លោកហ៊ុនម៉ាណែតបន្តលើកទឹកចិត្តឱ្យនាំឡានមួយទឹកពីស្រុកគេចូលកម្ពុជាដោយមិនកំណត់ឆ្នាំ
លោកនាយករដ្ឋមន្ត្រី ហ៊ុន ម៉ាណែត ថាកម្ពុជាមិនចាំបាច់កំណត់លើអាយុកាលប្រើប្រាស់រថយន្តនាំចូលនោះទេ ប៉ុន្ដែត្រូវពង្រឹងលើការត្រួតពិនិត្យបច្ចេកទេសឱ្យបានហ្មត់ចត់ និងមានគុណភាពខ្ពស់។
ថ្លែងក្នុងពិធីបើកការដ្ឋានសាងសង់ស្ពានអាកាសភ្លោះត្រង់ចំណុចប្រសព្វរវាងមហាវិថី សម្តេចតេជោ ហ៊ុន សែន និងផ្លូវជាតិលេខ២ ព្រំប្រទល់រាជធានីភ្នំពេញ និងខេត្តកណ្តាល លោកនាយករដ្ឋមន្ត្រី ហ៊ុន ម៉ាណែត ថាលោកធ្លាប់បានច្រានចោលសំណើរទាក់ទងនឹងការកំណត់អាយុរថយន្តនាំចូល ព្រោះប្រជាពលរដ្ឋមួយចំនួនមិនមានលទ្ធភាពទិញរថយន្តដែលកំណត់ឆ្នាំ ដូច្នេះត្រូវពង្រឹងប្រព័ន្ធពិនិត្យបច្ចេករថយន្តវិញ។
លោកបន្តថា «ថ្ងៃមុន ក៏មានការគិតអំពីការកំណត់ឆ្នាំនាំចូលរថយន្ដ ខ្ញុំថា កុំអី ត្រូវពង្រឹងប្រព័ន្ធឆៀក ប្រព័ន្ធឆែកបច្ចេកទេសឱ្យបានរឹងមាំវិញ។...
តុលាការបដិសេធសំណើពីក្រុមចលនាមាតាធម្មជាតិដែលចង់ឱ្យមន្រ្តីនគរបាលតតាំងក្តីនៅក្នុងសវនាការ
សកម្មជនចលនាមាតាធម្មជាតិបានស្នើឱ្យប្រធានក្រុមប្រឹក្សាជំនុំជម្រះ នៃតុលាការក្រុងភ្នំពេញកោះហៅមន្រ្តីនគរបាលដែលពួកគេចោទប្រកាន់ថា ជាអ្នកដែលកសាងសំណុំរឿងក្នុងបទចោទ រួមគំនិតក្បត់ មកតតាំងក្តីគ្នាដោយផ្ទាល់នៅក្នុងអង្គសវនាការ ប៉ុន្តែការទាមាររបស់ក្រុមចលនាមាតាធម្មជាតិនេះ ត្រូវច្រានចោលដោយប្រធានក្រុមប្រឹក្សាជំនុំជម្រះ។
សំណើរនេះ ធ្វើឡើងនៅក្នុងពេលដែលសាលាដំបូងរាជធានីភ្នំពេញបានបើកសវនាការលើកទី៤ ក្នុងសំណុំរឿង «រួមគំនិតក្បត់ និងប្រមាថចំពោះអង្គព្រះមហាក្សត្រ» ដែលសវនាការលើអង្គសេចក្តីនេះ បានប្រព្រឹត្តទៅកាលនៅថ្ងៃទី១៧ ខែមិថុនា ឆ្នាំ២០២៤។
សកម្មជនចលនាមាតាធម្មជាតិលោក លី ចាន់ដារ៉ាវុត ប្រាប់អ្នកសារព័ត៌មាននៅថ្ងៃទី១៧ ខែមិថុនា ឆ្នាំ២០២៤ នេះថា លោកបានស្នើតុលាការដើម្បីជជែកជាមួយមន្ត្រីនគរបាលចំនួន២រូបដែលជាអ្នកកសាងសំណុំរឿងពីបទរួមគំនិតក្បត់ចំពោះយុវជនចលនាមាតាធម្មជាតិ ក៏ប៉ុន្តែតុលាការមិនឯកភាពតាមសំណើរ។
លោកបន្តថា៖ «ព្រឹកមិញនេះយើងបានដាក់ពាក្យរួចទៅហើយដើម្បីស្នើសុំធ្វើការជជែកវែកញែកជាមួយខាងនគរបាលយុត្តិធម៌ដែលជាអ្នកកសាងសំណុំរឿងពួកយើងយកមកចោទប្រកាន់ពួកយើងពីបទរួមគំនិតក្បត់នេះ។...
