ប្រជាពលរដ្ឋមួយចំនួនរស់នៅរាជធានីភ្នំពេញ បានស្នើដល់អាជ្ញាធរសាងសង់បន្ទប់ទឹកសាធារណៈបន្ថែមទៀត ដើម្បីបំពេញតម្រូវការប្រើប្រាស់និងចៀសវាងការបន្ទោបង់ពាសវាលពាសកាលតាមសួនច្បារ ឬដើមឈើ ឬទីតាំងមួយចំនួន ដែលបង្កឱ្យមានក្លិនស្អុយនិងប៉ះពាល់បរិស្ថាន។
លោកអឹម សាវឹន អាយុ៦៥ឆ្នាំ ជាសន្តិសុខនៅហាង អាយវ៉ន (IOne) ក្នុងរាជធានីភ្នំពេញ សង្កេតឃើញថា បង្គន់អនាម័យសាធារណៈសព្វថ្ងៃនេះ នៅមិនទាន់មានគ្រប់គ្រាន់នៅឡើយទេ ជាពិសេសនៅតាមមាត់ទន្លេនិងសួនសាធារណៈជាដើម។ លោកបន្តថា កង្វះខាតនៃបង្គន់សាធារណៈជាមូលហេតុចម្បងមួយដែលនាំឱ្យមានការបន្ទោបង់តាមទីសាធារណៈ។
https://vodkhmer.news/2021/01/28/people-ask-more-public-toilet-in-phnom-penh/
