ជនជាតិដើមភាគតិចកួយ ស្នើក្រសួងស្ថាប័នពាក់ព័ន្ធទប់ស្កាត់បទល្មើសព្រៃឈើទ្រង់ទ្រាយធំនៅដែនជម្រកសត្វព្រៃព្រះរការ
សហគមន៍ជនជាតិដើមភាគតិចកួយ ស្នើដល់អង្គភាពប្រឆាំងបទល្មើសធនធានធម្មជាតិ ក្រសួងស្ថាប័នពាក់ព័ន្ធ និងអាជ្ញាធរខេត្តព្រះវិហារ ចុះអន្តរាគមន៍ និងទប់ស្កាត់បទល្មើសកាប់បំផ្លាញព្រៃឈើនៅក្នុងដែនជំរកសត្វព្រៃព្រះរការ ក្រោយពួកគេរកឃើញថា បទល្មើសព្រៃឈើទ្រង់ទ្រាយធំនៅតំបន់ការពារមួយនេះ នៅតែបន្តកើតមានក្នុងឆ្នាំ២០២៣។
សង្គមស៊ីវិល និងអ្នកវិភាគចង់ឱ្យរដ្ឋាភិបាលអាណត្តិថ្មីពង្រឹងប្រព័ន្ធច្បាប់ដើម្បីប្រឆាំងអំពើពុករលួយ
សង្គមស៊ីវិល និងអ្នកវិភាគលើកឡើងថា ដើម្បីកាត់បន្ថយអំពើពុករលួយ រដ្ឋាភិបាលអាណត្តិថ្មីគួរពង្រឹងច្បាប់ និងប្រព័ន្ធតុលាការ ហើយ ពលរដ្ឋត្រូវសកម្មក្នុងការចូលរួម។
ការលើកឡើងនេះធ្វើឡើងខណៈពេលដែលអង្គការតម្លាភាពកម្ពុជា (TI) អង្គការបណ្តាញយុវជនកម្ពុជា (CYN) និងសមាគមសម្ព័ន្ធអ្នកសារព័ត៌មានកម្ពុជា (CamboJA) ប្រារព្ធទិវាប្រយុទ្ធប្រឆាំងអំពើពុករលួយ ក្រោមមូលបទ «ការដឹកនាំមានសុចរិតភាព នាំមកនូវយុត្តិធម៌ និងវិបុលភាព» នៅថ្ងៃទី៨ ខែធ្នូ ឆ្នាំ២០២៣។
លោក អ៊ឹម នរិន្ទ នាយកកម្មវិធីនៃអង្គការតម្លាភាពកម្ពុជា (TI)...
បទយកការណ៍៖ អ្នកស្រឡាញ់ភេទដូចគ្នានៅកម្ពុជានៅតែបន្តរងការរើសអើង
នៅក្នុងច្បាប់អន្តរជាតិ មនុស្សម្នាក់ៗមានសិទ្ធិស្មើគ្នាក្នុងការជ្រើសរើសដៃគូជីវិត ជ្រើសរើសមនុស្សដែលខ្លួនស្រឡាញ់ មិនថាភេទដូចគ្នា ឬផ្ទុយគ្នា ហើយការស្រលាញ់ភេទដូចគ្នាក៏មិនមែនជាកំហុស។
កំពុងផ្តល់សម្ភាសន៍ដល់អ្នកសារព័ត៌មានយុវជន សុទ្ធ ពៅ សំណាង សកម្មជនការពារសិទ្ធិអ្នកស្រឡាញ់ភេទដូចគ្នាលើកឡើងថា អ្នកស្រលាញ់ភេទដូចគ្នានៅកម្ពុជា នៅតែបន្តរងការរើសអើងទាំងនៅសាលារៀន កន្លែងធ្វើការ ក្នុងសង្គម និងតាមបណ្តាញអ៊ីនធឺណិត។
សំឡេងរបស់សំណាងហាក់ប្តូរបន្តិច នៅពេលរៀបរាប់អំពីការរើសអើងដែលកើតមានលើអ្នកស្រលាញ់ភេទដូចគ្នា។ សកម្មជនរូបនេះបន្តថា៖ «ការរើសអើងនៅក្នុងសាលា ឧទាហរណ៍មួយចំនួន គ្រូមួយចំនួនរើសអើងយើង មិនសូវសប្បាយរីករាយជាមួយយើង ហើយពេលខ្លះគ្រូមួយចំនួនមានវិន័យ ប្រុសមានភេទកំណើតប្រុសត្រូវស្លៀកខោ ស្រីត្រូវស្លៀកសំពត់...
