សាកលវិទ្យាល័យជាតិគ្រប់គ្រងទទួលបានចំណាត់ថ្នាក់កម្រិតពិភពលោកក្នុងចំណោមប្រទេសចំនួន៥០
សាកលវិទ្យាល័យជាតិគ្រប់គ្រងទទួលបានចំណាត់ថ្នាក់កម្រិតពិភពលោកលើផ្នែកកម្មវិធីសិក្សាសហគ្រិនភាព កម្មវិធីបណ្តុះតម្លៃសីលធម៌សង្គម និងកម្មវិធីគ្រប់គ្រងក្នុងពេលមានវិបត្តិក្នុងចំណោមសាកលវិទ្យាល័យចំនួន៥០។ នេះបើតាមសេចក្តីប្រកាសព័ត៌មានរបស់ក្រសួងអប់រំយុវជននិងកីឡា។
សេចក្តីប្រកាសព័ត៌មានរបស់ក្រសួងអប់រំ យុវជន និងកីឡា ចេញនៅថ្ងៃទី១៦ ខែមិថុនាឆ្នាំ២០២១នេះ បញ្ជាក់ថា សាកលវិទ្យាល័យជាតិគ្រប់គ្រងត្រូវបានគេទទួលស្គាល់ថាជាសាកលវិទ្យាល័យកម្រិតពិភពលោក ដោយគណៈកម្មការសម្ព័ន្ធសាកលវិទ្យាល័យពិភពលោក។
ក្នុងសេចក្តីប្រកាសព័ត៌មាននោះបានបញ្ជាក់ថា៖ «ក្រសួងអប់រំ យុវជន និងកីឡា សូមវាយតម្លៃខ្ពស់ និងសម្តែងការកោតសរសើរចំពោះសាកលវិទ្យាល័យជាតិគ្រប់គ្រង ដែលទទួលចំណាត់ថ្នាក់ដ៏ប្រពៃនេះក្នុងឆាកអន្តរជាតិ»។
យោងតាមសេចក្តីប្រកាសខាងលើនោះបន្ថែមថា គណៈកម្មការសម្ព័ន្ធសាកលវិទ្យាល័យពិភពលោក បានផ្តល់ចំណាត់ថ្នាក់សាកលវិទ្យាល័យកំពូលជូនសាកលវិទ្យាល័យជាតិគ្រប់គ្រងលើការសម្រេចបាននាវានុវត្តន៍ឆ្នើមលើបីកម្មវិធី ពោលគឺកម្មវិធីសិក្សាសហគ្រិនភាពទទួលបានចំណាត់ថ្នាក់២៦ក្នុងចំណោម៥០ កម្មវិធីបណ្តុះសីលធម៌សង្គមទទួលបានចំណាត់ថ្នាក់៣៧ក្នុងចំណោម៥០ និងកម្មវិធីគ្រប់គ្រងក្នុងពេលមានវិបត្តិទទួលបានចំណាត់ថ្នាក់៣៣ក្នុងចំណោម៥០។
សេចក្តីប្រកាសព័ត៌មានដដែលបានភ្ជាប់ការទទួលបានចំណាត់ថ្នាក់នេះលើទិដ្ឋភាពសំខាន់ៗរួមមាន ការចូលរួមកែលម្អរកម្មវិធីសិក្សា ការបង្រៀន...
