យ៉ិន ឧត្តម(Yin Oddom) – Newsroom Cambodia

មនុស្សជាច្រើននៅកម្ពុជាឈប់ពាក់ម៉ាស់ ដោយនិយាយថាគ្រោះថ្នាក់នៃជំងឺកូរ៉ូណាលែងសូវមាន

យ៉ិន ឧត្តម(Yin Oddom) — Mon, 13 Jul 2020 05:29:31 +0000

មានមនុស្សតិចតួចដែលបន្តពាក់ម៉ាសនៅភ្នំពេញ និងកន្លែងផ្សេងទៀតក្នុងរយៈពេលប៉ុន្មានសប្តាហ៍ថ្មីៗនេះ បើទោះបីជាមានករណីឆ្លងវីរុសថ្មីនៅក្នុងប្រទេសក៏ដោយ មនុស្សម្នាជាច្រើននាំគ្នានិយាយថា ពួកគេមានអារម្មណ៍ថាការឆ្លងនៃជំងឺនេះបានកន្លងផុតទៅហើយ ហើយថា ការពាក់ម៉ាស់ធ្វើឲ្យគាត់មានអារម្មណ៍ថាក្តៅ និងធុញថប់។

ការណែនាំជាផ្លូវការរបស់ក្រសួងសុខាភិបាល នៅតែបន្តណែនាំឲ្យប្រជាជនពាក់ម៉ាស់ពេលដែលមានអារម្មណ៍ថាខ្លួនឈឺ ខណៈពេលដែលលោកនាយករដ្ឋមន្ត្រី ហ៊ុន សែន បានជំរុញឱ្យប្រជាជនទាំងអស់បន្តពាក់ម៉ាស់។

លោក នឿន ណារិទ្ធិ វេជ្ជបណ្ឌិតនៅតំបន់កោះដាច់នៃរាជធានីភ្នំពេញប្រាប់ថា ចំនួនមនុស្សដែលពាក់ម៉ាស់នៅក្នុងភូមិរបស់គាត់បានធ្លាក់ចុះយ៉ាងខ្លាំងក្នុងប៉ុន្មានសប្តាហ៍ថ្មីៗនេះ។

លោកវេជ្ជបណ្ឌិតមានប្រសាសន៍ថា៖ «ចំនួនអ្នកពាក់ម៉ាសពិតជាមានការថយចុះ។ ខ្ញុំសង្កេតឃើញថា ប្រជាជនប្រហែល ៧០ ទៅ ៨០ ភាគរយនៅក្នុងភូមិរបស់ខ្ញុំមិនមានពាក់ម៉ាស់ទេ»។

វេជ្ជបណ្ឌិត ណារិទ្ធិ បន្ថែមថា នៅពេលប្រឹក្សាយោបល់ជាមួយអ្នកជំងឺ លោកព្យាយាមណែនាំពីអនាម័យល្អជាមួយពួកគេ ជៀសវាងការនិយាយធ្វើឲ្យពួកគេមានភាពភិតភ័យដោយសារជំងឺនេះ។

វេជ្ជបណ្ឌិត ណារិទ្ធិ ប្រាប់ថា៖ «រាល់ថ្ងៃពេលជួបពួកគាត់ ខ្ញុំតែងតែលើកទឹកចិត្តដល់អ្នកជំងឺ និងអ្នកជិតខាងខ្ញុំកុំឲ្យ ព្រួយបារម្ភ និងស្ត្រេសពេក។ តែខ្ញុំប្រាប់គាត់ឲ្យយកចិត្តទុកដាក់លើរឿងអនាម័យផ្ទាល់ខ្លួន ដែលជារឿងគួរតែត្រូវធ្វើឲ្យបានជាប់ជានិច្ច»។

លោកបញ្ជាក់ដែរថា រូបលោកផ្ទាល់ក៏ពាក់ម៉ាស់តែក្នុងស្ថានភាពដែលគិតថាមានហានិភ័យខ្ពស់ ដូចជាកន្លែងដែលមានមនុស្សច្រើនជាដើម ប៉ុន្តែលោកព្យាយាមចៀសវាងការចាប់ដៃគ្នា។

លោកថា៖ «និយាយត្រង់ទៅ ក្រៅពីជួបអ្នកជម្ងឺ និងទៅកន្លែងសាធារណៈ ឬកន្លែងជួបជុំគ្នាច្រើន ខ្ញុំក៏អត់ពាក់ម៉ាស់ដែរ»។

