ASEAN Moves Ahead with Women’s Empowerment Plan
The Association of Southeast Asian Nations this week launched a region-wide campaign to fight gender-based violence and elevate the role of women in government.
The...
រាជរដ្ឋាភិបាលជប៉ុនផ្ដល់គ្រឿងបរិក្ខារឆ្មបដល់កម្ពុជាដើម្បីសង្គ្រោះជីវិតស្ដ្រី និងទារក
រដ្ឋាភិបាលជប៉ុនតាមរយៈមូលនិធិសហប្រជាជាតិសម្រាប់ប្រជាជន (UNFPA) នៅថ្ងៃពុធនេះ បានប្រគល់សម្ភារៈឆ្មបចំនួន២៩០កញ្ចប់ គ្រែសម្រាលចំនួន១៥០គ្រែ ឧបករណ៍បូមទារកចេញមកក្រៅពេលសម្រាលចំនួន៥០ឈុត និងឧបករណ៍មួយចំនួនទៀតដល់មជ្ឈមណ្ឌលគាំពារមាតា និងទារក ដើម្បីប្រើប្រាស់សង្គ្រោះជីវិតស្ដ្រី និងទារក។
ក្នុងសេចក្ដីប្រកាសព័ត៌មានរួមចេញដោយមូលនិធិសហប្រជាជាតិសម្រាប់ប្រជាជន (UNFPA)ក្រសួងសុខាភិបាលកម្ពុជា និងស្ថានទូតជប៉ុនប្រចាំកម្ពុជា ចេញនៅថ្ងៃទី៧ ខែធ្នូ ឆ្នាំ២០២២ បានបញ្ជាក់ថា សម្ភារបរិក្ខារវេជ្ជសាស្ដ្រជាសារវ័ន្ដសម្រាប់ថែទាំ សម្រាលបន្ទាន់ ត្រូវបានប្រគល់បន្ដទៅដល់មូលដ្ឋានសុខាភិបាលសាធារណៈ ដើម្បីរួមចំណែកបន្ថែមដល់ឆ្មប និងអ្នកផ្ដល់សេវាសុខាភិបាលប្រើប្រាស់សង្គ្រោះជីវិតស្ដ្រី និងទារក។
សេចក្ដីប្រកាសព័ត៌មានដដែលបន្ថែមថា សម្ភារៈសេវាសម្រាប់ឆ្មបមានឧបករណ៍ចាំបាច់ក្នុងការជួយដល់ការសម្រាលដែលទារក បរិក្ខារសង្គ្រោះជីវិតមួយ...
ធនាគារពិភពលោក៖ សេដ្ឋកិច្ចកម្ពុជាកើន៤,៨%នៅឆ្នាំ២០២២ ហើយនឹងកើនដល់៥,២%នៅឆ្នាំ២០២៣
ធនាគារពិភពលោកនៅថ្ងៃពុធនេះបង្ហាញថា នៅឆ្នាំ២០២២ សេដ្ឋកិច្ចកម្ពុជាកើនឡើង៤,៨ភាគរយ ហើយនឹងអាចកើនដល់៥,២ភាគរយ តែអាចប្រឈមនឹងហានិភ័យដោយសារវិបត្តិនៅក្រៅប្រទេស។
យោងតាមរបាយការណ៍ធនាគាពិភពលោក ចេញនៅថ្ងៃទី៧ ខែធ្នូ ឆ្នាំ២០២២នេះបញ្ជាក់ថា នៅឆ្នាំ២០២២នេះកំណើនសេដ្ឋកិច្ចរបស់កម្ពុជាគឺ៤,៨ភាគរយដោយសារការងើបឡើងវិញនៃសេដ្ឋកិច្ចក្រោយជំងឺកូវីដ១៩ និងការកើនឡើងចំនួនភ្ញៀវទេសចរណ៍ជាតិ និងអន្តរជាតិ។
ធនាគារពិភពលោកក៏បានព្យាករណ៍ថា សេដ្ឋកិច្ចកម្ពុជានឹងកើនឡើងដល់៥,២ភាគរយនៅឆ្នាំ២០២៣ ដោយសារកំណើននៃការជួលមនុស្សធ្វើការកាន់តែជួយដល់ការកើនឡើងនៃការទទួលទានប្រើប្រាស់ក្នុងស្រុក និងការធ្លាក់ចុះនៃអតិផរណា។
ទោះយ៉ាងណា ធនាគារពិភពលោកបានព្យាករណ៍ថា ដោយសារវិបត្តិសកលដូចជាសង្រ្គាមរុស្ស៊ី និងអ៊ុយក្រែន នយោបាយកូវីដសូន្យរបស់ចិន និងវិបត្តិនយោបាយនៅមីយ៉ាន់ម៉ា សេដ្ឋកិច្ចពិភពលោកនឹងធ្លាក់ចុះដល់២,៩ភាគរយនៅឆមាសទី២ឆ្នាំនេះ។
ធនាគាពិភពលោកបព្រមានពីការជះឥទ្ធិពលអាក្រក់ដល់កំណើនសេដ្ឋកិច្ចកម្ពុជានៅឆ្នាំក្រោយ ដោយសារវិបត្តិសកលមួយចំនួនដូចជា វិបត្តិថាមពល ហិរញ្ញវត្ថុ និងអតិផរណាខ្ពស់។...