សង្គមស៊ីវិលថាការបង្ក្រាបល្បែងស៊ីសងខុសច្បាប់នៅមិនទាន់មានប្រសិទ្ធភាព ដោយពួកគេស្នើឱ្យបង្ក្រាបទាំងឫសគល់
សង្គមស៊ីវិលមួយចំនួន បានលើកឡើងថា ការបង្ក្រាបបទល្មើសល្បែងស៊ីសងនៅកម្ពុជា នៅមិនទាន់ទទួលបានផលខ្ពស់នៅឡើយទេ ដោយពួកគេចង់ឱ្យមានការយកចិត្តទុកដាក់បន្ថែមលើការចាត់វិធានការចំពោះអ្នកពាក់ព័ន្ធបទល្មើសទាំងនោះ។
ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព លោក យង់ គិមអេង បានសាទរចំពោះការបង្ក្រាបល្បែងស៊ីសងជាបន្តបន្ទាប់ពីសំណាក់អាជ្ញាធរ។ តែយ៉ាងណាលោកថា ការបង្រ្កាបកន្លងមកនេះ មិនទាន់ទទួលបានផលខ្ពស់នៅឡើយទេ។
លោកមានប្រសាស៍ថា៖ «ការដែលបង្ក្រាបល្បែងអនឡាញទាំងអស់នេះ យើងតែងតែលឺមានការបង្ក្រាបជាហូរហែរកន្លងមកដែរ ប៉ុន្តែយើងឃើញថា មិនទាន់ឃើញមានប្រសិទ្ធភាពខ្លាំងនៅឡើយទេ ដោយសារបញ្ហានេះចេះតែកើតឡើងជាបន្តបន្ទាប់នៅក្នុងប្រទេសកម្ពុជាយើងនេះ»។
លោកថា ការមិនទាន់មានប្រសិទ្ធភាពខ្លាំងចំពោះការបង្ក្រាបល្បែងស៊ីសង គឺដោយសារភាពខ្វះខាតនៃបច្ចេកវិទ្យា កង្វះអ្នកជំនាញស៊ើបអង្កេត បញ្ហាអំពើពុករលួយ និងដោយសារអាជ្ញាធរមិនបានបង្ក្រាបល្បែងទាំងនោះជាប្រចាំជាដើម។ ជាមួយគ្នានេះ...
