ភ្នំពេញ៖ នាព្រឹកថ្ងៃទី៣ ខែឧសភា ឆ្នាំ២០២៤នេះ តុលាការកំពូលបានសម្រេចតម្កល់ការផ្តន្ទាទោស កញ្ញា ឈឹម ស៊ីថរ ឲ្យជាប់ពន្ធនាគារបន្តទៀត។ កញ្ញា ឈឹម ស៊ីថរ ជាប្រធានសហជីព ទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ ដែលត្រូវបានអាជ្ញាធរចាប់ខ្លួននៅថ្ងៃទី ២៦ ខែវិច្ឆិកា ឆ្នាំ២០២២ ក្រោមហេតុផល រំលោភលើលក្ខខណ្ឌនៅក្រៅឃុំ។
យោងតាមអង្គការលីកាដូបានឲ្យដឹងថា ក្រុមប្រឹក្សាជំនុំជម្រះដែលមានសមាសភាពចៅក្រមចំនួន០៤រូបបានប្រកាសសាលដីការបស់ខ្លួនដោយតម្កល់សេចក្ដីសម្រេចផ្តន្ទាទោសពន្ធនាគារលើ កញ្ញា ឈឹម ស៊ីថរ និង ជនជាប់ចោទជាច្រើននាក់ផ្សេងទៀត។ ទោសពន្ធនាគារ របស់អ្នកទាំងនោះចន្លោះពី១ឆ្នាំទៅ២ឆ្នាំ។
កញ្ញា ឈឹម...
ភ្នំពេញ៖ កាលថ្ងៃទី០២ ខែឧសភា ឆ្នាំ២០២៤ សកម្មជនបរិស្ថាន អ្នកការពារព្រៃឈើ និងអង្គការសង្គមស៊ីវិល បានស្នើឲ្យរដ្ឋាភិបាលនិងអាជ្ញាធរមូលដ្ឋានបើកលំហសិទ្ធិសេរីភាព និងគាំទ្រសកម្មភាពការពារបរិស្ថានរបស់ពួកគេ។ នៅក្នុងកិច្ចពិភាក្សាមួយក្នុងកម្មវិធីទិវាសេរីភាពសារព័ត៌មានពិភពលោកលើកទី៣១ ក្នុងរាជធានីភ្នំពេញ ពួកគេលើកឡើងថា អាជ្ញាធរមូលដ្ឋានតែងតែហាមឃាត់ និងសួរនាំច្រើន ថែមទាំងគំរាមគំហែង រាល់ពេលដែលក្រុមសកម្មជនបរិស្ថាន និងសង្គមស៊ីវិលមានសកម្មភាពចុះទៅព្រៃឬល្បាតព្រៃម្ដងៗ។ កិច្ចពិភាក្សានេះ ក៏បានផ្តោតសំខាន់លើសារៈសំខាន់ និងតួនាទីរបស់អ្នកសារត៌មានក្នុងការរាយការណ៍ពីបញ្ហាបរិស្ថានផងដែរ។
លោក ហេង គីមហុង នាយកប្រតិបត្តិនៃសមាគមបណ្ដាញយុវជនកម្ពុជា(CYN)ថ្លែងថា សារព័ត៌មានបានចួលរួមចំណែកផ្សព្វផ្សាយពីបញ្ហាបរិស្ថានដូចជាការកាប់បំផ្លាញព្រៃឈើ និងការធ្វើអាជីវកម្មរ៉ែមាសខុសច្បាប់ជាដើម។ លោក ស្នើសុំឱ្យក្រសួងជំរុញឱ្យមន្ត្រីចុះអធិការកិច្ច ដើម្បីបង្ក្រាបបទល្មើសធនធានធម្មជាតិ និងមានយន្តការចំពោះការធ្វេសប្រហែសរបស់មន្ត្រីចំពោះមុខងារខ្លួន។
លោកបន្តថា៖«យើងធ្វើការទៅលើបរិស្ថានគ្រាន់យើងចង់ឱ្យមានបរិស្ថានស្អាតរួមគ្នាហើយមានព្រៃឈើមួយប្រកបដោយនិរន្តរភាពយ៉ាងពិតប្រាកដ»។
