សិក្ខាកាមរបស់ Newsroom Cambodia បានសម្ភាសន៍កាលពីថ្ងៃទី៥ ខែកុម្ភៈ ឆ្នាំ២០២៣ ជាមួយ ប្រជាពលរដ្ឋមួយចំនួន ដោយពួកគាត់បានអះអាងថាមានផលប៉ះពាល់ ដូចជាគ្មានលុយអាចទិញបាន ភាគច្រើនសម្ភារៈ មានដូចជាសម្លៀកបំពាក់ជាដើម ដែលមានការឡើងថ្លៃ។

លោកនី សុវណ្ណារ៉ា ជាសិស្សទើបតែបញ្ចប់ថ្នាក់ទី១២ មកពីខេត្តពោធិ៍សាត់ បានលើកឡើងថា តម្លៃទំនិញក្នុងពេលបច្ចុប្បន្នភាគច្រើនមានការឡើងថ្លៃហើយចំណូលដែលប្រជាពលរដ្ឋរកបានមានចំនួនតិច ជាហេតុបង្កឱ្យមានអតិផរណាសម្រាប់មនុស្សគ្រប់រូប វាមានភាពខុសគ្នាខ្លាំងរវាងតម្លៃទំនិញនៅទីក្រុង និងនៅជនបទ ព្រោះភាគច្រើនទំនិញនៅទីក្រុងមានតម្លៃថ្លៃជាងជនបទ ស្ទើរតែគុណនឹងពីរទៅហើយ សូម្បីបន្លែត្រីសាច់គឺខុសគ្នា។

ទំនិញដែលភាគច្រើនមានតម្លៃឡើងថ្លៃគឺម្ហូបអាហារ សម្លៀកបំពាក់ គ្រឿងទេសសម្រាប់ប្រើប្រាស់ក្នុងផ្ទះបាយជាដើម។
លោកបានបញ្ជាក់ថា ៖ «វាពិតជាមានការពិបាកក្នុងការរស់នៅដោយសារតែយើងរកចំណូលបានតិច ប៉ុន្តែត្រូវចំណាយច្រើនដើម្បីទិញទំនិញទាំងអស់នឹងយកមកប្រើប្រាស់ហើយសម្រាប់និស្សិតក្រីក្រមកពីតាមខេត្តគាត់ពិតជាមានការលំបាកក្នុងការរស់នៅណាស់ វាអាចបង្អាក់ការសិក្សា រៀនសូត្ររបស់ពួកគាត់ក្នុងសិក្សានៅទីក្រុងបានទៀតផង»

លោកបានសំណូមពរទៅកាន់រាជរដ្ឋាភិបាលឱ្យជួយគាំទ្រផលិតផលរបស់ប្រជាជនយើងបណ្ដុះបណ្ដាលទីផ្សារក្នុងស្រុកឱ្យមានការរីកចម្រើន និងដើរជាងមុនដើម្បីឱ្យតម្លៃទំនិញមានការចុះថោកជាងមុន។

អ្នកស្រីសាយ សុភា ជាមន្ត្រីរាជការនៅក្នុងស្ថាប័នមួយកន្លែងបានលើកឡើងថាតម្លៃទំនិញក្នុងពេលបច្ចុប្បន្នគឺមិនមានការថយចុះនោះទេអ្វីៗកាន់តែថ្លៃឡើងៗ បើបានឡើងហើយគឺមិនមានការចុះថ្លៃវិញនោះទេ ប៉ុន្តែសម្ភារៈ និងអាហារខ្លះក៏មានតម្លៃធូរថ្លៃផងដែរ អាស្រ័យលើសម្ភារៈដែលយើងត្រូវទិញតិច ឬច្រើនទៅតាមតម្រូវការពីមួយថ្ងៃ ទៅមួយថ្ងៃ។

អ្នកស្រីបានបញ្ជាក់ថា៖ «ការទិញដូរសម្ភារៈហូបចុកអីៗហ្នឹងមិនមែនមានតែនៅស្រុកខ្មែយើងទេ យើងអាចទិញពីប្រទេសផ្សេង ឬស្រុកក្រៅមកថ្លៃ ហើយគេលក់ក្នុងស្រុកយើងក៏ថ្លៃដែរ តែបើយើងអាចបង្កបង្កើនផលិតផលក្នុងស្រុកបាន អ្វីៗនឹងមានការថយចុះតម្លៃទីផ្សារបានដូចថាវាអត់សូវឡើងថ្លៃព្រោះយើងអត់សូវទិញពីស្រុកក្រៅមក ប៉ុន្តែខ្ញុំមើលឃើញក្នុងស្រុកទេសយើងមានការខ្វះខាតច្រើនសូម្បីសម្ភារៈ ជី បន្លែក៏ទិញមកពីគេថ្លៃ បើសិនជាយើងលក់ថោកអញ្ចឹងវាអត់ចំណេញទេ វាខាត បើកាលពីមុនការលក់ដូរអ្វីលុយថ្លៃរបស់ថោក តែមកឥឡូវ បែជាលុយថោក របស់ថ្លៃ»។