បទយកការណ៍៖ ពិព័រណ៍សៀវភៅអន្តរជាតិរបស់នាវា Doulos Hope បាននាំបទពិសោធន៍ថ្មីសម្រាប់ពលរដ្ឋនៅភ្នំពេញ
ការដាក់តាំងពិព័រណ៍សៀវភៅអន្តរជាតិលើនាវា Doulos Hope របស់អាល្លឺម៉ង់ កំពុងទាក់ទាញចំណាប់អារម្មណ៍ យុវជន យុវនារី ដែលស្រឡាញ់ និងចូលចិត្តអានសៀវភៅ។ពួកគេនាំគ្នាទៅទស្សនា ដែលនេះជាបទពិសោធន៍ថ្មី នៃការដាក់តាំងពិព័រណ៍សៀវភៅជាច្រើនក្បាលនៅលើនាវា។ហើយនេះក៏ជាការមកដល់លើកទី១ របស់នាវា Doulos Hope នៅលើទឹកដីនៃទីក្រុងពាណិជ្ជរបស់ប្រទេសកម្ពុជាដែរ។
អតីតកប៉ាល់ទេសចរណ៍ MV Doulos Hope របស់ប្រទេសអាល្លឺម៉ង់ បានប្រែក្លាយមកជាបណ្ណាល័យបណ្តែតទឹកដ៏ធំជាងគេលើពិភពលោក ដែលកំពុងផ្សព្វផ្សាយពីកម្មវិធីអប់រំ វប្បធម៌ និងពិព័រណ៍សៀវភៅសម្រាប់សាលារៀន សហគមន៍...
តុលាការសម្រេចឃុំខ្លួនអ្នកស្រី ឡេង ចាន់ណា និងបក្ខពួក ដាក់ពន្ធនាគារបណ្តោះអាសន្នពាក់ព័ន្ធនឹង៣បទល្មើស
ចៅក្រមស៊ើបសួរនៃសាលាដំបូងខេត្តសៀមរាប បានសម្រេចឃុំខ្លួនអ្នកស្រី ឡេង ចាន់ណា និងបក្ខពួក ២នាក់ទៀត នៅពន្ធនាគារជាបណ្តោះអាសន្ន ពាក់ព័ន្ធនឹងបទល្មើស ឆបោកមានស្ថានទម្ងន់ទោស ចេញមូលប្បទានប័ត្រគ្មានសាច់ប្រាក់ និងសម្អាតប្រាក់។
ពលរដ្ឋស្រុកសណ្តាន់ដាក់ក្តីបារម្ភពីសុវត្តិភាពពេលជិះទូកចម្លងខណៈការលិចទូកកើតឡើងញឹកញាប់
ប្រជាពលរដ្ឋរស់នៅក្នុងស្រុកសណ្តាន់ ខេត្តកំពង់ធំ ដាក់ក្តីបារម្ភចំពោះសុវត្តិភាពពេលជិះទូកចម្លងក្រោយមានឧបទ្ទវហេតុលិចទូកដែលបណ្តាលឱ្យក្មេងស្រីអាយុ ១៣ឆ្នាំម្នាក់ស្លាប់ បើទោះបីជាមានការចេញសារាចរណែនាំពីក្រសួងសាធារណការ និងដឹកជញ្ចូនឱ្យម្ចាស់អាជីវកម្មបង្កើនការប្រុងប្រយ័ត្នយ៉ាងណាក្តី។
សង្គមស៊ីវិល និងកម្មករនិយោជិតចង់ឃើញអត្ថប្រយោជន៍ប័ណ្ណប.ស.ស កាន់តែទូលំទូលាយ និងស្នើឲ្យមានសេវាកាន់តែប្រសើរ
ភ្នំពេញ៖ ក្នុងបរិវេណមួយដែលមានផ្ទះល្វែងព័ទ្ធជុំវិញបង្កជាបរិយាកាសអ៊ូអរដោយសំឡេងក្មេងរត់លេងលាយឡំជាមួយធុងបាស់បន្លើគ្រប់ទិសផង អ្នកស្រី វ៉ាន់ ផាន់ណា អាយុ៣៤ឆ្នាំ កំពុងបោកខោអាវនៅក្នុងបន្ទប់ជួលមួយកន្លែងក្នុងទីក្រុងភ្នំពេញ។
