ប៉ាន់ បូរិន – Newsroom Cambodia

បទយកការណ៍៖ ពលរដ្ឋមួយចំនួននៅព្រៃវែងបោះបង់ការចំណាកស្រុកក្រៅប្រទេស ងាកមកចាប់របរដាំអំពៅវិញ

ប៉ាន់ បូរិន — Tue, 10 Dec 2019 09:08:19 +0000

ការធ្វើចំណាកស្រុកដោយខុសច្បាប់ទៅក្រៅប្រទេស ពិសេសប្រទេសថៃ ពលករខ្មែរមួយចំនួន ត្រូវបានអង្គការសិទ្ធិមនុស្សរាយការណ៍ថា បានរងការកេងប្រវ័ញ្ចកម្លាំងពលកម្ម ដោយធ្វើការមិនទទួលបានប្រាក់ឈ្នួល ការបង្ខំឱ្យប្រើប្រាស់គ្រឿងញៀន និងការប្រឈមនឹងការចាប់ខ្លួនដាក់ឃុំក្នុងពន្ធនាគារពីសំណាក់តម្រួតថៃជាដើម។

Source: https://vodkhmer.news/2019/12/05/a-eco-prey-veng-villagers-plating-sugar/

បទយកការណ៍៖ ទូកសហគមន៍អ៊ីស្លាមប្តេជ្ញាយកជ័យលាភីទៀតនៅឆ្នាំនេះ ទោះខ្វះខាតថវិកាទ្រទ្រង់

ប៉ាន់ បូរិន — Sat, 09 Nov 2019 07:58:53 +0000

សំឡេងប្រកូកប្រកាសពីគណៈកម្មការទូក តាមឧបករណ៍បំពងសំឡេងបន្លឺឡើងដោយនិយាយភាសាខ្មែរខ្លះ ភាសាឥស្លាមខ្លះ មុខវិហារឥស្លាមកូឡាលោម នៅជាប់មាត់ច្រាំងទន្លេ បន្តិចក្រោយមកកីឡាករទូកបានប្រមូលផ្តុំគ្នានៅទីចំណតទូកមួយនេះ។

SOURCE: https://vodkhmer.news/2019/11/08/cul-islam-community-commited-get-champion/

ភរិយាសកម្មជនដីធ្លី ស្នើតុលាការខេត្តត្បូងឃ្មុំដោះលែងប្តីខ្លួន នៅក្រៅឃុំបណ្តោះអាសន្ន

ប៉ាន់ បូរិន — Tue, 05 Nov 2019 10:54:08 +0000

ភរិយាសកម្មជនដីធ្លីម្នាក់ ស្វែងរកអន្តរាគមន៍ឲ្យតុលាការខេត្តត្បូងឃ្មុំដោះលែងប្តីរបស់គាត់ ឲ្យនៅក្រៅឃុំជាបណ្តោះអាសន្ន ដើម្បីជួយសម្រាលការងារខ្លួន ខណះដែលអ្នកស្រីកំពុងមានផ្ទៃពោះប្រាំខែ។

អ្នកស្រី ឈឿន សុខ ជាប្រពន្ធរបស់សកម្មជនដីធ្លី គឺ លោក សែម សាង ឲ្យដឹងថា អ្នកស្រីបានស្នើសុំមេធាវីដើម្បីដាក់ពាក្យប្តឹងទៅកាន់តុលាការខេត្តត្បូងឃ្មុំ ឲ្យដោះលែងប្តីអ្នកស្រីនៅក្រៅឃុំបណ្តោះអាសន្ន។ អ្នកស្រីអះអាងថាការឃុំខ្លួននេះធ្វើឡើងដោយអយុត្តិធម៌ក្រោយប្តីរបស់អ្នកស្រីតវ៉ារឿងដីធ្លី ជាមួយក្រុមហ៊ុនចិន ដែលមានផ្ទៃដីជាង៧០០ហិកតា។