ព្រះមហាវិមលធម្មធារ៍ ស៊ូ តារា លេខាគណក្រុងសួង ព្រះគ្រូសូត្រស្ដាំវត្តវិហារទន្ទឹម មានសង្ឃដីកាថា ព្រះចៅអធិការរបស់ព្រះអង្គបានណែនាំទៅកាន់ព្រះសង្ឃទាំងអស់ឱ្យពាក់ម៉ាស់ក្នុងពិធីបុណ្យផ្សេងៗ ជាពិសេសនៅពេលនិមន្តទៅសូត្រមន្ត។

ព្រះអង្គមានសង្ឃដីកាបន្តថា វត្តភាគច្រើនក៏បានរក្សាអនាម័យដោយមានទឹកអាល់កុលលាងដៃ និងកន្លែងសម្រាប់លាងដៃផងដែរ។ ទោះជាយ៉ាងនេះក្តី ឧបាសក ឧបាសិកាមកវត្តបច្ចុប្បន្ន មិនសូវមានពាក់ម៉ាស់នោះទេ។

ព្រះតេជគុណ តារា មានសង្ឃដីកាថា៖ «អាត្មាកត់សម្គាល់ឃើញថា បច្ចុប្បន្ននេះមានញាតិញោមជាច្រើនដែលអញ្ជើញមកវត្ត មិនមានពាក់ទេ។ ឧទាហរណ៍នៅក្នុងកម្មវិធីដង្ហែទៀនវស្សា និងបច្ច័យដល់ព្រះសង្ឃនៅថ្ងៃច័ន្ទនេះ អាត្មាឃើញថា ញាតិញោមដែលចូលរួមហ្នឹងមានជាងពាក់កណ្តាលមិនបានពាក់ម៉ាស់ទេ។»

នៅរាជធានីភ្នំពេញ មនុស្សម្នាជាច្រើនបានបង្ហាញពីទំនោរនៃការឈប់ចង់ពាក់ម៉ាស់ ដោយលើកឡើងថា ពួកគេលែងមានការព្រួយបារម្ភខ្លាំងទៀតហើយចំពោះជំងឺកូវីដនេះ។

ជំងឺកូវីដ១៩ បានសម្លាប់មនុស្សចំនួនប្រមាណ ៥៦០.៨១៤នាក់ នៅទូទាំងពិភពលោក ក្នុងប្រទេសចំនួន២១៦ ក្នុងនោះមានអ្នកឆ្លងជំងឺនេះរហូតដល់ទៅ ១២.៤៨៦.៤៨៤ករណី។ នេះបើយោងតាមការធ្វើបច្ចុប្បន្នភាពចុងក្រោយរបស់អង្គការសុខភាពពិភពលោកកាលពីថ្ងៃ១២ ខែកក្កដា ឆ្នាំ២០២០។

សម្រាប់កម្ពុជា ក្នុងពេលបច្ចុប្បន្នមានករណីអ្នកកំពុងផ្ទុកជំងឺកូវីដចំនួន២៣ករណីប៉ុណ្ណោះ ដែលករណីទាំងនោះជាករណីនាំចូលពីក្រៅប្រទេស។

យុវតី មុន្នី រិទ្ធត្យា ដែលមកជួយលក់កាហ្វេជាមួយឪពុកម្តាយរបស់នាងនៅឯហាងកាហ្វេ កៅហេង បាននិយាយថា នាងបានឈប់ពាក់ម៉ាស់ពីព្រោះនាងគិតថាស្ថានភាពនៃជំងឺរាតត្បាតនេះមានភាពប្រសើរឡើង។

នាងនិយាយថា៖ «ខ្ញុំមិនចូលចិត្តម៉ាស់ទេ។ ខ្ញុំមានអារម្មណ៍មិនស្រួលសោះ ពេលដែលខ្ញុំពាក់វាហើយខ្ញុំគិតថាជំងឺកូវីដឥឡូវមិនមែនជាជំងឺធ្ងន់ធ្ងរខ្លាំងទេ»។

បរិស័ទ្ធម្នាក់យកចង្ហាន់ប្រគេនលោកនៅវត្តវិហារទន្ទឹមក្នុងខេ្តត្បូងឃ្មុំ ពាក់ម៉ាស់ពេលគោរពប្រណិបត្តិថ្វាយបង្គុំលោក ក្នុងខែមេសាឆ្នាំ២០២០។ (ដោយព្រតេជគុណ យិន ឧត្តម)

