ក្រុម​យុវជ​នប្រមាណ ២០នាក់ ស្នើជាថ្មីដល់​​ក្រសួងអប់រំ យុវជន និងកីឡា ​ផ្តល់យុត្តិធម៌​ជុំវិញ​ភាពមិនប្រក្រតីនៃការលុបឈ្មោះ​គរុនិស្សិតចំនួន ១២រូប​ ចេញពីបញ្ជីរាយនាមសិស្សរៀនថ្នាក់បណ្តុះបណ្តាលគ្រូបង្រៀនកម្រិត​មូលដ្ឋាន នៅវិទ្យាល័យជាតិអប់រំកាយ និងកីឡា។

មន្ត្រីអ្នកនាំពាក្យ​ក្រសួងព័ត៌មាន ក្រើនរំលឹកដល់អ្នកសារព័ត៌មាន ត្រូវប្រកាន់ខ្ជាប់នូវសីលធម៌វិជ្ជាជីវៈសារព័ត៌មាន ពង្រឹងសមត្ថភាពជំនាញ និងផ្សព្វផ្សាយព័ត៌មានពិត ដែលជាការរួមចំណែក​​លើកកម្ពស់វិស័យ​សារព័ត៌មាន និង​បញ្ចៀសនូវរាល់​បណ្តឹង​ ខណៈ​​ក្នុ​ង​​ឆ្នាំ​​២០២​៣​កន្លង​ទៅ ក្រសួងបាន​ដោះស្រាយវិវាទរបស់អង្គភាពសារព័ត៌មាន​​ជាង ៤០ករណី។

ក្រុមអង្គការសង្គមស៊ីវិលចំនួន៨ស្ថាប័ន ស្នើឱ្យដើមបណ្ដឹងពិចារណាដកពាក្យបណ្តឹងប្រឆាំងលោក ស៊ឹ​​ង សែនករុណា ដោយចាត់ទុកថា អ្វីដែលអ្នកការពារសិទ្ធិមនុស្សរូបនេះ ផ្តល់ការវិភាគគឺ​​មិនមា​​នចេ​​តនា​​ទុ​​ចរិតចំពោះគណបក្សប្រជាជនកម្ពុជាណាមួយនោះទេ។

សកម្មជនព្រៃឈើនៅខេត្តមណ្ឌលគិរី បានលើកឡើងថា ព្រៃឈើនៅក្នុងខេត្តនេះ នៅតែបន្តរងការ​កាប់​បំផ្លាញ​ពី​ជន​មិន​ស្គាល់​មុខ ខណៈ USAID មរតកបៃតង បានចេញរបាយការណ៍ឆ្នាំ២០២៣ ថាបានស្តារគម្របព្រៃឈើជាង ២៥ហិកតា នៅខេត្តមណ្ឌលគិរី។

ប្រធានគណបក្សភ្លើងទៀន ហៅប្រតិកម្មរបស់រដ្ឋាភិបាលថាវាគឺជាលេសដើម្បីយករួចខ្លួន ចំពោះការ​​ប៉ុ​​ន​​​ប៉ង​​តាមដានលោកតាមរយៈការប្រើប្រាស់ប្រយោជន៍សាធារណៈ មកបិទបាំងសកម្មភាពផ្ទុយពី​​ច្បាប់​​បែបន។​

អ្នកជំនាញផ្នែកកសិកម្ម ហៅសារនយោបាយរបស់រដ្ឋាភិបាល ដែលសន្យាទម្លាក់កញ្ចប់ថវិកាប្រមាណ១០០លា​​នដុល្លារអាមេរិក ដើម្បីគាំពារសម្រាប់វិស័យកសិកម្ម គឺជាមធ្យោបាយមួយដែលល្អប្រសើរ ប្រសិនបើរដ្ឋាភិបា​ល​អាចមានលទ្ធភាពជួយឱ្យដំណើរការទៅបាន ស្របពេលវិស័យ​​នេះ រង់ការរិះគន់ថាមិនអាចឆ្លើយតបទៅនឹ​ងតម្រូវការចាំ​​បាច់ របស់កសិករបាននៅឡើយ។

