ក្រសួងមហាផ្ទៃការពារការចាប់ខ្លួនសកម្មជនបរិស្ថានទាំងបីរូបថាធ្វើឡើងតាមផ្លូវច្បាប់
ក្រសួងមហាផ្ទៃ នៅថ្ងៃពុធ បានប្រកាសថា ការចាប់ខ្លួនសកម្មជនបរិស្ថាន៣រូប ដោយចោទប្រកាន់ថាជាបណ្តាញសកម្មជនខុសច្បាប់មកពីអង្គការមាតាធម្មជាតិដែលបានរំលាយ គឺជាការអនុវត្តទៅតាមផ្លូវច្បាប់ដែលយោងទៅតាមមូលហេតុធំៗចំនួន៣។
ការប្រកាសរបស់ក្រសួងមហាផ្ទៃធ្វើឡើងបន្ទាប់ពីសកម្មជនបរិស្ថានបីរូប រួមមានមានយុវជន លី ចាន់ដារ៉ាវុទ្ធ យុវជន យឹម លាងហ៊ី និងកញ្ញា ស៊ុន រដ្ឋា ត្រូវបានសាលាដំបូងរាជធានីភ្នំពេញសម្រេចឃុំខ្លួនដោយចោទប្រកាន់ពីបទ «រួមគំនិតក្បត់» និង «ប្រមាថអង្គព្រះមហាក្សត្រ» បន្ទាប់ពីពួកគេត្រូវបានចាប់ខ្លួនកាលពិថ្ងៃទី១៦ ខែមិថុនា ឆ្នាំ២០២១។
យោងតាមសេចក្តីប្រកាសព័ត៌មាន ចេញដោយអ្នកនាំពាក្យក្រសួងមហាផ្ទៃ លោក ឃៀវ...
រដ្ឋមន្ត្រីការបរទេសអង់គ្លេសបំពេញទស្សនកិច្ចដើម្បីពង្រឹងចំណងទ្វេភាគី ខណៈកម្ពុជាធ្វើជាម្ចាស់ផ្ទះអាស៊ានឆ្នាំក្រោយ
ដូចការគ្រោងទុក រដ្ឋមន្ត្រីការបរទេសអង់គ្លេសបានមកបំពេញទស្សនកិច្ចនៅរាជធានីភ្នំពេញនៅថ្ងៃទី២៣ ខែមិថុនា ឆ្នាំ២០២១នេះ ដើម្បីពង្រឹងចំណងទ្វេភាគី និងកិច្ចសហប្រតិបត្តិការ ខណៈដែលកម្ពុជាត្រៀមនឹងធ្វើជាម្ចាស់ផ្ទះអាស៊ានឆ្នាំក្រោយ។
ក្រសួងសុខាភិបាលរកឃើញអ្នកឆ្លងកូវីដថ្មីចំនួន ៥៨៧នាក់ និងអ្នកស្លាប់ថ្មីចំនួន ១៦នាក់
ក្រសួងសុខាភិបាលនៅថ្ងៃអង្គារ៍ ទី២២ ខែមិថុនា បានរកឃើញអ្នកឆ្លងជំងឺកូវីត១៩ថ្មីចំនួន ៥៨៧នាក់ និងករណីអ្នកស្លាប់ថ្មីចំនួន ១៦នាក់បន្ថែមទៀត នោះករណីស្លាប់ទូទាំងប្រទេសសរុបកើនដល់ ៤៧៥នាក់។
ក្រសួងការងាររំឮកដល់កម្មករនិយោជិតរួសរាន់បើកប្រាក់ឧបត្ថម្ភឱ្យបានទាន់ពេលមុនផុតកំណត់
ក្រសួងការងារ និងបណ្តុះបណ្តាលវិជ្ជាជីវ: បានចេញសេចក្តីជូនដំណឹងឱ្យកម្មករក្នុងវិស័យកាត់ដេរ និងទេសចរណ៍ដែលបានព្យួរកិច្ចសន្យាការងារ ឱ្យប្រញាប់រួសរាន់បើកប្រាក់ឧបត្ថម្ភនៅតាមភ្នាក់ងារវីងដែលនៅជិតបំផុត ឱ្យបានមុនថ្ងៃផុតកំណត់ ក្នុងរយ:ពេល១០ថ្ងៃ ត្រឹមថ្ងៃទី១ ខែកក្កដា។
ក្នុងសេចក្តីជូនដំណឹងរបស់ក្រសួងការងារ ចេញនៅព្រឹកថ្ងៃពុធ ទី២៣ ខែមិថុនានេះ ក្រសួងរំឮកថា ធនាគារឯកទេសវីង នឹងបង្វិលប្រាក់ឧបត្ថម្ភទៅឱ្យរដ្ឋាភិបាលវិញ ករណីកម្មករនិយោជិតចំនួន១ម៉ឺននាក់ជាង មកពីរោងចក្រ សហគ្រាសទាំង៩១ នៃវិស័យកាត់ដេរ និងទេសចរណ៍ ខកខានមិនបើកប្រាក់ឧបត្ថម្ភក្នុងរយ:ពេល១០ថ្ងៃ ក្រោយទទួលបានសារទូរស័ព្ទ ធនាគារឯកទេសវីង។
ក្រសួងបានបញ្ជាក់ពីរបៀបបើកប្រាក់ឧបត្ថម្ភក្នុងសេចក្តីជូនដំណឹងដដែលនោះថា៖ «ដើម្បីបើកប្រាក់ឧបត្ថម្ភនេះ...
