្ពស់ ជាពិសេស​អាណា​ព្យាបាល​គ្រប់រូប យក​ចិត្ត​ទុក​ដាក់​មើល​ថែរ​​កូនចៅ កុំ​ឲ្យ​ធ្វេស​ប្រហែល​ពីការ​លង់​ទឹក និង​សត្វអសិរពិស​ជាដើម។

លោក​ថា៖ «ត្រូវតែ​មាន​ការប្រុង​ប្រយ័ត្ន​ឲ្យ​បាន​ខ្ពស់​បំផុត ដោយសារ​ខែ​នេះ​ជា​ខែ​ទឹក​ឡើង​ ពិសេស​គឺ​ក្មេងៗ»។​

​ក្នុង​ជំនន់​ដែល​កើត​មាន​ចាប់​តាំង​ពី​ដើម​ខែ​តុលា​មក ​​បាន​​បណ្តាលឲ្យមនុស្ស​យ៉ាង​ហោច​ណាស់​​២៥​នាក់បាន​ស្លាប់ ​និង​ប៉ះពាល់​ដល់​មនុស្ស​ជិត​​២​សែន​​​នាក់៕​​

សេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី០៨ ខែតុលា ឆ្នាំ២០២០ បានឲ្យដឹងថា មានបុរសជនជាតិឥណ្ឌូនេស៊ីនេះ បានធ្វើដំណើរមកពីប្រទេសឥណ្ឌូនេស៊ី នឹងបានបន្តជើងហោះហើរនៅប្រទេសសាំងហ្គាពួរ មកដល់កម្ពុជានៅថ្ងៃទី០៦ ខែតុលា ឆ្នាំ២០២០ បច្ចុប្បន្នអ្នកជំងឺត្រូវបានដាក់ឲ្យសម្រាកព្យាបាលនៅមន្ទីពេទ្យមិត្តភាពខ្មែរ-សូវៀត។

សូមបញ្ជាក់ផងដែរថា មានអ្នករួមដំណើរតាមយន្តហោះជាមួយអ្នកជំងឺសរុបចំនួន១១៣នាក់ (ស្រី ២៣នាក់) និងអ្នកធ្វើដំណើរចំនួន​១១២​នាក់ បានធ្វើតេស្តអវិជ្ជមាន ហើយត្រូវបានដាក់ឲ្ធ្វើ​យចត្តាឡីស័កចំនួន១៤ថ្ងៃនៅវិទ្យាល័យបូរី១០០ខ្នងចំនួន៤៩នាក់ នៅសណ្ឋាគាមួយនៅភ្នំពេញ ចំនួនសរុប៦២នាក់ និងនៅស្ថានទូតសាំងហ្គាពួរ ចំនួន០១នាក់។

កម្ពុជាបានរកឃើញអ្នកដែលមានករណីវិជ្ជមានវីរុស១៩ សរុប​២៨១នាក់ ក្នុងនោះដែរក៏មានអ្នកដែលបាន​ជាសះស្បើយសរុប​២៧៦នាក់ និង០៥នាក់ទៀតកំពុងសម្រាកព្យាបាល។ នេះបើគិតត្រឹមថ្ងៃទី០៨ ខែតុលា ឆ្នាំ២០២០៕

ព្រះតេជគុណ ម៉ៅ វុទ្ធី ព្រះចៅអធិកាវត្ត ព្រះស៊ីសុវត្ថិរតនារាម ស្ថិតនៅក្នុងស្រុកកោះធំ ខេត្តកណ្ដាល បានមានសង្ឍដីការថា នេះជាការព្រួយបាម្ភមួយ។

ព្រះតេជគុណ ម៉ៅ វុទ្ធី មានសង្ឃដីការថា៖ «កាលពីឆ្នាំទៅ បិណ្ឌពីរ បិណ្ឌបីអី បរិស័ទមកវត្តប្រមាណ​ មួយរយនាក់ជាងអី អាស្រ័យទៅតាមវេន តែឆ្នាំនេះ មានត្រឹមតែ ៥០ ទៅ ៦០នាក់អីទេ វាអាចជាការព្រួយបារម្មណ៍សម្រាប់ពួកគាត់ដែរ»។

ព្រះភិក្ខុ ជួន ខ្សេមក្សាន្ត គង់នៅវត្តថាន់ រាជធានីភ្នំពេញ មានសង្ឃដីការថា មានពុទ្ធបរិស័ទមកកាន់បិណ្ឌនៅវត្តថាន់ ពេញសាលាឆាន់ ចង្អៀតណែនស្ទើរ តែរកកន្លែងដើរមិនបានផង កាលពីឆ្នាំមុន។