រីឯយុវជនវ័យ៣០ឆ្នាំ លោក ចិន សុខ ជាសន្តិសុខក្រុមហ៊ុនឯកជននៅក្លឹបស្នូឃឺរដាត ឲ្យដឹងដែរថា អាកាសធាតុក្តៅ លោកមិនចូលចិត្តពាក់ម៉ាសទេ ដោយថា ធ្វើឲ្យលោកមានអារម្មណ៍មិនស្រួល។ ប៉ុន្តែលោកថា លោកត្រូវបង្ខំចិត្តពាក់ដោយសារការងារ។

«ក៏ប៉ុន្តែខ្ញុំត្រូវតែពាក់វា ព្រោះនោះជាអ្វីដែលមេ (អ្នកគ្រប់គ្រងក្លឹប) បញ្ជា។ បើមេឃើញខ្ញុំអត់ពាក់ម៉ាស់ គាត់នឹងពិន័យម្តង១០ដុល្លារ។ រឿងពិន័យនេះធ្វើឡើងមិនមែនតែខ្ញុំទេ គឺជាមួយបុគ្គលិកទាំងអស់ ព្រោះនៅទីនេះមនុស្សភ្ញៀវចេញចូលច្រើនណាស់»។

ចំណែកយុវជនវ័យ២១ អាត អ៊ាត់ ជានិស្សិតឆ្នាំទី១ផ្នែកគីមីវិទ្យានៅសាកលវិទ្យាល័យភូមិន្ទភ្នំពេញ និយាយថា តម្លៃម៉ាស់ក៏ជាហេតុផលដែលលោកឈប់ពាក់វាដែរ។

លោកនិយាយថា៖ «ពីមុនខ្ញុំអាចទិញម៉ាស់បានបីក្នុងតម្លៃ៥០០រៀល ប៉ុន្តែឥឡូវនេះម៉ាស់មួយ២,០០០ ទៅ ២,៥០០រៀល។ អង្កាល់កូវីដផ្ទុះ ខ្ញុំធ្លាប់បានពាក់ម៉ាស់ជាប់ដែរ តែឥឡូវខ្ញុំអត់ពាក់ទេ ព្រោះខ្ញុំគិតថាស្ថានភាពកូវីដ១៩រាល់ថ្ងៃហ្នឹងលែងអីហើយ។»

ការណែនាំស្តីពីការពាក់ម៉ាស់មានភាពស្រពិចស្រពិល ចាប់តាំងពីការរីករាលដាលនៃជំងឺរាតត្បាតនេះកាលពីដើមឆ្នាំមកម៉្លេះ។

អង្គការសុខភាពពិភពលោកបានបញ្ជាក់ថា ម៉ាស់គួរតែត្រូវបានប្រើ «ជាផ្នែកមួយនៃយុទ្ធសាស្ត្រគ្រប់ជ្រុងជ្រោយ»។

«ម៉ាស់តែឯងនឹងមិនអាចការពារអ្នកពីជំងឺកូវីដ១៩ទេ។ ប្រជាជនក៏គួរតែលាងសម្អាតដៃរបស់ពួកគេឱ្យបានញឹកញាប់ និងរក្សាគម្លាតយ៉ាងតិច១ម៉ែត្រពីអ្នកដទៃ»។

បើតាមការណែនាំរបស់ក្រសួងសុខាភិបាល អ្នកដែលមិនមានរោគសញ្ញាផ្លូវដង្ហើមមិនចាំបាច់ពាក់ម៉ាស់ពេទ្យឡើយ ដោយសារតែគ្មានភស្តុតាងណាមួយបញ្ជាក់ថា ម៉ាស់អាចមានសារប្រយោជន៍សម្រាប់ការការពារអ្នកដែលគ្មានជំងឺឡើយ។ ទោះយ៉ាងណា ក្រសួងបានសង្កត់ធ្ងន់ថា អ្នកដែលមានទំនាក់ទំនងជិតស្និទ្ធ (ក្នុងគម្លាត១ម៉ែត្រ) ពីអ្នកដែលមានរោគសញ្ញាផ្លូវដង្ហើម ដូចជាកណ្តាស់ និងក្អក គឺមានហានិភ័យប្រឈមនឹងការស្រូបចូលនូវដំណក់ទឹកតូចៗចេញតាមផ្លូវដង្ហើមរបស់អ្នកជំងឺដែលអាចចម្លងជំងឺបាន។ ក្រសួងបញ្ជាក់ថា អ្នកដែលមានរោគសញ្ញាផ្លូវដង្ហើមគួរតែពាក់ម៉ាស់ពេទ្យ និងស្វែងរកការថែទាំសុខភាពឲ្យបានឆាប់រហ័សបំផុត ប្រសិនបើពួកគេមានរោគសញ្ញាដូចជាក្តៅខ្លួន ក្អក និងពិបាកដកដង្ហើម។