ស្ថានទូតកម្ពុជានៅជប៉ុនជូនដំណឹងដល់ពលរដ្ឋខ្មែរនៅទីនោះបន្តអនុវត្តវិធានការទប់ស្កាត់ការឆ្លងជំងឺកូវីដ១៩
ស្ថានទូតកម្ពុជាប្រចាំប្រទេសជប៉ុននៅថ្ងៃអង្គារនេះ បានជូនដំណឹងដល់ប្រជាពលរដ្ឋខ្មែរដែលកំពុងរស់នៅ ធ្វើការ និងសិក្សានៅប្រទេសជប៉ុន បន្តសហការ និងប្រតិបត្តិវិធានការទប់ស្កាត់ការឆ្លងជំងឺកូវីដ-១៩ បើទោះបីជារដ្ឋាភិបាលជប៉ុនបានប្រកាសបញ្ចប់ការដាក់ភាពអាសន្នយ៉ាងណាក្តី។
យោងតាមសេចក្តីជូនដំណឹងរបស់ស្ថានឯកអគ្គរាជទូតកម្ពុជាប្រចាំប្រទេសជប៉ុន ចេញនៅថ្ងៃទី២២ ខែមិថុនា ឆ្នាំ២០២១នេះបានឱ្យដឹងថា រដ្ឋាភិបាលជប៉ុនបានប្រកាសបញ្ចប់ការដាក់ភាពអាសន្ននៅទីក្រុងតូក្យូនិងខេត្តចំនួន០៨ផ្សេងទៀត ដោយសារតែស្ថានភាពការឆ្លងជំងឺកូវីដ-១៩បានប្រសើរឡើង។
ប៉ុន្តែការបញ្ចប់ការដាក់ភាពអាសន្ននៅខេត្តអូគីណាវ៉ានៅមិនទាន់បានបញ្ចប់បាននៅឡើយទេ ដោយសារតែចំនួននៃការឆ្លងជំងឺកូវីដ-១៩ ក្នុងខេត្តនេះមានការធ្លាក់ចុះយឺត និងតម្រូវការស្នាក់នៅមន្ទីរពេទ្យដើម្បីទទួលការព្យាបាលជំងឺកូវីដ-១៩នៅមានកម្រិតខ្ពស់នៅឡើយ ហើយត្រូវស្ថិតនៅក្រោមការដាក់ភាពអាសន្នរហូតដល់ថ្ងៃទី១១ ខែកក្កដា ឆ្នាំ២០២១។ នេះបើយោងទៅតាមសេចក្តីជូនដំណឹងដដែល។
ស្ថានទូតកម្ពុជាបានណែនាំដល់ប្រជាពលរដ្ឋខ្មែរដែលកំពុងស្នាក់នៅប្រទេសជប៉ុនត្រូវសហការ និងប្រតិបត្តិវិធានការទប់ស្កាត់ការឆ្លងជំងឺកូវីដ-១៩ ថា៖ «បង្កើតស្មារតីប្រុងប្រយ័ត្នខ្ពស់ជានិច្ច និងធ្វើដំណើរក្នុងករណីដែលចាំបាច់។ សូមបងប្អូនថែរក្សាសុខភាព...
