ចលនាមាតាធម្មជាតិមិនពេញចិត្តនឹងការហាមមិនឲ្យមានទំនាក់ទំនងជាមួយសកម្មជនខ្លួនក្នុងពន្ធនាគារ
អង្គការចលនាមាតាធម្មជាតិ (Mother Nature Cambodia) បានសំដែងការមិនពេញ ចិត្តនាពេលថ្មីៗនេះចំពោះការហាមប្រាម មិនឱ្យ «អ្នកទោសមនសិកា» ការពារបរិស្ថានជួប ឬទំនាក់ទំនងជាមួយគ្រួសារ ពេលកំពុងជាប់ឃុំឃាំង ដោយបានចោទវាផ្ទុយពីច្បាប់នៃពន្ធនាគារមានចែងជាធរមានថា ពួកគាត់មានសិទ្ធិទទួល និងផ្ញើរលិខិតឆ្លើយឆ្លង។
សហរដ្ឋអាមេរិកចុះកិច្ចព្រមព្រៀងប្រគល់វត្ថុបុរាណនាំចេញខុសច្បាប់ចំនួន២៧មកកម្ពុជាវិញ
សហរដ្ឋអាមេរិកនៅថ្ងៃពុធនេះ បានសម្រេចចុះកិច្ចព្រមព្រៀងប្រគល់សម្បត្តិវប្បធម៌ខ្មែរចំនួន២៧រូប ដែលរឹបអូសបានពីការកាន់កាប់ដោយខុសច្បាប់ មកឱ្យកម្ពុជាគ្រប់គ្រងវិញ។
ឯកអគ្គរាជទូតកម្ពុជាប្រចាំសហរដ្ឋអាមេរិក លោក ជុំ សុន្ទរី និងមេធាវីតំណាងការិយាល័យរដ្ឋអាជ្ញាសហរដ្ឋអាមេរិកប្រចាំសង្កាត់ញូវយ៉ក លោក ស៊ីរូស វ៉ានស៍ (Cyrus Vance) នៅថ្ងៃទី៩ ខែមិថុនាឆ្នាំ២០២១នេះ បានចុះហត្ថលេខាលើកិច្ចព្រមព្រៀងបញ្ជូនសម្បត្តិវប្បធម៌ខ្មែរចំនួន២៧រូបមកកម្ពុជាវិញ។ នេះបើយោងតាមសេចក្តីប្រកាសព័ត៌មានក្រសួងវប្បធម៌ និងវិចិត្រសិល្បៈ នៅថ្ងៃទី១០ ខែមិថុនា ឆ្នាំ២០២១នេះ។
សេចក្តីប្រកាសដដែលនោះបញ្ជាក់ថា សម្បត្តិវប្បធម៌ខ្មែរទាំងនោះរួមមានរូបបដិមាផ្នែកព្រះពុទ្ធសាសនានិងព្រហ្មញ្ញសាសនាសម័យអង្គររួមមាន ព្រះពុទ្ធគង់សម្មាធិលើនាគធ្វើពីសំរឹទ្ធ រូបព្រះឥសូរ...
