កម្រងរូបភាព៖ មុខរបរលក់ដូងនៅរាជធានីភ្នំពេញ
លោក ចំ រើន អាយុ ៣៥ឆ្នាំ ជាអាជីវករលក់ដូង នៅម្តុំអគារភ្នំពេញសេនធឺរ (Phnom Penh Center) ក្នុងរាជធានីភ្នំពេញ។ លោក ចំ រើន បានប្រកបមុខរបរលក់ដូងនេះជាង១០ឆ្នាំមកហើយ។ លោកបានទទួលទិញផ្លែដូងបោះដុំពីឈ្មួញកណ្តាលដែលបានដឹកផ្លែដូងមកពីខេត្តកំពត និងខេត្តកោះកុង យកមកលក់ឱ្យលោក។ លោកត្រូវក្រោកពីម៉ោង ៦ព្រឹកជារៀងរាល់ថ្ងៃ ហើយបានចាកចេញពីផ្ទះរបស់លោកនៅសង្កាត់បឹងកេងកង ខណ្ឌបឹងកេងកង ដើម្បីទៅលក់ដូងនៅម្តុំអគារភ្នំពេញសេនធឺ (Phnom Penh Center) ចាប់ពីម៉ោង...
កម្មកររោងចក្រ ML នៅក្រុងប៉ោយប៉ែតប្រមូលផ្ដុំតវ៉ាជាថ្មី ក្រោយថៅកែបើកប្រាក់ខែយឺតយ៉ាវជាញឹកញាប់
កម្មករកម្មការិនីប្រមាណជាង ៤០០នាក់ ធ្វើការនៅរោងចក្រកាត់ដេរសម្លៀកបំពាក់ អិម អិល(ML) បានម្រមូលផ្ដុំគ្នាជាថ្មីនៅមុខរោងចក្រ នាថ្ងៃទី២៥ ខែមេសា ឆ្នាំ២០២៤នេះ ដើម្បីតវ៉ាទាមទារប្រាក់ខែ ដោយសារមានការបើកប្រាក់ឈ្នួលយឺតយ៉ាវញឹកញាប់។
របាយការណ៍៖ ឆ្នាំ២០២៣មានការកើនឡើងនូវហេតុការណ៍រឹតត្បិត និងការរំលោភបំពានសេរីភាពមូលដ្ឋាន
របាយការណ៍ប្រចាំឆ្នាំរបស់អង្គការសង្គមស៊ីវិលដែលធ្វើការផ្នែកសិទ្ធិមនុស្សចំនួន៣ បានរកឃើញថា នៅក្នុងឆ្នាំ២០២៣ មានការកើនឡើងជាង១០ភាគរយនៃហេតុការណ៍រឹតត្បិត និងរំលោភបំពានសេរីភាពមូលដ្ឋានបើធៀបនឹងឆ្នាំ២០២២។
គណបក្សGDP ស្នើដោះលែងកញ្ញាឈឹម ស៊ីថរ ខណៈកញ្ញាទទួលបានពានរង្វាន់Per Anger Price 2024
គណបក្សប្រជាធិបតេយ្យមូលដ្ឋាន (GDP) ទាមទារឱ្យមានការដោះលែង កញ្ញា ឈឹម ស៊ីថរ និងអ្នកដឹកនាំសហជីពផ្សេងទៀតដែលកំពុងជាប់ឃុំ និងទម្លាក់ចោលបទចោទប្រកាន់ទាំងអស់ទៅលើពួកគេ ក្រោយពីប្រធានសហជីពនៅក្រុមហ៊ុនណាហ្គារូបនេះ បានទទួលពានរង្វាន់ ភើអែងហ្គើឆ្នាំ២០២៤ (Per Anger Price 2024) ពីរដ្ឋាភិបាលស៊ុយអែត។
កម្រងរូបភាព៖ ពិព័រណ៌រូបថតបច្ចុប្បន្នស្តីអំពី «ការក្រឡេកមើលរបបសាធារណរដ្ឋខ្មែរ»
មជ្ឈមណ្ឌលបុប្ផាណារៀបចំពិព័រណ៌រូបថតបច្ចុប្បន្នស្តីអំពី «ការក្រឡេកមើលរបបសាធារណរដ្ឋខ្មែរ» ជាការដាក់តាំងពិព័រណ៌រូបថតដែលបានមកពីប្រាំមួយប្រភពផ្សេងៗគ្នា ពីឆ្នាំ ១៩៧០ ដល់ឆ្នាំ ១៩៧៥ ។ ការដាក់ពិព័រណ៌នេះបើកឱ្យចូលទស្សនាដោយសេរីចាប់ពីថ្ងៃទី២២ខែមីនា ឆ្នាំ២០២៤ ដល់ថ្ងៃទី២៧ ខែមេសា ឆ្នាំ២០២៤។
កម្រងរូបភាព៖ មុខរបរលក់ពោតស្ងោរ
ក្រៅពីធ្វើស្រែចំការ ប្រជាជនកម្ពុជាមួយចំនួនមានមុខរបរផ្សេងទៀតដើម្បីរកចំណូលបន្ថែម ទ្រទ្រង់ជីវភាពគ្រួសារ។ មុខរបរទាំងនោះមានដូចជាចិញ្ចឹមសត្វ នេសាទ ធ្វើស្រែប្រាំង ឬលក់បន្លែផ្លែឈើជាដើម។ ចំណែក លោកស្រី ផុន យ៉ា អាយុ ៣៤ឆ្នាំ មកពីស្រុកកំពង់ត្របែក ខេត្តព្រៃវែង និងស្វាមី លោក ម៉ៅ សុធា អាយុ ៣៧ឆ្នាំ មកពីស្រុកកំពង់ត្របែក ខេត្តព្រៃវែង បានប្រកបរបរលក់ពោតចាប់តាំងពីឆ្នាំ២០០៩មក។...