ក្រសួងយុត្តិធម៌ដាក់ចេញយុទ្ធនាការពីរជំរុញការដោះស្រាយវិវាទជូនពលរដ្ឋក្នុងវិស័យតុលាការ
លោក កើត រិទ្ធ រដ្ឋមន្ត្រីក្រសួងយុត្តិធម៌ បានប្រកាសដាក់ឱ្យអនុវត្តយុទ្ធនាការចំនួនពីរ គឺយុទ្ធនាការពន្លឿនការដោះស្រាយរឿងក្តីនៅតាមតុលាការ និងយុទ្ធនាការដោះស្រាយភាពមិនប្រក្រតីនៅតាមតុលាការ ដើម្បីលើកកម្ពស់សេវាយុត្តិធម៌។
ក្នុងសន្និសីទសារព័ត៌មានរបស់ក្រសួងយុត្តិធម៌ នៅថ្ងៃទី៩ ខែមករា ឆ្នាំ២០២៤ លោក កើត រិទ្ធ រដ្ឋមន្ត្រីក្រសួងយុត្តិធម៌បានសម្រេចដាក់ចេញឱ្យអនុវត្តយុទ្ធនាការជំរុញ និងពន្លឿនការដោះស្រាយរឿងក្តីនៅតាមតុលាការ និងយុទ្ធនាការត្រួតពិនិត្យ និងដោះស្រាយភាពមិនប្រក្រតីនៅតាមតុលាការ ចាប់ពីថ្ងៃទី៩ ខែមករា ឆ្នាំ២០២៣ នេះតទៅ ក្នុងគោលបំណងលើកកម្ពស់សេវាយុត្តិធម៌ ប្រសិទ្ធភាពនៃប្រព័ន្ធយុត្តិធម៌...
អាជ្ញាធរឃាត់ខ្លូនមនុស្សបួននាក់ក្នុងការិយាល័យអង្គការលីកាដូខេត្តបន្ទាយមានជ័យ
មន្រ្តីនគរបាលខេត្តបន្ទាយមានជ័យចាប់ខ្លួនមនុស្សចំនួន៤នាក់នៅក្នុងការិយាល័យអង្គការលីកាដូដោយគ្មានមូលហេតុ ខណៈពួកគេកំពុងទទួលការប្រឹក្សាយោបល់ផ្នែកច្បាប់ទាក់ទងនឹងករណីសកម្មជនបញ្ចេញមតិលើបណ្តាញសង្គម។ នេះបើតាមការលើកឡើងរបស់អង្គការលីកាដូ។
យោងតាមសាររបស់ទំព័រហ្វេសប៊ុកលីកាដូបានសរសេរនៅល្ងាចថ្ងៃទី០៦ ខែធ្នូ ឆ្នាំ២០២៣បញ្ជាក់ថា អ្នកទាំង៤ រូបនោះ រួមមានឈ្មោះ ហង្ស ត្រឹប ត្រូវជាភរិយាលោក កង សារ៉ន ឈ្មោះ សេង ចន្ថា ត្រូវជាកូនស្រីរបស់លោក សារ៉ន ព្រមទាំងអ្នកជិតខាងពីនាក់ផ្សេងទៀត។
លីកាដូបន្តថា៖ «អ្នកទាំង៤រូបត្រូវបានចាប់ខ្លួន ១០នាទីក្រោយពេលចូលមកដល់ការិយាល័យរបស់អង្គការលីកាដូ បន្ទាប់ពីអ្នកទាំងនោះបានទៅសួរសុខទុក្ខលោកសារ៉ន នៅក្នុងពន្ធធនាគារកាលពីពេលព្រឹក»។
ទំព័រហ្វេសប៊ុកខាងលើបន្តថា ពួកគេបានស្នើសុំឱ្យមន្ត្រីនគរបាលទាំងនោះបង្ហាញឯកសារពាក់ព័ន្ធ...