ធនាគារពិភពលោកថា សេដ្ឋកិច្ចកម្ពុជាកំពុងតែងើបឡើងវិញជាបណ្តើរៗ បន្ទាប់ពីការថយចុះឆ្នាំមុន
ធនាគារពិភពលោកបាននិយាយកាលពីពេលថ្មីៗនេះថា សេដ្ឋកិច្ចកម្ពុជាកំពុងតែងើបឡើងវិញជាបណ្តើរៗ បន្ទាប់ពីការថយចុះចំនួន ៣,១ ភាគរយកាលពីឆ្នាំមុន ហើយតាមការព្យាករណ៍ សេដ្ឋកិច្ចនឹងមានកំណើនចំនួន ៤ភាគរយ នៅឆ្នាំ២០២១ ព្រោះតែការវិលត្រឡប់នៃសេចក្តីត្រូវការជាសកល។
កម្ពុជាដកបម្រាមការនាំចូលសាច់ និងមុខទំនិញបង្កកពីប្រទេសឥណ្ឌាឡើងវិញ
កម្ពុជាបានសម្រេចលើកលែងបម្រាមលើការនាំចូលសាច់បង្កក និងទំនិញបង្កកដែលអាចមានហានិភ័យផ្សេងទៀតមកពីឥណ្ឌាវិញហើយ ដោយសារស្ថានភាពការឆ្លងរាលដាលជំងឺកូវីដ-១៩បានធូរស្រាល និងការធ្វើតេស្តលើសាច់បង្កកនាពេលកន្លងមកអវិជ្ជមាន។
យោងតាមលិខិតរបស់អគ្គនាយកដ្ឋានគយ និងរដ្ឋាករកម្ពុជាដែលណែនាំដល់នាយកដ្ឋានសាខា និងការិយាល័យគយ និងរដ្ឋាករ កាលពីថ្ងៃទី១៩ ខែមិថុនា ឆ្នាំ២០២១បានឱ្យដឹងថាកម្ពុជាបានសម្រេចលើកលែងបម្រាមលើការនាំចូលសាច់បង្កក និងមុខទំនិញបង្កកដែលអាចមានហានិភ័យផ្សេងទៀតមកពីប្រទេសឥណ្ឌាចេញវិញ ដោយសាស្ថានភាពនៃការឆ្លងរាលដាលជំងឺកូវីដ-១៩នៅឥណ្ឌាមានភាពធូរស្រាល ហើយសាច់បង្កកទាំងនោះមានតេស្តអវិជ្ជមានកន្លងមក។
លិខិតដដែលនោះបានបញ្ជាក់នូវវិធានការជំនួសបណ្តោះអាសន្នដែលត្រូវអនុវត្តបន្ថែមលើការនាំចូលសាច់បង្កក និងទំនិញបង្កកទាំងនោះថា៖ «តម្រូវឱ្យមានវិញ្ញាបនបត្រ ឬលិខិតបញ្ជាក់បន្ថែមចេញដោយអាជ្ញាធរមានសមត្ថកិច្ចនៃប្រទេសដើមកំណើតទំនិញ ដែលបញ្ជាក់ថា គ្មានវីរុសកូវីដ-លើសាច់បង្កក»។
លិខិតខាងលើនោះបានបន្តទៀតថា៖ «នៅពេលទំនិញមកដល់ តម្រូវឱ្យយកសំណាកធ្វើតេស្តរកវីរុសកូវីដ-១៩ដោយវិទ្យាស្ថានប៉ាស្ទ័រកម្ពុជាមុនអនុញ្ញាតឱ្យបំពេញបែបបទបញ្ចេញទំនិញពីគយ»។
វិធានការនោះនឹងត្រូវបន្ធូរបន្ថយរហូតដល់ការលុបចោលទាំងស្រុងនៅពេលស្ថានភាពជំងឺកូវីដ-១៩បានធូរស្រាលនៅពេលណាប្រទេសនាំចេញ និងលទ្ធផលតេស្តអវិជ្ជមានជាបន្តបន្ទាប់លើសាច់បង្កកទាំងនោះដោយវិទ្យាស្ថានប៉ាស្ទ័រកម្ពុជា។ នេះបើយោងតាមលិខិតរបស់អគ្គនាយកដ្ឋានគយ និងរដ្ឋាករកម្ពុជា។
អតីតប្រធានអង្គការមជ្ឈមណ្ឌលកម្ពុជាដើម្បីការសិក្សា និងការអភិវឌ្ឍវិស័យកសិកម្ម(CEDAC)...