អ្នកស្រី សុខ បានលើកឡើងថា ក្រោយពីការចាប់ខ្លួនប្តីអ្នកស្រី និងសកម្មជនដីធ្លីម្នាក់ទៀត គឺ លោក ផុន ឈឿន ក្រុមសហគមន៍បានតវ៉ានៅមុខសាលាស្រុកតំបែរ ជាច្រើនថ្ងៃ ឲ្យមានការដោះលែង ប៉ុន្តែអាជា្ញធរស្រុកបដិសេធដោះលែងពួកគាត់។ អ្នកស្រី អស់សង្ឃឹមក្នុងការតវ៉ាឲ្យដោះលែងប្តីរបស់ខ្លួនជាស្ថាពរ ដោយគ្រាន់តែចង់ឲ្យមានការដោះលែងនៅក្រៅឃុំតែប៉ុណ្ណោះព្រោះអ្នកស្រីជិតដល់ពេលសម្រាលកូន។

អ្នកស្រី ឈឿន សុខ បាននិយាយថា៖ «ប្តីរបស់ខ្ញុំគ្មានកំហុសទេ។ ខ្ញុំសូមស្នើសុំតុលាការខេត្តត្បូងឃ្មុំមេត្តាដោះលែងប្តីរបស់ខ្ញុំ ពីព្រោះខ្ញុំកំពុងមានផ្ទៃពោះទៀត មិនមាននរណាជួយសម្រាលបន្ទុករបស់ខ្ញុំនិងការងារប្រមូលផលដំណាំនោះទេ»។

លោក ហឿន ស៊ីនាថ អ្នកភូមិម្នាក់ បាននិយាយថា ដោយមើលឃើញពីទុក្ខលំបាកប្រពន្ធរបស់ លោក សែម សាង ដែលមានផ្ទៃពោះ ប្រជាជនចំនួន១១០នាក់ កាលពីចុងខែតុលា បានជួយដាំដំឡូងមី ស្រូវ និងពោត រយៈពេលមួយថ្ងៃនៅដីចម្ការមានទំហំប្រមាណ៦ហិកតា។ ពួកគេនឹងបន្តជួយការងារក្នុងការដាំដំឡូងមី ក៏ដូចជាថែដំណាំទាំងនេះ ខណះដែល លោក សែម សាង នៅឃុំក្នុងពន្ធនាគារនៅឡើយ។

លោក ហឿន ស៊ីនាថ និយាយថា៖ «មកដល់ពេលនេះស្ថានភាពប្រពន្ធរបស់លោក សែម សាងមានភាពលំបាកខ្លាំងក្នុងបន្ទុកគ្រួសារនិងបានជំពាក់បំណុលគេច្រើនទៀតទៅលើការដាំដំណាំដំឡូងមី។ ហើយកូនៗរបស់គាត់កំពុងខ្វះខាតអាហារដោយទ្រទ្រង់ជីវិត និងម្យ៉ាងទៀតលោក សែម សាង កំពុងមានជំងឺរោគក្រពះប្រចាំកាយ»។

ប្រធានគ្រប់គ្រងផ្នែកអង្កេតអង្គការលីកាដូ លោក អំ សំអាត ដែលឃ្លាំមើលករណីនេះឲ្យដឹងថា អង្គការលីកាដូ បានផ្តល់មេធាវីម្នាក់ដើម្បីបន្តនិតិវិធីច្បាប់ក្នុងការដាក់ពាក្យបណ្តឹងដើម្បីស្នើលោកសែម សាង មានសិទ្ធិនៅក្រៅឃុំជាបណ្តោះអាសន្ន។