Blog: សិស្សដែលចង់សិក្សាជំនាញភាសាបរទេសនៅសាកលវិទ្យាល័យគួរមានមូលដ្ឋានគ្រឹះភាសាជាមុន
ក្នុងអំឡុងពេលកំពុងសិក្សានៅវិទ្យាល័យ ឬក៏បញ្ចប់បាក់ឌុប សិស្សានុសិស្សគ្រប់រូបគួរតែគិតទុកជាមុនថា ខ្លួននឹងត្រូវជ្រើសរើសជំនាញអ្វីមួយក្នុងការចូលរៀននៅសាកលវិទ្យាល័យ ជាពិសេសសិស្សដែលមានបំណងចង់ចូលរៀនផ្នែកភាសាបរទេស។
យើងដឹងហើយថាការសិក្សាភាសាបរទេសមិនមានភាពងាយស្រួលនោះទេសម្រាប់សិស្សានុសិស្សមួយចំនួនដែលមិនមានមូលដ្ឋានគ្រឹះមុនពេលចូលរៀន។ មូលដ្ឋានគ្រឹះជារឿងសំខាន់ណាស់ក្នុងការជួយជំរុញដើម្បីកសាងចំណេះដឹងឲ្យកាន់តែល្អប្រសើរ ព្រោះបើសិនជាពួកគាត់មិនទាន់មានគ្រឹះនោះទេ វាពិបាកក្នុងការសិក្សារៀនសូត្រហើយអាចចាប់មិនទាន់ ឬមិនអាចតាមទាន់គ្រូបង្រៀនផងដែរ។
អ្វីដែលកាន់តែសំខាន់ទៀតនោះចំពោះការរៀនភាសាបរទេសគឺទាមទារយ៉ាងណាត្រូវឲ្យយើងចេះនៅព្យព្ជានៈស្រះ និងវេយ្យាករណ៍ផងដែរ ព្រោះទាំងនេះគឺផ្នែកមួយយ៉ាងសំខាន់ដែលអាចជួយឲ្យយើងងាយស្រួលក្នុងការរៀនសូត្រ។
ទន្ទឹមនឹងគ្នានោះដែរ អ្វីដែលសំខាន់សម្រាប់សិក្សានុសិស្សគួរតែគិតពិចារណានោះថា តើគួរជ្រើសរើសភាសាណាដែលខ្លួនស្រលាញ់ និងគិតថាខ្លួនអាចទៅរួចដោយពុំមានការបង្ខិតបង្ខំពីគ្រួសារ ឬជ្រើសរើសទៅតាមការអូសទាញពីសំណាក់មិត្ដភក្តិនោះទេ ។
ម៉្យាងវិញទៀតត្រូវសិក្សាស្វែងយល់ និងគិតខ្លួនឯងឲ្យបានច្បាស់ថា ជំនាញដែលខ្លួនកំពុងជ្រើសរើសគឺស្របទៅតាមតម្រូវការទីផ្សារការងារនៅពេលអនាគតដែរ ឬទេ និងត្រូវគិតថានៅពេលដែលបញ្ចប់ការសិក្សារយៈពេល៤ឆ្នាំនេះ យើងគួរធ្វើការអ្វីដែលសមនឹងជំនាញដែលបានជ្រើសរើស ជៀសវាងខាតពេលវេលា កម្លាំងកាយចិត្ដដែលខំសិក្សាហើយមិនអាចរកការងារធ្វើបាន៕
អង្គការលីកាដូស្នើឱ្យបិទមណ្ឌលឃុំខ្លួនព្រៃស្ពឺបន្ទាប់ពីមានមនុស្សស្លាប់ជាបន្តបន្ទាប់
អង្គការសិទ្ធិមនុស្សលីកាដូជំរុញឱ្យអាជ្ញាធរបិទមណ្ឌលឃុំខ្លួនព្រៃស្ពឺ ដោយសារតែមានអ្នកជាប់ឃុំបានស្លាប់ជាបន្តបន្ទាប់ ដែលបណ្ដាលមកពីការមិនយកចិត្តទុកដាក់ ការទុកអ្នកមានជំងឺធ្ងន់ធ្ងររហូតដល់ស្លាប់ កង្វះអាហារ ការរំលោភបំពាន និងការវាយដំជាដើម។
