អ្នកទាំងអស់គ្នាប្រហែលជាធ្លាប់បានអានព័ត៌មានផ្សេងៗជាច្រើនប៉ុន្តែអ្នកទាំងអស់គ្នាមួយចំនួនប្រហែលមិនសូវចូលចិត្តការចុះយកព័ត៌មាននិងការសម្ភាសផ្ទាល់នោះទេនេះក៏ដោយសារតែចំណង់ចំណូលចិត្តផ្សេងៗគ្នា។
ថ្ងៃនេះខ្ញុំចង់ប្រាប់អ្នកទាំងអស់គ្នាពីបទពិសោធន៍តិចតួច និងផលលំបាករបស់ខ្ញុំក្នុងការចុះយកព័ត៌មាន និងការធ្វើបទសម្ភាសន៍នៅពេលដំបូង។ លើកទីមួយនៃការចុះយកព័ត៌មាន ខ្ញុំមានអារម្មណ៍ថាភ័យ ព្រមទាំងភ្លេចរាល់សំនួរដែលខំទន្ទេញតាំងពីនៅផ្ទះ និងនៅតាមផ្លូវផងដែរ ជាហេតុដែលធ្វើឲ្យខ្ញុំទទួលបានព័ត៌មានមិនបានគ្រប់ជ្រុងជ្រោយ។ ស្តាប់ទៅហាក់ដូចជាគួរឲ្យចង់សើចបន្តិចមែន តែវាជាការពិត។
តែទោះបីជាយ៉ាងណា វាមិនជាផលលំបាកប៉ុន្មាននោះទេ វាថែមទាំងបានផ្តល់បទពិសោធន៍ពីរបៀបចុះយកព័ត៌មាន និងការសម្ភាសផ្ទាល់ដល់ខ្ញុំ ថែមទាំងធ្វើឲ្យខ្ញុំស្គាល់បុគ្គលផ្សេងៗជាច្រើនផងដែរ៕