លោកបាន មានប្រសាសន៍មានថា៖«បញ្ហាដីធ្លីនេះវាជារឿងសំខាន់ណាស់សម្រាប់ប្រជាពលរដ្ឋ។ ពួកគាត់ត្រូវបានជាប់ចាប់ខ្លួនដាក់ក្នុងពន្ធនាគារវាជាបន្ទុកធ្ងន់ធ្ងរមួយទៀតសម្រាប់ក្រុមគ្រួសាររបស់ពួកគាត់ ទី១ការបាត់បង់ដីធ្លី ទី២បាត់បង់ជំហរនៃគ្រួសារក្នុងការចិញ្ចឹមបីបាច់ក្នុងការចំណូលចំណាយក្នុងគ្រួសារធ្វើអោយគាត់ធ្លាក់ខ្លួនក្រដែលខុសគោលនយោបាយរាជរដ្ឋាភិបាល»។

លោកបន្តថា៖ «រាល់បញ្ហានេះគួរតែតុលាការប្រញាប់ដោះស្រាយរឿងនេះអោយឆាប់បានបញ្ចប់សំណុំរឿងដើម្បីអោយពួកគាត់ឆាប់បានទៅគ្រួសាររបស់ពួកគាត់»។

អ្នកស្រី ឈឿន សុខ បានបន្ថែមថា មេធាវីកំពុងរៀបចំឯកសារដើម្បីស្នើសុំប្តីអ្នកស្រីនៅក្រៅឃុំបណ្តោះអាសន្ន។ អ្នកស្រីថា បើពុំមានអ្វីប្រែប្រួលនោះទេ មេធាវីនឹងដាក់ពាក្យស្នើសុំនៅពាក់កណ្តាលខែវិច្ឆិកានេះ។

អ្នកនាំពាក្យចៅក្រមខេត្តត្បូងឃ្មុំ លោក ថេង ជាង សុំមិនធ្វើអធិប្បាយទេ ដោយលោកថាចៅក្រមកំពុងបន្តការស៊ើបអង្កេតលើសំណុំរឿងក្តីនេះ។

តំណាងពលរដ្ឋមានជម្លោះដីធ្លី២នាក់នៅឃុំត្រពាំងព្រីង ស្រុកតំបែរ គឺលោក ផុន ឈឿន ត្រូវចាប់ខ្លួនកាលពីថ្ងៃទី១៦ និងលោក សែម សាង ត្រូវសមត្ថកិច្ចចាប់ខ្លួនកាលពីថ្ងៃទី១៧ខែតុលា តាមការបង្គាប់របស់តុលាការខេត្តត្បូងឃ្មុំ ក្រោយពួកគេតវ៉ាក្នុងទំនាស់ដីធ្លីជាមួយក្រុមហ៊ុនចិន។

បន្ទាប់ពីមានការចាប់ខ្លួនតំណាងទាំងពីរនាក់ ប្រជាពលរដ្ឋប្រហែល១០០នាក់ ប្រមូលផ្តុំគ្នាតវ៉ាមុខសាលាស្រុកតំបែរ ដើម្បីទាមទារទៅអាជ្ញាធរ ដោះលែងពួកគេឲ្យមានសេរីភាពវិញ។ ក្នុងដីកាចុះថ្ងៃទី២៦ ខែកក្តដា ឆ្នាំ២០១៩ ចៅក្រមស៊ើបសួរសាលាដំបូងខេត្តត្បូងឃ្មុំលោក ហៃ ណៃហេង បានបង្គាប់ឲ្យនាំខ្លួនលោក សែម សាង ទៅសួរចម្លើយនៅសាលាដំបូងខេត្ត ក្រោមការបទចោទ «កំហែងយកដោយមានស្ថានទម្ងន់ទោសដោយសារប្រើប្រាស់អាវុធ» ដែលបានប្រព្រឹត្តកាលពីឆ្នាំ២០១៦។