ខែមិថុនាកន្លងទៅ លោកនាយករដ្ឋមន្រ្តី ហ៊ុន សែន បង្ហោះសារលើទំព័រហ្វេសប៊ុកផ្លូវការរបស់លោកដោយជំរុញឱ្យប្រជាជនទាំងនៅក្នុងទីក្រុង និងជនបទ ត្រូវបន្តពាក់ម៉ាស់ និងឧស្សាហ៍លាងសម្អាតដៃជាមួយទឹកអាល់កុល ឬជែលសម្លាប់មេរោគឲ្យបានជាប្រចាំ។

លោកក៏បានសរសេរបន្ថែមថា ចំពោះទីកន្លែងប្រមូលផ្តុំដែលមានមនុស្សច្រើន ដូចជាផ្សារ ផ្សារទំនើប ភោជនីយដ្ឋាន ហាងកាហ្វេ តូបលក់ដូរ ហាងលក់ទំនិញ ជាពិសេសមន្ទីរព្យាបាល និងមន្ទីរពេទ្យទាំងរដ្ឋ និងឯកជន ត្រូវតែមានម៉ាស ទឹកអាល់កុល ឬជែល ដើម្បីឲ្យពលរដ្ឋប្រើប្រាស់ការពារ កុំឲ្យមានការចម្លងជំងឺកូវីដ១៩ពីម្នាក់ទៅម្នាក់។

យោងតាមនាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាលបានឲ្យដឹងថា ករណីឆ្លងនៃជំងឺកូវីដសរុបមាន១៥៦ករណី ត្រូវបានគេរកឃើញនៅក្នុងប្រទេសកម្ពុជាគិតត្រឹមថ្ងៃទី១២ ខែកក្កដា ឆ្នាំ២០២០។ រហូតមកដល់ពេលនេះ មិនមានសេចក្តីរាយការណ៍ណាមួយពីការស្លាប់នៅការស្លាប់ដោយជំងឺនេះ នៅកម្ពុជានៅឡើយ៕

Many in Cambodia Have Stopped Wearing Masks, Saying Coronavirus Danger Has Passed

យ៉ិន ឧត្តម(Yin Oddom) — Tue, 23 Jun 2020 09:03:40 +0000

Fewer people are wearing masks in Phnom Penh and elsewhere in recent weeks despite new cases of coronavirus in the country, with residents saying they feel the danger has passed and that the masks are too uncomfortable and hot.

Official Health Ministry advice continues to recommend masks for people who are feeling sick, however, while Prime Minister Hun Sen has urged all residents to continue wearing them.

Noeun Narith, a doctor on Phnom Penh’s Koh Dach island, said the number of people in his village wearing masks dropped sharply in recent weeks.

“The number of people who wears masks has definitely decreased,” he said. “I’ve observed that around 70 to 80 percent of people in my village do not use masks.”

Narith said that when advising his patients he tries to balance recommending good hygiene with avoiding panic.

“I have, from time to time, encouraged my patients and neighbors to not be [too] worried or stressed,” Narith said. “However, personal hygiene should always be practiced.”

He noted that he only wears masks himself in situations of higher risk, though he also avoids shaking hands. “Beside meeting patients and going to public or crowded places, I don’t wear masks either.”

Sou Dara, first vice abbot at the Vihara Dudim pagoda in Tbong Khmum province’s Suong city, said his abbot had instructed all monks to wear masks during public events, particularly when chanting.

Most pagodas have also made hand sanitizers and areas for hand washing available. However, recent visitors to the pagoda have increasingly stopped wearing masks, Dara added.

“I noticed, presently, many people who visit the pagoda don’t wear masks. For example, more than a half of the people didn’t wear masks when they attended Tean Vosa,” Dara said, referring to a rainy-season ceremony held on Monday.

A visitor to the Vihear Totim pagoda in Tbong Khmum province wears a mask as he greets three monks in April 2020. (Yin Oddom)

In Phnom Penh, many residents expressed a preference to stop wearing masks, and said they were no longer overly concerned about coronavirus. The virus has killed 465,740 people worldwide in 216 countries, with 8,860,331 total cases, according to the latest World Health Organization update on Monday. However, only three active cases are currently known in Cambodia.

Mony Rithya, who helps out as a server at her parents’ Kao Heng Cafe, said she had stopped wearing masks because she considered the pandemic situation to have improved. “I don’t like face masks. I feel uncomfortable when I’m wearing them, and I don’t think Covid is so serious now,” she said.