តួអង្គអាយ៉ៃស្រីប្រុសពីររូបនៅលើឆាក ក្នុងសម្លៀកបំពាក់បែបខ្មែរ មានហូលផាមួង ក្បិន ពណ៌ឆើតឆាយ និងអាវមានក្រវ៉ាត់កជាដើម អមជាមួយការច្រៀង សំនួនវោហា កំណាព្យកាព្យឃ្លោង ការដេញប្រាជ្ញា និងកាយវិការរាំឥតព្រៀងទុក បានបង្កើតជាទស្សនិយភាពប្លែកមួយ ធ្វើឱ្យអ្នកមើលផ្ទុះស្នូរទះដៃនិងសំលេងហ៊ោ។ ទស្សនិកជនខ្លះ លើកទូរស័ព្ទថតការសម្តែងហើយបញ្ចេញអាក្បកិរិយា ញញឹម សើច និងហាមាត់បែបស្ងើចសរសើរចំពោះការសម្តែងសិល្បៈអាយ៉ៃមួយបែបនេះ។ នៅលើឆាកខាងក្រោយតួអង្គអាយ៉ៃកំពុងឆ្លើយឆ្លងគ្នា គេឃើញមាន វង់ភ្លេងបុរាណខ្មែរ បន្លាន់សម្លេងឡើងពីបណ្តុំសម្លេងនៃឧបករណ៍ភ្លេងបុរាណខ្មែរ រួមមាន ស្គរដៃ ឈឹង ខ្លុយ ទ្រអ៊ូ ទ្រសោរ តាខេ និងខឹមជាដើម។
នេះគឺជាទិដ្ឋភាពនៃការសម្តែងអាយ៉ៃឆ្លើយឆ្លងកាលពីចុងខែមេសា ក្នុងទីជនបទដែលគេស្គាល់ថាជា«ផ្ទះល្ខោនស្វាយជ្រុំ» នៅក្នុងភូមិស្វាយជ្រំ...
ដែនជម្រកសត្វព្រៃសង្ឃរុក្ខាវ័ន ស្ថិតក្នុងភូមិសាស្ត្រស្រុកអន្លង់វែង ស្រុកចុងកាល និងក្រុងសំរោង ខេត្តឧត្តរមានជ័យ។ សហគមន៍នេះ ជាសហគមន៍ការពារធនធានធម្មជាតិ ព្រៃឈើ និងសត្វព្រៃយ៉ាងសកម្មរហូតទទួលបានជ័យលាភីរង្វាន់អេក្វាទ័រក្នុងឆ្នាំ២០១០ និងមានការទទួលស្គាល់ពីរដ្ឋាភិបាលដោយចេញអនុក្រឹតស្ដីពីការបង្កើតដែនជម្រកសត្វព្រៃ«សង្ឃរុក្ខាវ័ន»។ លទ្ធផលដ៏ល្អនេះមិនអាចខ្វះបានឡើយនូវកិច្ចការពីក្រោយឆាកដែលមានតួនាទីចាំផ្គត់ផ្គង់ និងគាំទ្រ។ កិច្ចការសំខាន់ដែលមិនអាចខ្វះបាននោះគឺ ការងារផ្ទះបាយ។
ប្រជាសហគមន៍ដែលរស់នៅភូមិក្បែរៗដែនជម្រកសត្វព្រៃសង្ឃរុក្ខាវ័ន កំពុងផ្សំគ្រឿងសម្រាប់ធ្វើម្ហូបក្នុងរោងបាយនៃទីស្នាក់ការដែនជម្រកសត្វព្រៃសង្ឃរុក្ខវ័ន ខេត្តឧត្តរមានជ័យ នាថ្ងៃទី២៧ ខែមេសា ឆ្នាំ២០២៤។ (រូបថតដោយ៖ ជា បញ្ញា)
ប្រជាសហគមន៍ដែលរស់នៅភូមិក្បែរៗដែនជម្រកសត្វព្រៃសង្ឃរុក្ខាវ័ន កំពុងផ្សំគ្រឿងសម្រាប់ធ្វើម្ហូបក្នុងរោងបាយនៃទីស្នាក់ការដែនជម្រកសត្វព្រៃសង្ឃរុក្ខវ័ន ខេត្តឧត្តរមានជ័យ នាថ្ងៃទី២៧ ខែមេសា ឆ្នាំ២០២៤។...