អ្នកស្រី វ៉ាន់ ផាន់ណា សព្វថ្ងៃជាកម្មការីនីរោងចក្រក្នុងរាជធានីភ្នំពេញ ដែលបានប្រើប័ណ្ណប.ស.សអស់៥ឆ្នាំមកហើយ។ អ្នកស្រីត្អូញថាមន្ទីរពេទ្យដៃគូរបស់ប.ស.សមួយចំនួនដែលអ្នកស្រីធ្លាប់ទៅ មិនសូវយកចិត្តទុកដាក់មកលើខ្លួនទេ និងបញ្ចេញអាក្បកិរិយាមិនសមរម្យផងដែរ។
អ្នកស្រីថ្លែងប្រាប់ Newsroom Cambodiaថា៖ «ពេលពួកខ្ញុំទៅមន្ទីពេទ្យគឺពួកគាត់មិនយកចិត្តទុកដាក់ទេហើយយកទុកចោលអ៊ីចឹងទៅ និយាយរួមគឺពិបាក។ ពេលទៅពេទ្យអត់មានអ្នកណាមកមើល ការដាក់ថ្នាំនិងដាក់សេរ៉ូមអីតែងតែទុកពួកយើងចោលអ៊ីចឹង។ ទាល់តែយើងមានការងារដែលត្រូវតវ៉ាជាមួយពួកគាត់ច្រើនអ៊ីចឹងទៅបានគាត់ឆ្លៀតមកមើលយើង»។
អ្នកស្រី សង្គេតឃើញថា អ្នកចំណាយលុយពីហោប៉ៅផ្ទាល់ខ្លួនមានឥទ្ធិពល...
មេធាវីការពារសិទ្ធិឱ្យលោក ចៅ វាសនា គ្រោងប្ដឹងសារទុក្ខទៅតុលាការកំពូល ក្រោយឧទ្ធរណ៍តម្កល់សាលក្រមដាក់ទោស៣ឆ្នាំ
មេធាវីការពារសិទ្ធិឱ្យលោក ចៅ វាសនា ប្រធានគណបក្សភ្លើងទៀននៅក្រុងប៉ោយប៉ែត ខេត្តបន្ទាយមានជ័យ គ្រោងប្ដឹងសារទុក្ខទៅតុលាការកំពូល នៅចុងខែមិថុនានេះ បន្ទាប់ពីសាលាឧទ្ធរណ៍បាត់ដំបង សម្រេចតម្កល់សាលក្រម ដែលផ្ដន្ទាទោសលោកដាក់ពន្ធនាគាររយៈពេល៣ឆ្នាំ ក្រោមបទចោទ «ញុះញង់» ពាក់ព័ន្ធការណែនាំឱ្យពលរដ្ឋគូសខ្វែងសន្លឹកឆ្នោត។
កាលពីថ្ងៃទី១២ ខែមិថុនា សាលាឧទ្ធរណ៍បាត់ដំបង សម្រេចតម្កល់សាលក្រមសាលាដំបូងខេត្តបន្ទាយមានជ័យ ទុកជាបានការដដែល ដោយផ្ដន្ទាទោស លោក ចៅ វាសនា ដាក់ពន្ធនាគារ រយៈពេល៣ឆ្នាំ ក្រោមបទចោទ...
ពលរដ្ឋជាង១០០គ្រួសារ ស្នើអាជ្ញាធរខេត្តក្រចេះដោះស្រាយវិវាទដីធ្លី ក្រោយក្រុមហ៊ុនវៀតណាមឈូសដីដំណាំ
ប្រជាពលរដ្ឋប្រមាណជាង ១០០គ្រួសារ នៅឃុំកោះខ្ញែរ ស្រុកសំបូរ ខេត្តក្រចេះ ស្នើអាជ្ញាធរដោះស្រាយវិវាទដីធ្លី ក្រោយក្រុមហ៊ុនវៀតណាមបានឈូសឆាយផលដំណាំរបស់ពួកគាត់អស់ជាច្រើនហិកតា។
ការស្នើនេះ ធ្វើឡើងក្រោយពីក្រុមហ៊ុនវៀតណាមឈ្មោះ កាម៉ាដេនូវេនឈ័រ (ខេមបូឌា) លីមីធីត (Kamdhenu Ventures Cambodia Limited-KVCL) ដែលសហការជាមួយក្រុមហ៊ុន កសិកម្ម យុវជនស្វាយរៀង បានដាក់គ្រឿងចក្រឈូកឆាយផលដំណាំកសិកម្ម ដូចជា ដំឡូង ស្វាយចន្ទី និងតាង៉ែនជាដើម របស់ប្រជាពលរដ្ឋ កាលពីថ្ងៃទី១១ ខែមិថុនា ឆ្នាំ២០២៤។...