អ្នកស្រីបានបន្តថា ចំពោះតម្លៃទំនិញមានការឡើងថ្លៃវាមិនសូវជាមានផលប៉ះពាល់ខ្លាំងសម្រាប់អ្នកមានជីវភាពធូធារនោះទេ តែបើសម្រាប់អ្នកក្រីក្ររកព្រឹក ខ្វះល្ងាចវាមានផលប៉ះពាល់ច្រើនព្រោះយើងបានកម្រៃតិចហើយត្រូវចំណាយទៅវិញទ្វេដង វាជាផលលំបាកដល់អ្នករកស៊ីលក់ដូរបានតិចតួចអ្នកមានមុខរបរតូចទាប មិនអាចបម្រើតម្រូវការចាយវាយបានគ្រប់គ្រាន់ក្នុងជីវភាពប្រចាំថ្ងៃ។

អ្នកស្រីក៏បានសំណូមពរឱ្យរាជរដ្ឋាភិបាលមានការទប់ស្កាត់កុំឱ្យទំនិញឡើងថ្លៃ និងឱ្យមានការថ្លឹងថ្លែងមើល ដើម្បីបង្ករភាពងាយស្រួលដល់ប្រជាពលរដ្ឋសម្រាប់ជីវភាពរស់នៅប្រចាំថ្ងៃផងដែរ។

កញ្ញាផេង សៀវហុង ជាសិស្សទើបបញ្ចប់ថ្នាក់ទី១២ មកពីខេត្តកណ្ដាល បានលើកឡើងថាតម្លៃទំនិញវាចេះតែឡើងថ្លៃប៉ុន្តែតម្លៃលុយវិញវាចុះថោក ហើយវាមានផលលំបាកសម្រាប់អ្នកដែលគាត់មានជីវភាពខ្សត់ខ្សោយដែលមានចំណូលតិចតួចវាធ្វើឱ្យពួកគាត់ពុំមានថវិកាគ្រប់គ្រាន់សម្រាប់ការចំណាយទៅលើការបរិភោគ របស់ប្រើប្រាស់មួយចំនួនដើម្បីផ្គត់ផ្គង់សមាជិកក្នុងគ្រួសារវាអាចប្រឈមមុខនឹងការឈឺជាដើម។

កញ្ញាបានបញ្ជាក់ថា៖ «បើចង់ឱ្យអ្នកលក់ លក់ចុះថោកក៏យើងត្រូវគិតដែលថាអ្នកលក់គាត់លក់ចំណេញដែរអត់?ដោយសារតែទំនិញភាគច្រើនយើងនាំចូលពីស្រុកគេ ហើយវាថ្លៃដោយសារតែការតម្លើងពន្ធ តែក៏មានអ្នកលក់មួយចំនួនដែលពូកគាត់ចង់បានចំណេញហួសហេតុពេកដោយគាត់មិនបានយល់ពីផលប្រយោជន៍អ្នកដទៃពួកគាត់គិតតែពីខ្លួនឯង»។

កញ្ញាផេង សៀវហុងបានសំណូមពរទៅកាន់រាជរដ្ធាភិបាលជួយកាត់បន្ថយពន្ធដារក្នុងការដឹកជញ្ជូនផលិតផលផ្សេងៗចូលមកក្នុងប្រទេសយើងដើម្បីឱ្យអាជីវករយើងក្នុងស្រុកគាត់លក់តាមតម្លៃទីផ្សារដែលមាននោះផងដែរ។

កញ្ញាផាង ធីតា ជានិស្សិតរៀននៅសាកលវិទ្យាល័យភូមិន្ទភ្នំពេញ (RUPP) ផ្នែកព័ត៌មានវិទ្យា បានលើកឡើងថាតម្លៃទំនិញក្នុងពេលបច្ចប្បន្នគឺមានការឡើងថ្លៃដែលភាគច្រើនមានការឡើងថ្លៃចំពោះចំណីអាហារ សម្លៀកបំពាក់ គ្រឿងតុបតែងខ្លួនអីជាដើម វាបានប៉ះពាល់ពេលខ្លះយើងខ្វះលទ្ធភាពទិញលើមុខទំនិញទាំងនោះវាបង្ករផលលំបាកដល់ការរស់នៅរបស់ប្រជាពលរដ្ធដែលមានជីវភាពក្រីក្រ៕

ប៉េ អេស អឺជាអង្គការមួយដែលមិនរកប្រាក់ចំនូល របស់ប្រទេសបារាំងនិងបានបង្កើតឡើងនៅឆ្នាំ១៩៩៦ ក្នុងប្រទេសកម្ពុជា មានបុគ្គលិកបម្រើរការងារជាង៦០០នាក់ ដើម្បីចូលរួមបំពេញបេសកកម្មក្នុងការផ្តល់ជូនស្បៀងអាហារ ទីជម្រកសមរម្យ ការថែទាំវេជ្ជសស្ត្រ ការអប់រំចំណេះដឹងទូទៅពីថ្នាក់ទី១ ដល់ថ្នាក់ទី១២ និងការបណ្តុះបណ្តាលវិជ្ជាជីវៈជំនាញ និងកម្មវិធីគាំទ្រគ្រួសារដល់កុមារក្រីក្រ ងាយរងគ្រោះពីការរំលោភបំពាន និងមិនបានសិក្សានៅក្នុងរាជធានីភ្នំពេញ ខេត្តសៀមរាប និងខេត្តព្រះសីហនុ និងតាមបណ្តាលខេត្តក្រុងនានាក្នុងប្រទេសកម្ពុជា ដោយចុះទៅដល់ទីតាំងផ្ទាល់។