លោក ហ៊ុន សែន ស្នើលើកពេលបោះឆ្នោតសាកល្បងក្រុមប្រឹក្សាឃុំ-សង្កាត់ឆ្នាំ២០២១ ដោយសារការរាលដាលជំងឺកូវីដ១៩
រាជរដ្ឋាភិបាលកម្ពុជានៅល្ងាចថ្ងៃពុធនេះ បានស្នើឱ្យគណៈកម្មាធិការជាតិរៀបចំការបោះឆ្នោត (គ.ជ.ប) លុបចោលការបោះឆ្នោតសាកល្បងក្រុមប្រឹក្សាឃុំ-សង្កាត់ ឆ្នាំ២០២១ ដែលគ្រោងធ្វើនៅថ្ងៃទី២០ ខែមិថុនា ឆ្នាំ២០២១នេះ ដោយសារការរីករាលដាលនៃជំងឺកូវីដ១៩។
យោងតាមលិខិតរបស់រាជរដ្ឋាភិបាលនៅល្ងាចថ្ងៃទី០៩ ខែមិថុនា ឆ្នាំ២០២១នេះ បញ្ជាក់ថា លោកនាយករដ្ឋមន្ត្រី ហ៊ុន សែន បានស្នើសុំប្រធានគណៈកម្មាធិការជាតិរៀបចំការបោះឆ្នោតឱ្យលុបចោលការបោះឆ្នោតសាកល្បងនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ ឆ្នាំ២០២១ ដោយផ្អែកលើស្ថានភាពជាក់ស្តែងនៃការរីករាលដាលនៃជំងឺកូវីដ១៩នៅក្នុងប្រទេស។
លោក ហ៊ុន សែន បានថ្លែងនៅក្នុងសារសំឡេងដែលបានផ្សព្វផ្សាយដោយបណ្តាញសង្គមនៅល្ងាចថ្ងៃពុធនេះថា លោកទើបបានទទួលព័ត៌មានថា នៅថ្ងៃទី២០ ខែមិថុនាខាងមុខនេះ...
ក្រសួងពាណិជ្ជកម្មអំពាវនាវដល់អាជីវកម្មឱ្យចុះឈ្មោះ បើមានបំណងលក់ផលិតផលលើផ្សារអនឡាញរបស់ក្រសួង
ក្រសួងពាណិជ្ជកម្មនៅថ្ងៃពុធ ទី៩ ខែមិថុនា ឆ្នាំ២០២០១នេះ បានប្រកាសឲ្យអាជីវកម្មមកចុះឈ្មោះទុកជាមុន បើសិនចង់លក់ផលិតផលរបស់ខ្លួននៅលើគេហទំព័រ cambodiatrade.com ដែលទើបតែបង្កើតឡើងថ្មីៗដោយក្រសួង។
Blog: ស្ថានភាពផ្លូវចិត្តក្នុងអំឡុងការរីករាលដាលជំងឺកូវីដ១៩ ដែលគួរតែមានការយកចិត្តទុកដាក់
ជំងឺកូវីដ១៩បានធ្វើឲ្យប៉ះពាល់ដល់ជីវិតរស់នៅរបស់មនុស្សនៅលើភពផែនដីតាំងពីដើមឆ្នាំ២០២០មក។ មនុស្សគ្រប់រូបមិនធ្លាប់នឹកស្មានថា វីរុសមួយនេះអាចអូសបន្លាយមកទល់ឆ្នាំ២០២១ ហើយបានឆក់យកជីវិតមនុស្សប្រមាណ ៣លាននាក់ហើយ បើគិតត្រឹមខែមិថុនា ឆ្នាំ២០២១នេះ។ សម្រាប់កម្ពុជាក៏បាននិងកំពុងទទួលរងវិបត្តិនៃជំងឺរលាកសួតមួយនេះ និងទទួលរងការរីករាលដាលព្រមទាំងមានអ្នកស្លាប់ប្រហែល២៥២ នាក់នៅខែមិថុនា ឆ្នាំ២០២១នេះផងដែរ។
ស្របពេលដែលមនុស្សទូទាំងសកលលោកមានការព្រួយបារម្ភអំពីវីរុសដ៏កាចសាហាវមួយនេះ ថាអាចនឹងលេបត្របាក់អាយុជីវិតមនុស្សបានគ្រប់ពេលវេលានៅពេលដែលមានការធ្វេសប្រហែសដោយមិនបានពាក់ម៉ាស់ការពារ និងរក្សាអនាម័យឱ្យបានត្រឹមត្រូវជាមួយនឹងការបាញ់ទឹកអាកុលសម្លាប់មេរោគ រាល់ពេលចេញក្រៅម្តងៗនោះ មនុស្សមួយចំនួននៅប្រហែលជាមិនទាន់ដឹងថា នៅមានវីរុសមួយទៀតដែលលាក់ខ្លួនសម្ងំក្នុងការគិតរបស់អ្នកទាំងអស់គ្នាដែលត្រៀមនឹងវាយប្រហារសុខភាពផ្លូវកាយ និងផ្លូវចិត្ត នោះគឺ «បញ្ហាតានតឹងចិត្ត» ។
បញ្ហាតានតឹងចិត្ត ឬការថប់បារម្ភ ដែលមនុស្សភាគច្រើនតែងហៅតាមភាសាអង់គ្លេសថា ស្រ្តេស (Stress)...