កម្រងរូបភាព៖ អាជីវករលក់បន្លែនៅសួនកុមារ ខណ្ឌពោធិ៍សែនជ័យ
អ្នកស្រី កឹង ស្រីមុំ មកពីខេត្តតាកែវ ជាអ្នកលក់បន្លែនៅបរិវេណផ្សារមួយនៅម្តុំសួនកុមារ ខណ្ឌពោធិ៍សែនជ័យ រាជធានីភ្នំពេញ។ អ្នកស្រីក្រោកពីដំណេក និងចេញពីផ្ទះនៅម៉ោង២:៤០នាទី ដើម្បីទៅទិញបន្លែនៅផ្សារជិតផ្ទះ ក្នុងខេត្តតាកែវ ហើយចេញដំណើរតាមរយៈរថយន្តឈ្នួលទៅរាជធានីភ្នំពេញ។ អ្នកស្រីបានជួលម៉ូតូកង់បីដើម្បីដឹកបន្លែបន្តពីរថយន្តឈ្នួលទៅកន្លែងលក់បន្លែនៅផ្សារម្តុំសួនកុមារ ខណ្ឌពោធិ៍សែនជ័យ រាជធានីភ្នំពេញ ។ អ្នកស្រីលក់ជារៀងរាល់ថ្ងៃក្នុងអំឡុងពេលព្រឹក ចាប់ផ្ដើមពីម៉ោង៦:៣០នាទី ដល់ពេលរសៀល ម៉ោង១២:០០នាទី ទើបត្រឡប់ទៅផ្ទះវិញ។
កម្រងរូបភាព៖ អាជីវករលក់ត្រីនៅផ្សារលើខេត្តកំពង់ឆ្នាំង
អ្នកស្រី សេត ម៉ារីយ៉ាន អាយុ៤៣ឆ្នាំ ជាអាជីវករលក់ត្រីនៅផ្សារលើ ខេត្តកំពង់ឆ្នាំង។ អ្នកស្រីប្រកបរបរនេះយូរឆ្នាំមកហើយ។ អ្នកស្រីត្រូវក្រោកពីម៉ោង២ ទៅ៣ទាបភ្លឺជារៀងរាល់ថ្ងៃដើម្បីទៅទិញត្រីនៅផែត្រីមាត់ទន្លេផ្សារក្រោម មកលក់នៅផ្សារលើ ចាប់ពីម៉ោង៥ព្រឹករហូតដល់ម៉ោង១២ថ្ងៃត្រង់។
ការនាំចូលប្លាស្ទិកមកកម្ពុជាថយចុះ៧៥% ក្នុងត្រីមាសទី១ ឆ្នាំ២០២៤
ការនាំចូលប្លាស្ទិកមកកម្ពុជាក្នុងត្រីមាសទី១ ឆ្នាំ២០២៤ មានចំនួនជាង ២១ ៤៩0 គីឡូក្រាម ថយចុះ៧៥% បើធៀបនឹងពេលដដែលកាលពីឆ្នាំ២០២៣។ នេះបើតាមសារបង្ហោះលើទំព័រហ្វេសប៊ុករបស់ក្រសួងបរិសា្ថន។
ក្នុងសារដែលបង្ហោះលើទំព័រហ្វេសប៊ុកក្រសួងបរិស្ថានកាលពីថ្ងៃទី១០ ខែមេសា ឆ្នាំ២០២៤បញ្ជាក់ថា មានក្រុមហ៊ុនតែមួយប៉ុណ្ណោះដែលបាននាំចូលថង់ប្លាស្ទិកប្រើប្រាស់ទូទៅ សរុបចំនួន ១២ ៣៣៦, ៣៨ គីឡូក្រាម។ ហើយការនាំចូលថង់ប្លាស្ទិកសម្រាប់បម្រើសង្វាក់ផលិតកម្ម មានក្រុមហ៊ុនចំនួន២ ទទួលបានការអនុញ្ញាតពីក្រសួងបរិស្ថាន ក្នុងបរិមាណចំនួន ៩ ១៥២,៤៤ គីឡូក្រាម។...