ក្រសួងក្រើនរំលឹកដល់ពលរដ្ឋប្រុងប្រយ័ត្នចំពោះជំងឺកូវីដ-១៩ ក្រោយករណីឆ្លងកើនឡើង
ក្រសួងសុខាភិបាល ក្រើនរំលឹកដល់ប្រជាពលរដ្ឋ ប្រុងប្រយ័ត្នចំពោះជំងឺផ្តាសាយ និងជំងឺកូវីដ-១៩ បំប្លែងខ្លួន ក្រោយរកឃើញករណីឆ្លងកើនឡើង ក្នុងកំឡុងខែឧសភា និងដើមខែមិថុនា ឆ្នាំ២០២៤នេះ។
ព្រះមហាក្សត្រត្រាស់បង្គាប់បញ្ចប់មុខតំណែងទីប្រឹក្សាក្រសួងព័ត៌មានជិត ១៣០រូប
ព្រះមហាក្សត្រ បានត្រាស់បង្គាប់បញ្ចប់មុខតំណែងទីប្រឹក្សាក្រសួងព័ត៌មានជិត ១៣០រូប ដែលមន្ត្រីទាំងនោះមានឋានៈស្មើចាប់ពីរដ្ឋលេខាធិការ អនុរដ្ឋលេខាធិការ រហូតដល់អគ្គនាយក។
ពលរដ្ឋ៣ឃុំនៅស្រុកពួកអះអាងថាអាជ្ញាធរនៅមិនទាន់កាត់ឆ្វៀលព្រំដីពួកគេចេញពីតំបន់អប្សរា
ប្រជាពលរដ្ឋដែលរស់នៅស្រុកពួក ខេត្តសៀមរាបកំពុងជួបការលំបាកក្នុងការរស់នៅ និងអាស្រ័យផលលើដីពួកគេស្របពេលរដូវវស្សាក៏កាន់តែខិតជិតមកដល់ដោយសារមានការរឹតត្បិតពីអាជ្ញាធរអប្សរាក្នុងការសង់សំណង់ផ្សេងៗនៅលើដីរបស់ពួកគេ។
ពលរដ្ឋនៅស្រុកពួកម្នាក់សុំមិនបញ្ចេញឈ្មោះបានប្រាប់ Newsroom Cambodia នៅថ្ងៃទី១៣ ខែមិថុនា ឆ្នាំ២០២៤នេះ ថាអភិបាលស្រុកពួកបានប្រាប់ប្រជាពលរដ្ឋថា ប្រហែលនៅឆ្នាំ២០២៥ខាងមុខនេះទើបអាចមានការកាត់ឆ្វៀលដីពួកគេចេញពីការគ្រប់គ្រងដោយអាជ្ញាធរអប្សរា។ក៏ប៉ុន្តែពលរដ្ឋរូបនេះថា ពលរដ្ឋមានការលំបាកក្នុងការរស់នៅនារដូវវស្សា ដែលចាំបាច់ត្រូវមានការជួសជុលសំណង់នានានៅលើដីពួកគេ ទោះមានការហាមប្រាមពីអាជ្ញធរក៏ដោយ។
លោកមានប្រសាសន៍ថា៖ «បច្ចុប្បន្ននេះខែភ្លៀងខែផ្គរផង ផ្ទះហ្នឹងវាធ្លុះធ្លាយ វាទ្រេត វាបាក់ អញ្ចឹងពួកគាត់អត់រងចាំបានទេ អញ្ចឹងពួកគាត់ក៏ខំធ្វើ ក៏ទោះបីជាមាការមកហាមឃាត់ឱ្យសុំច្បាប់ដោយប្រការណាមួយក៏ពួកគាត់អត់ទៅសុំដែរ ព្រោះដោយសារដីរបស់គាត់ៗសុំសិទ្ធិរស់នៅឱ្យមានជម្រកកក់ក្ដៅឱ្យមានរបង មានអណ្ដូងទឹក មានផ្ទះមានសំបែងជ្រកកោណអ៊ីចឹងណាព្រោះ រាល់ថ្ងៃនេះគេហាមឃាត់ទាំងអស់...