ក្រសួងសុខាភិបាលអំពាវនាវឱ្យឈប់ប្រើប្រាស់គ្រឿងស្រវឹងដោយសារអាចបណ្តាលឱ្យមានបញ្ហាសុខភាពធ្ងន់ធ្ងរ
ក្រសួងសុខាភិបាលអំពាវនាវដល់សាធារណជន ជាពិសេសយុវវ័យជៀសវាងការប្រើប្រាស់គ្រឿងស្រវឹងដោយសារវាអាចបណ្តាលឱ្យមានផលវិបាកសុខភាពធ្ងន់ធ្ងរ។
បើតាមសេចក្ដីប្រកាសព័ត៌មានរបស់ក្រសួងសុខាភិបាលចេញនៅថ្ងៃទី៩ ខែមករាឆ្នាំ២០២៤ បានឱ្យដឹងថាការប្រើប្រាស់គឿងស្រវឹងផ្ដល់ផលវិបាកយ៉ាងធ្ងន់ធ្ងរដល់សុខភាព សេដ្ឋកិច្ច និងសង្គមជាពិសេសសមាជិកគ្រួសារ មិត្តរួមការងារ និងអ្នកដទៃផងដែរ។
ក្រសួងសុខាភិបាលបានបន្តថា៖ «ភស្តុតាងថ្មីៗរបស់អង្គការសុខភាពពិភពលោកបង្ហាញថា មិនមានកម្រិតសុវត្ថិភាពនៃការប្រើប្រាស់គ្រឿងស្រវឹងនោះទេ ហើយគ្រប់ផលិតផលគ្រឿងស្រវឹងសុទ្ធតែបង្កផលប៉ះពាល់ដល់សុខភាព សូមកុំប្រើប្រាស់គ្រឿងស្រវឹងនៅពេលបើកបរ ឬកំពុងបញ្ជាគ្រឿងម៉ាស៊ីនផ្សេងៗ ពេលកំពុងមានផ្ទៃពោះ និងបំបៅកូនដោយទឹកដោះ ឬអ្នកមានបញ្ហាសុខភាពផ្សេងៗ»។
ក្រសួងក្រសួងសុខាភិបាលបន្ថែមថា គ្រឿងស្រវឹងបង្កឱ្យមានផលប៉ះពាល់ ដូចជាជម្ងឺក្រិនថ្លើម មហារីក (មាត់ បំពង់ក បំពង់អាហារ ថ្លើម ពោះវៀនធំ...