ប្រជាជនខ្មែរជាច្រើននាក់ប្រើប្រាស់បណ្តាញសង្គមដើម្បីទទួលបានដំណឹង និងការកម្សាន្ត ប៉ុន្តែទន្ទឹមនឹងនេះការរីកចម្រើននៃបច្ចេកវិទ្យា បញ្ញាសប្បនិមិត្ត ឬ AI ក៏បានបង្កឲ្យមានបញ្ហាប្រឈមនានាផងដែរ។
អ្នកស្រី ឈិត កណិកា ជាអ្នកបណ្តុះបណ្តាលផ្នែកសុវត្ថិភាពឌីជីផល បានផ្តល់បទសម្ភាសជាសំណួរចម្លើយដល់សិក្ខាកាម Newsroom Cambodia កញ្ញា តាំង ប៉ហ្គិច អំពីតម្រូវការចំណេះដឹងផ្នែកប្រព័ន្ធផ្សព្វផ្សាយក្នុងយុគសម័យបច្ចេកវិទ្យាបញ្ញាសប្បនិមិត្ត ឬ AI ជាពិសេសពាក់ព័ន្ធនឹងការបង្កើតរូបភាព និងវីដេអូដែលបង្កើតឡើងដោយ AI និងត្រូវបានចែកចាយលើបណ្តាញសង្គម។
Q៖ ជាដំបូងនាងខ្ញុំចង់ដឹងថា តើអ្វីជាអក្ខរកម្មប្រព័ន្ធផ្សព្វផ្សាយ?
ភ្នំពេញ៖ កាលពីថ្ងៃ០១ ខែឧសភា ឆ្នាំ២០២៤ កម្មករ កម្មការនីរោងចក្រ និងសហជីពជាច្រើនរយនាក់បានជួបជុំគ្នាដើម្បីប្រារព្ធពិធីទិវាពលកម្មអន្តរជាតិ នៅមុខ ក្រសួងការងារ និងបណ្ដុះបណ្ដាលវិជ្ជាជីវៈក្នុងរាជធានីភ្នំពេញ។ ការប្រមូលផ្តុំគ្នានេះ មានបំណងទាមទារឱ្យរដ្ឋាភិបាល ជាពិសេសក្រសួងការងារ ឲ្យជួយពន្លឿនដោះស្រាយវិវាទការងារ និងរកវិធានការឆ្លើយតបទៅនឹងការរំលោភបំពានពីនិយោជក។
អ្នកស្រី រឿន កូលាប ជាកម្មការី រោងចក្រសេងបូ ហ្គាមិន ខេមបូឌា ដែលមានទីតាំងនៅខេត្តកំពង់ស្ពឺ ឲ្យដឹងថាអ្នកស្រីត្រូវបាននិយោជកខ្លួនបញ្ឈប់ពីការងារដោយសារអ្នកស្រីសម្រេចចូលរួមបង្កើតសហជីពឡើង។ ជុំវិញករណីនេះ អ្នកស្រី ត្រូវបានតុលាការកោះហៅជាលើកជាច្រើនលើកច្រើនសារមកហើយ ប៉ុន្តែមិនទាន់មានដំណោះស្រាយនៅឡើយ។ រឿងក្ដីក្ដាំនេះមានរយៈពេល១១ខែមកហើយ។
អ្នកស្រីថ្លែងប្រាប់ញូវស៍រូមខេមបូឌា (Newsroom...
ក្រសួងព័ត៌មាន កាលថ្ងៃទី៣០ ខែមេសា ឆ្នាំ២០២៤ បានចេញផ្សាយលទ្ធផលស្ទង់មតិសរុបមួយ ដែលក្រសួងអះអាងថា អ្នកសារព័ត៌មានចំនួន ៧៩,៨% ក្នុងចំណោមអ្នកចូលរួមឆ្លើយក្នុងការស្ទង់មតិ យល់ឃើញថាសេរីភាពសារព័ត៌មាននៅកម្ពុជាមានភាពប្រសើរឡើង។ បើតាមសេចក្តីប្រកាសរបស់ក្រសួងព័ត៌មាន សេរីភាពសារព័ត៌មានជាកាតាលីករមួយដ៏ចាំបាច់សម្រាប់អភិវឌ្ឍប្រទេសជាតិ។
ក៏ប៉ុន្តែសង្គមសុីវិល និងអ្នកឃ្លាំមើលវិស័យសារព័ត៌មានយល់ឃើញថាសេរីភាពសារព័ត៌មាននៅកម្ពុជាសេរីភាពសារព័ត៌មានកម្ពុជា មានភាពប្រសើរចំណុចខ្លះ និងខ្លះទៀតនៅមានភាពខ្វះខាតនៅឡើយ។ ហើយពួកគេទទូចឱ្យរាជរដ្ឋាភិបាលធានាសុវត្ថិភាព ជួយគាំទ្រផ្នែកច្បាប់ និងសហការកែលំអចំណុចខ្សោយដែលរារាំងដល់ការបំពេញការងាររបស់អ្នកសារព័ត៌មាន។
លោក ណុប វី នាយកប្រតិបត្តិនៃសម្ព័ន្ធកាសែតកម្ពុជា (CamboJa) បានប្រាប់ Newsroom Cambodia ថាបើតាមការស្រាវជ្រាវ សេរីភាពសារព័ត៌មានមានភាពប្រសើរឡើង ឬក៏អត់ អាស្រ័យលើស្ថាប័នណាជាអ្នកសិក្សាស្រាវជ្រាវ...
