ចាប់តាំងពីបើកវគ្គបណ្តុះបណ្តាលសារព័ត៌មានខ្លី នៅCCIM កាលពីថ្ងៃទី១១ ខែធ្នូ ឆ្នាំ២០១៩ រហូតមកដល់ពេលនេះ ខ្ញុំទទួលបានចំណេះដឹងបន្ថែមថ្មីៗ ពីលើចំណេះដឹងផ្សេងៗ ដែលខ្ញុំកំពុងស្វែងរក។ ខ្ញុំស្រលាញ់វិស័យសារព័ត៌មាន ដូច្នេះហើយខ្ញុំតែងស្វែងរកចំណេះដឹងអំពីវិស័យនេះ។ តែចំណេះដឹងដែលខ្ញុំស្វែងរកទាំងនោះ នៅមិនទាន់គ្រប់គ្រាន់ សម្រាប់សម្រួចចំណូលចិត្តនេះ បាននៅឡើយ។ ទើបតែបានចូលរួមវគ្គបណ្តុះបណ្តាលនេះទេ ទើបខ្ញុំទទួលបាននៅអ្វីដែលខ្ញុំកំពុងស្វែងរក ។
ជាមួយគ្នានេះដែរ ខ្ញុំក៏បានរីកចម្រើនផ្នែកភាសាបរទេស ដែលជាភាសា ចំបាច់សម្រាប់ធ្វើការទំនាក់ទំនងជាមួយបរទេស និងជាប្រភពដ៏សំខាន់សម្រាប់ក្រេបជញ្ជក់ចំណេះដឹងលើគេហទំព័របរទេសនានា ដែលមានភាពសម្បូរបែប ឥតគណនា។ ជាពិសេសនោះ វគ្គបណ្តុះបណ្តាលត្រឹមតែមួយរយៈខ្លីមកនេះ ខ្ញុំចេះចាប់ផ្តើមស្គាល់បុគ្គលល្បីៗច្រើន និងបានរៀនសូត្រ ស្វែងយល់ពីពួកគេ និងចេះរបៀបទំនាក់ទំនងជាមួយមនុស្សទូទៅដើម្បីទទួលបានពត៌មានចំណេះដឹង និងបទពិសោធន៍។ លើសពីនេះទៀត ខ្ញុំបានធ្វើរឿងជាក្រុម ដោយបានទៅសម្ភាសន៍ប្រភពនៅខាងក្រៅ។