ក្រសួងព័ត៌មានហាមការផ្សាយពាណិជ្ជកម្មគ្រឿងស្រវឹងដែលផ្តល់រង្វាន់អូសទាញជ្រុល
ក្រសួងព័ត៌មានហាមប្រព័ន្ធផ្សព្វផ្សាយ និងក្រុមហ៊ុនផលិតគ្រឿងស្រវឹងទាំងអស់ផ្សាយពាណិជ្ជកម្មគ្រឿងស្រវឹងផ្ដល់រង្វាន់ ដែលប្រើសកម្មភាពជំរុញ និងអូសទាញពលរដ្ឋដើម្បីបញ្ចៀសគ្រោះថ្នាក់ចរាចរណ៍ និងអសន្តិសុខសង្គម ខណៈសង្គមស៊ីវិលសង្ឃឹមថា រដ្ឋមន្ត្រីអាណត្តិថ្មីនឹងអនុវត្តបំរាមនេះឱ្យមានប្រសិទ្ធភាព។
តាមរយៈលិខិតរបស់ក្រសួងព័ត៌មានបានចុះកាលពីថ្ងៃទី០៩ ខែមករា ឆ្នាំ២០២៤ នេះ ក្រសួងសម្រេចហាមផ្សាយពាណិជ្ជកម្មគ្រឿងស្រវឹងផ្ដល់រង្វាន់ ដោយប្រើសកម្មភាពជំរុញ លើកទឹកចិត្ត ឬអូសទាញប្រជាពលរដ្ឋឱ្យឈ្លក់វង្វេងសេពគ្រឿងស្រវឹង ដើម្បីផ្សងសំណាងយករង្វាន់ និងពាក្យស្លោកដែលមានចរិតលើកទឹកចិត្តហួសហេតុ។
ក្រសួងព័ត័មានក៏បានហាមយកស្រ្តី និងកុមារក្រោមអាយុ១៨ឆ្នាំ មកផ្សាយពាណិជ្ជកម្មគ្រឿងស្រវឹងដែលធ្វើឱ្យប៉ះពាល់សិទ្ធិ និងសេចក្ដីថ្លៃថ្នូររបស់ស្រ្តីខ្មែរ និងបានតម្រូវឱ្យការផ្សាយពាណិជ្ជកម្មគ្រឿងស្រវឹងត្រូវភ្ជាប់សារព្រមាន «ពិសាគ្រឿងស្រវឹងសូមកុំបើកបរ» ឬ «ពិសាដោយការទទួលខុសត្រូវ»។
ក្រសួងព័ត៌មានបន្ថែមថា ក្រសួងសម្រេចដូច្នេះដោយសារមានការសង្កេតឃើញមានការផ្សាយពាណិជ្ជកម្មគ្រឿងស្រវឹងបានរង្វាន់តាមប្រព័ន្ធផ្សព្វផ្សាយគ្រប់ប្រភេទរួមមានទាំងវិទ្យុ...
សង្គមស៊ីវិលថាការចាប់ខ្លួនលោក នី ណាក់ ជាការរឹតត្បិតសិទ្ធិបញ្ចេញមតិរបស់ពលរដ្ឋ
មន្រ្តីអង្គការមិនមែនរដ្ឋាភិបាល ចាត់ទុកការចាប់ខ្លួនសកម្មជនសង្គម លោក នី ណាក់ ថាជាការរឹតត្បិតសិទ្ធិសេរីភាពបញ្ចេញមតិរបស់ប្រជាពលរដ្ឋ នៅក្នុងសង្គមប្រជាធិបតេយ្យ។
ក្រសួងការងាររៀបចំវេទិកាការងារ និងឱកាសកម្មសិក្សាជាង៥០០កន្លែងនៅថ្ងៃទី៣០ ខែវិច្ឆិកា
ក្រសួងការងាររៀបចំវេទិកាការងារ និងឱកាសកម្មសិក្សា នៅអាគារទីភ្នាក់ងារជាតិមុខរបរ និងការងារក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី៣០ ខែវិច្ឆិកា ឆ្នាំ២០២៣ ដោយមានការងារជាង៥០០កន្លែង។
យោងតាមហ្វេកប៊ុកផេករបស់ក្រសួងការងារ និងបណ្តុះបណ្តាលវិជ្ជាជីវៈ ចុះផ្សាយថ្ងៃទី២៩ខែវិច្ឆិកា ឆ្នាំ២០២៣ បានបញ្ជាក់ថា វេទិកាការងារ និងឱកាសកម្មសិក្សារបស់ NEA នឹងប្រារព្ធឡើងថ្ងៃព្រហស្បតិ៍ ទី៣០ ខែវិច្ឆិកា ឆ្នាំ២០២៣ ចាប់ពីម៉ោង ៨ ព្រឹក ដល់ម៉ោង៥ល្ងាចរៀបចំឡើងដោយទីភ្នាក់ងារជាតិមុខរបរ...