យោងតាមលិខិតចេញនៅថ្ងៃទី០៧ ខែធ្នូ ឆ្នាំ២០២២ អង្គការលីកាដូ បានស្នើឱ្យបិទមណ្ឌលព្រៃស្ពឺ និងបញ្ចប់ស្ថានភាពអាក្រក់ដែលប្រឈមដោយមនុស្សជាប់ឃុំនៅទីនោះ ដោយមានការស្លាប់អ្នកជាប់ឃុំជាច្រើននាក់ហើយត្រូវបានរាយការណ៍នៅមណ្ឌលឃុំខ្លួនមិនត្រឹមត្រូវ។
អង្គការលីកាដូបានបញ្ជាក់ក្នុងលិខិតនោះ ពីមូលហេតុនៃការស្នើសុំឱ្យបិទមណ្ឌលសង្គមកិច្ចព្រៃស្ពឺថា ដោយសារមានការស្លាប់ថ្មីៗនេះទៅលើស្រ្តីម្នាក់ និងបុរសម្នាក់ ដែលឈឺនៅក្នុងមណ្ឌល ហើយមិនត្រូវបានផ្ដល់ការព្យាបាលឱ្យបានគ្រប់គ្រាន់ឡើយ។ ចំពោះសាក្សីដែលបានឃើញការស្លាប់របស់ជនជាប់ឃុំទាំងពីរ បានរៀបរាប់ថា អ្នកទាំងពីរនាក់នោះមានជំងឺធ្ងន់ធ្ងរ ត្រូវបានគេទុកចោលនៅលើឥដ្ឋនៅក្នុងបន្ទប់ឃុំឃាំង រហូតដល់ស្លាប់នៅចំពោះមុខអ្នកជាប់ឃុំផ្សេងទៀត ក្រោយមកសាកសពត្រូវបានបុគ្គលិកនៅក្នុងមណ្ឌលយកចេញ។
លិខិតដដែលនោះបានយោងលើសម្តីរបស់សាក្សីនៅក្នុងវត្តមួយដែលទទួលខុសត្រូវក្នុងការបូជាសពមកពីមណ្ឌលព្រៃស្ពឺ...
ក្រសួងការងារពន្យារពេលការស្នើសុំប្រើប្រាស់ហត្ថពលកម្មបរទេសដល់ខែមករាឆ្នាំ២០២៣
ក្រសួងការងារ និងបណ្តុះបណ្តាលវិជ្ជាជីវៈ ពន្យារពេលការស្នើសុំការអនុញ្ញាតឱ្យប្រើប្រាស់ហត្ថពលកម្មបរទេសឆ្នាំ២០២៣ រហូតដល់ខែមករា ឆ្នាំ២០២៣ ដោយសាររោងចក្រ ឬសហគ្រាសមួយចំនួនមិនទាន់យល់ច្បាស់ពីប្រព័ន្ធគ្រប់គ្រងទិន្នន័យរួមពាក់ព័ន្ធនឹងវិស័យការងារ ដែលនាំឱ្យមិនមានឯកសារគ្រប់គ្រាន់សម្រាប់ស្នើសុំការអនុញ្ញាតឱ្យប្រើប្រាស់ហត្ថពលកម្មបរទេស (កូតា)។
ហត្ថពលកម្មបរទេស (កូតា) គឺជាលិខិតអនុញ្ញាតប្រើប្រាស់ហត្ថពលកម្មបរទេស ហើយក៏ជាឯកសារចាំបាច់សម្រាប់ស្នើសុំបណ្ណការងារជូនបុគ្គលិកបរទេសផងដែរ។
យោងតាមសេចក្តីជូនដំណឹង របស់ក្រសួងការងារ ចេញនៅថ្ងៃទី០៥ ខែធ្នូ ឆ្នាំ២០២២ បានជូនដំណឹងដល់ម្ចាស់ ឬនាយករោងចក្រ សហគ្រាស ក្នុងន័យដើមថា៖ «ក្រសួងបានពន្យារពេលសម្រាប់ការស្នើសុំលិខិតអនុញ្ញាតឱ្យប្រើប្រាស់ហត្ថពលកម្មបរទេស (កូតា) សម្រាប់ឆ្នាំ២០២៣ រហូតដល់ដំណាច់ខែមករា...