តុលាការចោទប្រកាន់កម្មកររបស់ឧកញ៉ា ស្រី ចន្ធូ ១នាក់ ខណៈ៧នាក់ទៀតត្រូវបានដោះលែង

ប៉ាន់ បូរិន — Thu, 17 Oct 2019 05:09:19 +0000

តុលាការខេត្តមណ្ឌលគិរី បានចោទប្រកាន់កម្មកររបស់ឧកញ៉ាស្រីចន្ធូម្នាក់ ពាក់ព័ន្ធនឹងបទហ៊ុំព័ទ្ធយកចំការដីព្រៃរបស់រដ្ឋ ខណៈ៧នាក់ទៀតត្រូវបានដោះលែងឲ្យមានសេរីភាពវិញ។

SOURCE: https://vodkhmer.news/2019/10/17/court-has-charged-one-oknha-chanthous-workers-and-seven-others-released-1/

កីឡាករបាល់ទាត់ ចាន់ វឌ្ឍនាកា ត្រូវបានបញ្ជូនទៅព្យាបាលនៅវៀតណាម ក្រោយរបួសជង្គង់ឆ្វេង

ប៉ាន់ បូរិន — Wed, 09 Oct 2019 04:41:19 +0000

ខ្សែប្រយុទ្ធបាល់ទាត់ ចាន់ វឌ្ឍនាកា នៃក្លឹបបឹងកេតអេហ្វស៊ី ត្រូវបានបញ្ជូនទៅព្យាបាលនៅប្រទេសវៀតណាម កាលពីសប្តាហ៍មុន បន្ទាប់ពីរងរបួសជង្គង់ខាងឆ្វេង ក្នុងការប្រកួតជាមួយក្រុមណាហ្គាវើល។

អ្នកចាត់ការទូទៅ នៃក្លឹបបាល់ទាត់បឹងកេតអេហ្វស៊ី លោក បែ មករា បានមានប្រសាសន៍ថា កីឡាករ ចាន់ វឌ្ឍនាកា មានបញ្ហារបួសជង្គង់ខាងឆ្វេង ដោយប៉ះទង្គិចជាមួយកីឡាករណាហ្គាវើល ក្នុងជំនួបរវាងក្រុមបឹងកេតអេហ្វស៊ី ក្នុងក្របខណ្ឌមិត្តហ្វូនខេមបូឌានលីគនៅ ថ្ងៃទី២២ ខែកញ្ញា ឆ្នាំ២០១៩នៅ។

លោក មករា បានមានប្រសាសន៍ថា ក្រុមគ្រួសាររបស់ វឌ្ឍនាកា បានបញ្ជូនលោក ទៅព្យាបាលរបួសនៅ ប្រទេសវៀតណាម បន្ទាប់ពីរងរបួស។ លោកថា វឌ្ឍនាកា ត្រូវការសម្រាកព្យាបាលរយៈពេល២ទៅ៣សប្តាហ៍ទើបអាចជាសះស្បើយពីរបួស។ លោក សង្ឃឹមថា វឌ្ឍនាកា នឹងអាចចូលហ្វឹកហាត់ក្នុងក្លឹបបឹងកេតវិញ ដើម្បីត្រៀមប្រកួតវគ្គផ្តាច់ព្រ័ត្រពានរង្វាន់ លោកនាយករដ្ឋមន្រ្តី ហ៊ុន សែន ។

លោក មករា មានប្រសាសន៍ថា៖ «សង្ឃឹមថា ស្ថានភាពរបួស វឌ្ឍនាកា នឹងអាចជាសះស្បើយ ១០០ភាគរយ ពេលបឹងកេត ប៉ះព្រះខ័នរាជស្វាយរៀង នៅវគ្គផ្តាច់ព្រ័ត្រពានរង្វាន់ សម្តេច ហ៊ុន សែន នាដើមខែវិច្ឆិកា ខាងមុខ»។

លោក មករា បានបន្ថែមថា ក្រុមការងារ លោក Keisuke Honda អ្នកចាត់ការទូទៅក្រុមជម្រើសជាតិកម្ពុជាបានទៅសួរសុខទុក្ខ កីឡាករ វឌ្ឍនាកា នៅឯមន្ទីរពេទ្យនៃប្រទេសវៀតណាម។

