ករណីស្លាប់ដោយឆ្លងវីរុសកូវីដ១៩ ជាស្ត្រីអាយុ ៧០​ឆ្នាំ និង​ ស្ត្រីអាយុ ៦៧ឆ្នាំ ដែលបានទទួលមរណភាពនៅថ្ងៃទី ១ ខែមេសា ឆ្នាំ២០២១។ នេះបើយោងតាម​សេចក្ដីប្រកាស​ព័ត៌មាន​របស់​ក្រសួងសុខាភិបាល។ 

ក្នុងសេចក្ដីប្រកាស​ព័ត៌មាន​របស់​ក្រសួង​​ចេញ​នៅ​ថ្ងៃ​ទី​២ ខែមេសា ​បានបញ្ជាក់ផងដែរថា អ្នក​ឆ្លង​ជំងឺ​កូវីដ១៩ថ្មីនេះ គឺជាអ្នកធ្វើដំណើរចូល​មក​កម្ពុជាជនជាតិឥណ្ឌូនេស៊ីចំនួន ១នាក់ និង ៦៨នាក់​ផ្សេងទៀត ជាអ្នកដែលពាក់ព័ន្ធនឹងព្រឹត្តិការណ៍សហគមន៍ ២០កម្ភៈ។

អ្នក​ឆ្លង​ជំងឺ​កូវីដ១៩ ត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែក ខេត្តព្រះសីហនុចំនួន ៤នាក់ មន្ទីពេទ្យជ័យជំនះ ខេត្តកណ្ដាលចំនួន ១៣​នាក់ មន្ទីរពេទ្យស្វាយជ្រុំ ខេត្តស្វាយរៀងចំនួន ២៨នាក់ មន្ទីពេទ្យហ្លួងម៉ែចំនួន ២១នាក់  និង ២នាក់ទៀត ក្រសួងនឹងជូនដំណឹងបន្តពីកន្លែងសម្រាកព្យាបាល។ 

ចំណែក​ ជនជាតិឥណ្ឌូនេស៊ីចំនួន ១នាក់ដែលមានវីរុសកូវីដ-១៩ មកដល់កម្ពុជានៅថ្ងៃទី២០​ ខែមីនា សម្រាប់កន្លែងដាក់ឲ្យព្យាបាលនឹងជូនដំណឹងបន្តពីក្រសួង។

គិតត្រឹមថ្ងៃទី ២ ខែមេសា​ កម្ពុជា​មានករណីវិជ្ជមានវីរុសកូវីដ-១៩​ សរុបចំនួន​ ២៥៤៦នាក់ អ្នកជាសះស្បើយសរុបចំនួន ១២៥៦​នាក់ អ្នកកំពុងសម្រាកព្យាបាល ១២៧០ និងអ្នកស្លាប់​ចំនួន ១៦នាក់។

ការចាប់ផ្ដើមរស់នៅរបស់កញ្ញា វ័យ២៣ឆ្នាំរូបនេះ គឺហាក់បីដូចជាដំណើរមួយដែលកើតចេញពីការចូលរួមសកម្មភាពផ្សេងៗនៅក្នុងសង្គម និងការធ្វើដំណើរកម្សាន្តរបស់កញ្ញា។ កញ្ញាចាប់ផ្ដើមការរស់នៅដែលព្យាយាមមិនបង្កើតសំណល់នៅចុងខែធ្នូ ឆ្នាំ២០១៨។ ទន្ទឹមនឹងនេះ កញ្ញាក៏បានបង្កើតគម្រោងមួយឈ្មោះថា «Zerow» ជាគម្រោងមួយដែលធ្វើឡើងដើម្បីចែករំលែកទាក់ទងនឹងការរស់នៅរបៀប Zero Waste ហើយត្រូវបានគាំទ្រយ៉ាងច្រើនដោយសាធារណៈជន។ 

កញ្ញាឱក សុចិន្តា បាននិយាយក្នុងកិច្ចសម្ភាសជាមួយ Newsroom Cambodia តាម Zoom ដូច្នេះថា «មុនពេលហ្នឹង ខ្ញុំគ្រាន់តែស្គាល់ Zero Waste ហើយខ្ញុំគ្រាន់តែកាត់បន្ថយសំណល់តិចតួចតាមតែអាចធ្វើបាន។ បន្ទាប់មកខ្ញុំចាប់ផ្ដើមបង្កើតទំព័រហ្វេសប៊ុក ZEROW ទើបខ្ញុំដាក់ចិត្តដាក់កាយថានឹងរស់នៅលក្ខណៈ Zero Waste»។