គណៈមេធាវី អំពាវនាវឱ្យពលរដ្ឋប្រុងប្រយ័ត្នរឿងរកសេវាមេធាវី ក្រោយរកឃើញមានមេធាវីក្លែងក្លាយ
គណៈមេធាវី អំពាវនាវដល់ប្រជាពលរដ្ឋ ឱ្យប្រុងប្រយ័ត្នលើការរកសេវាមេធាវីមកការពារក្តី ក្រោយស្ថាប័នមួយនេះ រកឃើញករណីមានជនខិលខូចមួយចំនួន បន្លំខ្លួនថាជាមេធាវី ដោយសន្យាជួយដោះស្រាយរឿងក្តីឱ្យ។
អ្នកនាំពាក្យគណៈមេធាវីនៃព្រះរាជាណាចក្រកម្ពុជា លោក ឌិន ស៊ីដែន ថ្លែងប្រាប់Newsroom Cambodia នៅថ្ងៃទី១៣ ខែមិថុនា ឆ្នាំ២០២៤នេះថា កន្លងមក មានប្រជាពលរដ្ឋមួយចំនួន បានដាក់ពាក្យបណ្តឹងមកកាន់គណៈមេធាវីជាបន្តបន្ទាប់ ក្រោយពួកគាត់រងគ្រោះដោយការចាញ់បោកជនខិលខូចមួយចំនួន ដែលបន្លំខ្លួនជាមេធាវី ឬជំនួយការមេធាវី។
លោកបន្តថា ជនខិលខូចទាំងនោះ បានក្លែងបន្លំសមាភាពជាមេធាវី ឬជំនួយការមេធាវី...
តុលាការខេត្តបាត់ដំបងផ្តន្ទាទោសលោក អ៊ុត ជឿនដាក់ពន្ធនាគារ៧ឆ្នាំពីបទរួមគំនិតក្បត់
មន្រ្តីអង្គការការពារសិទ្ធិមនុស្ស លីកាដូ ប្រចាំខេត្តបន្ទាយមានជ័យលើកឡើងថា ប្រធានក្រុមប្រឹក្សាជំនុំជម្រះ របស់តុលាការខេត្តដំបង បានផ្តន្ទាទោសប្រធានគណបក្សភ្លើងទៀន ប្រចាំស្រុកម៉ោងឬស្សី ដាក់ពន្ធនាគារ៧ឆ្នាំ និងចេញដីកាឱ្យចាប់ខ្លួន។
នៅរៀលថ្ងៃទី១៣ ខែមិថុនា ឆ្នាំ២០២៤ នេះប្រធានក្រុមប្រឹក្សាជំនុំជម្រះ នៃសាលាដំបូងខេត្តបាត់ដំបងលោក កឹម ហេង បានសម្រេចកាត់ទោសលោក អ៊ុត ជឿន ដាក់ពន្ធនាគារ៧ឆ្នាំ ក្រោមបទចោទ«រួមគំនិតក្បត់»។
លោក អ៊ិន គង់ជិត មន្រ្តីសម្របសម្រួល អង្គការការពារសិទ្ធិមនុស្ស...
