យោងទៅលើគេហទំព័រហ្វេសប៊ុកផ្លូវការរបស់លេខាធិការដ្ឋានគណៈសង្ឃនាយក សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិតទេព វង្ស សម្តេចព្រះមហាសង្ឃរាជ និងសម្តេចព្រះមហាសុមេធាធិបតី កិត្តិឧទ្ទេសបណ្ឌិតនន្ទ ង៉ែត សម្តេច​ព្រះសង្ឃនាយកនៃព្រះរាជាណាចក្រ​កម្ពុជា ព្រមទាំងសម្តេចព្រះសង្ឃនាយករង សម្តេចព្រះសង្ឃ និងព្រះរាជាគណៈគ្រប់ឋានានុក្រម យាងនិងនិមន្តចាក់វ៉ាក់សាំងបង្ការជំងឺកូវីដ ១៩។

នេះគឺជាលើកដំបូង​ហើយចាប់តាំងពីវ៉ាក់សាំងរបស់ចិនស៊ីណូហ្វាម (Sinopharm) និងវ៉ាក់សាំងអាស្ត្រា
ហ្សេណេកា (Astra Zeneca) របស់​ចក្រភព​អង់គ្លេស បានមកដល់ប្រទេសកម្ពុជា ដែលសម្តេចព្រះមហាសង្ឃរាជនិងសម្តេច​ព្រះសង្ឃនាយកនៃព្រះរាជាណាចក្រ​កម្ពុជា និមន្តយាងមកទទួលចាក់វ៉ាក់សាំងនេះ៕

យោង​តាម​ទំព័រហ្វេសប៊ុកផ្លូវការរបស់លោកនាយករដ្ឋមន្ត្រី ហ៊ុន សែន ​ផ្សាយផ្ទាល់ (Live) ​នៅ​ថ្ងៃព្រឹកថ្ងៃ​ទី​៤ ខែ​មីនា ឆ្នាំ​២០២១​ បានឱ្យឃើញថា មាន​ថ្នាក់​ដឹកនាំ​ជាន់​ខ្ពស់​ជាច្រើន​នាក់​ផ្សេង​ទៀត​ក៏​បាន​មក​ទទួល​ការចាក់​វ៉ាក់​សាំង​នៅព្រឹកនេះ ក្នុងនោះមា​ន​ដូចជា​រដ្ឋមន្ត្រី​ក្រសួង​សុខា​ភិបាល​លោក ម៉ម ប៊ុនហេង រដ្ឋមន្ត្រី​ក្រសួង​រៀបចំ​ដែនដី នគរូប​នីយកម្ម និង​សំណង់​លោក ​ ជា​ សុផារ៉ា ជាដើម នៅមន្ទីរពេទ្យកាល់ម៉ែត។

វ៉ាក់សាំងការពារជំងឺកូវីដ១៩ អាស្ត្រា ហ្សេណេកា (Astra Zeneca) គឺជា​វ៉ាក់​សាំង​ទីពីរ​ហើយ​បន្ទាប់ពី​វ៉ាក់សាំង Sinopharm​ របស់ប្រទេសចិន ដែល​រដ្ឋាភិបាល​កម្ពុជា​ដាក់​ឱ្យ​ដំណើរការ​ចាក់​លើ​ក្រុម​មនុស្ស​​ងា​យ​​រង​គ្រោះជាអាទិភាព ក្នុងនោះមានដូចជាក្រុមគ្រូពេទ្យ ទាហ៊ាន អ្នកសារ​ព័ត៌មាន​ជាដើម។

គួរបញ្ជាក់ដែរថា វ៉ាក់សាំងការពារជំងឺកូវីដ១៩ អាស្ត្រា ហ្សេណេកា (Astra Zeneca) គឺ​អាច​ចាក់​បាន​ទៅ​លើ​ក្រុម​មនុស្សដែលមានអាយុលើស ៦០ឆ្នាំ។ ចំណែកឯវ៉ាក់សាំង Sinopharm វិញ គឺអាចចាក់បានចំពោះក្រុមមនុស្សចន្លោះអាយុចាប់ពី១៨ រហូតដល់៥៩ឆ្នាំ តែ​ប៉ុណ្ណោះ៕