ព្រះភិក្ខុ ជួន ខ្សេមក្សាន្ត បានមានសង្ឍដីការថា៖ «ដោយសារឆ្នាំកូវីដនេះ មានការស្បើយបរិស័ទ តែសម្រាប់វត្តថាន់ មិនដល់ថ្នាក់ ខ្សត់ចង្ហាន់ពេកទេ»។

ព្រះអង្គ បានបន្ថែមថា នេះដោយសារសេដ្ឋកិច្ចរបស់ពួកគាត់មានបញ្ហា ខណៈ អ្នកខ្លះអត់មានការងារធ្វើព្រោះតែកូវីដ ១៩ ធ្វើឲ្យខ្វះខាតថវិកា និងខ្លាចឆ្លងជម្ងឺផងដែរ។

អ្នកស្រី ណុប កន្នីកា ជាពុទ្ធបរិស័ទ បាននិយាយដូច្នេះថា៖ «បញ្ហាសេដ្ឋកិច្ចគឺជាក្ដីបារម្ភចម្បង ក្នុងការទៅកាន់បិណ្ឌនៅឯវត្ត ព្រោះទៅវត្តម្ដងៗ ត្រូវចំណាយ ៣០ ទៅ៤០ដុល្លារ ក្នុងការទិញទេយ្យទាន និងចង្ហាន់ ព្រះគេនព្រះសង្ឃ»។

កាលពីបុណ្យភ្ជុំឆ្នាំមុន កាន់បិណ្ឌ១៥ថ្ងៃ ទៅវត្តស្ទើរតែរាល់ថ្ងៃ ក៏ប៉ុន្តែលើកនេះ មួយសប្ដាហ៍ទៅភ្ជុំ បានប្រហែល ១ម្ដង ទៅពីរដងប៉ុណ្ណោះ ហើយបើនិយាយពីចង្ហាន់ និងការចូលរួមរបស់ពុទ្ធបរិស័ទវិញ ក៏មានការខ្សត់ខ្សោយជាងឆ្នាំមុនៗដែរ។ នេះបើតាមការរៀបរាប់បន្ថែមរបស់អ្នកស្រី ណុប កន្នីកា ជាពុទ្ធបរិស័ទ។

ចំណែក លោកយាយ អាយុ៦២ឆ្នាំ ឈ្មោះ ហៃ ញ័រ ពុទ្ធបរិស័ទចំណុះជើងវត្តស៊ីសុវត្ថិរតនារាម មានមុខរបរជាអ្នកធ្វើចំការ និងធ្វើនំលក់ មានការភ័យខ្លាចដែរ ចំពោះជម្ងឺនេះនៅពេលទៅវត្តម្ដងៗ។  

លោកយាយ បានមានប្រសាសន៍ថា ជំងឺកូវីដ ១៩ បានធ្វើឲ្យប៉ះពាល់ដល់ការរកចំណូលប្រចាំថ្ងៃ យ៉ាងច្រើន ដោយសារតែអត់សូវមានការកម្មង់ទិញនំរបស់គាត់។

កញ្ញា  ថន សុភ័ក្រ   អាយុ  ២៧ ជាអ្នកលក់ការ៉េមនៅវត្តខាងលើនេះ បាននិយាយថា អ្នកដែលមកវត្ត មានការរភ័យខ្លាច  មិនហ៊ានមកធ្វើបុណ្យទេ ខណៈដែលអ្នកខ្លះបានសង្កេតឃើញថា ពុទ្ធបរិស័ទភាគច្រើន មិនបានពាក់ម៉ាស ឬអនុវត្តវិធីការពារកូវីដ ១៩នោះទេ។

យោងតាមក្រសួងសុខាភិបាល គិតត្រឹមថ្ងៃទី១៤ ខែកញ្ញា ឆ្នាំ២០២០ កម្ពុជា បានព្យាបាលឲ្យជាសះស្បើយសរុបទូទាំងប្រទេស មានចំនួន ២៧៤នាក់៕