Chen Sok, a security guard working at Darts Snooker, said he doesn’t like wearing masks because they are too hot. The current hot weather makes him uncomfortable when he is wearing them, he said.

“However, I have to wear them because that is what the club manager said. If I am found without a mask, a $10 fine will be applied every time,” he said. “This penalty applies to all staff, not only me, because there are many types of people going in and out here.”

Art Att, 21, a chemistry student at the Royal University of Phnom Penh, said cost was also a reason he had stopped wearing masks.

“Before, I could buy three for 500 riel, but now for only one I have to pay 2,000 to 2,500 riel,” he said. “I was wearing masks at the outbreak of the pandemic, but now I’ve stopped wearing them because the Covid-19 situation is better and no longer a concern, I think.”

Advice about wearing masks has been conflicting since the pandemic’s outbreak earlier this year.

The World Health Organization has emphasized that masks should only be used “as part of a comprehensive strategy.”

“Masks on their own will not protect you from COVID-19. People should also clean their hands frequently and maintain a distance of at least 1 metre from others,” it advises online.

Health Ministry’s recommendation is that individuals without respiratory symptoms do not need to wear a medical mask, as there is no evidence that it is useful to protect people who are not sick.

Nevertheless, it stresses that anyone who is in close contact — within 1 meter — of someone who has respiratory symptoms such as sneezing and coughing is at risk of exposure to potentially contagious respiratory droplets. The ministry says individuals with respiratory symptoms should wear a medical mask and seek medical care immediately if they are experiencing a fever, coughing and difficulty breathing.

Last week, Prime Mister Hun Sen urged people through his official Facebook page that whether they are in the city or the countryside, they should continue wearing masks and regularly washing their hands with soap or alcohol.

Crowded spaces such as supermarkets, restaurants, cafes, other shops and especially clinics and hospitals should provide hand sanitizers for people to use, he added.

According to the communicable disease department of the Health Ministry, 130 cases of coronavirus have been identified in Cambodia as of Tuesday, with 127 of them already recovered. The latest case, a 66-year-old Cambodian man who returned from the U.S. over the weekend, was announced on Tuesday. No deaths have been reported.

Clarification (June 24): An earlier version of this article used a mistransliteration for Vihara Dudim pagoda.

អាជ្ញាធរខេត្តកោះកុងប្រគល់ កង់១០គ្រឿងវិញដល់ក្រុមសកម្មជនបរិស្ថាន

យ៉ិន ឧត្តម(Yin Oddom) — Wed, 10 Jun 2020 08:15:17 +0000

អាជ្ញាធរខេត្តកោះកុង បានប្រគល់កង់ឲ្យក្រុមសកម្មជនបរិស្ថានវិញបន្ទាប់ពីឃាត់ទុកអស់រយៈពេលជិត១សប្តាហ៍កន្លងមក ប៉ុន្តែពួកគេមានការខកចិត្តដែលអាជ្ញាធររារាំងពួកគេក្នុងការដាក់ញ្ញត្តិ នៅខុទ្ទកាល័យនាយករដ្ឋមន្ត្រី។

កង់ចំនួន១០គ្រឿងត្រូវបានអាជ្ញាធរខេត្តកោះកុង ដឹកតាមរថយន្តមកទីក្រុងភ្នំពេញ ដើម្បីប្រគល់ឲ្យក្រុមយុវជនបរិស្ថាន កាលពីថ្ងៃទី៨ ខែមិថុនា ឆ្នាំ២០២០ បន្ទាប់ពីអាជ្ញាធរខេត្តនេះ បានឃាត់ទុកមួយរយៈ នៅពេលដែលពួកគេជិះកង់ធ្វើយុទ្ធនាការ ការពារតំបន់កោះកុងក្រៅ។

កញ្ញា ងួន យ៉ែមវតី ជាសកម្មជនបរិស្ថានម្នាក់ ក្នុងចំណោមជាង១៨នាក់ ដែលបានចូលរួមយុទ្ធនាការជិះកង់សង្គ្រោះកោះកុងក្រៅបានឲ្យដឹងថា អាជ្ញាធរខេត្តកោះកុង បានឃាត់ទុកកង់របស់ក្រុមកញ្ញា កាលពីថ្ងៃទី៣ ខែមិថុនា។ ក្រុមយុវជនបានទាមទារយកកង់មកវិញ បន្ទាប់ពីមានការឃាត់ទុក ប៉ុន្តែអាជ្ញាធរបានពន្យារពេលដល់ថ្ងៃទី៨ ខែមិថុនា ទើបប្រគល់ឲ្យវិញ។