ផេកផ្លូវការរបស់ លោក វ៉េង សិរីវុឌ្ឍ អតីតទេសរដ្ឋមន្រ្តីមួយរូប បានបង្ហោះបន្ថែមផងដែលថា៖ បញ្ចប់ទៅ… លោកឪពុកអ្នកម្តាយ សិស្សក្រីក្រ ត្រដួសខំ ឱ្យកូនរៀនសូត្រ បំណងបញ្ចប់ទៅ ភាពក្រីក្រតជំនាន់…។ អរព្រះគុណព្រះអង្គ បណ្ឌិត យ៉ន សេងយៀត ឯកឧត្តម គិន ឆេងលី អ្នកគ្រូប្អូន មែន មករា លោកគ្រូប្អូន សាន សាមេធ លោកប្អូន លី ចន្ទមុនី ដែលមានចិត្តសប្បុរសចែកចាយសៀវភៅដល់សិស្ស បានដឹកនាំ រៀបចំចែករំលែកជាប្រយោជន៍ ដល់លោកឪពុក អ្នកម្តាយសិស្សសាលា អង្គការដើម្បីស្នាមញញឹមនៃកុមារ លោកបានបន្ថែមទៀតថា គ្មាននរណាកើតមកក្រទេ!!!។

ទំព័រហ្វេសបុកដែលមានឈ្មោះថា Jane Makara បានថ្លែងអំណរគុណយ៉ាងជ្រាលជ្រៅមិនអាចកាត់ថ្លៃបានចំពោះវត្តមានរបស់ ភិក្ខុ បណ្ឌិត យ៉ន សេងយៀត លោកវ៉េង សារីវុឌ្ឃ និង ជាពិសេស ចំពោះលោក គិន ឆេងលី ដែលជាទីប្រឹក្សាផ្ទាល់លោក ស ខេង រដ្ឋមន្រ្តីក្រសួងមហាផ្ទៃ ដែលបានអញ្ជើញមកជាគណៈអធិបតី និងជាវាគ្មិនកិត្តិយស ក្នុងកម្មវិធីជំនួបអាណាព្យាបាលសិស្សឆ្នាំសិក្សា ២០២៣ ដើម្បីផ្តល់នូវអនុសាសន៍ ការលើកទឹកចិត្ត និងគតិអប់រំល្អៗដល់លោកឪពុកអ្នកម្តាយនៃសិស្សានុសិស្សនៅអង្គការ (PSE)។

Newsroom Cambodia បានព្យាយាមទាក់ទង់ទៅ PSE ដើម្បីទទួលបាននូវព័ត៌មានបន្ថៃមនៃកិច្ចការជាប្រយោជន៍សម្រាប់ជីវិតកុមារ និងមនុស្សរាប់លាននាក់នេះ ប៉ុន្តែមិនទាន់ទទួលបានការឆ្លើយតបនៅឡើយ៕

ដោយចាប់ផ្តើមចេញពីភាពមិនច្បាស់លាស់ និងមិនទាន់មានស្ថេរភាព ឬមូលនិធិគ្រប់គ្រាន់ ស្របពេលនឹងសម្ពាធន៍នយោបាយ សម្ពាធន៍នៃការគ្រប់គ្រង់ ការគំរាមកំហែងរាប់មិនអស់ ទាំង CCIM និង VOD នៅតែអាចឈរជើងបាន២០ឆ្នាំ នេះបើយោងតាមទំព័រហ្វេសបុករបស់លោកហ៊ុន កុសល ដែលស្និតនឹងលោកកឹម សុខា អតីតប្រធានគណបក្សសង្រ្គោះជាតិ។

លោកបានបានផូសកាលពីថ្ងៃទី១ ខែកុម្ភៈ ឆ្នាំ២០២៣ថា ប្រព័ន្ធផ្សព្វផ្សាយសំឡេងប្រជាធិបតេយ្យ VOD បានបណ្តុះបណ្តាលអ្នកសារព័ត៌មានរាប់មិនអស់ មានបងប្អូនអ្នកសារព័ត៌មានជាច្រើនបានប្រកបអាជីពនេះដើម្បីបម្រើការងារនៅតាមស្ថាប័ននានាក្នុងនោះមានក្នុងជួររដ្ឋាភិបាលផងដែរក្រោយពីបានឆ្លងកាត់ការរៀនសូត្រ និងស្រូបយកបទពីសោធន៍ពីកន្លែងមួយនេះ។