ក្រសួងរុក្ខប្រមាញ់ និងនេសាទ ថាបរិមាណត្រីធ្លាក់ចុះដោយសារកំណើនប្រជាជន និងការប្រកួតប្រជែង
ក្រសួងរុក្ខប្រមាញ់ និងនេសាទ បានប្រកាសកាលពីពេលថ្មីនេះថា បរិមាណត្រីធម្មជាតិក្នុងប្រទេសបានធ្លាក់ចុះដោយសារមានកំណើនប្រជរាស្រ្តក្នុងរយ:ពេល ១១ឆ្នាំចុងក្រោយ និងមានការប្រកួតប្រជែងក្នុងការគ្រប់គ្រងទីផ្សារត្រីក្នុងស្រុក។
ក្រុមហ៊ុនអូស្រា្តលី ប្តេជ្ញាចិត្តប្រតិបត្តិការរុករករ៉ែមាស តាមបទដ្ឋានស្តង់ដាសុវត្ថិភាពខ្ពស់នៃបរិស្ថាន និងសង្គម
ក្រុមហ៊ុនអូស្រា្តលី ឈ្មោះ រ៉ឺនេសង់ មីនើរ៉ល (Renaissance Minerals) ដែលគ្រប់គ្រងដោយក្រុមហ៊ុន Emerald Resources បានប្តេជ្ញាចិត្តប្រតិបត្តិការរុករករ៉ែមាស តាមបទដ្ឋានស្តង់ដាសុវត្ថិភាពខ្ពស់នៃបរិស្ថាន និងសង្គម ដំបូងគេនៅតំបន់អូរខ្វាវ ខេត្តមណ្ឌលគិរី ក្នុងប្រទេសកម្ពុជា ខណៈការសម្ភោធចាប់ផ្តើមអាជីវកម្មរ៉ែមាសបានប្រារព្ធធ្វើឡើងនៅរសៀលថ្ងៃទី២១ ខែមិថុនា ឆ្នា២០២១នេះ។
សកម្មជនបរិស្ថានមាតាធម្មជាតិត្រូវបានចោទប្រកាន់ពីបទរួមគំនិតក្បត់ និងបទប្រមាថព្រះមហាក្សត្រ
សកម្មជនបរិស្ថានបីនាក់ត្រូវបានចោទប្រកាន់ដោយសាលាដំបូងរាជធានីភ្នំពេញ និងបញ្ជូនទៅពន្ធនាគារនៅថ្ងៃទី២១ ខែមិថុនា ឆ្នាំ២០២១ ពីបទរួមគំនិតក្បត់ និងបទប្រមាថព្រះមហាក្សត្រ។ នេះយោងអង្គការចលនាមាតាធម្មជាតិ (Mother Nature Cambodia)។
ក្រសួងសុខាភិបាលប្រកាសថាមានអ្នកស្លាប់ដោយសារកូវីដចំនួន ១៨នាក់ និងអ្នកឆ្លងថ្មីចំនួន ៦៧៨នាក់
ក្រសួងសុខាភិបាលនៅថ្ងៃអង្គារ ទី២២ ខែមិថុនានេះ បានប្រកាសថាមានអ្នកស្លាប់ដោយសារជំងឺកូវីដ១៩ចំនួន ១៨នាក់ និងអ្នកឆ្លងថ្មីចំនួន ៦៧៨នាក់។
ស្ថានទូតកម្ពុជាប្រចាំប្រទេសឡាវណែនាំពលរដ្ឋឱ្យការពារខ្លួនពីជំងឺកូវីដ១៩ ខណៈរដ្ឋធានីវៀងច័ន្ទបន្តបិទខ្ទប់១៤ថ្ងៃ