កញ្ញាឱក សុចិន្តាជាអ្នកមកពីខេត្តត្បូងឃ្មុំ ហើយបច្ចុប្បន្នមានការងារជាអ្នកបង្កើតមាតិកាបរិស្ថាន និងរស់នៅក្នុងរាជធានីភ្នំពេញ។ កញ្ញាបាននិយាយថា ការកាត់បន្ថយថង់ ឬកែវប្លាស្ទិកដែលប្រើបានតែមួយដង ជាការចាប់ផ្ដើមដ៏ល្អក្នុងការកាត់បន្ថយសំណល់ប្លាស្ទិក។

កញ្ញបានបញ្ជាក់ថា «ជាធម្មតាយើងទិញផលិតផលណាមួយយើងគ្រាន់តែចំណាយលើផលិតផលនោះតែប៉ុណ្ណោះ ប៉ុន្តែយើងមិនបានចំណាយគិតដល់ផលប៉ះពាល់នៃបរិស្ថានទេ។ នេះជាហេតុផលដែលផលិតផលធម្មតាមានលក្ខណៈធូរថ្លៃជាងផលិតផល Eco-friendly»។​

កញ្ញាឱក សុចិន្តាក៏បានលើកទឹកចិត្តឲ្យអ្នកផ្សេងទៀតជួយគាំទ្រផលិតផល Eco-friendly​ ទោះបីជាមានតម្លៃរៀងថ្លៃបន្តិច ប៉ុន្តែការចំណាយក៏ជាជំនួយដល់អ្នកដែលបង្កើតដែរ។

«ជាការពិតណាស់ របស់ប្រើប្រាស់មួយចំនួនពិបាកនឹងរកនៅលើទីផ្សារណាស់ ប៉ុន្តែយើងក៏នៅតែអាចកែច្នៃវាបាន។ កាលពីសម័យជីដូនជីតាយើង យើងមិនបានប្រើប្រាស់ប្លាស្ទិកទេ តែយើងក៏អាចនៅតែរស់បាន ដូច្នេះយើងក៏អាចធ្វើតាមដូនតាយើងពីមុនបានដែរ»។ 

កញ្ញាឱក សុចិន្តា បាននិយាយថា គួរពិនិត្យមើលធុងសំរាមរបស់យើងថាតើយើងសល់កាកសំណល់អ្វីច្រើនជាងគេ ហើយបន្ទាប់មក ចាប់យកទម្លាប់ល្អមួយដើម្បីកាត់បន្ថយសំណល់នោះ។ កញ្ញាបានបន្ថែមថា យើងក៏អាចកែច្នៃកាកសំណល់បានដែរ ដូចជាកាកសំណល់សរីរាង្គអាចធ្វើជាជីកំប៉ុសជាដើម។ 

កញ្ញាបានសង្ឃឹមថា ZEROW នឹងជាធនធានមួយសម្រាប់ចែករំលែកចំណេះដឹងទាក់ទងនឹងការរស់នូវប្រកបដោយនិរន្តភាព ព្រមទាំងក្លាយជាកន្លែងមួយដែលផ្គត់ផ្គង់ផលិតផលដែលមិនប្រើប្រាស់ប្លាស្ទិក។ ហើយនៅក្នុងពេលខាងមុខនេះដែរ កញ្ញានឹងមានផែនការបង្កើតជាសមាគមន៍តូចមួយដែលមានអ្នករស់នៅបែបកាត់បន្ថយសំណល់ ដើម្បីលើកទឹកចិត្ត និងជំរុញឲ្យអ្នកផ្សេងទៀតរស់នៅបែប Zero Waste ឲ្យបានច្រើនជាងនេះ៕

ករណីស្លាប់ដោយឆ្លងវីរុសកូវីដ១៩ មានស្ត្រីអាយុ ៥៦ឆ្នាំ ចំនួន ២នាក់ ស្ត្រីអាយុ ២៨ឆ្នាំ ១នាក់។ នេះបើយោងតាម​សេចក្ដីប្រកាស​ព័ត៌មាន​របស់​ក្រសួងសុខាភិបាល។ 