ក្រសួងអប់រំកំណត់យកថ្ងៃទី៦ វិច្ឆិកា ដើម្បីប្រឡងសញ្ញាបត្រមធ្យមសិក្សាទុតិយភូមិ
ក្រសួងអប់រំ យុវជន និងកីឡា ប្រកាសកំណត់យកថ្ងៃទី៦ ខែវិច្ឆិកា ឆ្នាំ២០២៣ ជាថ្ងៃប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៣។
យោងក្នុងសេចក្តីប្រកាសព័ត៌មានរបស់ក្រសួងអប់រំ យុវជន និងកីឡាចេញនៅថ្ងៃទី២៧ ខែតុលា ឆ្នាំ២០២៣ បានបញ្ជាក់ថា ការរៀបចំប្រឡងសញ្ញាបត្រមធ្យមសិក្សាទុតិយភូមិនាសម័យប្រឡងថ្ងៃទី០៦ ខែវិច្ឆិកា ឆ្នាំ២០២៣ ដោយមានការរៀបចំផែនការនិងកាលបរិច្ឆេទសំខាន់ៗផ្សេងៗពីគ្នា។
សេចក្តីប្រកាសព័ត៌មានដដែលបន្ថែមថា៖ «ដំណើរការសំណេរ ប្រព្រឹត្តទៅរយៈពេល២ថ្ងៃ គឺថ្ងៃទី០៦ និងថ្ងៃទី០៧ ខែវិច្ឆិកា ឆ្នាំ២០២៣ ដំណើរការកំណែប្រព្រឹត្តទៅចាប់ពីថ្ងៃទី០៩...
មន្ទីរសុខាភិបាលភ្នំពេញ ស្នើម្ចាស់ផេកហ្វេសប៊ុកចំនួនពីរលុបរូបភាពវីដេអូចេញពីគេហទំព័ររបស់ខ្លួនដែលចេញផ្សាយពុំមានប្រភព
មន្ទីរសុខាភិបាលភ្នំពេញ ស្នើម្ចាស់ផេកហ្វេសប៊ុកឈ្មោះ Mekong News និងចំណេះដឹងទូទៅ លុបរូបភាពវីដេអូចេញពីគេហទំព័ររបស់ខ្លួនដែលចេញផ្សាយពុំមានប្រភព និងកាលបរិច្ឆេទមិនច្បាស់លាស់ព្រមទាំងសរសេរខ្លឹមសារមិនត្រឹមត្រូវ។
យោងតាមសេចក្តីជូនដំណឹងរបស់មន្ទីរសុខាភិបាលនៃរដ្ឋបាលរាជធានីភ្នំពេញ ចេញកាលថ្ងៃទី១១ខែតុលា ឆ្នំា២០២៣បានឱ្យដឹងថា ផេកហ្វេកប៊ុកឈ្មោះ Mekong News និងចំណេះដឹងទូទៅបានធ្វើការចុះផ្សាយរូបភាពវីដេអូនៃការដឹកជញ្ជូនជនរងគ្រោះ ដោយគ្រោះថ្នាក់ចរាចរណ៍ដែលសរសេរខ្លឹមសារមិនត្រឹមត្រូវនៅលើគេហទំព័ររបស់ខ្លួន។
ក្នុងសេចក្តីជូនដំណឹងដដែលបន្ថែមថា៖ «ផេកហ្វេកប៊ុកឈ្មោះ Mekong News យកទៅសង្គ្រោះតែបើអត់មានលុយគឺទម្លាក់ចុះវិញហើយ និងផេកហ្វេសប៊ុកមួយទៀត ឈ្មោះ ចំណេះដឹងទូទៅ បានផុសរូបភាពវីដេអូដដែល និងសរសេរខ្លឹមសារថា(Caption) ឡានពេទ្យមួយនេះមកយកអ្នករបួសដោយគ្រោះថ្នាក់ចរាចរណ៍...