សកម្មជនបរិស្ថានស្នើរដ្ឋាភិបាលបង្ហាញរបាយការណ៍ផលប៉ះពាល់បរិស្ថាន និងសង្គមអំពីដំណើរការអាជីវកម្មរ៉ែមាស
សកម្មជនបរិស្ថានបានស្នើសុំរដ្ឋាភិបាល ឲ្យចេញផ្សាយរបាយការណ៍ស្តីពីការសិក្សា និងវាយតម្លៃផលប៉ះពាល់បរិស្ថាន និងសង្គម (EIA &ESIA) ជាសាធារណៈ នៅរៀងរាល់មុនពេលអនុញ្ញាតឱ្យមានការធ្វើអាជីវកម្មទាំងឡាយណាដែលទាក់ទងនឹងការទាញយកធនធានធម្មជាតិ ខណ:អាជីវកម្មរ៉ែមាសត្រូវបានប្រកាសឱ្យប្រតិបត្តិការនាពេលខាងមុខ។
សំណើរបស់សកម្មជនបរិស្ថាន ធ្វើឡើងបន្ទាប់ពីរដ្ឋាភិបាលកាលពីសប្តាហ៍មុនបានប្រកាសអនុញ្ញាតឲ្យក្រុមហ៊ុនបរទេសមួយ ធ្វើអាជីវកម្មរុករករ៉ែមាសក្នុងខេត្តមណ្ឌលគិរី។
សកម្មជនការពារបរិស្ថាន លោក សាន ម៉ាឡា បានប្រាប់ Newsroom Cambodia កាលពីថ្ងៃទី១២ ខែមិថុនា ឆ្នាំ២០២១នេះថា ការដែលរាជរដ្ឋាភិបាលប្រកាសឱ្យដំណើរការការរុករករ៉ែមាស លើទឹកដីខេត្តមណ្ឌលគិរីថា រាល់អាជីវកម្មដែលពាក់ព័ន្ធទៅនឹងការប្រើប្រាស់ធនធានធម្មជាតិ គប្បីត្រូវមានការចេញជាសាធារណ:...
ក្រសួងទេសចរណ៍ប្រកាសទទួលពាក្យប្រឡងជ្រើស រើសបេក្ខជនបម្រើការក្នុងក្របខណ្ឌឆ្នាំ២០២១
ក្រសួងទេសចរណ៍នៅថ្ងៃទី១៥ ខែមិថុនានេះ បានប្រកាសចាប់ផ្តើមទទួលពាក្យប្រឡងជ្រើសរើសបេក្ខជនចូលបម្រើការងារក្នុងក្របខណ្ឌរបស់ក្រសួងប្រចាំឆ្នាំ២០២១ ចាប់ពីថ្ងៃជូនដំណឹង រហូតដល់ថ្ងៃទី០៣ ខែកក្កដា ឆ្នាំ២០២១។
យោងតាមសេចក្តីជូនដំណឹងចេញដោយគណ:កម្មធិការប្រឡងនៃក្រសួងទេសចរណ៍ លោក ទិត ចន្ថា បានបញ្ជាក់អំពីគោលការណ៍ចំបាច់៦យ៉ាងដែលបេក្ខជន ឬបេក្ខនារីដែលមានបំណងចង់ធ្វើការងារក្នុងក្រសួងទេសចរណ៍។
លក្ខខណ្ឌទាំង៦នោះរួមមាន ទី១ បេក្ខជនអាចដាក់ពាក្យដោយផ្ទាល់នៅក្រសួងទេសចរណ៍ និងមន្ទីរទេសចរណ៍រាជធានីខេត្តដែលបានជ្រើសរើស ឬដាក់ពាក្យតាមអនឡាញ (Online) តាមរយ: QR-Code។ ទី២ ត្រូវធានាថា បានចាក់វ៉ាក់សាំងការពារកូវីដ១៩ ទាំងពីរលើករួចហើយ។...
Q & A: តើកម្ពុជានឹងសម្រេចបានប្រព័ន្ធគ្រប់គ្រងសុខាភិបាលបែបឌីជីថលដែរ ឬទេនៅឆ្នាំ២០៣០?