ក្រសួងសាធារណការ ណែនាំមិនឱ្យប្រើទូកកែច្នៃយកមកធ្វើជាទូកចម្លង ដើម្បីធានាសុវត្ថិភាពអ្នកដំណើរ
ក្រសួងសាធារណការ និងដឹកជញ្ជូន បានណែនាំដល់ម្ចាស់អាជីវកម្មកំពង់ចម្លងទាំងអស់ បញ្ឈប់ជាបន្ទាន់នូវការប្រើប្រាស់នាវា-ទូកចម្លងកែច្នៃខុសបច្ចេកទេស យកមកប្រើប្រាស់ជានាវា-ទូកចម្លង ដើម្បីជៀសវាងកើតមានគ្រោះថ្នាក់ជាយថាហេតុ។
ការណែនាំរបស់ក្រសួងបានធ្វើឡើងក្រោយពីករណីលិចទូកចម្លងនៅស្រុកប្រាសាទសំបូរ ខេត្តកំពង់ធំ កាលពីថ្ងៃទី០៨ ខែមិថុនា ឆ្នាំ២០២៤ ដែលបណ្តាលឱ្យក្មេងស្រីអាយុ ១៣ឆ្នាំម្នាក់ស្លាប់ ក្នុងចំណោមសិស្សប្រុសស្រីចំនួន ១៥នាក់ ដែលបានជិះទូកចម្លងនោះ។
យោងតាមសារាចរណែនាំរបស់ក្រសួងសាធារណការ និងដឹកជញ្ជូន កាលពីថ្ងៃទី១២ ខែមិថុនា ឆ្នាំ២០២៤ បានលើកឡើងថា ដើម្បីឆ្លើយតបនឹងស្ថានភាពដែលអាចកើតមានជាយថាហេតុនូវគ្រោះថ្នាក់ក្នុងការធ្វើដំណើរតាមនាវា ឬទូក ជាពិសេសក្នុងរដូវវស្សា ដែលតែងកើតមានជាញឹកញាប់នូវព្យុះ...
ក្រុមបាតុករស្នើឱ្យក្រសួងការបរទេសជប៉ុនបង្កកទ្រព្យសម្បត្តិមន្រ្តីរដ្ឋាភិបាលកម្ពុជា
ប្រជាពលរដ្ឋខ្មែរដែលកំពុងសុំសិទ្ធិជ្រកកោនផ្នែកនយោបាយ បានដាក់សំណើទៅក្រសួងការបរទេសជប៉ុន ដើម្បីទាមទារឱ្យបង្កកទ្រព្យសម្បត្តិមន្រ្តីជាន់ខ្ពស់រដ្ឋាភិបាលកម្ពុជា ដូចដែលសហរដ្ឋអាមេរិកធ្លាប់អនុវត្តដែរ។
ថ្លែងប្រាប់គេហទំព័រ Newroom Cambodia តាមសារអេឡិចត្រូនិច នៅថ្ងៃទី១៣ មិថុនា នេះលោក គង់ ជិ និយាយថា លោក និងក្រុមការងារនៅប្រទេសជប៉ុន បានដាក់សំណើរួចទៅហើយទៅក្រសួងការបរទេសជប៉ុន ដើម្បីជំរុញឱ្យប្រទេសគោរពប្រជាធិបតេយ្យមួយនេះ បង្កកទ្រព្យសម្បត្តិមន្រ្តីជាន់ខ្ពស់រដ្ឋាភិបាលមួយចំនួន ដែលជាខ្សែស្រឡាយរបស់អតីតនាយករដ្ឋមន្រ្តី លោក ហ៊ុន សែន។ លោកបន្តថា ញត្តិដែលដាក់កាលពីដើមសប្តាហ៍នេះ...
Latest News
