លាស់ លីបលីប (Lors Liblib)
លាស់ លីបលីប (Lors Liblib) អាយុ២៩ ឆ្នាំ មានទីលំនៅបច្ចុប្បន្ន ភូមិក្រពើហា សង្កាត់ព្រែកឬស្សី ក្រុងតាខ្មៅ ខេត្តកណ្តាល។ បច្ចុប្បន្នជាបុគ្គលិកក្រុមហ៊ុនផលិតកម្មចម្រៀង និងរឿងភាគមួយ ដែលធ្វើទៅលើផ្នែកកាត់ត និងកែតម្រូវរូបភាព និងជាសិក្ខាកាមសារព័ត៌មាន ជំនាន់ទី៦ នៅ Newsroom Cambodia, CCIM។ ចំណាប់អារម្មណ៍ក្នុងការចូលរួម គឺខ្ញុំចង់ក្លាយជាអ្នកសារព័ត៌មានសេរី និងឯករាជ្យក្នុងការផ្សព្វផ្សាយព័ត៌មានពិត ពីគោលនយោបាយ និងការអនុវត្តន៍គោលនយោបាយរបស់រាជរដ្ឋាភិបាល ទៅដល់ប្រជាពលរដ្ឋ និងផ្សព្វផ្សាយបញ្ហារបស់ប្រជាពលរដ្ឋឲ្យដឹងឮទៅដល់រាជរដ្ឋាភិបាល ដោយមិនលំអៀង មិនមានការរើសអើងពូជសាសន៍ មិនប្រកាន់សាសនា មិនប្រកាន់គណបក្សនយោបាយណាមួយ និងគោរពទៅតាមគោលការណ៍ច្បាប់ដែលមានចែងក្នុងព្រះរាជាណាចក្រកម្ពុជា។ គោលបំណងថ្ងៃអនាគត ខ្ញុំចង់ក្លាយជាអ្នកសារព័ត៌មានអាជីព ដោយសេរីភាព និងឯករាជ្យ និងចង់ក្លាយជាពិធីករ និងជាអ្នកសម្របសម្រួលកម្មវិធីដែលប្រកាន់ខ្ជាប់នូវគោលការណ៍ តុល្យភាព សេរីភាព តម្លាភាព ដើម្បីសម្រាប់ខ្លួនឯង ប្រជាជន និងការអភិវឌ្ឍន៍សង្គមជាតិទាំងមូល ។