តើកម្ពុជានឹងសម្រេចបានប្រព័ន្ធគ្រប់គ្រងសុខាភិបាលបែបឌីជីថលដែរឬទេនៅឆ្នាំ២០៣០? យោងតាម លោក ប៊ិន សុជាតិ ទីប្រឹក្សាស្ថាបនិក និងគ្រប់គ្រងអាជីវកម្ម «ពេទ្យយើង-PethYoeung», វេជ្ជបណ្ឌិតកត់ត្រាប្រវត្តិព្យាបាលអ្នកជំងឺលើក្រដាសរក្សានៅមន្ទីរពេទ្យ ហើយជួនកាលឱ្យអ្នកជំងឺទុកខ្លួនឯង ឯកសារទាំងនោះងាយខូច លំបាក់ទុកដាក់ ចំណាយលើការថែទាំ ជាគុណវិប្បត្តិមួយ នៃការមិនប្រើប្រាស់ប្រព័ន្ធឌីជីថល។
រដ្ឋបាលរាជធានីភ្នំពេញសម្រេចបើកដំណើរការផ្សាររដ្ឋទាំងអស់ជាប្រក្រតីឡើងវិញ
អភិបាលរាជធានីភ្នំពេញ នៅថ្ងៃទី១៤ ខែមិថុនានេះ ប្រកាសអនុញ្ញាតឱ្យគ្រប់អាជីវកម្ម ការលក់ដូរផ្សេងៗដែលស្ថិតក្នុងក្របខណ្ឌផ្សាររដ្ឋទាំងអស់ ដំណើរការជាធម្មតាវិញនៅទូទាំងរាជធានីភ្នំពេញ ចាប់ពីថ្ងៃទី១៥ ខែមិថុនា នេះទៅ តែតម្រូវឲ្យបន្តអនុវត្តវិធានការសុវត្ថិភាពផ្នែកសុខាភិបាល «៣ការពារ និង ៣កុំ»។
ក្នុងសេចក្តីសម្រេចចេញដោយអភិបាលរាជធានីភ្នំពេញនៅយប់ ថ្ងៃចន្ទ ទី១៤ ខែមិថុនានេះ បញ្ជាក់ថា គ្រប់សកម្មភាពលក់ដូរទាំងអស់ដែលត្រូវអនុញ្ញាតឱ្យបើកដំណើរការឡើងវិញក៏ពិតមែន ប៉ុន្តែនៅតែត្រូវបន្តការអនុវត្តតាមការណែនាំរបស់ក្រសួងសុខាភិបាល ដើម្បីនៅតែបន្តការពារទប់ស្កាត់ នូវការរីករាលដាលនៃជំងីកូវីដ១៩ដដែល។ វិធានការការពារទាំងនោះមានដូចជា ពាក់ម៉ាស់ រក្សាអនាម័យដោយលាងដៃជាមួយទឹកអាកុលឱ្យបានញឹកញាប់...
អ្នកឆ្លងជំងឺកូវីដ១៩នៅថ្ងៃចន្ទមាន៤៩៥នាក់ ខណៈអ្នកស្លាប់មានចំនួន១៣នាក់
ក្រសួងសុខាភិបាលនៅថ្ងៃអង្គារនេះប្រកាសថា អ្នកឆ្លងជំងឺកូវីដ១៩ នៅថ្ងៃចន្ទ មានចំនួន៤៩៥នាក់ ខណៈអ្នកស្លាប់មានចំនួន១៣នាក់។
យោងតាមទិន្នន័យប្រចាំថ្ងៃរបស់ក្រសួងសុខាភិបាលនៅថ្ងៃទី១៥ ខែមិថុនា ឆ្នាំ២០២១នេះបានបង្ហាញថា គិតត្រឹមថ្ងៃទី១៤ ខែមិថុនា ឆ្នាំ២០២១នេះ មានអ្នកឆ្លងជំងឺ កូវីដថ្មីចំនួន៤៩៥នាក់ អ្នកជាសះស្បើយចំនួន៦០៤នាក់ និងមានអ្នកស្លាប់ចំនួន១៣នាក់។
តាមទិន្នន័យរបស់ក្រសួងសុខាភិបាលបន្ថែមថា អ្នកឆ្លងជំងឺកូវីដ១៩ គិតត្រឹមថ្ងៃទី១៤ ខែមិថុនា ឆ្នាំ២០២១នេះ កើនដល់៣៩,៤៦៤នាក់ហើយ អ្នកជាសះស្បើយសរុបចំនួន៣៣,៥៧១នាក់ និងមានអ្នកស្លាប់សរុបចំនួន៣៦១នាក់។
គួរបញ្ជាក់ផងដែរថា ជំងឺកូវីដ១៩នៅកម្ពុជាត្រូវបានគេរកឃើញដំបូងគេបង្អស់នៅខេត្តព្រះសីហនុលើជនជាតិចិនម្នាក់ដែលធ្វើដំណើរមកពីទីក្រុងវ៉ូហានប្រទេសចិន កាលពីថ្ងៃទី២០ ខែមករា...