អ្នកគាំទ្រក្រុមបាល់ទាត់កម្ពុជាម្នាក់ ឈ្មោះ ស៊ឹម សាន់ ជាសិស្ស បានសម្តែងការសោកស្តាយ និងព្រួយបារម្ភពីរបួស ចាន់ វឌ្ឍនាកា។

ស៊ឹម សាន់ និយាយថា៖ «ខ្ញុំចង់ឃើញកីឡាករ ចាន់ វឌ្ឍនកាឆាប់ជាសះស្បើយពីបញ្ហារបួលជង្គង់ខាងឆ្វេង»។

កីឡាករ ចាន់ វឌ្ឍនាកា បានសរសេរសារជូនពរខ្លួនឯងក្នុងបណ្តាញសង្គមទំនាក់ទំនង ហ្វេសប៊ុករបស់ខ្លួន ក្រោយពីបញ្ជូនដល់មន្ទីរពេទ្យថា «គ្មានអ្វីក្រៅពីជូនពរខ្លួនឯង ហឹម»។

វឌ្ឍនាកា បានត្រឡប់មកកម្ពុជាវិញ បន្ទាប់ពីពិនិត្យ និងព្យាបាលមួយរយៈ។ ទោះជា យ៉ាងណា លោកមិនអាចចូលប្រកួតបានវិញនោះទេ។

កីឡាករបាល់ទាត់ចាន់ វឌ្ឍនាកា បានចាប់ផ្តើមហ្វឹកហាត់នៅថ្នាលយុវជន ក្លឹបព្រះខ័នរាជ្យ និងអភិវឌ្ឍន៍សមត្ថភាពរបស់ខ្លួនក្លាយជាកីឡាករឈុតធំរបស់ក្លឹបព្រះខ័នរាជ្យ។ បន្ទាប់មកផ្លាស់ប្តូរទៅក្លឹបចំការកៅស៊ូបឹងកេត។ កីឡាករបាល់ទាត់ចាន់ វឌ្ឍនាកាបានធ្វើដំណើរទៅប្រកបអាជីប ក្លឹបបាល់ទាត់ Fugieda MYFC សិត្ថិក្នុងលីគលំដាប់ទី៣ជប៉ុន នៃប្រទេស ជប៉ុន ហើយក្រោយមក បានប្តូរទៅ ក្លឹប Pahong FA និង ក្លឹបបាល់ទាត់ PKNS FC ក្នុងក្របខណ្ឌលីគកំពូលនៃប្រទេសម៉ាឡេស៊ី។ កីឡាករបាល់ទាត់ចាន់ វឌ្ឍនាកា មិនទទួលបានជោគជ័យលើការប្រកបអាជីបបាល់ទាត់នៅក្រៅប្រទេសឡើយ។

Heat, Flooding, Disease: Phnom Penhers Share Their Climate Concerns

ប៉ាន់ បូរិន — Wed, 18 Sep 2019 02:55:24 +0000

Ahead of a global summit that the U.N. is hoping will be the “defining moment” for action against climate change, residents around Phnom Penh spoke to VOD trainee reporters about their concerns related to the global challenge.

This story originally appeared on VOD: https://en.vodhotnews.com/heat-flooding-disease-phnom-penhers-share-their-climate-concerns/

ប្រជាពលរដ្ឋនិងអាជីវករបានសម្ដែងក្តីកង្វល់ទៅលើបញ្ហាគំនរសំរាមជិតផ្សារចាស់

ប៉ាន់ បូរិន — Mon, 16 Sep 2019 09:31:26 +0000

អាជីវករ និងប្រជាពលរដ្ឋរស់នៅជិតផ្សារចាស់បានអះអាងថាក្រុមហ៊ុនស៊ីនទ្រីមកប្រមូលសំរាមយឺតជារៀងរាល់ថ្ងៃធ្វើឲ្យមានការស្ទះផ្លូវ និងជះក្លិនស្អុយ ដែលអាចធ្វើប៉ះពាល់ដល់សុខភាពរបស់ពួកគេ។