កម្ពុជានឹងបញ្ចូលផែនការសកម្មភាពទាក់ទងនឹងស្រ្តី សន្តិសុខ និងសុវត្ថិភាពក្នុងផែនការសកម្មភាពជាតិនៅឆ្នាំក្រោយ
រដ្ឋមន្រ្តីក្រសួងកិច្ចការនារីលើកឡើងថា កម្ពុជានឹងរៀបចំផែនការសកម្មភាពជាតិស្តីអំពីស្ត្រី សន្តិសុខ និងសុវត្ថិភាពនៅឆ្នាំក្រោយ បន្ទាប់ពីអាស៊ានទើបបានសម្ពោធផែនការសកម្មភាពក្នុងតំបន់ឱ្យប្រទេសនៅអាស៊ានអនុវត្តតាមប្រទេសនីមួយៗ។
ផែនការសកម្មភាពក្នុងតំបន់ស្តីអំពីស្ត្រី សន្តិសុខ និងសុវត្ថិភាពដែលទើបសម្ពោធដាក់ឱ្យប្រទេសក្នុងតំបន់អាស៊ានអនុវត្តកាលពីថ្ងៃទី៥ ខែធ្នូ ឆ្នាំ២០២២ កំពុងត្រូវបានអនុវត្តក្នុងប្រទេសឥណ្ឌូនេស៊ី ហ្វីលីពីន វៀតណាម និងថៃ។
លោកស្រី អ៊ឹង កន្ថាផាវី រដ្ឋមន្ត្រីក្រសួងកិច្ចការនារីប្រាប់អ្នកសារព័ត៌មានក្នុងពិធីសម្ពោធដាក់ដំណើរការផែនការសកម្មភាពក្នុងតំបន់អាស៊ានស្តីពីស្ត្រី សន្តិភាព និងសុវត្ថិភាព (ASEAN RPA on WPS) នៅរាជធានីភ្នំពេញថា កម្ពុជាតែងតែផ្តោតលើសមភាពយេនឌ័រ...
អាស៊ានដាក់ឱ្យដំណើរផែនការសកម្មភាពក្នុងតំបន់ដើម្បីលើកកម្ពស់សន្តិសុខ និងសុវត្ថិភាពស្រ្តី
សមាគមប្រជាជាតិអាស៊ីអាគេ្នយ៍ (អាស៊ាន) កាលពីថ្ងៃចន្ទ បានប្រកាសដាក់ដំណើរការផែនការសកម្មភាពក្នុងតំបន់ស្តីពីស្ត្រី សន្តិសុខ និងសន្តិភាពក្នុងតំបន់អាស៊ាន (ASEAN RPA on WPS) សម្រាប់ប្រទេសក្នុងតំបន់អាស៊ានដាក់ចូលក្នុងផែនការសកម្មភាពជាតិរបស់ប្រទេសនីមួយៗ។
ប្រកាសដាក់ដំណើរការផែនការសកម្មភាពក្នុងតំបន់ស្តីពីស្ត្រី សន្តិសុខ និងសន្តិភាពក្នុងតំបន់អាស៊ាននេះ ធ្វើឡើងនៅថ្ងៃទី៥ ខែធ្នូ ឆ្នាំ២០២២ នៅរាជធានីភ្នំពេញ ដោយមានកម្ពុជាជាអ្នកដឹកនាំអាស៊ាន សហការជាមួយអង្គការ UN Women និងភ្នាក់ងារសហរដ្ឋអាមេរិកសម្រាប់កិច្ចអភិវឌ្ឍន៍អន្តរជាតិ (USAID) និងមានអ្នកចូលរួមពីតំណាងប្រទេសនានាក្នុងតំបន់...