លោកហ៊ុន កុសល បាននិយាយថា មានសមិទ្ធិផលច្រើនទៀតដែលមិនអាចរាប់អស់ក្រោមវត្តមានរបស់លោកប៉ា ងួនទៀង ប្រធាន CCIM ដែលពេលនេះកំពុងរស់នៅក្រៅប្រទេស ព្រោះគាត់ជាគំរូមួយដែលអ្នកជំនាន់ក្រោយគូរៀនសូត្រ និងយកគំរូតាម។

តាមរយៈ កម្មវិធីប្រព័ន្ធផ្សព្វផ្សាយសំឡេងប្រជាធិបតេយ្យ បានចុះផ្សាយមុននេះបន្តិចថា VOD មានបេសកកម្មតែមួយគត់ គឺផ្តល់ពត៌មានឯករាជជូនប្រជាពលរដ្ឋកម្ពុជា ដោយក្នុងនោះ វី អូ ឌី បានពង្រឹង និងពង្រីកមាតិកាព័ត៌មាន និងកម្មវិធីផ្សព្វផ្សាយកាន់តែសម្បួរបែប ស៊ីជំរៅ និងទូលំទូលាយ ដើម្បីបេសកកម្មរបស់ខ្លួនឆ្ពោះទៅមុខជានិច្ច និងឈានដល់គោលដៅជួយឱ្យសង្គមកម្ពុជា ជាទីកន្លែងដែលពលរដ្ឋគ្រប់រូប ត្រូវបានពង្រីកភាពអង់អាច ចំណេះដឹង និងការត្រិះរិះពិចារណា តាមរយៈកាលទទួលបានព័ត៌មានឯករាជ្យ គ្រប់ជ្រុងជ្រោយ ពិតឥតលំអៀង និងដោយគ្មានភាពភ័យខ្លាច។

យោងតាម Vod English VOD ត្រូវបានគ្រប់គ្រងដោយមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ(CCIM) ដែលបានចុះបញ្ជីនៅក្រសួងមហាផ្ទៃក្នុងខែមិថុនា ឆ្នាំ២០០៧ ដើម្បីគ្រប់គ្រង់ VOD។ បើរាប់ចាប់តាំងពីឆ្នាំ២០០៧មក វីអូឌី បានពង្រីកប្រតិបត្តិការណ៍របស់ខ្លួនក្នុងការផលិតព័ត៌មាន និងវីដេអូសម្រាប់វេទិកាឌីជីថល ក៏ដូចជាវិទ្យុ និងបានដើរតួនាទីយ៉ាងសំខាន់ក្នុងការជួយ CCIM បំពេញបេសកកម្មរបស់ខ្លួនក្នុងការលើកកំពស់អភិបាលកិច្ច និងបរិយាកាសឯករាជ្យ និងនិរន្តភាពសម្រាប់ប្រព័ន្ធផ្សព្វផ្សាយ។

លោកប៉ា ង៉ួន ទៀង បាននិយាយប្រាប់ Newroom Cambodia ថាបុគ្គលិករបស់ VOD មានបទពិសោធន៍ក្នុងការផលិតព័ត៌មានវិទ្យុ លក្ខណៈពិសេស ការសម្ភាសន៍ និងការស៊ើបអង្កេត ជាពិសេសបន្ទប់ផ្សាយព័ត៌មាន និងស្តូឌីយោរបស់ វីអូឌី ត្រូវបានបំពាក់ដោយប្រព័ន្ធបច្ចេកវិទ្យាទំនើប បង្កើតឡើងដើម្បីការងារប្រកបវិជ្ជាជីវៈសារព័ត៌មានតែប៉ុណ្នោះ។

CCIM បានផ្សព្វផ្សាយព័ត៌មានដល់សង្គមកម្ពុជា ដោយមានគោលបំណងរួមបញ្ចូលជូនប្រជាពលរដ្ឋក្នុងវីស័យសារព័ត៌មាន និងបង្កើតអក្ខរកម្មប្រព័ន្ធផ្សព្វផ្សាយក្នុងចំណោមយុវជន ផ្តល់ការបណ្តុះបណ្តាលនិងការគាំទ្រ និងតស៊ូមតិសម្រាប់សមភាពយេនឌ័រ យុត្តិធម៌បរិស្ថាន និងយុត្តិធម៌សង្គម៕

យោងតាមផេកផ្លូវការរបស់លោកផ្ទាល់ លោកបានបង្ហាញនូវអារម្មណ៍សោកសៅ និយាយទាំងទឹកមុខក្រៀមក្រំថា «ខ្ញុំក៏មានលក្ខណៈមួយថា អន់ចិត្តដែលថាហេតុអ្វីស៊ីហ្គេមឆ្នាំ២០២៣នេះ គ្មានឈ្មោះខ្ញុំប្រកួតស៊ីហ្គេម? ខ្ញុំប្រកួតថ្នាក់ជាតិ ខ្ញុំបានមេដៃមាស មិនគួរណាអត់មានខ្ញុំនៅក្នុងស៊ីហ្គេមហ្នឹងទេ ព្រោះយើងជាម្ចាស់ផ្ទះ មុនដំបូងខ្ញុំសប្បាយចិត្ត ដល់តែសួរទៅ ឆ្លើយថា អត់មានទេ។»