ក្រសួងមហាផ្ទៃណែនាំដល់អភិបាលរាជធានីខេត្តទប់ស្កាត់ការឆ្លងជំងឺកូវីដ១៩តាមមណ្ឌលកែប្រែ
ក្រសួងមហាផ្ទៃនៅថ្ងៃពុធនេះបានណែនាំដល់អភិបាលរាជធានី-ខេត្ត ឱ្យគាំទ្រដល់មណ្ឌលអប់រំកែប្រែ និងពន្ធនាគារនៅតាមទីតាំងរាជធានីខេត្តសាម៉ី ដើម្បីចាត់វិធានការទប់ស្កាត់ការឆ្លងរាលដាលជំងឺកូវីដ១៩ ដោយសារមានមន្ត្រីពន្ធនាគារ និងជនជាប់ឃុំមួយចំនួនមានវិជ្ជមានជំងឺនេះ។
រដ្ឋមន្ត្រីក្រសួងមហាផ្ទៃ លោក ស ខេង នៅថ្ងៃទី៩ ខែមិថុនាឆ្នាំ២០២១នេះ បានចេញ សេចក្តីណែនាំមួយជូនអភិបាលរាជធានី-ខេត្តទាំង២៥ ឲ្យចូលរួមគាំទ្រដល់មណ្ឌលអប់រំកែប្រែ និងពន្ធនាគារនៅតាមទីតាំងរាជធានីខេត្តសាម៉ី ឱ្យអនុវត្តវិធានការគ្រប់គ្រងចាត់ចែងព្យាបាលអ្នកមានវិជ្ជមានជំងឺកូវីដ១៩ ពង្រឹងការអនុវត្តវិធានការសុខាភិបាលលើមន្ត្រីអនុរក្សពន្ធនាគារ និងជនជាប់ឃុំ ព្រមទាំងបង្កើនការរក្សាសន្តិសុខ និងសុវត្ថិភាពឱ្យបានល្អ។
លោក ស ខេង បានបញ្ជាក់ពីការអនុវត្តវិធានការសំខាន់ៗដើម្បីឱ្យមានការគាំទ្រដល់មណ្ឌលអប់រំកែប្រែ និងពន្ធនាគារពីអភិបាលនៃគណៈអភិបាលរាជធានីខេត្តទាំង២៥នោះថា៖...
Q&A: ការអនុវត្តអនុសញ្ញាស្ដីពីការលុបបំបាត់រាល់ទម្រង់នៃការរើសអើងប្រឆាំងនឹងស្រ្តីភេទរបស់កម្ពុជា
លោកស្រី ចក់សុភាព ជានាយិកាប្រតិបត្តិនៃមជ្ឈមណ្ឌលសិទ្ធិមនុស្សកម្ពុជា(Cambodian Center for Human Rights) ។ លោកស្រីបានផ្ដល់បទសម្ភាសន៍ដល់សិក្ខាកាម Newsroom Cambodia ព្រះតេជគុណ មេង គ្រុយពន្លក អំពីអនុសញ្ញាស្ដីពីការលុបបំបាត់រាល់ទម្រង់នៃការរើសអើងប្រឆាំងនឹងស្រ្តីភេទ។
Q: តើអ្វីទៅជាអនុសញ្ញាស្ដីពីការលុបបំបាត់រាល់ទម្រង់នៃការរើសអើងប្រឆាំងនឹងស្រ្តីភេទ ដែលកម្ពុជាក្លាយជារដ្ឋភាគីនៅថ្ងៃទី១៥ ខែតុលា ឆ្នាំ១៩៩២?