កញ្ញា បានសម្តែងការខកចិត្ត ដែលអាជ្ញាធររារាំងក្រុមរបស់ខ្លួន ក្នុងការជិះកង់ដើម្បីដាក់ញ្ញត្តិនៅខុទ្ទកាល័យ លោកនាយករដ្ឋមន្ត្រី ហ៊ុន សែន នៅទីក្រុងភ្នំពេញ។

កញ្ញា យ៉ែមវតី និយាយថា៖ «ទោះបីជាកង់ហ្នឹងត្រូវបានគេ ដឹកដាក់ឡានឲ្យយើងនៅភ្នំពេញវិញប៉ុន្តែសម្រាប់ខ្ញុំដែលជាសមាជិកក្រុមយុវជនជិះកង់ហ្នឹង រមែងមានការខកចិត្តតិចតួចផងដែរ»។

អភិបាលរងខេត្តកោះកុង លោកសុខ សុទ្ធី បានមានប្រសាសន៏ថាការប្រគល់កង់នេះមិនមានធ្វើកិច្ចសន្យា ជាលាយលក្ខ័អក្សរអ្វីនោះទេ ដោយគ្រាន់តែធ្វើលិខិតប្រគល់ និងទទួលតែប៉ុណ្ណោះ។

អភិបាលរងរូបនេះ បន្ថែមថាក្រុមយុវជនបរិស្ថានជិះកង់ធ្វើយុទ្ធនាការនេះពុំបានសុំការអនុញ្ញាតិពីអាជ្ញាធរនោះទេ។ លោកថាការប្រមូលផ្តុំណាមួយត្រូវ តែសុំការអនុញ្ញាតិជាមុនសិន។

លោក សុទ្ធី មានប្រសាសន៍ថា៖ «ការប្រមូលផ្ដុំណាមួយ ត្រូវមានការសុំច្បាប់ទីមួយ ហើយក្នុងរដូវកាលនេះជារដូវកាលប្រយុទ្ធប្រឆាំងហ្នឹងជំងឺកូវិដ១៩ទាំងអស់គ្នាបើចង់ធ្វើកិច្ចការអី ប្រទេសមានច្បាប់ត្រូវសុំច្បាប់ មិនមែនតែក្រុមយុវជននោះទេ នណារក៏ដោយ»

កញ្ញា យ៉ែមវតី បានបន្ថែមថាក្រុមរបស់ខ្លួបនឹងមិនបោះបង់ ក្នុងការដាក់ញ្ញត្តិទៅកាន់ខុទ្ទកាល័យ លោកនាយករដ្ឋមន្ត្រី នោះទេ។ ពួកគេកំពុងតែពិភាក្សា ពាក់ព័ន្ធនិងយុទ្ធនាការសង្គ្រោះកោះកុងក្រៅជាបន្តទៀត។

កញ្ញា យ៉ែមវតី និយាយថា៖ «មកទល់ពេលនេះយើងតាមដានមើលព័ត៌មានជុំវិញ ហ្នឹង។ហើយយើងកំពុងតែគិត ពិចារណា ថា តើញ្ញត្តិយើងគួរតែ ធ្វើបែបណា យើងកំពុងតែពិភាក្សាគ្នា។ យើងនឹងមាន សកម្មភាពបន្តទៀត ប៉ុន្តែយើងមិនទាន់ដឹងថាយើងធ្វើក្រោមរូបភាពបែបណា»។

កាលពីថ្ងៃទី៣ ខែមិថុនា ឆ្នាំ២០២០ អាជ្ញាធរក្នុងខេត្តកោះកុងបានចាប់យកកង់របស់ក្រុមយុជនបរិស្ថាន ក្នុងពេលដែលពួកគេធ្វើយុទ្ធនាការជិះកង់ពីខេត្តកោះកុង មកភ្នំពេញក្នុងគោលបំណងយកញ្ញត្តិជូន លោកនាយករដ្ឋមន្រ្តី ដើម្បីដាក់តំបន់កោះកុងក្រៅជាតំបន់អភិរក្សធម្មជាតិ ។

បន្ទាប់ពីមានយុទ្ធនាការរបស់ក្រុមសកម្មជនបរិស្ថាន រដ្ឋាភិបាលបានសម្រេចបង្កើតគណ:កម្មការមួយកាលពីថ្ងៃទី ៤ ខែ មិថុនា ដោយមាន រដ្ឋមន្រ្តីក្រសួងបរិស្ថាន លោក សាយ សំអាល់ ជាប្រធាន ដើម្បីត្រួតពិនិត្យការអភិវឌ្ឍន៏របស់ក្រុមហ៊ុន អេស អ៊ី ហ្សិត ខូអិលធីឌី ទៅលើតំបន់កោះកុងក្រៅទាំងមូល ផងដែរ។