Q & A ជាមួយសមាជិកបណ្ដាញស្ត្រីអ្នកដឹកនាំវ័យក្មេង អំពីបញ្ហាស្ត្រីនិងបរិបទសង្គមដែលស្រ្តីកំពុងប្រឈម
កញ្ញាហឿន យូអៀង ជាសមាជិកស្ម័គ្រចិត្តនៃបណ្ដាញស្ត្រីអ្នកដឹកនាំវ័យក្មេង ហើយក៏ជាបុគ្គលិកអង្ការក្រៅរដ្ឋាភិបាលមួយដែលមានតួនាទីជាមន្ត្រីផ្នែកសម្របសម្រួលផ្នែកទំនាក់ទំនង។ កញ្ញាបានបទសម្ភាសន៍ដល់សិក្ខាកាម Newsroom Cambodia កញ្ញាឆន រស្មី អំពីបញ្ហាស្ត្រីនិងបរិបទសង្គមមួយចំនួនដែលស្រ្តីកំពុងប្រឈម។
Q & A ជាមួយអ្នកប្រឹក្សាយោបល់ផ្លូវចិត្តអំពីអ្វីជាស្រ្តេស? ឫសគល់នៃស្រ្តេស និងដំណោះស្រាយ
លោកហឿ សេធុល ជាអ្នកឯកទេសព្យាបាល និងជាអ្នកប្រឹក្សាយោបល់ខាងផ្នែកចិត្តសាស្រ្តប្រចាំគ្លីនិក KCPS ផ្តល់សេវាប្រឹក្សាយោបល់ និងអប់រំតាមបែបចិត្តសាស្ត្រ និងជាប្រធានសមាគមអ្នកប្រឹក្សាយោបល់ផ្នែកចិត្តសាស្រ្តនៅកម្ពុជា។ លោកក៏ជាអ្នកស្រាវជ្រាវផ្នែកផ្លូវចិត្តនៅសាលាពុទ្ធិសាស្រ្ត ហើយបានបកស្រាយពី «អ្វីទៅដែលហៅថាស្រ្តេស (Stress) ? ឫសគល់នៃស្រ្តេស និងដំណោះស្រាយ» ជាមួយសិក្ខាកាមព័ត៌មាន Newsroom Cambodia កាលពីពេលថ្មីៗនេះ។
Blog: ស្វែងយល់ពី បញ្ហាផ្លូវចិត្តនិងជម្ងឺផ្លូវចិត្ត
មានមនុស្សជាច្រើនបានឆ្លងកាត់នូវបទពិសោធន៏ដ៏ល្វីងជូរចត់ ក្នុងព្រឹត្តិការណ៏សង្គមអវិជ្ជមានជាច្រើន ហើយព្រឹត្តិការណ៏ទាំងនោះបានដិតដាមនិងតាមគម្រាមកំហែងពួកគេជាប់ក្នុងចិត្ត ដោយពុំមានថ្នាំក្នុងការព្យាបាលឲ្យបានជាសះស្បើយនោះទេ។
ជំងឺគ្រុនឈីកនៅកម្ពុជាកំពុងផ្ទុះឡើង ខណៈករណីសង្ស័យកើនដល់៥១៤នាក់
ក្រសួងសុខាភិបាលនៅថ្ងៃសុក្រនេះ បានក្រើនរំឮកដល់ប្រជាពលរដ្ឋ និងអាជ្ញាធរមូលដ្ឋានទាំងអស់ រួមគ្នាទប់ស្កាត់ជំងឺគ្រុនឈីកតាមសហគមន៍ ដើម្បីបញ្ចៀសការផ្ទុះឡើងខ្លាំងនាពេលខាងមុខ។