អាជីវករនៅផ្សារចាស់ និងអ្នករស់នៅក្បែរនោះអំពាវនាវដល់អាជ្ញាធរមូលដ្ឋានជួយអន្តរាគមន៍ទៅកាន់ក្រុមហ៊ុនស៊ីនទ្រីមកប្រមូលសំរាមទៀងទាត់ដើម្បីកុំឲ្យគំនរសំរាមកាន់តែធំ ដែលបង្កឲ្យស្ទះផ្លូវ ស្ទះលូ ព្រមទាំងប៉ះពាល់ដល់សុខភាព។

អាជីវករម្នាក់ជាអ្នកលក់គ្រឿងបន្លាស់ម៉ូតូ និងកូនសោរផ្សេងៗ លោក ប៉េង ឈៀង បានប្រាប់អ្នកសារព័ត៌មានថាគំនរសំរាមនៅលើ ផ្លូវលេខ១០៨ ក្នុងសង្កាត់វត្តភ្នំ ខណ្ឌដូនពេញ កាន់តែធំឡើងៗដោយសារតែការមកប្រមូលសំរាមរបស់ក្រុមហ៊ុន ស៊ីនទ្រី មិនទាន់ពេលវេលា។ បញ្ហានេះធ្វើឲ្យប៉ះពាល់ការប្រកបរបរប្រចាំថ្ងៃរបស់លោក និងសុខភាពផងដែរ។

លោក ប៉េង ឈៀង បាននិយាយថា៖ «បើនិយាយពីពិភពសំរាមដូចជានរកហើយឥលូវស្អុយកង្វក់ក្លិនជះមកពេលខ្យល់មកម្ដងៗ។ប៉ះពាល់ដល់សុខភាពឡើង៩០%ប៉ិនមិនដឹងដោះស្រាយយ៉ាងមិច។ ក្រុមហ៊ុនស៊ីនទ្រីមិនសូវរវល់ផងមោយកសំរាមដូចម្សិលមិញម៉ោង១០ជួនម៉ោង១១ធ្វើឲ្យប្រជាពលរដ្ឋនិងអាជីវករគេមិនសប្បាយចិត្ត»។ អាជីវករម្នាក់ទៀតលក់ភេសជ្ជៈ គឺអ្នកស្រី ស្រីថន បាននិយាយថាកម្មករក្រុមហ៊ុនស៊ីនទ្រីមកប្រមូលសំរាមរាល់ថ្ងៃ ប៉ុន្តែមានការយឺតយ៉ាវ។ អ្នកស្រីថា ប្រជាពលរដ្ឋមកពីកន្លែងផ្សេងទៀតក៏បានយកសំរាមមកចោលនៅគំនរសំរាមក្បែរផ្សារដែលធ្វើឲ្យមានចំនួនកាន់តែច្រើន និងប្រមូលមិនទាន់ ដែលបង្កឲ្យស្ទះលូពេលមានភ្លៀង និងមានក្លិនស្អុយ។

អ្នកស្រី ស្រីថន និយាយថា៖ «សំរាមមិនមែនថាស៊ីនទ្រីគេមិនមកយកនោះទេ គេមកយកដែរតែវាច្រើនយកមិនទាន់។ សំរាមមកពីទូទៅមកពីជុំវិញប្រមូលពីណាៗមកដាក់កន្លែងហ្នឹង។ សំខាន់លូក៏វាស្ទះវាក៏ធ្វើឲ្យទឹកវាស្អុយសំរាមក៏វាច្រើនវាជះក្លិន។ ឡានគេមកយកទាំងអស់បីពេលព្រឹក ថ្ងៃ យប់ បើពេលខ្លះគ្នាយកមិនទាន់យកថែមបន្តបន្ទាប់»។

