គ្រាដែលមានការព្យាករណ៍ថាសេដ្ឋកិច្ចសកលនឹងដាំក្បាលចុះក្នុងឆ្នាំ២០២៣ លោកនាយករដ្ឋមន្រ្តី ហ៊ុន សែន បានព្រមានពីវិបត្តិសេដ្ឋកិច្ចនៅកម្ពុជានឹងកើតមានឡើង ប្រសិនបើម្ចាស់បុរីសម្រេចរឹបអូសលំនៅឋានរបស់ប្រជាពលរដ្ឋណាដែលគ្មានលទ្ធភាពបង់ប្រាក់បន្ត។

គ្រឿងចក្រជាច្រើនគ្រឿងរបស់ក្រុមហ៊ុនសង់ព្រលានយន្តហោះថ្មី បានចាក់ដីលុបផ្ទះរបស់អ្នកភូមិដែលរស់នៅលើទំនប់៩៤ ក្នុងខេត្តកណ្តាល ដើម្បីបង្ខំឱ្យពួកគេចាកចេញពីតាំងនេះទាំងមិនទាន់ទទួលដំណោះស្រាយ ខណៈសង្គមស៊ីវិលចាត់ទុកថា សកម្មភាពនេះជាការរំលោភសិទ្ធិមនុស្សយ៉ាងធ្ងន់ធ្ងរ។

គណៈកម្មាធិការ​ជាតិ​រៀប​ចំ​ការ​បោះឆ្នោត (គ.ជ.ប)​ បានប្រកាសពី​វិធានការ​យ៉ាង​ម៉ឺងម៉ាត់​បំផុត​ចំពោះ​យុទ្ធនា​​ការ​ណា​ដែល​បាន​រំលោភ​បំពាន​លើ​មាត្រា​ ១៤២​ នៃ​ច្បាប់​ ​ស្ដីពី​ការ​បោះឆ្នោត​ ជ្រើសរើស​តំណាង​រាស្ត្រ​​ ត្រូវ​ផាក​ពិន័យ​ជា​ប្រាក់​ ពី​​ ៥០០០០០០ (ប្រាំ​លាន​រៀល) ទៅ ២០០០០០០០​ (ម្ភៃ​លាន​រៀល)​ និង​ទោស​ព្រហ្មទណ្ឌ​ផ្សេងទៀត។

ប្រទេស​ចិន ស្ថិត​ក្នុង​លេខ​រៀង​ទី​១ សម្រាប់​ទីផ្សារ​នាំចេញ​ស្រូវ​ និង​អង្ករ​សរុប​របស់​កម្ពុជា ​ស្មើ​៤២.៤៣% ដែល​មាន​ទឹក​ប្រាក់​សរុប​ចំនួន ៧៧.៤២ លាន​ដុល្លារ​សហរដ្ឋអាមេរិក​ បើ​ធៀប​នឹង​ទីផ្សារ​នាំចេញ​ស្រូវ​ និង​អង្ករ របស់​ប្រទេស​នានា នៅ​ទ្វីប​អឺរ៉ុប និង​ប្រទេស​អាស៊ាន​ទាំង៤ ផ្សេងទៀត។​

ប្រជាពលរដ្ឋ​ដែល​ទិញ​លំនៅឋាន​ ​ឫ​អគារ​សហកម្មសិទ្ធិ​(ខុន​ដូរ) ពី​គម្រោង​អភិវឌ្ឍ​អចលនវត្ថុ​​ហើយ​ត្រូវ​បាន​ម្ចាស់​គម្រោង​អភិវឌ្ឍ​អចលនវត្ថុ​ធ្វើ​ការ​​រឹប​អូស​យក​វិញ​ សូម​​ទាក់​ទង​និយ័ត​ករ​អាជីវកម្ម​អចលនវត្ថុ​ និងបញ្ចាំ​ (ន.អ.ប) ដើម្បីមានការ​សម្រប​សម្រួល។

លោកនាយករដ្ឋមន្ត្រីហ៊ុន សែនបានអំពាវនាវឲ្យប្រជាពលរដ្ឋទៅបោះឆ្នោតដើម្បីបំពេញកាតព្វកិច្ច សម្រាប់ការអនុវត្តប្រជាធិបតេយ្យដ៏ទៀងទាត់របស់កម្ពុជា។  

កម្ពុជា និងអេមីរ៉ាតអារ៉ាប់រួមបានចុះកិច្ចព្រមព្រៀងស្តីពីភាពជាដៃគូគ្រប់ជ្រុងជ្រោយជាមួយគ្នា នៅថ្ងៃទី៩ ខែមិថុនា ឆ្នាំ២០២៣ ដោយសង្ឈឹមថាអាចជួយលើកកម្ពស់ទំនាក់ទំនងទ្វេភាគីឲ្យឈានដល់កម្រិតខ្ពស់ថ្មីមួយទៀត។

រដ្ឋាករស្វយ័តដឹកជញ្ជូនសាធារណៈបានជូនដំណឹងអំពីការបើកប្រតិបត្តិការសេវាដឹកជញ្ជូននៅក្នុងរាជធានីភ្នំពេញតាមតម្រាយខ្សែរត់រហូតដល់ទៅ១៨ខ្សែ ដើម្បីចូលរួមកាត់បន្ថយការកកស្ទះចរាចរណ៍ ក៏ដូចជាកាត់បន្ថយគ្រោះថ្នាក់និងផលប៉ះពាល់បរិស្ថាន។