ក្នុងសេចក្ដីប្រកាស​ព័ត៌មាន​របស់​ក្រសួង​​ចេញ​នៅ​ថ្ងៃ​ទី​១ ខែមេសា អ្នក​ឆ្លង​ជំងឺ​កូវីដ១៩ថ្មីនេះដែលគឺជាអ្នកធ្វើដំណើរចូល​មក​កម្ពុជា ជនជាតិឥណ្ឌូនេស៊ីចំនួន ២នាក់ និង ៣៥នាក់​ផ្សេងទៀត ជាអ្នកដែលពាក់ពាន់នឹងព្រឹត្តិការណ៍សហគមន៍ ២០ កម្ភៈ។

គួរបន្ថែមទៀតថាអ្នកជំងឺដែល​ឆ្លង​ជំងឺ​កូវីដ១៩ថ្មីនេះ នឹងត្រូវបានសម្រាកព្យាបាល ២នាក់នៅមន្ទីរពេទ្យបង្អែក ខេត្តព្រះសីហនុ ២នាក់ នៅមន្ទីរពេទ្យបង្អែកជ័យជំនះ ខេត្តកណ្ដាល ៥នាក់នៅមណ្ឌលជាតិកំចាត់រោគរបេង និងហង់សិន ៩នាក់នៅសណ្ឋាគារក្រេតឌុក និង  ១៧នាក់ទៀត ក្រសួងនឹងជូនដំណឹងបន្តពីកន្លែងសម្រាកព្យាបាល។ 

ចំណែក​ ជនជាតិឥណ្ឌូនេស៊ីចំនួន ១នាក់ដែលមានវីរុសកូវីដ ១៩ មកដល់កម្ពុជានៅថ្ងៃទី១៨​ ខែមីនា ត្រូវបានដាក់ឲ្យព្យាបាលនៅមណ្ឌលជាតិកំចាត់រោគរបេង និងហង់សិន និងជនជាតិឥណ្ឌូនេស៊ីម្នាក់ទៀត ដែលមកដល់កម្ពុជានៅថ្ងៃទី ៣០​ ខែមីនា ត្រូវបានដាក់ឲ្យព្យាបាលនៅសណ្ឋាគារក្រេតឌុក។

គិតត្រឹមថ្ងៃទី ៣០ ខែ មីនា​ កម្ពុជា​មានករណីវិជ្ជមានវីរុសកូវីដ-១៩​ សរុបចំនួន​ ២៤៧៧នាក់ អ្នកជាសះស្បើយសរុបចំនួន ១២៤០​នាក់ អ្នកកំពុងសម្រាកព្យាបាល ១២១៩ និងអ្នកស្លាប់​ចំនួន១​៤នាក់៕

តាមរយៈសេចក្ដីប្រកាស​ព័ត៌មាន​របស់​ក្រសួង​​ចេញ​នៅ​ថ្ងៃ​ទី​៣១ ខែមីនា​នេះ​ អ្នក​ឆ្លង​ជំងឺ​កូវីដ១៩ថ្មីនេះ សុទ្ធតែជាអ្នកពាក់ព័ន្ធទៅព្រឹត្តិការណ៍សហគមន៍ ២០កុម្ភៈ ​ដែលក្នុងនោះមានជនជាតិចិន ១១នាក់​ និង ខ្មែរ ៥២នាក់។

គួរឱ្យដឹងដែរថា អ្នកពាក់ព័ន្ធទៅព្រឹត្តិការណ៍សហគមន៍ ២០កុម្ភៈ មានចំនួន ៦៣នាក់​នោះ នឹងត្រូវសម្រាកព្យាបាល​ ៤​នាក់នៅមន្ទីរពេទ្យខេត្តត្បូងឃ្មុំ ១នាក់នៅមន្ទីរពេទ្យបង្អែកជ័យជំនះខេត្តកណ្តាល ១នាក់ នៅមន្ទីពេទ្យស្វាយជ្រុំ ខេត្តស្វាយរៀង ៣៤នាក់នៅមន្ទីរពេទ្យបង្អែកខេត្តព្រះសីហនុ ៣នាក់ នៅសណ្ឋាគារក្រេតឌុក ១នាក់ នៅមណ្ឌលសុខភាពចាក់អង្រែ ២នាក់ នៅមន្ទីរពេទ្យមិត្តភាពខ្មែរសូវៀត និង ១៥​នាក់ ត្រូវសម្រាកព្យាបាលនៅមន្ទីរពេទ្យហ្លួងម៉ែ។