ខណៈ​ដែល​យុវជន​មួយ​ក្រុម​ប្រើប្រាស់​អក្សរ​ឡាតាំង​ជា​សំនៀង​ខ្មែរ​ ក៏​មាន​យុវជន​មួយ​ក្រុម​ទៀត​​​បាន​និង​កំពុង​​ព្យាយាម​លើក​កម្ពស់​អក្សរ​ខ្មែរ​ផង​ដែរ​ ​តាម​រយៈ​ការ​ផ្សព្វ​ផ្សាយ​ និង​ការ​ប្រើ​ប្រាស់​នូវ​ភាសា​ជាតិ​របស់​ខ្លួន​។​

នេះ​នាំ​ឲ្យ​មាន​ទស្សនៈ​ពីរ​ផ្ទុយគ្នា ​ក្នុងចំណោម​យុវជន​ដែល​កំពុង​តែ​កើត​មាន​ឡើង​នៅ​តាម​បណ្ដាញសង្គមនានា។

ក្នុងកិច្ចសម្ភាសន៍ជាមួយ ភិន រតនា នន់ រិទ្ធី និង គីម ស៊ីនៀន ដែលជាសិក្ខាកាម Newsroom Cambodia យុវជនចំនួនមានការយល់ឃើញលើប្រធានបទនេះខុសៗគ្នា។

សំនួរចំនួន២ ដូចខាងក្រោមនេះ ត្រូវបានសួរទៅពួកគាត់៖

១. តើអ្នកមានទស្សន:យ៉ាងណាចំពោះការសរសេរអក្សរឡាតាំងជាសំនៀងខ្មែរ ជំនួសឲ្យការសរសេរអក្សរខ្មែរដែលជាអក្សរសាស្រ្តជាតិ?

២. តើអ្នកគាំទ្រឲ្យមានការសរសេរបែបនេះបន្តទៀត ឬយ៉ាងណា?

ហេង សៀកមុង(ឆ្វេង) និង យី ដឹកហាន់​ (ស្ដាំ) រូបភាពដោយ៖ នន់ រិទ្ធី

យី ដឹកហាន់ និស្សិតសាកលវិទ្យាល័យ

«សម្រាប់ខ្ញុំ ខ្ញុំគិតថា គួរតែសរសេរ ៥០/៥០ អីចឹងទៅ ដូចនិយាយខាងដើមដែរ សម័យឥឡូវជាសម័យកំពុងអភិវឌ្ឍន៍ យើងក៏គួរតែដើរតាមហ្នឹងទៅ។ ហើយនៅពេលទៅមុខទៀត វាក៏មិនជាថ្វីប៉ុន្មានដែរ វាសំខាន់នៅលើយើង ថាយើងត្រូវប្រើជាអក្សរខ្មែរ ឬជាឡាតាំងសូរសព្ទខ្មែរ​។ វាមិនអីទេ»។

ហេង សៀកមុង និស្សិតសាកលវិទ្យាល័យ

«ខ្ញុំគិតថា វាមិនសូវជាបញ្ហាប៉ុន្មាននោះទេ អាហ្នឹងវាស្រេចទៅលើបុគ្គលខ្លួនយើងម្នាក់ៗ ថាយើងត្រូវឆាតបែបម៉េចៗ។ បើគាត់ចង់សរសេរលឿន គាត់ត្រូវធ្វើការផ្លាស់ប្តូរទៅតាមបែបការវិវឌ្ឍន៍របស់សង្គមយើងបច្ចុប្បន្ន។ ដូចគាត់ (យី ដឹកហាន់) និយាយអីចឹង វាងាយស្រួលយល់ និងលឿនជាងការសរសេរជាអក្សរខ្មែរ ហើយអ្នកឆាតជាមួយយើង ក៏មានភាពងាយស្រួលដែរ ដូចជាមិត្តភក្តិរបស់យើង ឬអ្នកផ្សេងៗជាដើម»។

«ចំណែកផលប៉ះពាល់ដល់អក្សរសាស្រ្តខ្មែរវិញ ខ្ញុំគិតថា វា​នឹងមិនផ្ដល់ផលប៉ះពាល់អីខ្លាំងនោះទេ ព្រោះអីក្មេងដែលគ្រប់អាយុ គឺគ្រួសារគាត់មានលទ្ធភាពបញ្ជូនគាត់ឲ្យចូលរៀន ហើយពេលចូលរៀនពួកគេ នឹងរៀនអក្សរ ឬស្រៈខ្មែរមុនហើយ មិនមែនអក្សរឡាតាំងនោះទេ»។

….