អាជ្ញាធរបង្ក្រាប និងដុតកម្ទេចសាច់បង្កកនាំចូលខុសច្បាប់ជាង៤តោន
អគ្គនាយកដ្ឋានគយនិងរដ្ឋាករកម្ពុជា សហការជាមួយសមត្ថកិច្ចពាក់ព័ន្ធ បានបង្ក្រាប និងដុតកម្ទេចចោលនូវបំណែកសាច់នាំចូលខុសច្បាប់និងខូចគុណភាពជាង ៤តោន ខណៈសង្គមស៊ីវិល ជំរុញឱ្យអាជ្ញាធរមានសមត្ថកិច្ចចាត់វិធានការទៅលើអ្នកនាំចូល និងអ្នកនៅពីក្រោយការនាំចូលខុសច្បាប់ទាំងនោះ ដើម្បីទប់ស្កាត់បញ្ហានេះកុំឱ្យកើតឡើងជាបន្តបន្ទាប់ទៀត។
សមាគមខ្មែរកម្ពុជាក្រោម ស្នើរដ្ឋាភិបាលកម្ពុជាជួយដល់ព្រះសង្ឃ និងសកម្មជនខ្មែរក្រោម ដែលកំពុងជាប់ឃុំនៅវៀតណាម
សមាគមខ្មែរកម្ពុជាក្រោមដើម្បីសិទ្ធិមនុស្ស និងអភិវឌ្ឍន៍ និងពលរដ្ឋ ព្រមទាំងព្រះសង្ឃប្រមាណ ១០០អង្គ/នាក់ បានប្រមូលផ្តុំ និងដាក់ញត្តិទៅក្រសួងការបរទេសកម្ពុជា ស្នើឱ្យមានការអន្តរាគមន៍ទៅរដ្ឋាភិបាលវៀតណាម ឱ្យដោះលែងព្រះសង្ឃ និងសកម្មជនខ្មែរក្រោមជាង១០អង្គ/នាក់ ដែលកំពុងជាប់ឃុំនៅប្រទេសវៀតណាម។
លោក ហ៊ុន សែន យល់ព្រមទទួលការអភ័យទោសពីលោក ជា ប៉ូច និងគ្រោងឱ្យមេធាវីដកពាក្យបណ្តឹងពីតុលាការ
ប្រធានគណបក្សប្រជាជនកម្ពុជា លោក ហ៊ុន សែន បានយល់ព្រមទទួលយកការសុំអភ័យទោសពី លោក ជា ប៉ូច អតីតមន្ត្រីជាន់ខ្ពស់នៃអតីតគណបក្សសង្គ្រោះជាតិ ហើយលោកនឹងឱ្យមេធាវីរបស់លោក ដកពាក្យបណ្តឹងចេញពីតុលាការដើម្បីបញ្ចប់រឿងក្តីឱ្យបានឆាប់។
យោងតាមសំណេរនៅលើទំព័រហ្វេសប៊ុកផ្លូវការរបស់លោក កាលពីថ្ងៃទី២៣ ខែមេសា ឆ្នាំ២០២៤ លោក ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធសភា បានលើកឡើងថា ក្រោយទទួលបានលិខិតរួច លោកយល់ព្រមទទួលយកការសុំអភ័យទោស ពីលោក ជា...