រដ្ឋមន្ត្រីក្រសួងសុខាភិបាល លោក ម៉ម ប៊ុនហេង នៅថ្ងៃទី១១ ខែមិថុនា ឆ្នាំ២០២១នេះ បានជូនដំណឹងដល់សាធារណជន និងអាជ្ញាធរគ្រប់លំដាប់ថ្នាក់ព្រមទាំងអង្គការដៃគូពាក់ព័ន្ធទាំងអស់ ជួយអន្តរាគមន៍ និងគាំទ្រដល់កម្មវិធីជាតិប្រយុទ្ធនឹងជំងឺគ្រុនឈាមដើម្បីទប់ស្កាត់ការចម្លងជំងឺគ្រុនឈីកនៅតាមសហគមន៍ឱ្យមានប្រសិទ្ធភាពខ្ពស់។
ក្នុងសេចក្តីជូនដំណឹងនោះបន្ថែមថា ខណៈស្ថានភាពជំងឺគ្រុនឈីកនៅកម្ពុជាកំពុងកើនឡើង ដែលករណីសង្ស័យជំងឺគ្រុនឈីកមានដល់ទៅ៥១៤នាក់នោះ ក្រសួងបានណែនាំវិធានការដើម្បីទប់ស្កាត់ការកកើតសត្វមូសដែលជាភ្នាក់ងារចម្លងជំងឺគ្រុនឈីក។
ក្រសួងក៏បានក្រើនរំឮកឱ្យអនុវត្តវិធានការដូចជា ត្រូវសកម្មចូលរួមកម្ចាត់ដង្កូវទឹកនិងទីកន្លែងដែលមានទឹកដក់ មានសំបកកង់ឡាន សំបកដប ។ល។ ត្រូវធ្វើអនាម័យផ្ទះសម្បែង ផ្ទះត្រូវមានពន្លឺចេញចូល...
កម្ពុជាថា អាមេរិកបំភ្លៃការពិតលើដំណើរទស្សនកិច្ចក្នុងមូលដ្ឋានកងទ័ពជើងទឹករាមរបស់អនុព័ន្ធអាមេរិក
អ្នកនាំពាក្យក្រសួងការពារជាតិកម្ពុជា នៅថ្ងៃទី១២ ខែមិថុនានេះ បានចេញសេចក្តីប្រកាសព័ត៌មានមួយប្រតិកម្មទៅនឹងការលើកឡើងរបស់ស្ថានទូតសហរដ្ឋអាមេរិកប្រចាំនៅកម្ពុជា ដែលថា កម្ពុជាពុំបានផ្តល់ភាពពេញលេញដល់ដំណើរទស្សនកិច្ចរបស់អនុព័ន្ធយោធាអាមេរិកទៅកាន់មូលដ្ឋានសមុទ្ររាម ដោយបានចាត់ទុកថា ការលើកឡើងនេះជាការព្យាយាមបង្កើតបញ្ហាថ្មី និងបំភ្លៃការពិត។
ការចេញសេចក្តីថ្លែងការណ៍របស់ក្រសួងកាពារជាតិកម្ពុជា ធ្វើឡើងបន្ទាប់ពីស្ថានទូតសហរដ្ឋអាមេរិកប្រចាំកម្ពុជា កាលពីថ្ងៃទី១១ខែមិថុនា ឆ្នាំ២០២១ បានបង្ហោះសារលើទំព័រហ្វេសប៊ុករបស់ខ្លួនថា៖ «មន្រ្តីយោធាកម្ពុជាមិនបានអនុញ្ញាតឲ្យលោកអនុព័ន្ធយោធាទៅមើលគ្រប់កន្លែងនៅក្នុងមូលដ្ឋានកងទ័ពជើងទឹកនោះទេ»។
ក្នុងសារបង្ហោះលើទំព័រហ្វេសប៊ុករបស់ស្ថានទូតដដែលបន្ថែមថា៖ «ស្នើសុំឲ្យមន្រ្តីយោធាកម្ពុជាកំណត់ពេលទស្សនកិច្ចឡើងវិញ ដោយអនុញ្ញាតឲ្យមានការដើរមើលគ្រប់កន្លែង នៅក្នុងពេលខាងមុខឲ្យបានឆាប់បំផុត»។