ស្រ្តីវ័យចំណាស់ម្នាក់អាយុ៥០ឆ្នាំ ដែលជាប្រជាជនរស់នៅសង្កាត់វត្តភ្នំផ្ទាល់បានប្រាប់អ្នកសារព័ត៌មានកាលពីថ្ងៃសុក្រសប្តាហ៍មុនថាការប្រមូលសំរាមមិនទៀងទាត់ដោយសារកង្វះការយកចិត្តទុកដាក់ពីអាជ្ញាធរមូលដ្ឋាន។ អ្នកស្រីថា ប្រជាពលរដ្ឋរស់នៅទីនោះធ្លាប់ស្នើទៅកាន់អាជ្ញាធរ ភូមិ និងឃុំឲ្យជួយអន្តរាគន៍ប្រមូលសំរាមឲ្យទាន់ពេល និងលាងសម្អាតកន្លែងនោះ ប៉ុន្តែពុំមានលទ្ធផលល្អនោះទេ។

គំនរសំរាមធំមួយដែលស្ថិតនៅលើផ្លូវ១០៨ ជិតផ្សារចាស់ ភ្នំពេញ ថ្ងៃទី០៦ខែកញ្ញា ឆ្នាំ២០១៩ (ថតដោយៈ ប៉ាន់ បូរិន)

ចៅសង្កាត់វត្តភ្នំ លោក ហៅ ស៊ីនិត បានមានប្រសាសន៍ថាលោកជាប់រវល់ ហើយពុំអាចផ្តល់បទសម្ភាសបាននោះទេ។ លោកបានបង្វែរសំនួរទៅកាន់មន្ត្រីសាលាសង្កាត់របស់លោកវិញ។

ស្រ្តីម្នាក់អះអាងថា ជាជំនួយការចៅសង្កាត់វត្តភ្នំបានប្រាប់អ្នកសារព័ត៌តាមទូរសព្ទថា បញ្ហាគំនរសំរាម និងអនាម័យ គឺកើតឡើងដោយសារក្រុមហ៊ុនស៊ីន ទ្រី មិនបានលាងសម្អាតឲ្យបានស្អាត បន្ទាប់ពីយកសំរាមចេញ។អ្នកស្រី មានប្រសាសន៍ថា៖ «សំណូមពរឲ្យក្រុមហ៊ុនស៊ីនទ្រីយកសំរាមហើយគឺឲ្យគាត់លាងចេញ»។

ប្រធានផ្សារចាស់ លោក យន់ ច័ន្ទណារ៉ា បានមានប្រសាសន៍ថាបញ្ហារគំនរសំរាមនៅក្បែរផ្សារកើតមានឡើង បន្ទាប់ពីក្រុមហ៊ុនស៊ីនទ្រីទាមទារដាក់ធុងសំរាមធំសម្រាប់ដាក់សំរាមនៅទីនោះ ហើយប្រជាពលរដ្ឋមកពីកន្លែងផ្សេងទៀតក៏យកមកចោលទីនោះដែរ។ លោកថា ក្រុមហ៊ុនស៊ីនទ្រីមិនបានមកយកសំរាមតាមពេលកំណត់ដូចដែលបានដាក់ក្នុងលក្ខខណ្ឌផ្សារដូចដែលព្រមព្រៀង។