វៀតណាមឆ្លើយតបលិខិតអន្តរាគមន៍របស់សមាគមខ្មែរកម្ពុជាក្រោមលើកដំបូង ពាក់ព័ន្ធជម្លោះដីស្រែ

យ៉ិន ឧត្តម(Yin Oddom) — Mon, 08 Jun 2020 03:08:46 +0000

សមាគមខ្មែរកម្ពុជាក្រោមប្រចាំនៅប្រទេសកម្ពុជា បានអះអាងថា រដ្ឋាភិបាលវៀតណាមបានឆ្លើយតបជាលើកដំបូងពាក់ព័ន្ធទៅនិងសំណើរបស់ខ្លួនដែលស្នើប្រគល់ដីស្រែចំនួន៣០០០ហិកតាជូនពលរដ្ឋខ្មែរកម្ពុជាក្រោម ស្ថិតក្នុងខេត្តក្រមួនសរ ដែលមានហិង្សាកើតឡើងកាលពីដើមខែឧសភា។

រដ្ឋាភិបាលវៀតណាមបានឆ្លើយតបសំណើអន្តរាគមន៍របស់សមាគមខ្មែរកម្ពុជាក្រោម កាលពីចុងខែឧសភា តាមរយៈប្រៃសណីយ៍ ដែលសមាគមនេះ បានស្នើឲ្យដោះស្រាយបញ្ហាជម្លោះដីធ្លីជាមួយពលរដ្ឋ១៤៥គ្រួសារ ក្នុងភូមិប៉ប្រក់ ឃុំប៉ប្រ៉ក ស្រុកព្រៃមេង។

អគ្គលេខាធិការសមាគមខ្មែរកម្ពុជាក្រោម ដើម្បីសិទ្ធិមនុស្ស និងការអភិវឌ្ឍន៏ លោក សឺន ជុំជួន បានមានប្រសាសន៍ថា លេខាធិការដ្ឋានអង្គការ សមាគមខ្មែរកម្ពុជាក្រោម ដែលមានសមាជិក១១ ប្រចាំប្រទេសកម្ពុជា បានដាក់លិខិតទៅកាន់ នាយករដ្ឋមន្ត្រីវៀតណាម កាលពីថ្ងៃទី១៨ ឧសភា ឆ្នាំ២០២០ ដើម្បីជួយអន្តរាគមន៍ បន្ទាប់ពីសមត្ថកិច្ចវៀតណាមបានប្រើហិង្សា និងរឹបអូសយកដីស្រែពលរដ្ឋខ្មែរក្រោម។ នៅក្នុងអំពើហិង្សានោះបានធ្វើឲ្យប្រជាពលរដ្ឋជាង១០នាក់រងរបួស។

លោកថា ជម្លោះដីធ្លីនេះកើតឡើងតាំងពីឆ្នាំ២០០០ ប៉ុន្តែពុំទាន់មានដំណោះស្រាយនោះទេ។ សមាគនខ្មែរកម្ពុជាក្រោមបានដាក់លិខិតអន្តរាគន៍ជាច្រើនដង ប៉ុន្តែពុំមានការឆ្លើយតបនោះទេ។ នេះជាលើកទីមួយហើយ ដែលភាគីវៀតណាមបានឆ្លើយតបលិខិតអន្តរាគមន៍ ប៉ុន្តែមិនបានបញ្ជាក់ថានឹងជួយដោះស្រាយពេលណានោះទេ។

លោក ជុំជួន មានប្រសាសន៍ថា៖ «រឿងនេះខាងវៀតណាមបានទទួលញ្ញត្តិរបស់សមាគម

ហើយប៉ុន្តែមិនទាន់បានមកជួយដោះស្រាយនៅឡើយទេ»។

យោងតាមពាក្យបណ្តឹងរបស់លោក ទៀម ស៊ីមជាតំណាងប្រជាពលរដ្ឋ ទាំង១៤៥គ្រួសារ ដែលបានផ្ញើជូន លោកនាយករដ្ឋមន្រ្តីវៀតណាម បានរៀបរាប់ថា រូបគាត់ និងប្រជាពលរដ្ឋដទៃទៀតបាន កាប់ឆ្ការដីធ្វើស្រែនៅតំបន់នោះតាំងពីឆ្នាំ១៩៨២។