យោងតាមសេចក្តីជូនដំណឹងរបស់ក្រសួងសុខាភិបាលលើបណ្តាញសង្គមហ្វេកប៊ុក នៅថ្ងែទី២៨ ខែកុម្ភៈ ​នេះជា​លើ​ក​ដំ​បូងហើយ​ដែលកូ​វ៉ា​ក់​បានផ្តល់វ៉ាក់សាំងដល់កម្ពុ​​ជា​​​ជាវ៉ាក់សាំងដែលបានទទួលអាជ្ញាបណ្ណផលិត​​ដោយវិ​​ទ្យាស្ថានសេរ៉ុម (Serum Institute)។

មជ្ឈ​ម​ណ្ឌ​ល​កូ​វ៉ា​ក់​ គឺដឹកនាំដោយអង្គការជាច្រើនរួមមានអង្គការសុខភាពពិភពលោក (WHO) ក្នុងភាពជាដៃគូជាមួយអង្គការយូនីសែហ្វ (UNICEF) ហើយកម្ពុជាជាប្រទេសដំបូងគេក្នុងតំបន់ប៉ាស៊ីហ្វិកខាង​លិ​ច​ដែលនឹងទទួល​​បាន។

នេះជាកិច្ចខិតខំប្រឹងប្រែងសកលដែលពុំធ្លាប់មាន និងដើម្បីជួយសម្របសម្រួលផ្តល់ឱ្យ​ប្រទេ​សទាំ​ង​អ​ស់​នៅ​ក្នុងពិភពលោក នូវសម​ភាព​ទ​ទួ​ល​បា​ន​វ៉ា​ក់​សាំង​ប្រ​ក​ប​ដោ​យ​សុ​វ​ត្តិ​ភា​ព​ ​ក្នុ​ង​កា​រ​កា​រ​ពា​រ​ជំ​ងឺ​កូ​វី​ដ​​១​៩​ ​ឱ្យ​បានឆាប់តាមដែលអាច​ធ្វើទៅ​បា​ន​។

លើបណ្តាញសង្គមហ្វេកប៊ុក លោកហ៊ុន​ សែន នៅថ្ងែទី២៨ ខែកុម្ភៈនេះ បានអរគុណប្រទេសនានា ក្រុមហ៊ុន និងសប្បុរសជននៅលើសកលលោកដែលបានផ្តល់ជំនួយតាមរយៈកូវ៉ាក់។

«ខ្ញុំសូមជំរាបបន្ថែមថា ប្រសិនបើពុំមានការប្រែប្រួលទេ ខ្ញុំនឹងទទួលចាក់វ៉ាក់សាំងនៅម៉ោង ៨និង៣០នាទីព្រឹកថ្ងៃទី៤ ខែមីនា ឆ្នាំ២០២១ នៅមន្ទីពេទ្យកាល់ម៉ែត្រ ដោយមានការធ្វើសន្និសីទសារព័តមានផងដែរ»៕

លោកហ៊ុន សែន បានធ្វើសំណើនេះក្នុងជំនួបពិភាក្សារជាមួយនឹងលោកជំទាវ Devyani Uttamkhobragade ឯកអគ្គរដ្ឋទូតថ្មីនៃសាធារណៈរដ្ឋឥណ្ឌាប្រចាំកម្ពុជា។ នេះយោងតាមហ្វេសប៊ុកលោកហ៊ុន សែន។

«នៅក្នុងជំនួបពិភាក្សាកាលពីព្រឹកមិញនេះផងដែរ តាមរយៈលោកជំទាវ ឯកអគ្គរដ្ឋទូតឥណ្ឌាថ្មីប្រចាំនៅកម្ពុជា សម្តេចតេជោ ហ៊ុន សែន បានស្នើសុំឥណ្ឌាឧបត្ថម្ភវ៉ាក់សាំងកូវីដ១៩ ដល់កម្ពុជាយើង ដើម្បីចាក់ជូនពលរដ្ឋខ្មែរ ព្រោះវ៉ាក់សាំងដែលជាជំនួយពីមិត្តចិនអាចនឹងមិនគ្រប់គ្រាន់»។