(កណ្ដាល) កញ្ញា លឹម ឡាយហៀង និងមិត្តភក្តិ រូបភាពដោយ៖ ភិន រតនា

កញ្ញាលឹម ឡាយហៀង និស្សិតឆ្នាំទី១ ផ្នែកទំនាក់ទំនងអន្តរជាតិនៅសាកលវិទ្យាល័យបញ្ញាសាស្រ្ត៖

«សម្រាប់ខ្ញុំវិញ បើមានអ្នកណាឆាតមកសរសេរជាឡាតាំង ខ្ញុំនឹងតបជាភាសាឡាតាំង តែបើសរសេរជាភាសាខ្មែរ ខ្ញុំនឹងតបជាភាសាខ្មែរវិញ បើជាភាសាអង់គ្លេសវិញ ខ្ញុំក៏តបដូចគ្នាតាមកាល:ទេស:។ ហើយបើតាមគំនិតខ្ញុំ យើងជាជនជាតិខ្មែរអីចឹង ការសរសេរ ប្រើប្រាស់ជាភាសាខ្មែរ វាពិតជាមានសារ:សំខាន់ខ្លាំងណាស់។ ខ្ញុំក៏ធ្លាប់សរសេរជាឡាតាំងដែរ ព្រោះវាមានភាពងាយស្រួល ឡាតាំងពុំចាំបាច់ត្រូវដាក់ជើងដូចភាសាខ្មែរ សរសេរជាឡាតាំងអាចនិយាយបានថាវាលឿនជាង»។

«ប្រសិនបើការប្រើប្រាស់ឡាតាំងសំនៀងជាស៊ីងខ្មែរកាន់តែច្រើនពេញបណ្ដាញសង្គម ពេញទូទាំងស្រុកខ្មែរទៅ នោះអនាគត នឹងធ្វើឲ្យប៉ះពាល់ខ្លាំង អាចថាអក្សរខ្មែរយើង នឹងអាចបាត់បង់ ហើយជំនួសដោយអក្សរស៊ីញខ្មែរជាភាសាអង់គ្លេសវិញ»។

«សម្រាប់ខ្ញុំ ខ្ញុំគិតថាអត់ចង់ឲ្យមានការប្រើប្រាស់អញ្ជឹងទេ ព្រោះអីជាបទពិសោធន៍ខ្ញុំផ្ទាល់ ពេលដែលខ្ញុំប្រើប្រាស់អក្សរឡាតាំងជាសំនៀងខ្មែរច្រើន នាំឲ្យខ្ញុំភ្លេចពាក្យខ្មែរថាត្រូវសរសេរយ៉ាងម៉េច អាហ្នឹងវាពិតជាធ្ងន់ធ្ងរមែនទែន។ ខ្ញុំគិតថាការកាត់បន្ថយ ឬក៏មិនឲ្យមានការសរសេរបែបហ្នឹងតែម្តង គឺកាន់តែល្អ»។

….

ព្រះតេជគុណឆាត សីហាក់ នៅក្នុងហាងកាហ្វេមួយក្នុងរាជធានីភ្នំពេញ រូបភាពដោយ៖ ភិន រតនា

ព្រះតេជគុណឆាត សីហាក់ សមណនិស្សិត មកពីសាកលវិទ្យាល័យន័រតុន៖

«តាមគំនិតអាត្មា ពេលឃើញគេប្រើអក្សរឡាតាំងភាគច្រើន គឺអាត្មាមានអារម្មណ៍ថាអស់សង្ឃឹមលើយុវជនខ្មែរ ដែលបែរមកនិយម សរសេរជាអក្សរឡាតាំង។ ប៉ុន្តែបើក្រឡែកមើលមកប្រទេសយើង គឺយើងមានអក្សរជាតិរបស់យើងគឺអក្សរខ្មែរ ក៏ប៉ុន្តែពួកគាត់បែរជាអត់យកមកប្រើវិញ»។

«ពួកគាត់ចាប់ផ្ដើមប្រើជាអក្សរឡាតាំងពេលដែលគាត់ដឹងក្ដី ឬចូលវ័យជំទង់ៗ អញ្ចឹងទៅវានាំឲ្យបាត់បង់អក្សរខ្មែរយើង ឬអក្សរជាតិរបស់យើង ដែលអ្នកប្រាជ្ញពីមុនៗ ដូចជាសម្ដេចជួន ណាត គឺលោកប្រឹងប្រែងណាស់ ធ្វើម៉េចឲ្យមានអក្សរជាតិយើងជារបស់ខ្លួនឯង»។

«និយាយទៅបើយុវជន ឬប្រជាជនខ្មែរ និយមប្រើជាអក្សរឡាតាំង វានឹងធ្វើឲ្យបាត់បង់ភាសារបស់យើង ឬក៏អត្តសញ្ញាណ​ជាតិ​របស់យើង»។

….