ស្ថានទូតកម្ពុជាប្រចាំនៅសាធារណរដ្ឋប្រជាធិបតេយ្យប្រជាមានិតឡាវ នៅថ្ងៃចន្ទនេះ បានជូនដំណឹងដល់ប្រជាពលរដ្ឋ ពលករ និងនិស្សិតខ្មែរដែលកំពុងរស់នៅក្នុងប្រទេសឡាវទាំងអស់ឱ្យប្រុងប្រយ័ត្ន និងការពារខ្លួនពីជំងឺកូវីដ១៩ អំឡុងពេលរដ្ឋធានីវៀងច័ន្ទបន្តបិទខ្ទប់១៤ថ្ងៃទៀត ដោយសារការឆ្លងជំងឺកូវីដ១៩ក្នុងសហគមន៍។
យោងតាមសេចក្តីជូនដំណឹងរបស់ស្ថានឯកអគ្គរាជទូតកម្ពុជាប្រចាំនៅប្រទេសឡាវ ចេញនៅថ្ងៃទី២១ ខែមិថុនា ឆ្នាំ២០២១នេះ បានឱ្យដឹងថា រដ្ឋធានីវៀងច័ន្ទនឹងបន្តបិទខ្ទប់១៤ថ្ងៃទៀត ចាប់ពីថ្ងៃទី២០ ខែមិថុនា ឆ្នាំ២០២១ ដល់ថ្ងៃទី០៤ ខែកក្កដា ឆ្នាំ២០២១ ព្រោះតែការឆ្លងជំងឺកូវីដ១៩នៅតែមានក្នុងសហគមន៍។ ក្នុងនោះ រដ្ឋាភិបាលឡាវបន្តបិទអាជីវកម្ម និងហាមឃាត់ការធ្វើដំណើរមួយចំនួន។
ក្នុងសេចក្តីជូនដំណឹងដដែលបានបញ្ជាក់ថា៖ «បន្តបិទកន្លែងស៊ីផឹក...
កម្ពុជានឹងទទួលឥទ្ធិពលពីជ្រលងសម្ពាធទាប និងខ្យល់មូសុងនិរតីក្នុងរយៈពេលមួយសប្តាហ៍ខាងមុន
ក្រសួងធនធានទឹក និងឧតុនិយមបានជូនដំណឹងដល់សាធារណជនឱ្យមានការប្រុងប្រយ័ត្នចំពោះបាតុភូតភ្លៀង ផ្គរ រន្ទះនិងខ្យល់កន្ទ្រាក់ខណៈដែលឥទ្ធិពលជ្រលងសម្ពាធទាបនៃប្រទេសចិន និងខ្យល់មូសុងនិរតីនឹងប៉ះមកលើកម្ពុជាក្នុងពេលមួយសប្តាហ៍ខាងមុខនេះ។
យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម ចេញនៅថ្ងៃទី២២ ខែមិថុនា ឆ្នាំ២០២១នេះ បានឱ្យដឹងថា ប្រទេសកម្ពុជានឹងទទួលឥទ្ធិពលពីជ្រលងសម្ពាធទាបនៃប្រទេសចិន និងខ្យល់មូសុងនិរតីក្នុងល្បឿនបង្គួរ ដែលនឹងបណ្តាលឱ្យមានបាតុភូតភ្លៀង ផ្គរ រន្ទះ និងខ្យល់កន្ទ្រាក់នៅតាមបណ្តាខេត្តតំបន់វាលទំនាបកណ្តាលក្នុងរយៈពេលមួយសប្តាហ៍ រហូតដល់ថ្ងៃ២៩ ខែមិថុនា ឆ្នាំ២០២១។
ក្នុងសេចក្តីជូនដំណឹងដដែលនោះបានបញ្ជាក់ថា៖ «បណ្តាខេត្តនៅតំបន់ទំនាបកណ្តាលមានសីតុណ្ហភាពចន្លោះពី ២៤ ទៅ ៣៥ អង្សាសេ...