ផ្សោតឈ្មោលមួយក្បាលបានស្លាប់ដោយសារឧបករណ៍ឆក់នៅស្រុកសៀមបូក ខេត្តស្ទឹងត្រែង
សត្វផ្សោតឈ្មោលមួយក្បាលអាយុប្រមាណ៧ឆ្នាំ បានស្លាប់ដោយសារឧបករណ៍ឆក់នៅភូមិកោះជឹម ឃុំអូរម្រះ ស្រុកសៀមបូក ខេត្តស្ទឹងត្រែង។ នេះបើយោងតាមសេចក្ដីប្រកាសព័ត៌មានរបស់រដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទ។
ក្នុងសេចក្តីប្រកាសព័ត៌មានចេញនៅថ្ងៃទី១៥ ខែវិច្ឆិកា ឆ្នាំ២០២៣ បានបញ្ជាក់ថា សត្វផ្សោតឈ្មោលមួយក្បាលដែលបានស្លាប់នោះមានភេទឈ្មោល ប្រវែង១,៩៤ម៉ែត្រ ទម្ងន់៦៥គីឡូក្រាម។
សេចក្តីប្រកាសព័ត៌មាននេះបន្ថែមថា៖ «តាមការធ្វើកោសល្យវិច្ច័យរបស់មន្ត្រីជំនាញនៃរដ្ឋបាលជលផល និងអង្គការ WWF សន្និដ្ឋានថា ផ្សោតនេះស្លាប់ដោយឧបករណ៍ឆក់ ព្រោះមានស្នាមជាំដុំៗនៅផ្នែកក្បាល និងដងខ្លួន»។
សេចក្តីប្រកាសព័ត៌មានដដែលបន្ថែមថា រដ្ឋបាលជលផលនឹងសហការជាមួយសមត្ថកិច្ចពាក់ព័ន្ធធ្វើប្រតិបត្តិការបង្ក្រាបបទល្មើសឆក់នេះ និងដាក់ទោសទណ្ឌធ្ងន់ធ្ងរដល់អ្នកប្រព្រឹត្តល្មើស តាមច្បាប់ស្តីពីជលផល។
រដ្ឋបាលជលផលអំពាវនាវដល់ប្រជានេសាទ...
សាលាក្រុងបញ្ចៀសចរាចរក្នុងពិធីសម្ពោធមន្ទីរពេទ្យជាតិតេជោសន្តិភាពនៅថ្ងៃទី២៤ ខែតុលា
រដ្ឋបាលរាជធានីភ្នំពេញបញ្ចៀសចរាចរជុំវិញទីតាំងប្រារព្ធពិធីសម្ពោធមន្ទីរពេទ្យជាតិ តេជោសន្តិភាព ដែលស្ថិតនៅភូមិកប់ស្រូវធំ សង្កាត់គោករកា ខណ្ឌព្រែកព្នៅ រាជធានីភ្នំពេញ នៅថ្ងៃទី២៤ ខែតុលា ឆ្នាំ២០២៣។
យោងតាមសេចក្តីជូនដំណឹងរបស់រដ្ឋបាលរាជធានីភ្នំពេញចេញនៅថ្ងៃទី១៩ ខែតុលា ឆ្នាំ២០២៣បញ្ជាក់ថា ការបញ្ចៀសចរាចរនេះត្រូវបានហាមឃាត់យាន្តជំនិះគ្រប់ប្រភេទធ្វើដំណើរបណ្តោះអាសន្ន ដើម្បីរក្សាបាននូវសន្តិសុខ សុវត្ថិភាព សណ្ដាប់ធ្នាប់ និងរបៀបរៀបរយសាធារណៈ។
ក្នុងសេចក្តីជូនដំណឹងបានបញ្ជាក់ថា៖ «មិនអនុញ្ញាតឱ្យយានយន្តធុនធ្ងន់គ្រប់ប្រភេទឆ្លងកាត់មហាវិថីឈ្នះឈ្នះចាប់ពីស្ពានព្រែកព្នៅ រហូតដល់ ផ្លូវជាតិលេខ៤ នៅថ្ងៃទី២៤ ខែតុលា ឆ្នាំ២០២៣ ចាប់ពីវេលាម៉ោង ០៥:០០នាទី...