កញ្ញា ពុត សុភាណា(ខាងស្ដាំ) នៅលើបង់មួយជាមួយមិត្តភក្តិរបស់កញ្ញាក្នុងសួនច្បារវត្តបុទុមវតី រូបភាពដោយ៖ នន់ រិទ្ធី

កញ្ញាពុត សុភាណា សិស្សថ្នាក់ទី១២ ពីវិទ្យាល័យប៉ុនរ៉ានីផ្សារដើមថ្កូវ៖

«ខ្ញុំគិតថា ការប្រើអក្សរឡាតាំងជាសំនៀងខ្មែរ អាចថាវាស្រួលម្យ៉ាងដែរ តែបើគិតទៅការសរសេរជាឡាតាំងច្រើន​​ យូរទៅនឹងនាំឲ្យអក្សរសាស្រ្តខ្មែរយើងធ្លាក់ចុះ លែងមានអ្នកប្រើ កូនខ្មែរលេងសូវស្គាល់។ ដូចពេលអត់រៀនឥលូវអីចឹង (ក្នុងពេលកូវីដ១៩) នាំឲ្យយើងភ្លេចរបៀបសរសេរពាក្យខ្មែរ បុកជើងមិនត្រូវអីចឹង»។ 

«វាអាចប៉ះពាល់ច្រើន ទីមួយ កូនខ្មែរជំនាន់ក្រោយអត់អាចស្គាល់ ហើយក៏អត់សូវប្រើ ហើយអក្សរសាស្រ្តធ្លាក់ចុះហ្មង។ ជាក់ស្ដែងដូចបច្ចុបន្ន ភាគច្រើនគេសរសេរជាឡាតាំងអង់គ្លេស ហើយប្រសិនបើគេមិនសរសេរ គេផ្ញើសារជាសម្លេង (send ជា voice) ហើយអ្នកលក់តាមអនឡាញខ្លះសរសេរជាស៊ីញទៀត និយាយទៅគឺភាគច្រើនសរសេរជាឡាតាំងតែម្ដង»។

….

និស្សិតចាន់ មាន រូបភាពដោយ៖ ភិន រតនា

ចាន់ មាន ​និស្សិតឆ្នាំទី១ ផ្នែកគ្រប់គ្រង ពីសាកលវិទ្យាល័យជាតិគ្រប់គ្រង៖

«ចំពោះមតិផ្ទាល់ខ្លួនខ្ញុំ ការសរសេរអង់គ្លេស ស៊ីញខ្មែរហ្នឹង វានឹងមានផលប៉ះពាល់ដល់អក្សរសាស្រ្តខ្មែរ​ អាចនឹងខូចអត្តសញ្ញាណជាតិខ្មែរនៅថ្ងៃអនាគត អាចនឹង (ធ្វើឲ្យ) អក្សរសាស្រ្តខ្មែរបាត់បង់នៅរយ:ពេលវែងខាងមុខ​ បើខ្មែរយើងមិនចូលរួមថែរក្សា»។

«ខ្ញុំមិនចង់ឲ្យយុវជនខ្មែរមានការសរសេរបែបហ្នឹងទេ ខ្ញុំចង់ឲ្យយើងរួមគ្នាអភិរក្សអក្សរខ្មែរឡើងវិញ។ កត្តាសំខាន់ដែលយើងគួរចូលរួមអភិរក្សហ្នឹង ដោយសារតែយើងជាជនជាតិខ្មែរ យើងត្រូវតែស្រឡាញ់អក្សរសាស្រ្ត ស្រឡាញ់ទឹកដី ស្រឡាញ់នូវអ្វីដែលដូនតាយើងបន្សល់ទុក បានខំថែរក្សា​ និងលើកតម្កើងការពារ»។

«យើងមានតែចូលរួមផ្សព្វផ្សាយ អរិយធម៌យើងឲ្យបរទេសបានដឹង មិនមែនត្រូវលុបបំបាត់ ឬប្រើអក្សរភាសាដទៃដែលនាំឲ្យកូនខ្មែរកាន់តែភ្លេចគិតពីអក្សរសាស្រ្តជាតិនោះទេ»៕