ចំណែកអ្នកឆ្លងវីរុសកូវីដ-១៩​ ចំនួន ២នាក់ទៀត ក្រសួង​នឹង​ជូន​ដំណឹង​នៅ​ពេលក្រោយទាក់ទងនឹង កន្លែងសម្រាកព្យាបាល។

គិតត្រឹមម៉ោង ៧ព្រឹក ថ្ងៃទី៣១ ខែមីនា​ កម្ពុជា​មានករណីវិជ្ជមានវីរុសកូវីដ-១៩​ សរុបចំនួន​ ២៤៤០នាក់ អ្នកជាសះស្បើយសរុបចំនួន ១១៩១​នាក់ អ្នកកំពុងសម្រាប់ព្យាបាលសរុបចំនួន ១២៣៤ និងអ្នកស្លាប់ ​១១នាក់៕

សេចក្ដីប្រកាស​ព័ត៌មាន​របស់​ក្រសួង​​ចេញ​នៅ​ថ្ងៃ​ទី​៣០ ខែមីនា​នេះ​បានបញ្ជាក់ថា អ្នក​ឆ្លង​ជំងឺ​កូវីដ១៩ថ្មីនេះដែលគឺជាអ្នកធ្វើដំណើរចូល​មក​កម្ពុជា ជនជាតិឥណ្ឌូនេស៊ីចំនួន ១នាក់ និង ១០៤នាក់​ផ្សេងទៀត ជាអ្នកដែលពាក់ព័ន្ធនឹងព្រឹត្តិការណ៍សហគមន៍ ២០កម្ភៈ។

ក្នុងសេចក្ដីប្រកាស​ព័ត៌មាន​ក៏បានបន្ថែមថា អ្នកជំងឺ ៣៤នាក់ត្រូវបានដាក់ឲ្យព្យាបាលនៅមន្ទីរពេទ្យខេត្តព្រះសីហនុ ២០នាក់នៅមន្ទីរពេទ្យស្វាយជ្រំខេត្តស្វាយរៀង ១នាក់នៅមន្ទីរពេទ្យខេត្តព្រៃវែង ២នាក់នៅមន្ទីរពេទ្យកំពង់ចាម ១នាក់នៅមន្ទីរពេទ្យខេត្តត្បូងឃ្មុំ ៤៤នាក់នៅមន្ទីរពេទ្យហ្លួងម៉ែ ១នាក់នៅមណ្ឌលជាតិកំចាត់រោគរបេង និងហង់សិន និង ១នាក់នៅសណ្ឋាគារក្រេតឌុក។

ចំណែកអ្នកធ្វើដំណើរចូល​មក​កម្ពុជា ជនជាតិឥណ្ឌូនេស៊ីចំនួន១នាក់ដែលមានវីរុសកូវីដ-១៩ បានមកដល់កម្ពុជានៅថ្ងៃទី១៦​ ខែមីនា ហើយត្រូវបានដាក់ឲ្យព្យាបាលនៅមន្ទីរពេទ្យមន្ទីរពេទ្យហ្លួងម៉ែ។

គិតត្រឹមថ្ងៃទី៣០ ខែ មីនា​ កម្ពុជា​មានករណីវិជ្ជមានវីរុសកូវីដ-១៩​ សរុបចំនួន​ ២៣៧៧នាក់ អ្នកជាសះស្បើយសរុបចំនួន ១១៧៦​នាក់ អ្នកកំពុងសម្រាកព្យាបាល ១១៨៦ និងអ្នកស្លាប់​១១នាក់៕

ក្នុងសេចក្ដីប្រកាស​ព័ត៌មាន​របស់​ក្រសួង​​ចេញ​នៅ​ថ្ងៃ​ទី​២៩ ខែមីនា​នេះ​ អ្នក​ឆ្លង​ជំងឺ​កូវីដ១៩ថ្មីនេះ សុទ្ធតែជាអ្នកពាក់ព័ន្ធទៅព្រឹត្តិការណ៍សហគមន៍ ២០កុម្ភៈ ​ដែលក្នុងនោះមានជនជាតិចិន ៦នាក់​ និង ខ្មែរ ៣៤នាក់។