អ្នកតាមដានសង្គម ចង់ឃើញប្រសិទ្ធភាពនៃក្រុមការងារគ្រប់គ្រងការផ្សាយពាណិជ្ចកម្ម គ្រឿងស្រវឹង និងទទូចឲ្យមានការបញ្ឈប់ការផ្សាយពាណិជ្ជកម្ម ដើម្បីបង្ការគ្រោះថ្នាក់ចរាចរណ៍ដែលកើតឡើងដោយសារអ្នកបើកបរស្រវឹង។
ការលើកឡើងនេះ កើតមានឡើងក្រោយរាជរដ្ឋាភិបាលចេញសេចក្តីសម្រេចបង្កើតក្រុមការងារគ្រប់គ្រងការផ្សាយពាណិជ្ចកម្មផលិតផលគ្រឿងស្រវឹងដែលហៅកាត់ថាក.គ.ផ.ស.ដែលមានរដ្ឋមន្រ្តីក្រសួងព័ត៌មានជាប្រធាន។ យោងតាមសេចក្តីសម្រចដែលចុះហត្ថលេខា ដោយលោកនាយករដ្ឋមន្ត្រី ហ៊ុន ម៉ាណែត កាលពីថ្ងៃទី១២ ខែមេសាឆ្នាំ២០២៤ ក្រុមការងារនេះ ទទួលបន្ទុកកំណត់វិធានការ និងរៀបចំសណ្តាប់ធ្នាប់នៃការគ្រប់គ្រងការផ្សាយពាណិជ្ចកម្មផលិតផលគ្រឿងស្រវឹងតាមគ្រប់មធ្យោបាយប្រព័ន្ធផ្សព្វផ្សាយ និងការដាក់តាំងជាសាធារណៈគ្រប់ទីកន្លែង ដើម្បីលើកកម្ពស់សោភណភាព និងសុវត្ថិភាពសង្គម។
សេចក្តីសម្រេចបង្កើតក្រុមការងារដដែល ដែល Newsroom Cambodia បានទទួលនៅថ្ងៃទី២៩ ខែមេសា ឆ្នាំ២០២៤ ឲ្យដឹងទៀតថា ក្រុមការងានេះមានតួនាទីដឹកនាំយុទ្ធសាស្រ្តគ្រប់គ្រងការផ្សាយពាណិជ្ចកម្មផលិតផលគ្រឿងស្រវឹង និងធ្វើរបាយការណ៍លទ្ធផលជូនប្រមុខរដ្ឋាភិបាលតាមរយៈទីស្តីការគណៈរដ្ឋមន្រ្តី។ ហើយក្រុមការងារនេះ...
