គឹម ជីលីន (Kim Chilin)
គោរពជម្រាបសួរ ខ្ញុំបាទឈ្មោះ គឹម ជីលីន(Kim Chilin) អាយុ២៣ឆ្នាំ។ ខ្ញុំជាអ្នកមកពីខេត្តសៀមរាប។ ខ្ញុំបានបញ្ចប់ការសិក្សាថ្នាក់មធ្បមសិក្សាទុតិយភូមិនៅកំឡុងឆ្នាំ២០១៧ បច្ចុប្បន្ននេះខ្ញុំកំពុងសិក្សាថ្នាក់បរិញ្ញាប័ត្រឯកទេស សង្គមវិទ្យា។ ការសិក្សាមុខជំនាញសង្គមវិទ្យាគឺចាំបាច់ឱ្យខ្ញុំត្រូវក្តោបបានស្ថានភាពសង្គមជាប្រចាំ ដូច្នេះហើយនេះជាកត្តាមួយផ្នែកជំរុញឱ្យខ្ញុំឈានជើងចូលក្នុងវិស័យព័ត៌មាន។ ការតាមដានស្ថានការណ៍សង្គម និងការសសេរអត្ថបទព័ត៌មានចែករំលែកនៅលើ គណនីហ្វេសបុក(Facebook Account) គឺជាសកម្មភាពជាប្រចាំរបស់ខ្ញុំ។ NewsRoom បានផ្តល់ឱកាសសិក្សាវគ្គបណ្តុះបណ្តាលអ្នកសារព័ត៌មាន ដល់ខ្ញុំ រយៈពេល៤ខែ។ ក្លាយជាអ្នកសារព័ត៌មាននឹងអភិវឌ្ឍខ្ញុំកាន់តែតាមទាន់អំពីស្ថានការណ៍សង្គម បន្ថែមពីនេះ នេះជាការចូលរួមចំណែករបស់ខ្ញុំ ផ្តល់ឱ្យប្រជាជននូវព័ត៌មានប្រកបដោយគុណភាព និងក្រមសីលធម៌ខ្ពស់៕