A: ច៎ា! ព្រះអង្គ អនុសញ្ញានេះគឺពាក់ព័ន្ធនឹងការចូលរួមទប់ស្គាត់នឹងការរើសអើងប្រឆាំងនឹងរាល់ទម្រង់នៃការប្រើប្រាស់ហិង្សា ឬក៏ការរើសអើងគ្រប់ទម្រង់ទៅលើស្ត្រីហើយ និងក្មេងស្រីផងដែរដោយសារឆ្លើយតប...
អគ្គនាយកដ្ឋានពន្ធដាររំឮកឲ្យសាធារណ:ជនបង់ពន្ធអចលនទ្រព្យឲ្យបានមុនចុងខែកញ្ញា
អគ្គនាយកដ្ឋានពន្ធដារនៅថ្ងៃអង្គារ ជូនដំណឹងជាការរំឮកដល់ម្ចាស់អចលនទ្រព្យទាំងអស់នៅទូទាំងប្រទេសឲ្យប្រញាប់ទៅបង់ពន្ធទាំងលើអចលនទ្រព្យ និងដីមិនបានប្រើប្រាស់ សម្រាប់ឆ្នាំ២០២១ មុនថ្ងៃផុតកំណត់ថ្ងៃទី៣០ ខែកញ្ញា ឆ្នាំ២០២១ ពុំនោះទេនឹងទទួលទោសតាមច្បាប់។
យោងតាមសេចក្តីជូនដំណឹងរបស់អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុ ចេញនៅថ្ងៃទី៨ ខែមិថុនា ឆ្នាំ២០២១បញ្ជាក់ថា ដើម្បីជំរុញការប្រមូលពន្ធឲ្យមានប្រសិទ្ធភាពខ្ពស់ និងជៀសវាងការប្រជ្រៀតគ្នាមកប្រកាសបង់ពន្ធនៅថ្ងៃជិតផុតកំណត់ ដែលអាចនាំឲ្យមានភាពអសកម្មណាមួយ នាយកដ្ឋានពន្ធដារចង់រំឮកចំពោះម្ចាស់អចលនទ្រព្យដែលមិនទាន់បំពេញកាតព្វកិច្ចបង់ពន្ធ ប្រញាប់អញ្ជើញទៅប្រកាសបង់ពន្ធឲ្យបានទាន់ពេលកំណត់។
ក្នុងសេចក្តីជូនដំណឹងនោះបញ្ជាក់ថា៖ «ចំពោះការខកខានមិនទាន់បានដាក់លិខិតប្រកាសពន្ធឲ្យបានទាន់ពេលវេលាកំណត់ខាងលើ ម្ចាស់អចលនទ្រព្យនឹងត្រូវរងនូវទោសទណ្ឌ តាមច្បាប់ជាធរមាន»។
គួរបញ្ជាក់ថា ពន្ធអចលនទ្រព្យ គឺជាពន្ធដែលប្រមូលចំពោះអចលនទ្រព្យដែលមានតម្លៃលើសពី១០០លានរៀល និងមានទីតាំងស្ថិតនៅក្នុងភូមិសាស្ត្ររដ្ឋបាលរាជធានី និងខេត្តនៃព្រះរាជាណាចក្រកម្ពុជា។...