ក្រសួងកសិកម្ម រុក្ខាប្រមាញ់ និងនេសាទ បានប្រកាសដល់ប្រជាកសិករ និងអាជ្ញាធរមូលដ្ឌានថា ត្រូវតៀមលក្ខណៈជាមុនព្រោះថា កម្ពុជានឹងមានកើតនៅកូនរដូវប្រាំង ចាប់ពីដើមខែកក្កដា រហូតដល់ដើមខែសីហា ឆ្នាំ២០២៣នេះ។

ផ្តើមចេញពីទឹកចិត្តខ្វល់ខ្វាយចំពោះព្រៃឈើ ដែលកំពុងរងការកាប់បំផ្លាញក្រោមដៃជនល្មើស បានជំរុញឱ្យលោក អូត ឡាទីន កើតក្នុងត្រកូលកសិករ ហ៊ានចេញមុខយ៉ាងសកម្ម ដើម្បីការពារធនធានធម្មជាតិ ទោះបីជាលោករងការលាបពណ៌ពីអាជ្ញាធរថាជាក្រុមស៊ីឈ្នួលឱ្យបរទេសក្តី។

ប្រជាពលរដ្ឋមួយចំនួនបង្ហាញការខកចិត្ត ក្រោយពេលផ្ទះរបស់ពួកគេដែលខិតខំបង់រំលស់ជាច្រើនឆ្នាំ ត្រូវបានបាត់បង់ ដោយក្រុមហ៊ុនបុរីរឹបអូសយកទៅវិញ អំឡុងពេលដែលពលរដ្ឋកំពុងជាប់គាំងប្រាក់ចំណូលដោយសារជួបវិបត្តិសេដ្ឋកិច្ចសកលលោក។

យោងតាមលិខិតមួយរបស់ប្រជាពលរដ្ឋរស់នៅភូមិចំនួន២ក្នុងក្រុងតាខ្មៅ ខេត្តកណ្ដាល បានសុំកិច្ចអន្តរាគមន៍ពី លោក ស ខេង រដ្ឋមន្រ្តីក្រសួងមហាផ្ទៃ ឱ្យដកអាជ្ញាបណ្ណពីក្រុមហ៊ុនបូមខ្សាច់មួយចំនួន ដែលពួកគេអះអាងថា ការដឹកជញ្ជូនខ្សាច់បានបណ្ដាលឱ្យផ្លូវខូចពិបាកក្នុងការធ្វើដំណើរនិងពោរពេញដោយធូលីដីដែលបង្កឱ្យប៉ះពាល់ដល់សុខភាពនិងការប្រកបរបរកស៊ីប្រចាំថ្ងៃ។

ប្រជាពលរដ្ឋដែលផ្លាស់ប្តូរពីតំបន់ឧទ្យានអង្គរ ទៅរស់នៅតំបន់រុនតាឯក ក្នុងស្រុកបន្ទាយស្រី ខេត្ដសៀមរាប អះអាងថា កំពុងជួបបញ្ហាជីវភាព ព្រោះមិនអាចបង្កើតមុខរបរទ្រទ្រង់ជីវិតបាន និងស្នើឱ្យអាជ្ញាធររៀបចំហេដ្ឋារចនាសម្ព័ន្ធដើម្បីឱ្យពលរដ្ឋងាយស្រួលរកចំណូលបានដូចនៅទីតាំងចាស់។

អនុប្រធានគណបក្សភ្លើងទៀនដែលកំពុងជាប់ឃុំនៅពន្ធនាគារព្រៃស លោក ថាច់ សេដ្ឋា ស្នើ​តុលាការ​កំពូល​បដិសេធ​ដីកាសម្រេច​ឃុំ​ខ្លួនរបស់​ចៅក្រម​ស៊ើប​សួរ​​​សាលា​ដំបូង​រាជធានី​ភ្នំពេញ​ពី​បទ​ញុះញង់​ និងស្នើ​ឱ្យ​ដោះលែង​រូបលោក​មាន​សេរីភាព​។ ការស្នើនេះគឺតាមរយៈ​សារ​ណា​ការពារ​របស់​ លោក ថាច់ សេដ្ឋា ដែល​បាន​ប្ដឹង​សាទុក្ខ​ទៅ​តុលាការ​កំពូលដែល Newsroom​​​​ Cambodia ទទួលបាន។

ក្រោមពាក្យស្លោក "រួមគ្នាដើម្បីសហគមន៍" បានជំរុញយុវជនស្ម័គ្រចិត្តនៃវិទ្យាស្ថានមគ្គុទ្ទេសក៍សាកលវិទ្យាល័យបញ្ញាសាស្ត្រកម្ពុជា (PUC-ELI) និងនិស្សិតមកពីសាកលវិទ្យាល័យផ្សេងៗក្នុងក្រុងភ្នំពេញ ចុះបង្ហាត់បង្រៀន ចែករំលែកសម្ភារសិក្សា កសាងបន្ទប់ទឹក និងបណ្ណាល័យដល់សិស្សានុសិស្សនៃសាលាបឋមសិក្សាត្រពាំងព្នៅ ស្ថិតនៅក្នុងភូមិស្នូល ឃុំអមលាំង ស្រុកថ្ពង ខេត្តកំពង់ស្ពឺ កាលពីថ្ងៃអាទិត្យ ទី០៤ ខែមិថុនា ឆ្នាំ២០២៣។

សមាគមនិសិ្សតខ្មែររៀននៅក្រៅប្រទេស ធ្វើយុទ្ធនាការរៃអង្គាសប្រាក់តាមបណ្ដាញសង្គម ដើម្បីជួយដល់ក្មេងៗប្រឈមនឹងកង្វះសម្ភារសិក្សានៅសាលាបឋមសិក្សាមួយកន្លែងនៅក្នុងខេត្តស្ទឹងត្រែង។