លោកបានបន្ថែមទៀងថា បើអត់មានកីឡាហ្នឹង បងឱ្យខ្ញុំសម្រក ខ្ញុំសម្រកតាម មុននឹងបញ្ចប់អាជីពនេះខ្ញុំចង់ប្រកួតស៊ីហ្គេម ប៉ុន្តែក៏អត់មានប្រកួត! សោកស្តាយមែនទែន!!! យើងជាម្ចាស់ផ្ទះ២០២៣នេះ កែវ រំចង់តំណាងប្រទេសមួយដែរ ប៉ុន្តែអត់មានកែង រំចង់ចូលរួមប្រកួតស៊ីហ្គេម។

លោក កែវ រំចង់ ត្រូវបានមហាជនស្គាល់ជាច្រើន ហើយកីឡាកររូបនេះមានស្រុកកំណើតមកពី ខេត្តបាត់ដំបង បានចាប់ផ្តើមរៀនគុនខ្មែរដំបូងអាយុ ៥ឆ្នាំ ធ្លាប់បានក្លាយជាម្ចាស់ជើងឯក ទូរទស្សន៍បាយ័នគុនខ្មែរច្រើនលើកមកហើយ មកដល់ ឆ្នាំ២០១១ កីឡាករទំងន់៦៧គីឡូរូបនេះក្លាយជាជើងឯកក្នុង បាយ័ន្ត ធីវីគុនខ្មែរ និងឆ្នាំ២០១៤ បានឈ្នះម្តងទៀត ក្នុងទំនង់៧០គីឡូក្រាម។

យោងតាមកាសែតព័ត៌មានថៃ និងកាសែតនានាបានចុះផ្សាយថា កែវ រំចង់ ជាតោ កំណាច។

Newsroom Cambodia បានព្យាយាមទាក់ទង់ទៅលោកផ្ទាល់ ប៉ុន្តែមិនទាន់ទទួលបានព័ត៌មានបន្ថែមនៅឡើយទេ៕

កាសែតចិនបានចុះផ្សាយថា សម្តេចប៉ាប ហ្រង់ស៊ីស បានទទួលគណៈប្រតិភូពុទ្ធសាសនិកពីប្រទេសកម្ពុជា នៅបូរីវ៉ាទីកុង សម្តេចប៉ាបបានសរសើរចំពោះកិច្ចខិតខំប្រឹងប្រែងរបស់ព្រះភិក្ខុសាន សុជា និង លោកគួច ម៉េងលី និងគ្រឹសសាសនិកដែលបានរួមដំណើរទៅបំពេញបេសកម្មជំនួបនៃកិច្ចខិតខំប្រឺងប្រែងក្នុងការលើកកម្ពស់ការសន្ទនាអន្តរសាសនា ដោយនិយាយថា «ធាតុសង្គមដ៏សំខាន់នេះជួយមនុស្សឱ្យរស់ក្នុងសន្តិភាព ជាបងប្អូនបង្កើត»។

កាសែនចិនបានបន្ថែមថា គណៈប្រតិភូដែលបង្កើតឡើងក្នុងគោលបំណងលើកកម្ពស់‍ការបម្លែងអេកូឡូស៊ី ដែលត្រូវបានហៅថា សញ្ញាវិជ្ជមាននៃភាពកើនឡើងនូវការរសើប និងការព្រួយបារម្មចំពោះសុខុមាលភាពនៃផ្ទះរួមរបស់ភពផែនដីយើង។

សម្តេចប៉ាបបានសង្កត់ធ្ងន់ថា «អ្នកជឿគ្រប់ជំនឿគួរតែធ្វើការដើម្បីដោះស្រាយវិបត្តិជាច្រើនដែលញ៉ាំញីសង្គមទូទាំងពិភពលោក អ្វីដែលកាន់តែកត់ចំណាំនោះគឺ ភាពក្រីក្រ និងភាពខ្វះនូវការគោរពចំពោះសេចក្តីថ្លៃថ្លូរនាំមកនូវតែសេចក្តីឈឺចាប់និងការខកចិត្តប៉ុណ្ណោះដល់ពេលវេលារបស់យើង ដូច្នេះយើងត្រូវរួមគ្នាក្នុងការលើកកម្ពស់ការយល់ដឹងឱ្យបានច្រើនអំពីភាពផុយស្រួយនៃបរិស្ថានរបស់ពិភពលោកទាំងមូល។»

Newsroom Cambodia បានទាក់ទងតាមរយៈបណ្តាញសង្គមទៅភិក្ខុសាន សុជា ដើម្បីបញ្ជាក់បន្ថែមដោយក្នុងនោះទំព័រហ្វេសប៊ុករបស់ព្រះអង្គបានបង្ហោះខ្លឹមសាទាំងស្រុងនៃការសំណេះសំណាលនៅក្នុងរដ្ឋសភាជាតិនៃប្រទេសម៉ូណាកូ។