សេចក្ដីប្រកាសក៏បានបន្ថែមទៀតថា ​​អ្នកពាក់ព័ន្ធទៅព្រឹត្តិការណ៍សហគមន៍ ២០កុម្ភៈ មាន ៤០នាក់​នោះ នឹងត្រូវសម្រាកព្យាបាលនៅ មន្ទីពេទ្យ ស្វាយជ្រុំ ខេត្តស្វាយរៀង ១​នាក់ មន្ទីរពេទ្យខេត្តតាកែវ ១នាក់ មន្ទីរពេទ្យខេត្តសៀមរាប ១នាក់ មន្ទីរពេទ្យខេត្តត្បូងឃ្មុំ ១នាក់ មន្ទីរពេទ្យខេត្តកំពត​ ១នាក់ មណ្ឌលជាតិកំចាត់រោគរបេងនិងហង់សិន ១០​នាក់ និង​ មន្ទីរពេទ្យខេត្តកោះកុង ៦នាក់។ ចំណែកអ្នកឆ្លងវីរុសកូវីដ-១៩​ ចំនួន ១៩នាក់ទៀត ក្រសួង​នឹង​ជូន​ដំណឹង​នៅ​ពេលក្រោយទាក់ទងនឹងកន្លែងសម្រាកព្យាបាល។

គិតត្រឹមថ្ងៃទី ២៩ ខែមីនា​ កម្ពុជា​មានករណីវិជ្ជមានវីរុសកូវីដ-១៩​ សរុបចំនួន​ ២២៧៣នាក់ អ្នកជាសះស្បើយសរុបចំនួន ១១៧២​នាក់ និងអ្នកស្លាប់​១១នាក់៕

អ្នកគ្រូកង សុជាតា មកពីវិទ្យាល័យជាស៊ីមចំរើនរដ្ឋ​ បានផ្តល់សម្ភាសដល់ Newsroom Cambodia អំពីផលលំបាកនៃការបង្រៀនតាមរយៈអនឡាញ។

ក្នុងអត្ថបទខាងក្រោមនេះ​ ជាការសម្ភាស៍ជាមួយ

Q: តើការបង្រៀនតាមរយៈអនឡាញមានផលលំបាកអ្វីខ្លះ?

A: សម្រាប់ផលវិបាកនៃការបង្ហាត់បង្រៀនតាមអនឡាញវាច្បាស់ជាមាន ១០០ភាគរយហើយ វាមិនងាយស្រួលដូចជាការបង្ហាត់ផ្ទាល់រវាងគ្រូ និងសិស្សនៅក្នុងថ្នាក់ទេ។ បញ្ហាសំខាន់ទី១ សម្រាប់សិស្សមួយចំនួនគាត់ទៅស្រុកកំណើត ដូច្នេះបញ្ហាអ៊ិនធឺណេតដើរយឺត ពេលខ្លះការចូលពន្យល់មេរៀននៅក្នុង Zoom ពួកគាត់មិនបានស្ដាប់អីទេ។ រីឯសិស្សមួយចំនួនតូចមិនមែនជាបញ្ហាអ៊ិនធឺណេតអីនោះទេ ប៉ុន្តែគាត់យកលេសបញ្ហាអ៊ិនធឺណេត ព្រោះគាត់មិនចង់ស្ដាប់ការពន្យល់មេរៀន អ៊ីចឹងគាត់គ្រាន់តែកត់មេរៀនតាមវីឌីអូដែលបានថតទុក ហើយផ្ញើរឲ្យគាត់តែប៉ុណ្ណោះ។ កត្តាដែលជួបបញ្ហាខ្លាំងហ្នឹង គឺសម្រាប់សិស្សដែលគាត់មិនយកចិត្តទុកដាក់ ដូច្នេះគាត់យកបញ្ហាអនឡាញហ្នឹងធ្វើជាលេសដើម្បីមិនខំរៀន។

Q: តើសិស្សមានការយកចិត្តទុកដាក់ចំពោះមេរៀនយ៉ាងដូចម៉្ដេច?