ក្រសួងបរិស្ថាននឹងធ្វើការបំពាក់ឧបករណ៍ស្វ័យប្រវត្តិនៅតាមរោងចក្រសហគ្រាសក្នុងយុទ្ធនាការសម្អាតទន្លេ
ក្រសួងបរិស្ថាន នឹងធ្វើការបំពាក់ឧបករណ៍ស្វ័យប្រវត្តិនៅតាមបណ្តារោងចក្រសហគ្រាស សម្រាប់ការត្រួតពិនិត្យគុណភាពទឹកមុននឹងបង្ហូរចេញ ដើម្បីជាការរួមចំណែកកាត់បន្ថយការបង្ហូរកាកសំណល់រាវកខ្វក់ទៅក្នុងទឹកទន្លេ និងជាផ្នែកមួយនៃយុទ្ធនាការសម្អាតទន្លេរបស់ក្រសួងផងដែរ។
អ្នកនាំពាក្យក្រសួងបរិស្ថាន លោក ខ្វៃ អាទិត្យា បានថ្លែងឱ្យដឹងនៅថ្ងៃទី២៣ ខែមេសា ឆ្នាំ២០២៤នេះថា ឧបករណ៍ដែលត្រៀមនឹងបំពាក់នៅតាមរោងចក្រសហគ្រាសនេះ មានឈ្មោះថា «ឧបករណ៍ស្វ័យត្រួតពិនិត្យ» ដែលមានសមត្ថភាពត្រួតពិនិត្យទឹកកខ្វក់ដែលអាចហូរចូលទៅក្នុងទន្លេ។
លោកមានប្រសាសន៍ថា៖ «វាអាចត្រួតពិនិត្យការបញ្ចេញទឹកកខ្វក់ចូលទៅក្នុងទឹកទន្លេតាមរយៈអូរ ប្រឡាយនានា។ នេះគឺជាផ្នែកមួយនៃយុទ្ធនាការសម្អាតទន្លេ ដែលដាក់ចេញក្រោមគំនិតផ្តួចផ្តើមរបស់រដ្ឋមន្ត្រី ដើម្បីធានាឱ្យមានទឹកស្អាតជានិច្ច នៅក្នុងការបម្រើសេចក្តីត្រូវការរបស់ប្រជាពលរដ្ឋប្រកបដោយសុខភាពល្អ»។
លោកបន្តថា ក្រសួងក៏បានរៀបចំឱ្យរោងចក្រសហគ្រាស ជាពិសេសរោងចក្រដែលប្រើប្រាស់ទឹកច្រើន...
កម្រងរូបភាព៖ អ្នកស្រី វ៉ាន់ ស៊ាប ពេញចិត្តនឹងអាជីពជាអ្នកបោសសំរាម
អ្នកស្រី វ៉ាត់ ស៊ាប មានអាយុ៥៨ឆ្នាំ មានកូនចំនួន ៧នាក់ សព្វថ្ងៃជាអ្នកបោសសម្អាតម្នាក់ក្នុងរាជធានីភ្នំពេញ។ អ្នកស្រីប្រកបរបរនេះអស់រយៈពេល២០ឆ្នាំមកហើយ ចំពោះអាជីពនេះអ្នកស្រីនិយាយថា៖ «ខ្ញុំពេញចិត្តការងារមួយនេះ ឱ្យតែមានការងារធ្វើ ឯផលវិបាកវិញគ្មានទេ មានតែពាក្យមើលងាយពីមនុស្សមួយចំនួន»។
កម្រងរូបភាព៖ ប្រជាពលរដ្ឋសុំទឹកចេញពីអណ្តូង១,០០០ឆ្នាំលើភ្នំគូលែន
អណ្តូង១,០០០ឆ្នាំ ស្ថិតនៅឃុំខ្នងភ្នំ ស្រុកស្វាយលើ ខេត្តសៀមរាប ក្បែរវត្តព្រះអង្គធំលើភ្នំគូលែន។ ភ្ញៀវទេសចរណ៍អាចធ្វើដំណើរដោយថ្មើរជើងតាមផ្លូវដីប្រហែលជា១០នាទីពីវត្តព្រះអង្គធំដើម្បីទៅដល់អណ្តូង។ ប្រជាពលរដ្ឋទៅទីនោះដើម្បីទទួលយកទឹកដែលពួកគេជឿថាជាទឹកស័ក្តិសិទ្ធិ អាចព្យាបាលរោគាផ្សេងៗ និងជួយឱ្យមានសិរីសួស្តី។
រដ្ឋមន្ត្រីក្រសួងបរិស្ថាន អំពាវនាវឱ្យបញ្ឈប់ជាបន្ទាន់នូវសកម្មភាពបំពានដីព្រៃរបស់រដ្ឋ
រដ្ឋមន្ត្រីក្រសួងបរិស្ថាន អំពាវនាវជាថ្មីឱ្យបញ្ឈប់ជាបន្ទាន់ នូវសកម្មភាពកាប់រានទន្រ្ទានដីព្រៃ របស់រដ្ឋដោយខុសច្បាប់ ខណៈរាជរដ្ឋាភិបាលកំពុងអនុវត្តយ៉ាងតឹងរ៉ឹងនូវវិធានការច្បាប់។
Latest News