ព្រះអង្គបានបញ្ជាក់ថា ការរួមរួមសាមគ្គីគ្នារវាងសាសនា គ្រប់ជំនឿរ ជារឿងសន្តិភាពសម្រាប់ពិភពលោកនិងមនុស្សសត្វគ្រប់រូប ការកែប្រែចិត្តគំនិតគឺជាការចាំបាច់ដ៌សំខាន់ ដើម្បីការពារអំពីភាពរង់គ្រោះគ្រប់យ៉ា់ង មិនថា តាមរយៈសាសនា ឬតាមរយៈមនុស្សសត្វគ្រប់រូបនោះទេ។

ហេតុដូច្នេះហើយ សម្តេចប៉ាបបាននិយាយថា «កាសន្ទនាក្នុងសាសនាចំណោមសាសនានា អាចជួយអ្នកជឿរគ្រប់សាសនា ធ្វើការរួមគ្នាដើម្បីបណ្តុះស្មារតីនៃការទទួលខុសត្រូវខាងអេកូឡូស៊ី ហើយព្រះពុទ្ធបានបង្រៀនដល់សាវ័កត្រូវប្រកបដោយមេត្តាព្រហ្មវិហារធម៌ មិនធ្វើបាបមនុស្សសត្វ ហើយរស់នៅជាសាមញ្ញ ដោយធ្វើតាមគោលការណ៍នៃការអនុវត្តទាំងនេះ (ពុទ្ធសាសនិកអាចបង្កើតមេត្តា ចំពោះមនុស្សសត្វ រូមទាំងភពផែនដី និងបរិស្ថាន ចំណែកគ្រីស្ទបរិសទ្ទត្រូវបំពេញទំនួសខុសត្រូវផ្នែកអេកូឡីស៊ី ហើយខិតខំការពារដោយមានទំនួសខុសត្រូវខ្ពស់និងខិតខំការនូវការបង្កើតរបស់ព្រះ។»

ជាចុងក្រោយក្នុងការសន្ទនានេះផងដែល សម្តេច ប៉ាប បានថ្លែងអំណរអរគុណចំពោះ គណៈប្រតិភូពុទ្ធសាសនិកកម្ពុជា ដែលបានអញ្ជើញមកបំពេញទស្សនកិច្ច និងបួងសួងសុំព្រះពរដ៌បរិបូរណ៍ ដោយមានមានវត្តមាន ភិក្ខុ សាន សុជា លោកគួច ម៉េងលី និងគ្រីស្ទរួមទាំងក្រុមការងារគ្រប់រូបអំពីព្រះអង្គ ក្នុងបុរីវ៉ាទីកុង៕

ដោយយោងទៅតាមបទសម្ភាសន៍ផ្ទាល់នៅថ្ងៃទី២៧ ខែមករា ឆ្នាំ២០២៣ លោក ឃួង ស្រេង បាននិយាយថា «មានតែខិតខំប្រឹងប្រែងធ្វើការងារថែមទៀត ដើម្បីផ្តល់នូវទំនុកចិត្តដ៏ឧត្តុងឧត្តុម ត្រឹមត្រូវតាមគោលការរាជរដ្ឋាភិបាល»។

លោក ឃួង ស្រេង បានក្លាយជាអភិបាលរាជធានីភ្នំពេញ កាលពីឆ្នាំ២០១៧ ជំនួសលោក ប៉ា សុជាតិវង្ស។ លោកត្រូវបានគេស្គាល់ថា ជាមនុស្សនៅកៀកនឹងលោក ជា សុផារ៉ា អតីតអភិបាលក្រុង និងហើយឥឡូវនេះជារដ្ឋមន្ត្រីក្រសួងរៀបចំដែនដី និងនគរូបនីយកម្ម។

នៅកំឡុងឆ្នាំ១៩៩៩ ដល់២០០៣ លោកបានបញ្ចប់ថ្នាក់អនុបណ្ឌិតផ្នែកវិទ្យាសាស្ត្រនយោបាយ មុនពេលឡើងកាន់ដំណែង និងជាឥស្សរជនទី១៨ នៃការកាន់តំណែងជាអភិបាលក្រុងភ្នំពេញ បើគិតតាមលេខរៀងតាំងពីឆ្នាំ១៩៩៤មកនោះ៕

តាមការសម្ភាសន៍ជាមួយNewsroom Cambodia កញ្ញាពេជ្រ ចរណៃបានប្រាប់ថា ចំពោះកម្មវិធីប្រកួតក្នុងស៊ីហ្គេមខាងមុខ កញ្ញា មិនទាន់ទទួលបានព័ត៌មានច្បាស់លាស់នៅឡើយទេ ប៉ុន្តែកញ្ញាបន្ថែមថា ប្រហែលជាអាចបញ្ជូនកីឡាករចំនួន ២រូប ពីខាងក្លឹបរបស់កញ្ញាទៅ។

បើតាមដំណឹងក្នុងក្រុម កីឡាករពីររូបនោះមានដូចជាគ្រូបង្វឹកនៅម៉ាឡេស៊ីមួយ និងមួយរូបទៀត មិនទាន់ច្បាស់នៅឡើយ។