ជាការឆ្លើយតប អ្នកនាំពាក្យក្រសួងការពារជាតិកម្ពុជានៅថ្ងៃទី១២ ខែមិថុនា ឆ្នាំ២០២១ បានចេញសេចក្តីប្រកាសព័ត៌មានមួយបំភ្លឺដល់សាធារណមតិជាតិ និងអន្តរជាតិ ជុំវិញសេចក្តីប្រកាសព័ត៌មានរបស់ស្ថានទូតសហរដ្ឋអាមេរិកប្រចាំនៅកម្ពុជា...
Q&A: អ្នកវិភាគនយោបាយលោក មាស នី ពិភាក្សាអំពីទំនាក់ទំនងកម្ពុជា អាមេរិក ចិន ស្ថានភាពសិទ្ធិមនុស្ស និងការបោះឆ្នោត
អ្នកវិភាគនយោបាយ លោកមាស នីបានផ្តល់បទសម្ភាសន៍ដល់អ្នកសារព័ត៌មាន Newsroom Cambodia នាពេលថ្មីៗនេះអំពីដំណើរទស្សនកិច្ចរបស់អនុរដ្ឋមន្រ្តីក្រសួងការបរទេសសហរដ្ឋអាមេរិក ទំនាក់ទំនងកម្ពុជា - ចិន ស្ថានភាពសិទ្ធិមនុស្ស និងការបោះឆ្នោតនាពេលខាងមុខ។
កម្ពុជាអនុញ្ញាតឱ្យប្រើបច្ចេកវិទ្យាបញ្ញាសិប្បនិមិត្ត AI ថ្មីដែលអាចបម្លែងសំឡេងទៅជាអត្ថបទ
ក្រសួងប្រៃសណីយ៍ និងទូរគមនាគមន៍កម្ពុជានៅថ្ងៃសុក្រនេះ បានដាក់ឱ្យមហាជនសាកល្បងប្រើកម្មវិធីបម្លែងសំឡេងទៅជាអត្ថបទដោយប្រើបច្ចេកវិទ្យាបញ្ញាសិប្បនិម្មិត ដែលក្រសួងប្រកាសថា កម្មវិធីនេះមានកម្រិតភាពត្រឹមត្រូវដល់ទៅ៩០%។
កម្មវិធីបម្លែងសំឡេងទៅជាអត្ថបទ ដែលហៅជាភាសាអង់គ្លេសថា «Khmer Automatic Speech Recognition-Khmer ASR» គឺជាការអភិវឌ្ឍលើបច្ចេកវិទ្យាភាសាថ្មីមួយដែលទើបបង្កើតដោយបណ្ឌិត្យសភាបច្ចេកវិទ្យាឌីជីថលកម្ពុជាដោយប្រើប្រាស់បច្ចេកវិទ្យាបញ្ញាសិប្បនិមិ្មត(Artificial Intelligence)។
បើតាមសេចក្តីជូនដំណឹងរបស់ក្រសួងប្រៃសណីយ៍ និងទូរគមនាគមន៍ ចេញនៅថ្ងៃទី១១ ខែមិថុនា ឆ្នាំ២០២១នេះបញ្ជាក់ថា កម្មវិធីបម្លែងសំឡេងទៅជាអត្ថបទនេះមានសមត្ថភាពក្នុងការបំប្លែងសំឡេងដែលយើងនិយាយជាភាសាខ្មែរដោយផ្ទាល់ ទៅជាអត្ថបទភាសាខ្មែរដោយស្វ័យប្រវត្តិ ដោយប្រើប្រាស់បានក្នុងទូរសព្ទដៃ។
ក្រសួងបានបញ្ជាក់ថា៖ «កម្មវិធីនេះអាចប្រើប្រាស់ក្នុងទូរសព្ទដៃតាមប្រព័ន្ធប្រតិបត្តិការ Android និង iOS...
