កាល​ពី​ថ្ងៃ​ទី​២​ ខែ​វិច្ឆិកា​ ឆ្នាំ​២០២១​ លោក​ស៊ុន​ ណា​រិន​ អ្នក​សារព័ត៌​មាន​មកពី​ វីអូ​អេ ​(VOA) បាន​ចែក​រំលែក​អំពី​បទ​ពិសោ​ធន៍​ជា​ច្រើន​ទាក់​ទង​នឹ​ង​ការ​ផលិត​វីដេ​អូ​ទៅ​កាន់​សិក្ខាកាម​​ Newsroom Cambodia។ លើស​ពី​នេះទៅ​ទៀត​នោះ គាត់​ក៏បាន​ប្រាប់ពី​មូល​ហេតុ​មួយ​ចំនួន​ដែល​ធ្វើ​ឲ្យ​គាត់​អាច​មានឱកាស​បាន​រៀន​សូ​ត្រ​ពី​ការផលិត​វីដេអូ​នេះ​។

​គាត់​បាន​និយាយ​​ថា​ គាត់​មាន​ឱកាស​បាន​រៀន​សូត្រ​អំពី​ការ​ផលិ​ត​វីដេ​អូ​ហ្នឹង​គឺ​ដោយ​សារ​តែ​​នៅ​ពេលដែល​គាត់​ចូល​ធ្វើ​ការ​នៅ​​​(VOA) ខាង​ស្ថាប័ន​ជា​អ្នក​​ផ្តល់​ឱកាស​ឲ្យ​​គាត់បាន​រៀន​សូត្រពី​ការ​ផលិត​វីដេអូ​​ និង​ដាក់​គម្រោង​ឲ្យ​គាត់​ចុះ​ទៅ​ផលិតវីដេ​អូ។​ ហើយ​គាត់​បានបន្ត​ថា ​ការ​ផលិត​វី​ដេអូ​វា​មិន​ងាយ​ស្រួល​ទេ​ វា​លំបាក ទាល់​តែ​យើង​មាន​ការ​អត់​ធ្មត់​ខ្លាំង​ ​ហើយ​បើ​ការងារ​នេះ​យើង​ចុះ​ទៅ​ធ្វើ​ម្នាក់​ឯង ​សម្រាប់​ការ​គិតថា​ត្រូវ​ធ្វើ​អ្វី​ខ្លះ​នោះ​​​គឺ​ងាយ​ស្រួល​ទេ ​សម្រាប់​យើង​ម្នាក់​ឯង​ តែ​ពេល​ដែលត្រូវ​​ថត​បើ​យើ​ង​ថត​ផង​ទៅ​សម្ភាសន៍​ប្រភព​ផង​ម្នា​ក់​ឯង​​នោះ​យើងនឹង​​លំ​បាក​ ដូច្នេះទាម​ទារ​ឲ្យ​យើង​មាន​ក្រុម​ការ​ងារ​មួយ​នាក់ ​ឬ​ពីរ​នាក់​ទៅ​ជាមួយ​​ដើ​ម្បី​ជួយ​ទើប​មាន​ភាព​ងាយ​ស្រួល​ជាង​យើង​ធ្វើ​ម្នាក់​ឯង។

​គាត់​ក៏​បាន​​និយាយ​​ទៀត​ដែរ​ថា​ ឥឡូ​វ​ហ្នឹង​គាត់​ក៏មិន​ទាន់​ក្លាយ​​ជា​អ្នក​​ផលិត​វីដេអូ​អាជីព​អី​នោះ​ដែរ ​គាត់​​មាន​ចំណុច​ខ្វះ​ខាត​ ហើយ​គាត់​ក៏​កំពុងតែព្យា​យាម​កែ​​​ចំណុច​ដែល​គាត់​​ខ្វះ​ខាត​​ ព្រម​ទាំង​​រៀន​សូត្រ​ និង​សិក្សា​ស្រាវ​ជ្រាវ​បន្ថែមទៀត​​​ដើ​ម្បី​​អភិវឌ្ឍន៍​សមត្ថ​ភាព​របស់​គាត់​ឲ្យកាន់​តែ​ប្រសើរ​ឡើងជា​ង​នេះ​ទៅ​ទៀត។

បើ​សម្រាប់​ខ្ញុំ​ផ្ទាល់ ​បន្ទាប់​ពី​ស្តាប់​ការ​ចែក​រំលែក​ និង​ការ​បង្រៀន​របស់​​គា​ត់​ហើយ ​ខ្ញុំ​​​រៀន​សូត្រ​ពី​គាត់​បាន​ច្រើនគួរ​សម​​ ទា​ក់​ទងនឹង​​ការ​ត្រៀម​ខ្លួនមុន​ពេល​ទៅ​សម្ភាសន៍​ប្រភព តើ​ខ្ញុំ​ត្រូវ​ត្រៀម​អ្វី​ខ្លះ​​​ ប្រាប់​ពី​របៀប​សួរ​​​សំ​ណួរ​​តើ​សួរ​​បែប​ណា​ទើប​បាន​មតិ​ល្អ​ៗ​ពី​ប្រភព​របស់​យើង​ ហើយ​ប្រាប់​ពី​ប្លង់​ដែល​យើង​ត្រូវ​ថត​​ តើ​ថត​បែប​ម៉េច​ទើ​ប​យើង​អាច​ថត​បាន​ប្លង់​ល្អ​ដើម្បី​យក​​ទៅ​ផលិត​វីដេអូ​ ហើយ​​ត្រូវ​ប្រើ​ពាក្យ​សម្តី​បែប​ណា​ទៅ​កាន់​ប្រភព​ តើ​យើ​ង​ត្រូ​វ​គិត​ទៅ​លើ​អ្វី​​ខ្លះ​មុន​ពេល​ដែរយើង​ផ្សព្វ​ផ្សាយ​ និង​មាន​វីធី​សាស្ត្រ​ជា​ច្រើន​ទៀត​ដែល​គាត់​បាន​ចែក​រំ​លែក​៕