សិប្បកម្មតម្បាញសូត្រ រមណីយដ្ឋានចម្ការស្នេហ៍ មានទីតាំងស្ថិតនៅភូមិតូច ឃុំកោះឧកញ៉ាតី ស្រុកខ្សាច់កណ្ដាល ខេត្តកណ្ដាល។ សិប្បកម្មតម្បាញសូត្រនេះ បានជួយសម្រួលជីវភាពប្រជាជននៅកោះឧកញ៉ាតី និងទាក់ទាញភ្ញៀវទេសចរឲ្យចូលទស្សនាជារៀងរាល់ថ្ងៃ។ ការតម្បាញសូត្រពីដង្កូវនាង ជាមុខរបរបែបប្រពៃណីមួយក្នុងសង្គមខ្មែរដែលមានតាំងពីបុរាណកាលមកម្ល៉េះ។ ការផលិតសូត្រមានលក្ខណៈស្មុគស្មាញ និងត្រូវឆ្លងកាត់ជាច្រើនដំណាក់កាល តាំងពីការចិញ្ចឹម និងថែទាំដង្កូវនាង រហូតដល់ការតម្បាញសូត្រ។
បុរសម្នាក់កំពុងប្ដូរចង្អេរដើម្បីសម្អាតលាមកដង្កូវនាង។ (រូបភាព៖ ឃីម សុគន្ធី)
ពងមេអំបៅត្រូវកម្ដៅប្រហែល២០អង្សារដោយគ្របភួយរយៈពេល៩ទៅ១០ថ្ងៃទើបញាស់ជាកូនដង្កូវនាង។ (រូបភាព៖ ឃីម សុគន្ធី)
ក្រុមយុវជនប្រមាណជាង៤០នាក់ បានចូលទស្សនារមណីយដ្ឋានប្រវត្តិសាស្រ្តផ្ទះតាម៉ុក អតីត មេដឹកនាំខ្មែរក្រហម កំឡុងពេលទៅទស្សនកិច្ចជីវចម្រុះនៅព្រៃសង្ឃសហគមន៍រុក្ខាវ័នរៀបចំដោយក្រុម Guardians of Right and Eco-Nature(GREN) កាលពីថ្ងៃទី២៤ ដល់២៨ ខែមេសា ២០២៤។
រមណីយដ្ឋានប្រវត្តិសាស្រ្តផ្ទះតាម៉ុក ស្ថិតក្នុងភូមិអភិវឌ្ឍន៍ ស្រុកអន្លង់វែង ខេត្តឧត្តរមានជ័យ។ យោងតាមរដ្ឋបាលខេត្តឧត្តរមានជ័យ ផ្ទះតាម៉ុកមានផ្ទៃដី ១,៦១ហិកតា និងផ្ទះចំនួន៤ ហើយខាងក្រោយផ្ទះមានបឹងទំហំ៤១៧ ហិកតា ហៅបឹង អន្លង់វែង ឬបឹងអូរជីកដែលស្គាល់ថាជាផ្ទះ និងជាទីតាំងប្រជុំកងទ័ពសម្រាប់រៀបចំផែនការវាយប្រយុទ្ធខាងយោធារបស់តាម៉ុក។
យុវជនម្នាក់កំពុងមើលរូបដែលដាក់តាំងនៅផ្ទះតាម៉ុក ខេត្តឧត្តរមានជ័យ...
អគ្គនាយកដ្ឋានគយនិងរដ្ឋាករកម្ពុជា សហការជាមួយសមត្ថកិច្ចពាក់ព័ន្ធ បានបង្ក្រាប និងដុតកម្ទេចចោលនូវបំណែកសាច់នាំចូលខុសច្បាប់និងខូចគុណភាពជាង ៤តោន ខណៈសង្គមស៊ីវិល ជំរុញឱ្យអាជ្ញាធរមានសមត្ថកិច្ចចាត់វិធានការទៅលើអ្នកនាំចូល និងអ្នកនៅពីក្រោយការនាំចូលខុសច្បាប់ទាំងនោះ ដើម្បីទប់ស្កាត់បញ្ហានេះកុំឱ្យកើតឡើងជាបន្តបន្ទាប់ទៀត។
អង្គការសកម្មភាពដើម្បីអភិវឌ្ឍន៍ និងសហគមន៍ព្រៃឈើចំនួន៥ បានរួមគ្នាធ្វើយុទ្ធនាការប្រមូលគ្រាប់ត្នោត ២០ ០០០គ្រាប់ ដាំតាមព្រំដីសហគមន៍ ដើម្បីបង្កើនពហុប្រយោជន៍ក្នុងសហគមន៍ ទាំងជីវៈចម្រុះ សេដ្ឋកិច្ច សង្គម និងការប្រែប្រួលអាកាសធាតុ។
ប្រធានអង្គការសកម្មភាពដើម្បីអភិវឌ្ឍន៍(AFD Cambodia) លោក សោម សុភក្រ័ មានប្រសាសន៍នៅថ្ងៃទី២២ ខែមេសា ឆ្នាំ២០២៤នេះថា ការធ្វើយុទ្ធនាការប្រមូលគ្រាប់ត្នោត ចំនួន ២០ ០០០គ្រាប់ យកទៅដាំនៅតាមព្រំដែនសហគមន៍ចំនួន៥ ក្នុងខេត្តកំពង់ធំ និងខេត្តព្រះវិហារ ក្នុងនោះមានសហគមន៍ព្រៃឈើអូរសោម សហគមន៍ព្រៃឈើអូរធំ សហគមន៍ព្រៃឈើកំចាយមារ សហគមន៍ព្រៃឈើភ្នំដែកចំបក់ហោះ និងសហគមន៍ព្រៃឈើសាមគ្គីត្រពាំងទឹម។ លោកបន្ថែមថា មូលហេតុសំខាន់ៗដែលសម្រេចដាំត្នោតជាបង្គោលព្រំ ព្រោះដើមត្នោតមានភាពធន់...