A: សម្រាប់ការយកចិត្តទុកដាក់ចំពោះមេរៀនវិញ គឺចំពោះសិស្សដែលគាត់យកចិត្តទុកដាក់តាំងតែពីរៀននៅក្នុងថា្នក់ហ្នឹងទោះបីជាគាត់រៀនអនឡាញក៏គាត់នៅតែបន្តយកចិត្តទុកដាក់រៀនដែរដូចជាគាត់ចូលមករៀនអនឡាញទៀងទាត់ពេលវេលា គឺដូចពេលដែលគាត់ចូលរៀននៅក្នុងថ្នាក់អ៊ីចឹងហើយគាត់តាមដានការបង្រៀន ឆ្លើយសំណួររំលឹកមេរៀន គាត់អានមេរៀនបន្ថែមនៅក្នុងសៀវភៅពុម្ពជាពិសេសប្រសិនបើយើងមានវីឌីអូបង្ហាត់ពន្យល់មេរៀនចំណុចដែលយើងត្រូវរៀននៅថ្ងៃហ្នឹង គឺគាត់ព្យាយាមចូលរួមតាមដានវីឌីអូហ្នឹងហើយ បើគាត់មានចម្ងល់គាត់នឹងសួរបកមកយើងវិញ ហើយគាត់មានការកត់មេរៀនហ្នឹងទៀងទាត់ល្អ។ និយាយទៅ សម្រាប់តែសិស្សដែលគាត់យកចិត្តទុកដាក់ស្រាប់ អ៊ីចឹងគាត់នៅតែយកចិត្តទុកដាក់ដដែល។ រីឯសិស្សដែលគាត់មិនដែលយកចិត្តទុកដាក់ គឺគាត់គ្មានធ្វើអ្វីនោះទេ គាត់គ្រាន់តែកត់នូវអ្វីដែលបានផ្ញើរឲ្យគាត់តែប៉ុណ្ណោះ។

Q: ចំពោះអ្នកគ្រូផ្ទាល់ តើអ្នកគ្រូគិតថាសិស្សអាចចាប់មេរៀនបានប្រហែលជាប៉ុន្មានភាគរយ?

A: សម្រាប់អ្នកគ្រូផ្ទាល់ ការចាប់បានមេរៀនរបស់សិស្ស គឺទៅតាមកម្រិតរបស់សិស្សដែរ។ សម្រាប់សិស្សហ្នឹងដែលជាសិស្សឧស្សាហ៍ ឬសិស្សពូកែ គឺវាមិនសូវជាលំបាកនោះទេ។ តែសម្រាប់សិស្សដែលមិនយកចិត្តទុកដាក់ស្រាប់អ៊ីចឹង ហើយគាត់មិនព្យាយាមបន្ថែមខ្លួនឯងទៀតនោះ គឺរៀងពិបាកដែរ។ ដូច្នេះការរៀនមេរៀននៅតាមអនឡាញនេះ គឺលំបាកណាស់ សម្រាប់សិស្សដែលយកចិត្តទុកដាក់ ឬចាប់ចូលជាសិស្សពូកែគាត់អាចទទួលបានចំណេះដឹងនេះប្រហែលត្រឹម៧០% អីដែរ ប៉ុន្តែសម្រាប់សិស្សដែលគាត់មធ្យមបានត្រឹម ៥០% តែសម្រាប់សិស្សដែលគាត់មិនស្វាត់ស្វែងរៀន និងមិនមានមនសិការក្នុងការសិក្សាខ្លួនឯង គឺគាត់ស្ទើរណាស់បានប្រហែលជា២០% អីទេ ព្រោះគាត់បានត្រឹមតែកត់មេរៀនឲ្យយើងនោះទេ។

Q: ជាចុងក្រោយ តើអ្នកគ្រូមានប្រសាសន៍អ្វីខ្លះសម្រាប់ផ្ដែផ្ដាំ?