បទយកការណ៍៖ កសិករមួយចំនួនងាកមកដាំបន្លែលើទឹកដោយសារងាយដាំ និងមានតម្លៃខ្ពស់
កំពុងដើរមើលបន្លែដែលដាំលើទឹកក្នុងរោងមួយកន្លែងស្ថិតក្នុងភូមិតួសំពៅ សង្កាត់ព្រែកព្នៅ ខណ្ឌសែនសុខ រាជធានីភ្នំពេញ លោក ពុធ ចាន់ណា អ្នកមើលការខុសត្រូវរោងប្លែនិយាយថា ការដាំបន្លែលើទឹកទទួលបានផលលឿនជាងការដាំបន្លែលើដីធម្មតា។
កំពុងចាប់កាន់សាលាដលើកឡើង លោក ចាន់ណា និយាយថា៖ «បន្លែលើទឹកវាងាយជាងនៅលើដី វាផ្ដល់ការលូតលាស់៥០ភាគរយលឿនជាងលើដី ហើយយើងដាំបន្លែលើទឹកយើងមិនងាយជួបបញ្ហាច្រើន»។
កាដាំបន្លែលើទឹក បានក្លាយជាកសិកម្មបែបថ្មីដែលផ្តល់អត្ថប្រយោជន៍យ៉ាងច្រើនដល់កសិករដូចជាលោក ចាន់ណា ឱ្យទទួលបន្លែស្អាត មានសុវត្ថិភាព ចំណាយថវិការតិចលើការដាំ ទទួលផលបានច្រើន និងចំណេញពេលវេលា។
លោក ពុធ ចាន់ណា...
រដ្ឋាភិបាលថ្មីចាត់ទុកកំណែទម្រង់ប្រព័ន្ធអប់រំតាំងពីឆ្នាំ២០១៤ ជាភាពជោគជ័យ
លោកនាយករដ្ឋមន្ត្រី ហ៊ុន ម៉ាណែត មានសុទិដ្ឋិនិយមថា ការធ្វើកំណែទម្រង់លើប្រព័ន្ធអប់រំទទួលបានភាពជោគជ័យ ដែលនាំឱ្យភាគីពាក់ព័ន្ធទទួលស្គាល់ថា ជំហាននេះនាំឱ្យកម្ពុជាមានរបថនៃវប្បធម៌ថ្មីសម្រាប់សង្គមទាំងមូល និងមនុស្សជំនាន់ថ្មីផង។
មជ្ឈមណ្ឌលជាតិប្រយុទ្ធនឹងជំងឺអេដស៍ប្រតិកម្មនឹងគេហទំព័រដែលអះអាងមានថ្នាំព្យាបាលជំងឺអេដស៍
មជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ ចេញប្រតិកម្មនៅថ្ងៃនេះ ប្រឆាំងគេហទំព័រមួយដែលមានឈ្មោះថា«ព្យាបាលមេរោគអេដស៍»ដែលអះអាងថាមានថ្នាំព្យាបាលប្រភេទជំងឺដែលបង្កឡើងដោយមេរោគប្រភេទ វីរុស នេះជាសះស្បើយបាន។
Latest News