កញ្ញា ពេជ្រ ចរណៃបានបន្ថែមថា ការចុះឈ្មោះពីខាងសាលាគុនរបស់កញ្ញាក៏នៅមិនទាន់ដាក់ឈ្មោះកីឡាកររូបណាចូលរួមប្រកួតនៅឡើយ ហើយកញ្ញា ពេជ្រ ចរណៃ ត្រូវបានបណ្តាញសង្គមបានទទួលស្គាល់ថា ជាគ្រូបង្ហាត់ គុនល្បុកតោខ្មែរដោយចាប់ផ្តើមពីកុមារកំព្រាមក។

ឈ្មោះពិតរបស់កញ្ញា ពេជ្រ ចរណៃ គឺ អ៊ិត កន្និកា ហើយនាងធ្លាប់ជាក្មេងកំព្រា តារាសម្តែង និងវិវត្តន៍ខ្លួនក្លាយជា គ្រូបង្ហាត់ក្បាច់គុនល្បុកតោខ្មែរមួយរូបនៅកម្ពុជា តាំងពីអាយុ ៧ឆ្នាំមកនាងត្រូវបានបញ្ជូនមកមជ្ឈមណ្ឌលកុមារកំព្រាប្រចាំខេត្ត។

ទោះជាយ៉ាងនេះក្តី កញ្ញាវ័យ២៨ឆ្នាំរូបនេះបានលះបង់ប្រយោជន៍ខ្លួនឯងដើម្បីរក្សា អភិរក្សមរតកវប្បធម៌របស់ដូនតាខ្មែរយ៉ាងខ្លាំងក្លាផងដែរ៕

លោកទៀ បាញ់ រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការបកួតកីឡាអាស៊ីអាគ្នយ៍ លើកទី៣២ បានមានប្រសាសន៍ថាថ្ងៃនេះ ជាកំណត់ត្រាប្រវត្តិសាស្ត្រថ្មី ក្នុងការប្រកាសពេលវេលាសេស សល់តែ១០០ថ្ងៃទៀតប៉ុណ្ណោះ ដែលជាសុបិន ៦៤ឆ្នាំក្នុងការធ្វើជាម្ចាស់ផ្ទះរៀបចំការប្រកួតដែលជាព្រឹត្តិការណ៍ដ៏អស្ចារ្យ នឹងក្លាយជាការពិត សម្រាប់ប្រជាជនកម្ពុជាទូទាំងប្រទេស។

យោងតាម​ Cambodia2023, ពិធីរាប់ថយក្រោយនេះបានធ្វើឡើងនៅពហុកីឡដ្ឋានជាតិមរតកតេជោ។

លោកទៀ បាញ់ បានមានប្រសាសន៍ទៀតថា «កម្ពុជាបានរង់ចាំរយៈពេល៦៤ឆ្នាំ ទើបបានសម្រេចចិត្តយកឆ្នាំ២០២៣ធ្វើជាម្ចាស់ផ្ទះរៀបចំការ ប្រកួតកីឡា SEA Games-ASEAN Para Games។ ក្នុងនាមជាម្ចាស់ផ្ទះ កម្ពុជាតែងតែឈរលើជំហរយ៉ាងមុតមាំលើគោលការណ៍កិច្ចសហប្រតិបត្តិការ សន្តិសហវិជ្ជមាន ស្មើមុខស្មើមាត់ និងបម្រើផល ប្រយោជន៍គ្នាទៅវិញទៅមកប្រកបដោយសុឆន្ទៈរួម ដើម្បីកសាងជោគវាសនារួម គឺសុខសន្តិភាព និងការ អភិវឌ្ឍក្នុងតំបន់»។

យោងតាមប្រព័ន្ធផ្សព្វផ្សានានា និងក្នុងទំព័រហ្វេសបុកផ្លូវការរបស់លោកនាយករដ្ឋមន្ត្រី ហ៊ុន សែន ថាថ្ងៃទី២៥ ខែមករា ឆ្នាំ២០២៣ កម្ពុជាបានរាប់ថយក្រោយ១០០ថ្ងៃទាំងអស់គ្នា ដើម្បីបញ្ជាក់ថាកម្ពុជាបានត្រៀមខ្លួនរួចជាស្រេចក្នុងការធ្វើជាម្ចាស់ផ្ទះ នៃព្រឹត្តិការណ៍ប្រគួតកីឡាអាស៊ីអាគ្នេយ៍លើកទី៣២ ដូច្នេះកម្ពុជាមានបង្កើតវិស័យកីឡានាំឱ្យពិភពលោកបានស្គាល់នៅវិស័យក្បាច់គុនខ្មែរ និងកីឡាដែលជារបស់ខ្មែរជាច្រើនទៀត។