A: សម្រាប់អ្នកគ្រូ អ្វីដែលចង់ផ្ដែផ្ដាំទៅកាន់សិស្សានុសិស្សនោះ គឺកុំឲ្យគាត់យកបរិបទកូវីដ ១៩​
មកធ្វើជាលេសសម្រាប់ការដែលគាត់មិនរៀន។ គាត់គិតថា គាត់រៀនមិនចេះដោយសារកូវីដ​ ការរៀនពីចម្ងាយតែប្រសិនបើគាត់តាំងចិត្តថានឹងចង់រៀន អ៊ីចឹងមិនថារៀនពីចម្ងាយ ឬក៏រៀនផ្ទាល់នោះទេ
គាត់នឹងទទួលបានចំណេះដឹងដូចគ្នា។ វាអាចមានការលំបាក វាមិនងាយស្រួលនោះទេ សំខាន់យើងរៀននៅឆ្ងាយមិនដូចរៀនផ្ទាល់ អ៊ីចឹងហើយត្រង់ចំណុចដែលគាត់មិនយល់ ឬមិនច្បាស់អីគឺ គាត់អាចស្រាវជ្រាវ មើលសៀវភៅពុម្ពអីបន្ថែម ហើយចំណុចណាដែលមិនច្បាស់គាត់អាចមកសួរគ្រូបន្ថែមបាន។ ប៉ុន្តែណាស់តែពួកគាត់មិនសួរ គាត់យកកត្តាកូវីដ ១៩ ធ្វើជាលេស រៀនពីចម្ងាយមិនចេះ ដូចនេះចង់ផ្ដាំផ្ញើរឲ្យគាត់កុំដូច្នេះ យើងត្រូវដឹងថា ទោះបីជាយើងរៀនពីចម្ងាយ ឬជួបផ្ទាល់អីឲ្យតាយើងចង់រៀន គឺយើងអាចរៀនបានតែទាំងអស់ហ្នឹង អ៊ីចឹងសូមកុំឲ្យគាត់គិតដូច្នេះ៕

គ្រឺះស្ថានអង្គរ ដែលជាស្ថាប័នគ្រប់គ្រងដោយរដ្ឋទទួលបន្ទុកលក់សំបុត្រសម្រាប់ភ្ញៀវអន្តរជាតិ បានចេញសេចក្តីជូនដំណឹងទាក់ទងនឹងការការអនុវត្តន៍គោលនយោបាយលើកទឹកចិត្តនៃការលក់សំបុត្រចូលទស្សនារមណីយដ្ឋានអង្គរ កាលពីថ្ងៃទី១០ ខែមីនា​ ឆ្នាំ២០២១ បន្ទាប់ពីមានការធ្លាក់ចុះនៃចំនួនភ្ញៀវទេសចរណ៌នៅតំបន់អង្គរ។ ​

ក្រោមស្ថានភាពដ៏តឹងតែងនេះ រដ្ឋាភិបាលបានសម្រេចចិត្តក្នុងការអនុវត្តនយោបាយនេះចាប់ពី ថ្ងៃទី១១ ខែ មីនា ឆ្នាំ ២០២១ រហូតដល់ ថ្ងៃ ៣១ ខែធ្នូ ឆ្នាំ ២០២១ ក្នុងគោលបំណងជួយវិស័យទេសចរណ៌ និងធានានូវភាពទាក់ទាញរបស់ទេសចរណ៍ក្នុងការទស្សនារមណីយដ្ឋានអង្គរ។

នៅក្នុងសេចក្តីប្រកាសពត៌មាន​បានបញ្ជាក់ថា បណ្ណទស្សនកិច្ចនឹងមានការប្រែប្រួលសុពលភាពការចូលទស្សនារមណីយដ្ឋានអង្គររបស់ភ្ញៀវទេសចរឲមានរយៈពេលយូជាងមុន។ ប័ណ្ណធម្មតាដែលធ្លាប់មានសុពលភាពរយៈពេល១ថ្ងៃ អាចមានសុពលភាពទៅដល់២ថ្ងៃ ប័ណ្ណរយៈពេល៣ថ្ងៃ ទៅជា ៥ថ្ងៃ ហើយបើសិនជាបណ្ណ​ដែលមានសុពលភាព ៧ថ្ងៃ កើនទៅជាសុពលភាព ១០ថ្ងៃវិញ។

ចំណែកឯប័ណ្ណទស្សនារយៈពេលយូរសម្រាប់ភ្ញៀវទេសរដែលមានទិដ្ឋាការលើសពី ៣ខែ ក៏មានការប្រែប្រួលដែរ ដែល​ប័ណ្ណចូលទស្សនារយៈពេល១ខែ នឹងឡើងដល់ ២ខែ ប័ណ្ណ ៣ខែ នឹងឡើងដល់ ៦ខែ និង សម្រាប់ប័ណ្ណ ៦ខែ នឹងមាន​សុពលភាពរហូតដល់ ១២ខែ៕