អង្គការ Save the children Cambodia បានរៀបចំទិវាសុវត្ថិភាពអ៊ីនធើណេតកាលពីថ្ងៃទី៦ ខែកុម្ភៈ ឆ្នាំ២​​​០​២៤ ដើម្បីបង្កើនការយល់ដឹងអំពីអ៊ីនធើណែតដែលមានសុវត្ថិភាព និងប្រសើរជាងមុនសម្រាប់ទាំងអស់​​គ្នា ជាពិ​សេសស​​ម្រា​ប់កុមារ និងយុវជន។

អ្នកនាំពាក្យក្រសួងមហាផ្ទៃ ឱ្យដឹងថា គិតចាប់ពីរដ្ឋាភិបាល​ថ្មីចូលកាន់តំណែង​​ និង​ប្រកាសពីការអនុវត្ត​អភិក្រមទី៥ គឺ​មានមន្ត្រីប្រមាណ ១០០នាក់ហើយ ត្រូវបាន​លុបឈ្មោះចេញពីក្រប​ខ័ណ្ឌ​ក្រសួងមហាផ្ទៃ ក្រោយរកឃើញថាមន្ត្រីទាំងនោះមានជាប់​ពាក់ព័ន្ធនឹងគ្រឿងញៀន និង​ល្មើស​វិន័យរបស់កងកម្លាំង​នគរបាលជាតិ។

ការបោះឆ្នោតជ្រើសតាំងសមាជិកព្រឹទ្ធសភា សម្រាប់នីតិកាលទី៥ ឆ្នាំ២០២៤នេះ នៅសល់ពេលប្រមាណ​​២ស​ប្តា​​​​​ហ៍​​​​​ទៀត​​នឹ​ង​មកដល់។ សម្រាប់កៅអីក្នុងតួនាជាទីប្រធានព្រឹទ្ធសភា នៅក្នុងអាណត្តិបន្ទាប់នេះ អាចនឹងមិន​​មែន​​ជា​​លោក សាយ ឈុំ ដូចមុនទៀតទេ។

មន្ត្រី​ក្រសួងសុខាភិបាល បានអំពាវនាវ​ដល់ប្រជាពលរដ្ឋ​ប្រុងប្រយ័ត្នចំពោះការ​ឆ្លងជំងឺអុតស្វា ក្រោយរកឃើញករណីឆ្លងថ្មី ទៅលើបុរសម្នាក់។

កម្មករនិយោជិតប្រមាណ ១០០នាក់ ធ្វើការនៅ​រោងចក្រសេងបូ ហ្គាមិន ខេមបូឌា (Shengbo Garment (Cambodia)Co.,LTD.) បានផ្អាក​ការ​​​តវ៉ាជាបណ្តោះអាសន្ន ដោយរងចាំដំណោះស្រាយពីក្រសួង​ការងារ និងថៅកែរោងចក្រ ពាក់ព័ន្ធនឹងការបញ្ឈប់តំណាងកម្មករ ២នាក់ ដោយគ្មានកំហុស និងមាន​ការ​​រើស​​អើង​សហជីពក្នុងរោងចក្រ​។

ក្រុមមេធាវីតំណាង​គណបក្សប្រជាជនកម្ពុជា បាន​ដាក់ពាក្យបណ្តឹង ប្តឹង​លោក ស៊ឹង សែនករុណា អ្នកនាំពាក្យ​​សមាគម​ការពារសិទ្ធិមនុស្ស​អាដហុក ទៅ​​កាន់​សាលាដំបូងរាជធានីភ្នំពេញ ដោយ​​ស្នើឱ្យ​តុលាការ​ចាត់ការ​​ទៅតាមច្បាប់ និងទាមទារសំណងជំងឺចិត្តជូនគណបក្សប្រជាជន​កម្ពុជា ចំនួន ២ពាន់លានរៀល ឬស្មើប្រមាណ ៥សែនដុល្លារអាមេរិក។