ក្រសួងសុខាភិបាល ប្រកាសឲ្យសេវាសុខាភិបាលឯកជន និងសាធារណៈ បញ្ឈប់ចែកចាយ លក់ ឧបករណ៍តេស្តកូវីដរហ័ស
ក្រសួងសុខាភិបាល បានប្រកាសឱ្យម្ចាស់សេវាសុខាភិបាលឯកជន និងសាធារណជនទាំងអស់បញ្ឈប់ ការចែកចាយ លក់ និងការធ្វើតេស្តរហ័សការពាររកអង់ទីករការពារកូវីដ-១៩ ជាបន្ទាន់ ដែលមិនទទួលបានការចុះបញ្ជិកាពីក្រសួងសុខាភិបាល និងទទួលស្គាល់ពីអង្គការសុខភាពពិភពលោក ក្រោយរកឃើញចរាចរផ្តេសផ្តាសជាប្រភេទទីផ្សារអនឡាន របស់គណនីបណ្តាញសង្គមមនុស្ស៤ នាក់ដោយមិនស្របច្បាប់។
ក្រសួងសុខាភិបាលអនុញ្ញាតឱ្យព្យាបាលអ្នកជំងឺកូវីដ១៩កម្រិតស្រាល និងគ្មានរោគសញ្ញានៅភ្នំពេញតាមផ្ទះ
ក្រសួងសុខាភិបាលនៅថ្ងៃអាទិត្យនេះ បានប្រកាសអនុញ្ញាតឱ្យថែទាំព្យាបាលអ្នកជំងឺកូវីដ១៩កម្រិតស្រាល និងគ្មានរោគសញ្ញានៅតាមផ្ទះបាន ដោយគោរពតាមនីតិវិធីប្រតិបត្តិស្តង់ដាររបស់ក្រសួង។
រដ្ឋមន្ត្រីក្រសួងសុខាភិបាល លោក ម៉ម ប៊ុនហេង បានចេញសេចក្តីប្រកាសមួយនៅថ្ងៃទី២០ ខែមិថុនា ឆ្នាំ២០២១ ដែលមានចែងចំនួន៤បញ្ញត្តិ ស្តីអំពីការដាក់ឱ្យប្រើនីតិវិធីប្រតិបត្តិស្តង់ដារសម្រាប់គ្រប់គ្រង ថែទាំ និងព្យាបាលអ្នកជំងឺកូវីដ១៩នៅតាមផ្ទះ។ ប្រការ១នៃប្រកាសនោះបញ្ជាក់ថា នីតិវិធីប្រតិបត្តិស្តង់ដារសម្រាប់គ្រប់គ្រង ថែទាំ និងព្យាបាលអ្នកជំងឺកូវីដ១៩កម្រិតស្រាល និងគ្មានរោគសញ្ញានៅតាមផ្ទះនេះ ជាជំហានដំបូងក្នុងភូមិសាស្ត្ររាជធានីភ្នំពេញ។
ប្រការ២នៃប្រកាសនោះបញ្ជាក់ថា៖ «ការដាក់ឲ្យដំណើរការការព្យាបាលអ្នកជំងឺកូវីដ១៩កម្រិតស្រាល និងគ្មានរោគសញ្ញានៅតាមផ្ទះសម្រាប់ភូមិសាស្ត្រខេត្តផ្សេងទៀត ត្រូវកំណត់ដោយប្រកាសរបស់ក្រសួងសុខាភិបាលនៅពេលក្រោយ ផ្អែកតាមកម្រិតនៃការឆ្លងរាលដាលនៃជំងឺកូវីដ១៩ក្នុងភូមិសាស្ត្រនីមួយៗ»។
បើតាមនីតិវិធីប្រតិបត្តិស្តង់ដារសម្រាប់គ្រប់គ្រង...
ចំនួនអ្នកចាក់វ៉ាក់សាំងបង្ការជំងឺកូវីដ១៩នៅកម្ពុជាកើនដល់ជាង៣លាននាក់
ចំនួនអ្នកបានចាក់វ៉ាក់សាំងបង្ការជំងឺកូវីដ១៩នៅកម្ពុជាទូទាំងប្រទេស ចាប់តាំងពីថ្ងៃទី១០ ខែកុម្ភៈ ឆ្នាំ២០២១ ដល់ត្រឹមថ្ងៃទី២០ខែមិថុនាឆ្នាំ២០២១នេះ មានចំនួនជាង៣លាននាក់ ឬស្មើប្រហែលជា៣៣ភាគរយ នេះបើធៀបនឹងគោលដៅ១០លាននាក់ដែលកម្ពុជាគ្រោងនឹងសម្រេច។
Latest News
