Newsroom Cambodia

បទ​​យក​ការណ៍​៖ អ្នក​ភូមិ​​មួយ​​នៅ​​បាត់​ដំបង​​រស់​នៅ​​ដោយ​​ភ័យ​​ព្រួយ ​ព្រោះ​​គ្រឿង​ញៀន​​កំពុង​​ញាំញី​ក្នុង​​ភូមិ​​

គ្រឿងញៀនដែលរឹបអូសបានកាលពីពេលកន្លងទៅ។ រូបភាព៖ វីអូឌី

អ្នកស្រី ឈួន តូច រស់នៅ​ភូមិ​វត្ត​លៀប ឃុំ​ចំការ​សំរោង ក្រុង​បាត់ដំបង ខេត្តបាត់ដំបង មានមុខ​របរ​ជា​អ្នកដើរ​ទិញនិង​រើស​អេតចាយ​សម្រាប់​ផ្គត់​ផ្គង់​កូន៧នាក់។ អ្នកស្រី​មិនបាន​ខ្លាច​កា​រនឿយ​ហត់​ដែល​កើត​ចេញពី​មុខរបរ​ដែល​ត្រូវ​ដើរ​ហាលថ្ងៃ​ហាលភ្លៀង​ពី​ភូមិ​មួយ​ទៅភូមិ​មួយ​​ទេ ប៉ុន្តែ​អ្វី​ដែល​អ្នកស្រី​ខ្លាច​និង​បារម្ភ​បំផុត​នៅពេល​នេះ ​គឺ​កូនប្រុស​វ័យ២៨ឆ្នាំ​របស់​គាត់​ដែល​បាន​ប្រើប្រាស់​គ្រឿងញៀន​អស់​រយៈពេល៣ឆ្នាំ​មក​ហើយ។ 

ករណី​ប្រើប្រាស់​គ្រឿងញៀន​មិនមែន​កើត​ទៅលើតែ​កូនប្រុស​របស់​អ្នកស្រី ឈួន តូច តែម្នាក់​នោះ​ទេ គ្រួសារ​ខ្លះ​ដែល​រស់នៅ​ក្នុង​ភូមិ​វត្ត​លៀប ឃុំ​ចំការ​សំរោង ក្រុង​បាត់ដំបង ខេត្តបាត់ដំបង ក៏​កំពុង​ជួបប្រទះនិង​ប្រឈម​នឹង​បញ្ហា​នេះ​ដូចគ្នា។ អ្នកខ្លះ​ត្រូវ​គេច​ចេញពីផ្ទះ​ ដោយសារតែ​សមាជិក​គ្រួសារ​របស់​ខ្លួន​ដែល​ប្រើប្រាស់​គ្រឿងញៀន ធ្វើទុក្ខ​បុកម្នេញ គំរាម និង​ប្រើ​ហិង្សា​ម​កលើ​ខ្លួន ខណៈ​គ្រួសារ​ខ្លះទៀត​ត្រូវ​បាត់បង់​សម្ភារ ដោយសារ​កូន​យក​ទៅ​លក់ឬបញ្ចាំ​ដើម្បី​បាន​លុយ​ទិញ​គ្រឿងញៀន។ 

https://vodkhmer.news/2021/02/15/people-in-watleap-village-in-battambong-province-worry-about-drug/?fbclid=IwAR2AzkvP1DMmIZHd1POoHevPg__k3jcKDUnABzHDXrphHdkal398dymhuZE

Exit mobile version