បន្ថែមពីលើនេះផងដែរ ប្រព័ន្ធផ្សព្វផ្សាយនានា ទាំងក្នុងប្រទេសកម្ពុជា និងបណ្តារប្រទេសនានាដែលនឹងត្រូវចូលរួមការប្រកួតនេះ ក៏បាននាំគ្នាផុសព្រោងព្រាតឡើងតាមបណ្តាញសង្គមមានហ្វេសបុក អ៊ីស្តាក្រាម ទ្វីតធឺ និងតាមក្រុបតេលេក្រាមមួយចំនួនផងដែរ ទាំងនេះការព្រឹត្តិការណ៍មួយដ៏មានចំណាប់អារម្មណ៍ជាខ្លាំងសម្រាប់បណ្តាប្រទេសនានាដែលស្នេហាវិស័យកីឡាផងដែរ៕

កាសែតថៃបានចុះផ្សាយកន្លងមកថា ថៃមានការខឹងសម្បាចំពោះកម្ពុជា ដែលលុបពាក្យ MUAY ហើយសម្រេចប្រើពាក្យថា KUN KHMER ហើយភាគីថៃបានសម្រេចមិនចូលរួមការប្រកួតស៊ីហ្គេមឆ្នាំ២០២៣ដែលមានកម្ពុជា ជាម្ចាស់ផ្ទះនេះតែម្តង ហើយនៅឆ្នាំ២០២៥ខាងមុខនេះ ប្រទេសថៃនឹងធ្វើជាម្ចាស់ផ្ទះវិញម្តង ហើយពាក្យMUAYថៃនៅតែប្រើសម្រាប់ភាពជាម្ចាស់ផ្ទះរបស់ខ្លួន ប៉ុន្តែកម្ពុជាក៏សម្រេចមិនចូលរួមការប្រកួតស៊ីហ្គេមឆ្នាំ២០២៥ដែលមានថៃជាម្ចាស់ផ្ទះនេះដូចគ្នា។

លោក វ៉ាត់ ចំរើន នាយកប្រតិបត្តិ Camsoc បាននិយាយថាសម្រាប់ស៊ីហ្គេមឆ្នាំ២០២៣នេះ តម្រូវឱ្យមាន ៤ប្រទេសឡើងទៅចូលរូម ទើបអាចប្រកួតបាន ហើយកម្ពុជាមាន ៦ប្រទេសគាំទ្រការក្រគួតនេះ គឺ ប្រទេសឡាវ មីយ៉ាន់ម៉ា វៀតណាម ឥណ្ឌូនេស៊ី ហ្វីនលិពីន និងមាឡេស៊ី រួចទៅហើយ ដូច្នេះកម្ពុជាមិនបារម្មណ៍ចំពោះប្រទេសថៃដែលមិនចូលរួមប្រកួតនោះឡើយ ហើយប្រទេសថៃនៅតែមានគោលជំហរដាច់ខាតមិនឱ្យលុបពាក្យ MUAYចេញឡើយ។

យោងតាមគេហទំព័រ Cambodia2023.com លោកវ៉ាត់ ចំរើន បានគូសបញ្ហាក់ថា៖ «សម្តេចពិជ័យសេនា ទៀ បាញ់ និងឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្ត្រៃយ៍ គណៈកម្មាធិការជាតិ CAMSOC បានផ្តល់អនុសាសន៍ណែនាំជាច្រើន ដើម្បីជំរុញបន្ថែមលើ គ្រប់សកម្មភាពការងារឱ្យបានច្បាស់លាស់ និងទាន់ពេលវេលា។

តែទោះជាយ៉ាងនេះក្តី គេហទំព័រហ្វេសបុកផ្ទាល់របស់លោកហ៊ុន សែន នាយករដ្ឋមន្ត្រីកម្ពុជា បានផុសក្នុងបណ្តាញសង្គមផ្ទាល់របស់លោកថា «នៅថ្ងៃទី២៥ ខែមករា ឆ្នាំ២០២៣ ស្អែកនេះ យុទ្ធនាការជាតិរាប់ថយក្រោយ១០០ថ្ងៃ សម្រាប់ព្រឹត្តិការណ៍ស៊ីហ្គេម លើកទី៣២ ដែលកម្ពុជាធ្វើជាម្ចាស់ផ្ទះនឹងចូលមកដល់ យើងនឹងរាប់ថយក្រោយ១០០ថ្ងៃទាំងអស់គ្នា ដើម្បីឱ្យប្រជាពលរដ្ឋយើងទូទាំងប្រទេសបានដឹងថាកម្ពុជាត្រៀមខ្លួនរួចជាស្រេចក្នុងការធ្វើជាម្ចាស់ផ្ទះ នៃព្រឹត្តិការណ៍ប្រកូតកីឡាអាស៊ីអាគ្នេយ៍លើកទី៣២ ឆ្នាំ២០២៣ (32nd sea games) និងអាស៊ានប៉ារ៉ាហ្គេមទី១២(12th ASEAN Para Games)។»

NEWSROOM CAMBODIA បានព្យាយាមទាក់ទង់ទៅលោកវ៉ាត់ ចម្រើន ប៉ុន្តែការទាក់ទង់មិនទាន់អាចទាក់ទង់បានអំពីពត៌មានលំអិតនៅឡើយអំពីកម្ពុជាសម្រេចប្រើពាក្យ គុនខ្មែរ (KUN KHMER) ហើយលុបចោលនៅពាក្យ (MUAY)៕