កំពុង​តម្រេត​ខ្លួន​សម្រាក​​លើ​អង្រឹង​ក្នុង​ផ្ទះឈើលើ​ថ្ម​ក្រោម​​នៅ​ក្បែរ​ស្ពាន​ជ្រោយ​ចង្វារ​​ លោក​ឈឿន​ ​ប៊ុន​ឆាន ដែល​មាន​អាយុ​៦៧​ឆ្នាំ ​គឺជា​ប្រជាពលរដ្ឋម្នាក់​ក្នុង​ចំណោម​៧​គ្រួសារ ​ដែល​កំពុង​​ទាមទារ​ឱ្យ​មានការ​ផ្តល់​សំណង​​​បន្ថែម​ពីការ​បណ្តេញ​ចេញ​ បន្ទាប់​ពីគ្រួសារ​​នៅ​តំបន់​នោះ​ប្រមាណជា​ជាង​៣០០ បានទទួល​យក​សំណង​ និង​រុះរើ​ចេញ។ ​លោក ប៊ុន ឆាត គឺជា​អតីត​យុទ្ធ​ជន​​ដែលត្រូវ​​​ពិការ​ជើង​​ដោយ​សារ​ជំងឺ​គ្រុន​ចាញ់​ផង​នោះ​ ​ប្រាប់​ Newsroom ​Cambodia​ ​ថា ​លោក​នឹង​មិន​រុះ​រើ​ផ្ទះ​ចេញ​នោះ​​ទេ ប្រសិន​​បើ​អាជ្ញាធរ​មិន​ផ្ដល់​ដី​២ឡូតិ៍ ​និង​លុយ​២​ ទៅ៣​ពាន់​ដុល្លា​តាម​សំណើ​​។ លោក​និយាយ​ថា​៖ «បើ​ថា​បាន​២ឡូត៍ៗ​ទៅ​ចុះ​ឱ្យ​បាន​២ឡូតិ៍​អរ​ងាប់​ហើយ​ឱ្យ​ឯង​តែ​១​ឡូតិ៍​ទៀត​ហ្នឹង​បញ្ហា​លំបាក​គឺ​វា​អញ្ចឹង​។ហើយ​បើ​មិន​ឱ្យ​ខ្ញុំ​២​ ​៣​ឡូតិ៍​ ​ខ្ញុំ​មិន​ទៅ​ណា​ទេ​ ​ខ្ញុំ​នៅ​ហ្នឹង​...

ប្រជាពលរដ្ឋចំនួន ៤រូប នៅខេត្តព្រះវិហារ ដែល​រង​បណ្ដឹងពីមន្ត្រីមន្ទីរ​បរិស្ថានថា​បានកាប់គាស់ និងទិន្ទ្រានដីព្រៃជាកម្មសិទ្ធ បានស្នើឱ្យតុលាការទម្លាក់ចោលនូវបទចោទប្រកាន់​ ដោយថាពួកគាត់ពុំបានប្រព្រឹត្ត​កំហុស​ដូចការចោទ។

តំណាងអយ្យការអមសាលា​សាលាដំបូងខេត្តបន្ទាយមានជ័យ សម្រេចចោទប្រកាន់ជនជាតិថៃ ៣នាក់ ពីបទ ជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន ប្រព្រឹត្ត​ទៅ​នៅ​​ចំណុចបុរី​ខេ​ធី អេក ភូមិ​សាមគ្គីមាន​ជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។

សមត្ថកិច្ច ឱ្យដឹងថា តុលាការនៃ​សាលាដំបូងរាជធានីភ្នំពេញ បានសម្រេច​ឃុំខ្លួន​សមាជិកគណបក្ស​ភ្លើង​ទៀនចំនួន ២រូប នៅពន្ធនាគារ​ជាបណ្តោះអាសន្ន ពាក់ព័ន្ធនឹងបទល្មើស ក្លែងបន្លំ និងប្រើប្រាស់លិខិតក្លែង។