ក្រសួងច្រានចោលព័ត៌មានដែលថាជំងឺកូវីដ១៩ជាប្រភេទបាក់តេរីធ្វើឱ្យមនុស្សកកឈាមស្លាប់
ក្រសួងសុខាភិបាលកម្ពុជានៅថ្ងៃសុក្រនេះ បានបដិសេធលើអត្ថបទព័ត៌មានដែលចុះផ្សាយថា ជំងឺកូវីដ១៩មិនមែនជាវីរុស តែជាបាក់តេរីដែលត្រូវបានប៉ះនឹងវិទ្យុសកម្ម និងបញ្ចូលឈាមបណ្តាលឱ្យមនុស្សកកឈាមស្លាប់ ថាជាព័ត៌មានមិនពិត។
សេចក្តីប្រកាសព័ត៌មានរបស់ក្រសួងសុខាភិបាលចេញថ្ងៃទី១១ ខែមិថុនា ឆ្នាំ២០២១នេះ បានអះអាងថា ព័ត៌មានដែលបានចុះផ្សាយតាមបណ្តាញសង្គមនៅថ្ងៃទី០៩ និងទី១០ ខែមិថុនា ឆ្នាំ២០២១ និងដាក់ប្រភពពីក្រសួងសុខាភិបាលសឹង្ហបុរីថា ជំងឺកូវីដ១៩គឺជាបាក់តេរីដែលត្រូវបានប៉ះពាល់នឹងវិទ្យុសកម្ម និងបញ្ចូលឈាម បណ្តាលឱ្យស្លាប់មនុស្សនោះ គឺជាព័ត៌មានក្លែងបន្លំ និងបំពុលសង្គម។
សេចក្តីប្រកាសព័ត៌មានខាងលើបានស្រង់អត្ថប័យពីព័ត៌មាននោះថា៖ «ប្រទេសសឹង្ហបុរីក្លាយជាប្រទេសដំបូងគេនៅលើពិភពលោក បានធ្វើកោលស្យវិច័យលើសាកសពអ្នកជំងឺកូវីដ១៩ ហើយរកឃើញថាកូវីដ១៩មិនមែនជាវីរុសទេ វាជាបាក់តេរី ដែលត្រូវបានប៉ះពាល់នឹងវិទ្យុសកម្ម...