សហរដ្ឋអាមេរិកទទូចដល់កម្ពុជាកុំកាត់ទោសសកម្មជនទាំងឡាយណាដែលនិយាយអំពីការការពារធនធានធម្មជាតិ
ស្ថានទូតសហរដ្ឋអាមេរិកបានទទូចដល់រដ្ឋាភិបាលកម្ពុជាកុំឲ្យកាត់ទោសសកម្មជនបរិស្ថានទាំងឡាយណា ដែលបញ្ចេញមតិរិះគន់ក្នុងគោលបំណងការពារបរិស្ថាន ដោយបានអះអាងថានេះមិនមែនជារឿងដែលខុសច្បាប់នោះទេ ហើយគឺជាសេរីភាពបញ្ចេញមតិមានចែងក្នុងរដ្ឋធម្មនុញ្ញ។
ក្រសួងធនធានទឹកអំពាវនាវឲ្យប្រុងប្រយ័ត្នចំពោះកូនព្យុះកូហ្គូម៉ា ដែលនឹងមកដល់កម្ពុជានាពេលឆាប់ៗ
ក្រសួងឧតុនិយមនៅថ្ងៃអង្គារនេះ បានចេញជូនដំណឹងអំពីស្ថានភាពអាកាសធាតុដែលកម្ពុជានឹងទទួលរងនូវឥទ្ធិពលខ្យល់មូសុងនារតីខ្លាំងចាប់ពីថ្ងៃទី៩ ដល់ទី១២ ខែមិថុនា និងឥទ្ធិពលនៃកូនព្យុះកូហ្គូម៉ា លើកទី៤ (TS KOGUMA 2014) ចាប់ពីថ្ងៃទី១៣ ដល់ទី១៥ ខែមិថុនា ដើម្បីឲ្យពលរដ្ឋបង្កើនការប្រុងប្រយ័ត្នខ្ពស់ ។
យោងតាមសេចក្តីជូនដំណឹងរបស់ក្រសួងធនធានទឹក ចេញនៅព្រឹកថ្ងៃទី៨ ខែមិថុនានេះបានបញ្ជាក់ថា នៅតាមបណ្តាខេត្តនៅតំបន់វាលទំនាបកណ្តាលមានភ្លៀងផ្គរ រន្ទះ ផ្លេកបន្ទោរពីបង្គួរទៅច្រើន ជាមួយនឹងខ្យល់កន្រ្តាក់ខ្លាំង រាយប៉ាយនៅភាគពាយ័ព្យនិងភាគខាងត្បូង។ នៅបណ្តាខេត្តនៅតំបន់វាលទំនាបកណ្តាលមានភ្លៀង ផ្គររន្ទះ ផ្លេកបន្ទោរ...
ស្ថានទូតខ្មែរប្រចាំប្រទេសវៀតណាមណែនាំឲ្យពលរដ្ឋខ្មែរប្រុងប្រយត្ន័ចំពោះបញ្ហាអាកាសធាតុ
ស្ថានទូតខ្មែរប្រចាំប្រទេសវៀតណាម នៅថ្ងៃទី៧ ខែមិថុនា ឆ្នាំ២០២១ បានជូនដំណឹងដល់ពលរដ្ឋខ្មែរដែលកំពុងរស់នៅប្រទេសវៀតណាមឲ្យមានការប្រុងប្រយ័ត្នខ្ពស់ចំពោះការប្រែប្រួលអាកាសធាតុ ក្នុងអំឡុងខែមិថុនា ដល់ខែវិច្ឆិកា ខាងមុខនេះ។
យោងតាមសេចក្តីជូនដំណឹងរបស់ស្ថានទូតខ្មែរប្រចាំប្រទេសវៀតណាម ចេញនៅថ្ងៃទី៧ ខែមិថុនា ឆ្នាំ២០២១ បានជូនដំណឹងដល់និសិ្សត សិក្ខាកាម យោធា នគរបាល និងប្រជាពលរដ្ឋខ្មែរដែលកំពុងសិក្សាស្នាក់នៅវៀតណាម ឲ្យមានការប្រុងប្រយ័ត្នចំពោះការឡើងកម្តៅខ្ពស់ និងមានព្យុះនៅសមុទ្រខាងកើតប្រទេសវៀតណាម។
ក្នុងសេចក្តីជូនដំណឹងដដែលបានរៀបរាប់ថា៖ «កាសែត Vietnam News ចេញផ្សាយនៅថ្ងៃទី៥ ខែមិថុនា ឆ្នាំ២០២១ បានដកស្រង់ការលើកឡើង...