មន្ត្រីសង្គមសុីវិលបង្ហាញការសាទរចំពោះ«ផែនការយុទ្ធសាស្រ្តនារីរតនៈទី៦»ថ្មី ដែលមានចក្ខុវិស័យលើកកម្ពស់សមភាពយេនឌ័រ ក៏ប៉ុន្តែក្រុមសង្គមសុីវិលចង់ឃើញ មានការអនុវត្តផែនការនេះឲ្យបានទូលំទូលាយ និងមានប្រសិទ្ធិភាព។ ការលើកឡើងនេះ កើតមានក្រោយក្រសួងកិច្ចការនារី បានដាក់សម្ពោធ«ផែនការយុទ្ធសាស្រ្តនារីរតនៈទី៦» កាលពីថ្ងៃទី០៨ ខែមេសា ឆ្នាំ២០២៤នេះ។
ផែនការយុទ្ធសាស្ត្រ៥ឆ្នាំ នារីរតនៈទី៦ ឆ្នាំ២០២៤-២០២៨នេះ គឺជាផែនការមេដើម្បីបង្កើនការប្តេជ្ញាចិត្តរួមគ្នាពីគ្រប់ភាគីពាក់ព័ន្ធ ក្នុងនោះរួមមានសង្គមស៊ីវិលផងដែរ ដើម្បីលើកកម្ពស់ ចក្ខុវិស័យសមភាពយេនឌ័រ និងបង្កើនភាពអង់អាចដល់ស្ត្រីនៅកម្ពុជា។
នារីរតនៈទី៦ ផ្តោតសំខាន់លើការបញ្ជ្រាបយេនឌ័រអាទិភាពចំនួន៦ រួមមាន ទី១ បង្កើនភាពអង់អាចផ្នែកសេដ្ឋកិច្ចរបស់ស្ត្រី ទី២ លើកកម្ពស់សីលធម៌សង្គម តម្លៃស្ត្រីនិងគ្រួសារខ្មែរ ទី៣ លើកកម្ពស់សុខុមាលភាពរបស់ស្ត្រីនិងក្មេងស្រី ទី៤ កិច្ចការពារផ្លូវច្បាប់សម្រាប់ស្ត្រីនិងក្មេងស្រី...
អាជ្ញាធរកម្ពុជា និងគណៈកម្មការទន្លេមេគង្គ បានលើកឡើងថា ការក្រឡាប់រថយន្តដឹកសារធាតុគីមី នៅប្រទេសឡាវមិនប៉ះពាល់ធ្ងន់ធ្ងរដល់ទឹកទន្លេមេគង្គ ហើយអំពាវនាវកុំឲ្យពលរដ្ឋមានការបារម្ភ។ ការលើកឡើងនេះ កើតមានឡើងក្រោយរថយន្តដឹកសារធាតុគីមីបានក្រឡាប់នៅប្រទេសឡាវ កាលពីសប្តាហ៍មុន ដែលបង្កឱ្យសារធាតុគីមីមួយចំនួនហូរចូលទៅក្នុងស្ទឹងក្នុងប្រទេសឡាវ ដែលជាដៃទន្លេមេគង្គ។
កាលពីថ្ងៃទី០៣ ខែមេសា ឆ្នាំ២០២៤ នៅខេត្តហ្លួងប្រាបាងនៃប្រទេសឡាវមានរថយន្តដឹកសារធាតុគីមី អាស៊ីតស៊ុលផួរិចប្រហែល៣០តោនបានក្រឡាប់ ចាក់សារធាតុគីមីមួយចំនួនចូលទៅក្នុងស្ទឹងណាមខាន់ ដែលជាដៃទន្លេមេគង្គ។ នេះបើយោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយមកាលពីថ្ងៃទី០៨ ខែមេសា ឆ្នាំ២០២៤។
លោក មាស សុភ័ក្ត្រ អ្នកជំនាញផ្នែកការចូលរួមរបស់ភាគីពាក់ព័ន្ធទន្លេមេគង្គ បានប្រាប់ Newsroom Cambodia កាលពីថ្ងៃទី៩ ខែមេសានេះឲ្យដឹងថា...