ក្រសួងអប់រំប្រកាសរៀបចំការប្រកួតសិស្សឆ្នើមគម្រោងឌីជីថលធំដំបូងបង្អស់ «បំណងប្រាថ្នា»
ក្រសួងអប់រំ យុវជននិងកីឡា លើកទឹកចិត្តឱ្យសិស្សានុសិស្ស និងគ្រឹះស្ថានសិក្សាចំណេះទូទៅទាំងរដ្ឋ និងឯកជនទូទាំងប្រទេសទាំងអស់ចូលរួមក្នុងព្រឹត្តិការណ៍ «បំណងប្រាថ្នា» ដែលជាការបង្កើតគម្រោងវេទិកាសិក្សាតាមបែបឌីជីថលដំបូងគេបំផុតនៅកម្ពុជា សម្រាប់សិស្សានុសិស្សចាប់ពីថ្នាក់ទី៧ ដល់ទី១២។
បើតាមសេចក្តីប្រកាសព័ត៌មានដែលចេញផ្សាយ កាលពីថ្ងៃព្រហស្បតិ៍ ទី១០ ខែមិថុនា ឆ្នាំ២០២១ លើទំព័រហ្វេសប៊ុករបស់ក្រសួងអប់រំយុវជន និងកីឡា បញ្ជាក់ថា សិស្សានុសិស្ស ដែលចូលរួមប្រកួតក្នុងប្រព្រឹត្តិការណ៍នេះ នឹងទទួលបានការលើកទឹកចិត្តពីក្រសួងអប់រំ ដោយបន្ថែមពិន្ទុសម្រាប់ការប្រឡងប្រចាំឆ្នាំ ករណីបើពិន្ទុនៃគម្រោងលើស៧០%។ ចំពោះសិស្ស ឬក្រុមសិស្សដែលនៅលំដាប់៥%ចុងក្រោយទូទាំងប្រទេសតាមមុខវិជ្ជានីមួយៗនៅតាមថ្នាក់នីមួយៗ នឹងក្លាយជាសិស្សសក្តានុពលនៃក្រសួង។
ខ្លឹមសារបន្ថែមចេញពីសេចក្តីប្រកាសដដែលបន្តថា...
ចំនួនអ្នកស្លាប់ដោយជំងឺកូវីដ១៩កើនដល់៣១១នាក់ ខណៈរកឃើញអ្នកឆ្លងថ្មីចំនួន៦៥៥ នៅថ្ងៃព្រហស្បតិ៍
ក្រសួងសុខាភិបាលនៅថ្ងៃសុក្រនេះប្រកាសថា នៅថ្ងៃទី១០ ខែមិថុនានេះ មានអ្នកស្លាប់ដោយសារជំងឺកូវីដ១៩ចំនួន១១នាក់ និងមានអ្នកឆ្លងថ្មីចំនួន៦៥៥នាក់។
បើតាមសេចក្តីជូនដំណឹងរបស់ក្រសួងសុខាភិបាលចេញនៅថ្ងៃទី១១ ខែមិថុនា ឆ្នាំ២០២១នេះបង្ហាញថា នៅថ្ងៃទី១០ ខែមិថុនាឆ្នាំ ២០២១ មានករណីឆ្លងថ្មីចំនួន៦៥៥នាក់ និងជាសះស្បើយ៨១០នាក់ និងមានអ្នកស្លាប់ថ្មីចំនួន១១នាក់។
គិតត្រឹមថ្ងៃទី១០ ខែមិថុនា ឆ្នាំ២០២១នេះ កម្ពុជាមានអ្នកឆ្លងជំងឺកូវីដ១៩សរុបកើនដល់ ៣៧,៣២១នាក់ និងអ្នកជាសះស្បើយសរុបចំនួន៣០,៦១៧នាក់ និងអ្នកស្លាប់សរុបកើនដល់៣១១នាក់ ក្នុងរយៈពេលត្រឹម១៨ខែប៉ុណ្ណោះ ចាប់តាំងពីការរកឃើញដំបូងនៅចុងខែមករា ឆ្នាំ២០២០មក។
សេចក្តីជូនព័ត៌មានដដែលនោះបានបន្តទៀតថា៖ «ក្នុងចំណោមករណីឆ្លងថ្មីចំនួន៦៥៥នាក់នោះ ក្នុងនោះមានករណីឆ្លងថ្មីចំនួន៤៩នាក់គឺជាករណីនាំចូលពីក្រៅប្រទេស...
Latest News