នៅក្នុងពាក្យបណ្តឹងនោះបានបន្តទៀតថា ប្រជាពលរដ្ឋរស់នៅទីនោះគឺពឹងផ្អែកលើការធ្វើស្រែចម្ការជាប្រភពចំណូល សម្រាប់ជីវភាពប្រចាំថ្ងៃ និងផ្គត់ផ្គង់ការសិក្សាកូនៗរបស់ពួកគាត់។ នៅពេលដែលបញ្ហានេះនៅអូសបន្លាយពេលវេលាកាន់តែយូរពួកគាត់ពុំមានលទ្ធភាពគ្រប់គ្រាន់ក្នុងការផ្គត់ផ្គង់ជីវភាពគ្រួសារនោះទេ។

មន្ត្រីស្ថានទូតវៀតណាមប្រចាំប្រទេសកម្ពុជា មិនអាចទាក់ទងដើម្បីធ្វើការអត្ថាធិប្បាយបាននោះទេ។

អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជាលោក កុយ គួងបានបញ្ជាក់តាមតេលេក្រាមយ៉ាងខ្លីថា កម្ពុជាមិនជ្រៀតជ្រែកកិច្ចការផ្ទៃក្នុងវៀតណាម នោះទេ។

លោក កុយ គួង សរសេរថា៖«រឿងរ៉ាវនេះកើតនៅក្នុងដែនដីរបស់វៀតណាមគឺជាកិច្ចការផ្ទៃក្នុងរបស់វៀតណាម»។

នាយិកាមជ្ឈមណ្ឌលសិទ្ធិមនុស្សកម្ពុជា (CCHR) លោកស្រី ចក់ សុភាព ក៏បានលើកឡើងដែរថាករណីនេះគឺជាករណីមួយប៉ុណ្ណោះក្នុងចំណោមករណីជាច្រើនដែលខាង CCHR ទទួលបានរបាយការណ៍ជាច្រើន ពាក់ព័ន្ធនិងការរឹតត្បិត និងការបំពានសិទ្ធិទៅលើពលរដ្ឋខ្មែកម្ពុជាក្រោមពីសំណាក់អាជ្ញាធរវៀតណាម។ លោកស្រីថា មិនត្រឹមតែអាជ្ញាធរវៀតណាមនោះទេ ដែលរឹតត្បិតសិទ្ធិសេរីភាពរបស់ពួកគេ សូម្បីតែអាជា្ញធរនៃប្រទេសកំណើតរបស់ខ្លួន ក៏មានការឹតត្បិត និងការរើសអើងផងដែរ។

អ្នកស្រីចក់ សុភាព៖ «យើងមើលទៅពួកគាត់ស្ថិតនៅចន្លោះមួយដែលរស់នៅប្រទេសវៀតណាមត្រូវបានគេរើសអើងត្រូវបានគេបំពានដោយសារគេមើលឃើញពួកគាត់ជាប្រជាពលរដ្ឋខ្មែរ។ ប៉ុន្តែនៅពេលដែលមកប្រទេសខ្មែរគាត់ត្រូវបានប្រឈមនូវការរឹតត្បិត រឺក៏ការរើសអើងផងដែរ។ អញ្ចឹងជារឿងលំបាកមែនទែន»។

កាលពីថ្ងៃទី៥ខែឧសភាឆ្នាំ២០២០ ពលរដ្ឋខ្មែរក្រោមដែលរស់នៅ ខេត្តក្រមួនសរត្រូវបានអាជ្ញាធរនិងកងកម្លាំងនគរបាលវៀតណាមជិត១០០នាក់ ប្រដាប់ដោយអាវុធ ខែល ដំបងឆក់បានរារាំងនិងបោកគ្រាប់បែកផ្សែង៣គ្រាប់បណ្តាលឲ្យប្រជាពលរដ្ឋខ្មែរក្រោមរងរបួសធ្ងន់និងស្រាល១០នាក់។

យោងតាមការផ្សាយរបស់VOD បានឲ្យដឹងថា នៅថ្ងៃទី៣ ខែមិថុនា ឆ្នាំ២០២០ សមគមនខ្មែរកម្ពុជាក្រោម នៅទីក្រុងភ្នំពេញ បានប្រារព្ធពិធីរំលឹកការបាត់បង់ទឹកដីខ្មែរកម្ពុជាក្រោមទី៧១ឆ្នាំ (៤មិថុនា ឆ្នាំ១៩៤៩ -៤មិថុនា ឆ្នាំ២០២០)។