អង្គការសង្គមស៊ីវិលស្នើឱ្យរដ្ឋាភិបាលដោះលែងអ្នកទោសមនសិការ ដោយបារម្ភពីការឆ្លងកូវីដ
សហជីព និងអង្គការសង្គមស៊ីវិលចំនួន ២២ នៅថ្ងៃសុក្រ ទី៣ ខែឧសភានេះ បានចេញសេចក្ដីថ្លែងការណ៍រួមមួយដោយអំពាវនាវសារជាថ្មីឱ្យមានការដោះលែងអ្នកទោសមនសិការ ដោយសារពួកគេបារម្ភពីការឆ្លងរាលដាលនៃជំងឺកូវីដ១៩ក្នុងពន្ធនាគារ។
Blog: ផលប៉ះពាល់លើស្ត្រីអំឡុងពេលពេលធ្វើចត្តាឡីស័ក និងនៅតំបន់បិទខ្ទប់
ចាប់តាំងពីដើមឆ្នាំ២០២០មក ពិភពលោកបានជួបវិបត្តិស្ទើគ្រប់វិស័យ ដោយសារការរាតត្បាតនៃជំងឺកូវីដ១៩។ ស្រដៀងគ្នានេះដែរងាកមកប្រទេសកម្ពុជាវិញ ដែលធ្លាប់ដែលធ្លាប់មានកំណើនសេដ្ឋកិច្ចប្រមាណជា៧ភាគរយក្នុងមួយឆ្នាំ បានធ្លាក់មកនៅដក៣,១ភាគរយក្នុងឆ្នាំ២០២០។ លើសពីនេះទៀត រដ្ឋាភិបាលបានសម្រេចបិទខ្ទប់រាជធានីភ្នំពេញ និងក្រុងតាខ្មៅទាំងមូលនៅម៉ោង ០០ ចូលថ្ងៃទី១៥ ខែមេសា ឆ្នាំ២០២០ រហូតដល់ថ្ងៃទី ០៣ ខែឧសភា ឆ្នាំ២០២១។
ចិនផ្តល់ជំនួយដល់កម្ពុជាលើគម្រោងគ្រប់គ្រងសំណល់វេជ្ជសាស្ត្រ
ក្រសួងសុខាភិបាលនៅថ្ងៃទី៤ ខែមិថុនា ប្រកាសពីការដាក់ឱ្យអនុវត្តគម្រោងដកស្រង់មេរៀនបទពិសោធន៍ពីប្រទេសចិន លើសមត្ថភាពឆ្លើយតបនឹងជំងឺកូវីដ១៩ នៅតំបន់អាស៊ី និងប៉ាស៊ីហ្វិក ចំពោះការគ្រប់គ្រងកាកសំណល់វេជ្ជសាស្ត្រនិងប្រគល់ទទួល បរិក្ខាវេជ្ជសាស្ត្រ ក្រោមជំនួយរបស់រដ្ឋាភិបាលចិនដល់កម្ពុជា។
យោងតាមសេចក្តីប្រកាសព័ត៌មានរបស់ក្រសួងសុខាភិបាលចេញនៅថ្ងៃទី៤ ខែមិថុនា ឆ្នាំ២០២១ បានឱ្យដឹងថា ការប្រកាសពីគម្រោងនេះធ្វើឡើងដោយមានការចូលរួមពីរដ្ឋមន្ត្រីក្រសួងសុខាភិបាលកម្ពុជា លោក ម៉ម ប៊ុនហេង ឯកអគ្គរដ្ឋទូតចិន លោក វ៉ាង វិនធៀន និងប្រធានកម្មវិធីអភិវឌ្ឍន៍អង្គការសហប្រជាជាតិ លោក Nick Beresford...
