ស៊ន់ លីនដា (Sorn Linda)
នាងខ្ញុំឈ្មោះស៊ន់ លីនដា (SORN LINDA) អាយុ១៩ឆ្នាំ មកពីខេត្តកំពង់ចាម។ សព្វថ្ងៃនាងខ្ញុំជានិស្សិតឆ្នាំទី២ មុខជំនាញទំនាក់ទំនងអន្តរជាតិនៅសាកលវិទ្យាល័យមួយក្នុងរាជធានីភ្នំពេញ។ ជាក្មេងស្រីម្នាក់ដែលចូលចិត្តតាមដានព័ត៌មានដែលកើតឡើងក្នុងសង្គម មិនថាតែសេដ្ឋកិច្ច កសិកម្ម ជាពិសេសនយោបាយ ទោះបីជាមានគេនិយាយថាមិនចាំបាច់ទៅចង់ដឹងអីច្រើនទេ ធ្វើមិនដឹងមិនឮទៅ។ នេះជាមូលហេតុដែលធ្វើឱ្យនាងខ្ញុំសម្រេចចិត្តចូលរៀនវគ្គបណ្តុះបណ្តាលអ្នកសារព័ត៌មាននៅញូវស៍រូមខេមបូឌា (NEWSROOM CAMBODIA) ដើម្បីអភិវឌ្ឍសមត្ថភាព និងក្លាយជាអ្នកសារព័ត៌មានប្រកបដោយជំនាញវិជ្ជាជីវៈ និងមានក្រមសីលធម៌៕