សំណើនេះបានកើតមានបន្ទាប់ពីលោកហ៊ុន សែន បានប្រកាសថាប្រទេសចិនបានបរិច្ចាគវ៉ាក់សាំង ១លានដូសសម្រាប់ចាក់មនុស្ស ៥០ម៉ឺននាក់ដល់កម្ពុជាហើយលោកបានព្រមទទួលយកដោយសារភាពចាំបាច់ទៅនឹងតម្រូវការការពារជាតិ និងការពារប្រជាជន  កុំឱ្យឆ្លងនូវរោគរាតត្បាតដ៏សាហាវនេះ ហើយប្រទេសដទៃទៀតក៏បានប្រើប្រាស់វ៉ាក់សាំងនេះ​ រួចហើយដែរ។

លោកហ៊ុន សែនក៏បានអះអាងថាលោកនឹងចាក់វ៉ាក់សាំងពីប្រទេសចិនមុនគេផងដែរ។ «សូមព្រះតេជព្រះគុណ ព្រះសង្ឃគ្រប់ព្រះអង្គ និងបងប្អូនជនរួមជាតិស្ងប់អារម្មណ៍ ហើយខ្ញុំព្រះករុ​ណាទទួលវ៉ាក់សាំងមុនគេ ដែលជាទម្លាប់នៃការឈរជួរជើងខ្សែមុខទៅហើយ។»

លើសពីនេះលោកបន្តថា អ្នកដែលមានអាទិភាពចាក់វ៉ាក់សាំងមុនគេ  ប្រហែលជាបណ្តាអ្នកដែលនៅជុំវិញលោក ​អ្នកនៅជុំវិញព្រះមហាក្សត្រ អ្នកនៅជុំវិញប្រធានព្រឹទ្ធសភា ប្រធានរដ្ឋសភា ឬក្រុមគ្រូពេទ្យ ឬប្រជាជនដែលស្ម័គ្រចិត្ត ក៏ត្រូវបានទទួលនូវវ៉ាក់សាំងនោះផងដែរ។

លោកហ៊ុន សែនក៏ធ្លាប់បាននិយាយថា ប្រទេសកម្ពុជា​មិនទាត់ចោលនូវការទទួលយកនូវជំនួយផ្សេងៗពីប្រទេសដទៃ ដែលមានបំណងចង់ផ្តល់វ៉ាក់សាំងផងដែរ ក្រោមលក្ខខណ្ឌដែលអាចប្រើប្រាស់មានប្រសិទ្ធភាព ការដឹកជញ្ជូន ក៏ដូចជាការស្តុកទុក ហើយដែលស្ថិតនៅក្នុងសមត្ថភាពគ្រប់គ្រង៕

បុរសបរទេស គឺជាអ្នកដំណើរពីប្រទេសបារាំង ដែលបានឆ្លងកាត់ប្រទេសសាំងហ្គាពួរ តាមជើងហោះហើរមកដល់កម្ពុជានៅថ្ងៃទី២០ ខែកញ្ញា ឆ្នាំ២០២០។

រីឯស្ត្រីវិញ គឺជាអ្នកដំណើរមកពីប្រទសឥណ្ឌា តាមជើងហោះហើរមកដល់កម្ពុជានៅថ្ងៃ ថ្ងៃទី២០ ខែកញ្ញា ឆ្នាំ២០២០ ផងដែរ។

តាមរយៈការធ្វើតេស្តលើកទី១ ក្រសួងបានរកឃើញថា ពួកគាត់ទាំងពីរនាក់អវិជ្ជមានកូវីដ ១៩ តែមកដល់ថ្ងៃទី៣ នៃការធ្វើចត្តឡីស័កដោយខ្លួនឯង ទើបលទ្ធតេស្តលើកទី២ បានបង្ហាញថា បុរស និងស្ត្រី ទាំងពីរនាក់នេះ វិជ្ជមានកូវីដ១៩។ នេះយោងតាមក្រសួងសុខាភិបាល។

គិតត្រឹមព្រឹក ថ្ងៃទី០៥ ខែតុលា ឆ្នាំ២០២០ កម្ពុជាមានអ្នកវិជ្ជមានកូវីដ ១៩ សរុប២៨០នាក់ ហើយព្យាបាលជាសះស្បើយចំនួន ២៧៥នាក់ ដែលបច្ចុប្បន្ននៅសល់អ្នកជំងឺ៥នាក់ទៀត កំពុងសម្រាកព្យាបាលនៅតាមមន្ទីរពេទ្យរាជធានី-ខេត្ត៕