ក្រសួងសុខាភិបាលរកឃើញវីរុសកូរ៉ូណាបម្លែងថ្មីដ៏គួរឱ្យព្រួយបារម្ភមានវត្តមាននៅកម្ពុជា
ក្រសួងសុខាភិបាលកម្ពុជាបានចេញសេចក្តីជូនដំណឹងនៅថ្ងៃទី៤ ខែមិថុនា ដោយបញ្ជាក់ពីការរកឃើញអ្នកផ្ទុកមេរោគកូវីដ១៩ ប្រភេទវីរុសបម្លែងថ្មី លើពលករចំនួន៣នាក់ ហើយថាការរកឃើញនេះមានភាពគួរឱ្យព្រួយបារម្ភ។
រដ្ឋមន្ត្រីក្រសួងសុខាភិបាល លោក ម៉ម ប៊ុនហេង នៅថ្ងៃទី៤ ខែមិថុនា ឆ្នាំ២០២១នេះ បានចេញសេចក្តីជូនដំណឹងមួយជាសាធារណៈ ដោយសម្តែងពីការព្រួយបារម្ភជុំវិញការរកឃើញវីរុសបម្លែងថ្មីប្រភេទ B.1.617 មកពីប្រទេសឥណ្ឌា។ លោកបានណែនាំដល់មន្ទីរសុខាភិបាលខេត្តដែលពាក់ព័ន្ធទាំងអស់ ឱ្យបង្កើនការយកចិត្តទុកដាក់ និងអនុវត្តឱ្យបានត្រឹមត្រូវតាមគោលការណ៍បច្ចេកទេស និងបន្តស្រាវជ្រាវឱ្យបានម៉ត់ចត់។
នៅក្នុងសេចក្តីជូនដំណឹងខាងលើនោះបានបញ្ជាក់ថា៖ «កាលពីថ្ងៃទី០៤ ខែមិថុនា ឆ្នាំ២០២១នេះ វិទ្យាស្ថានប៉ាស័្ទរកម្ពុជាបានវិភាគសំណាកលើពលករកម្ពុជាដែលបានត្រលប់មកពីប្រទេសថៃតាមច្រកអូរស្មាច់ចំនួន៣នាក់...
សាលារាជធានីផ្អាកបណ្តោះអាសន្ន១៤ថ្ងៃទៀតចំពោះមុខរបរ និងសកម្មភាពជួបជុំដើម្បីទប់ស្កាត់ជំងឺកូវីដ១៩
រដ្ឋបាលរាជធានីភ្នំពេញ នៅដើមខែមិថុនានេះ បានចេញសេចក្តីសម្រេចឱ្យផ្អាកជាបណ្តោះអាសន្នចំពោះសកម្មភាពការងារ មុខរបរឬអាជីវកម្ម និងការជួបជុំប្រមូលផ្តុំមនុស្សជាលក្ខណៈឯកជន រយៈពេល១៤ថ្ងៃ ដើម្បីទប់ស្កាត់ការរាតត្បាតជំងឺកូវីដ១៩ក្នុងភូមិសាស្ត្ររាជធានីភ្នំពេញ។
អភិបាលរាជធានីភ្នំពេញ លោក ឃួង ស្រេង នៅថ្ងៃទី០២ ខែមិថុនា ឆ្នាំ២០២១នេះ បានចេញវិធានការរដ្ឋបាលមួយថ្មីទៀត ដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ១៩ ដោយផ្អាកជាបណ្តោះអាសន្នចំពោះការងារ អាជីវកម្ម និងការជួបជុំប្រមូលផ្តុំមនុស្សជា លក្ខណៈឯកជន សម្រាប់រយៈពេល ១៤ថ្ងៃទៀត ដោយគិតចាប់ពីម៉ោងសូន្យ ថ្ងៃទី៣...
Latest News