ល្បែងប្រជាប្រិយខ្មែរមានតួនាទីយ៉ាងសំខាន់ក្នុងការបង្ហាញពីវប្បធម៌ បេតិកភណ្ឌ និងប្រវត្តិសាស្ត្រសម្បូរបែបរបស់កម្ពុជា និងត្រូវបានបន្តពីមួយជំនាន់ទៅមួយជំនាន់។ ល្បែងប្រជាប្រិយខ្មែរ មិនត្រឹមតែផ្តល់ការកម្សាន្តប៉ុណ្ណោះទេ ថែមទាំងមានចំណែកផ្សាភ្ជាប់ពលរដ្ឋកម្ពុជាឲ្យត្រលប់ទៅកាន់ប្រវត្តិសាស្ត្រខ្លួនផងដែរ ។ យ៉ាងណាមិញ ពេលវេលាបានផ្លាស់ប្តូរទំនៀមទម្លាប់មួយចំនួន ហើយមានឥទ្ធិពលទំនើបៗកាន់តែច្រើន ដែលជាហេតុនាំឱ្យល្បែងប្រជាប្រិយខ្មែរប្រឈមនឹងការបាត់បង់។ តាមរយៈការស្វែងយល់ និងស្រាវជ្រាវចងក្រងល្បែងប្រជាប្រិយឱ្យបានច្បាស់លាស់ កម្ពុជាអាចរក្សា និងលើកកម្ពស់អត្តសញ្ញាណវប្បធម៌របស់ខ្លួន និងអាចឈានដល់ការកត់ត្រាជាបេតិកភណ្ឌពិភពលោកផងដែរ។
ខាងក្រោមនេះជាកិច្ចសម្ភាសរវាងលោកបណ្ឌិត ឈត ប៊ុនថង អនុប្រធានវិទ្យាស្ថានទំនាក់ទំនងអន្តរជាតិនៃកម្ពុជាជាមួយនឹងកញ្ញា ប៉ោក លក្ខិណា ជាសិក្ខាកាមរបស់ Newsroom Cambodia។
Q៖ ជម្រាបសួរលោកបណ្ឌិត!
ប្រទេសកម្ពុជា ជាប្រទេសប្រជាធិបតេយ្យ ដូចនេះប្រជាជនមានសិទ្ធិស្របច្បាប់នៅក្នុងការបញ្ចេញមតិ និងបង្ហាញការយល់ឃើញរបស់ខ្លួនចំពោះរឿងរ៉ាវអ្វីមួយ។ មតិរបស់ប្រជាជនគឺ សំខាន់ណាស់នៅក្នុងការកែតម្រូវការដឹកនាំរបស់រដ្ឋាភិបាល ក៏ដូចជាកែប្រែចំណុចខ្វះខាតរបស់សង្គមឱ្យកាន់តែប្រសើរឡើង។ កញ្ញា ភឹង សោភា កំពុងបំពេញការងារខាងផ្នែកសិទ្ធិមនុស្ស និងជាអតីតនិសិត្សបរិស្ថាននៅសាកលវិទ្យាល័យភូមិន្ទភ្នំពេញ។ កញ្ញាបានចូលរួមយ៉ាងសកម្មក្នុងការបញ្ចេញមតិទាក់ទងនឹងបញ្ហាផ្សេងៗដែលកើតឡើងក្នុងសង្គម។
នៅថ្ងៃទី២ ខែកញ្ញា ឆ្នាំ២០២៤ សិក្ខាកាមសារព័ត៌មាន Newsroom Cambodia កញ្ញា ឃីម សុគន្ធី បានសម្ភាសជាមួយកញ្ញា ភឹង សោភា ពីប្រធានបទសេរីភាពក្នុងការបញ្ចេញមតិ។
Q៖ ជម្រាបសួរ កញ្ញា!
Group 13 Trainees