លោកមានប្រសាសន៍ថា៖«បើស៊ីនទ្រីមកសម្អាតតាមការកំណត់នោះមិនបង្ករឲ្យមានសំរាមកើនឡើងទេ»។

ឆ្លើយតបទៅនឹងការចោទប្រកាន់ផ្សេងៗរបស់អាជីវករ ប្រជាពលរដ្ឋ និងអាជ្ញាធរ ប្រធានគ្រប់គ្រងសំរាមខណ្ឌដូនពេញនៃក្រុមហ៊ុនស៊ីនទ្រី លោកគឹម រ៉ាធី បានប្រាប់អ្នកសារព័ត៌មានកាលពីថ្ងៃពុធ សប្តាហ៍មុន ថាលោកបានទទួលស្គាល់កំហុសពីបញ្ហាដែលទៅប្រមូលសំរាមយឺតយ៉ាវ ប៉ុន្តែលោកមិនបានបញ្ជាក់ច្បាស់ពីមូលហេតុនៃការមកប្រមូលសំរាមយឺតយ៉ាវរបស់កម្មករទេ។

លោក រ៉ាធី បាននិយាយថា៖ «សំរាមប្រមូលចន្លោះពីម៉ោង២ទៅ៥។ បាទក្រុមខ្ញុំយកសំរាមហើយចប់រឿង។ លាងសម្អាតគឺជារឿងរបស់អាជ្ញាធរ។បើយើងយកម៉ោង៥គ្រាន់តែយឺតចឹងតែបើអត់ខ្ញុំអត់មានទេ»។

លោក រ៉ាធី ក៏បានស្នើឲ្យពលរដ្ឋចូលរួមសហការណ៍ក៏ដូចទុកដាក់សំរាមឲ្យបានត្រឹមត្រូវ ព្រមទាំងចោលសំរាមតាមពេលកំណត់។

លោក រ៉ាធី បាននិយាយថា៖ «សំណូមពរចុងក្រោយចង់ឲ្យប្រជាពលរដ្ឋត្រូវគោរពការបញ្ចេញសំរាមព្រោះការបញ្ចេញសំរាមគឺបានអាជា្ញធរផ្សព្វផ្សាយហើយនិងកុំយកសំរាមមកចោលមិនត្រូវម៉ោងទៀតដែលមើលឃើញថាសំរាមមានការគរឡើងដូចជាក្រុមហ៊ុនសំរាមមិនទាន់មកប្រមូល»។

ដោយសារភាពយឺតយ៉ាវក្នុងការប្រមូលសំរាម គណៈរដ្ឋមន្ត្រីកាលពីថ្ងៃទី១០កុម្ភៈ ឆ្នាំ២០០១៥ បានបញ្ជាឲ្យមានការសើរើកិច្ចសន្យានាឆ្នាំ២០០២របស់ក្រុមហ៊ុនស៊ីនទ្រី ដែលបានទទួលសិទ្ធិផ្តាច់មុខក្នុងការប្រមូលសំរាមនៅក្នុងទីក្រុងភ្នំពេញសម្រាប់រយៈពេល៤៩ឆ្នាំ។ ឆ្លើយតបនឹងការសើរើកិច្ចសន្យា លោក សេង សាវី ប្រធានក្រុមហ៊ុនស៊ីនទ្រី បានប្រាប់សារព័ត៌មានក្នុងស្រុកមួយ ដោយបដិសេធដែលថាក្រុមហ៊ុនលោកមិនមានសមត្ថភាពប្រមូលសំរាមនៅក្នុងក្រុងភ្នំពេញ ហើយមិនអាចទទួលយកការវាយតម្លៃរបស់គណៈរដ្ឋមន្ត្រីបានទេ។ លោក សាវី ថាការខ្វះខាតផ្នែកហេដ្ឋារចនាសម្ព័ន្ធរបស់សាលាក្រុងមិនទាន់ដោះស្រាយនៅឡើយ។

យោងតាមរបាយការណ៍របស់ក្រសួងបរិស្ថានក្នុងឆ្នាំ២០១៨ បានឲ្យដឹងថា សំណល់រឹងនៅក្នុងរាជធានីភ្នំពេញបានកើនរហូតដល់ ៣០០០តោនក្នុងមួយថ្ងៃ ក្នុងនោះ ៦៥%ជាណល់សើម ២០%ជាថង់ប្លាស្ទីក និង ជាង១០%ជាសំណល់រាវ។