យុវជន៣០នាក់ជិះកង់ជាង៣០០គីឡូម៉ែត្រដើម្បីអបអរទិវាសិទ្ធិមនុស្សអន្តរជាតិ និងជំរុញឱ្យមានការគោរពសិទ្ធិមនុស្ស
យុវជន៣០នាក់ដែលជាអ្នកធ្វើការងារសង្គម នាំគ្នាជិះកង់ជាង៣០០គីឡូម៉ែត្ររយៈពេល៥ថ្ងៃ ដើម្បីអបអរសាទរទិវាសិទ្ធិមនុស្សអន្តរជាតិ និងជំរុញឱ្យរដ្ឋាភិបាលគោរពសិទ្ធិមនុស្ស និងច្បាប់ជាតិ-អន្តរជាតិ។
បើតាមសេចក្តីប្រកាសព័ត៌មានលើទំព័រហ្វេសបុករបស់ សមាគមបណ្តាញយុវជនកម្ពុជាហៅថា CYN កាលពីព្រឹកថ្ងៃទី០៦ ខែធ្នូ ឆ្នាំ២០២២ បញ្ជាក់ថា សមាគមបណ្តាញយុវជនកម្ពុជា និងអង្គការសង្គមស៊ីវិលចំនួន៣ផ្សេងទៀត សហការគ្នារៀបចំយុទ្ធនាការជិះកង់ដើម្បីសិទ្ធិមនុស្ស ដែលប្រព្រឹត្តទៅចាប់ពីថ្ងៃទី០៦ ដល់ថ្ងៃទី១០ ខែធ្នូ ឆ្នាំ២០២២។ យុទ្ធនាការជិះកង់នោះ ត្រូវធ្វើដំណើររយៈពេល៥ថ្ងៃ ចាប់ផ្តើមពីមុខប្រាសាទអង្គវត្តខេត្តសៀមរាប បន្តដំណើរតាមបណ្តោយផ្លូវជាតិលេខ៦ រួចឆ្ពោះទៅដល់ទីលានប្រជាធិបតេយ្យនៅរាជធានីភ្នំពេញថ្ងៃទី១០ ខែធ្នូ...
ADB ផ្ដល់កម្ចី៥០លានដុល្លារដើម្បីជួយស្ដារសេដ្ឋកិច្ចកម្ពុជាឱ្យរីកចម្រើនក្រោយកូវីដ១៩
ធនាគារអភិវឌ្ឍន៍អាស៊ី (ADB) បានផ្ដល់ប្រាក់កម្ចីចំនួន៥០លានដុល្លារសម្រាប់កម្មវីធិពាណិជ្ជកម្ម និងសមត្ថភាពប្រកួតប្រជែង ដើម្បីគាំទ្រដល់រាជរដ្ឋាភិបាលកម្ពុជា ក្នុងការធ្វើពិពិធកម្មសេដ្ឋកិច្ច ជំរុញសមត្ថភាពប្រកួតប្រជែងជាសកល និងគាំទ្រដល់ការស្ដារសេដ្ឋកិច្ចក្រោយកូវីដ-១៩ របស់កម្ពុជាផង។
ក្នុងសេចក្ដីប្រកាសព័ត៌មានរបស់ធនាគារអភិវឌ្ឍន៍អាស៊ី ADB ចេញនៅថ្ងៃទី៦ ខែវិច្ឆិកា ឆ្នាំ២០២២ បញ្ជាក់ថា ការផ្ដល់កម្ចីនេះគឺដើម្បីគាំទ្រការស្ដារសេដ្ឋកិច្ចរបស់កម្ពុជាក្រោយវិបត្តិកូវីដ១៩ តាមរយ:ការជួយដល់កំណែទម្រង់របស់រាជរដ្ឋាភិបាលដើម្បីបង្កើនការវិនិយោគ និងបរិយាកាសធុរកិច្ច ជំរុញកំណើនសហគ្រាសខ្នាតតូចនិងមធ្យម (MSMEs) និងកែលម្អគោលនយោបាយពាណិជ្ជកម្ម និងកិច្ចសម្រួលពាណិជ្ជកម្ម។
ក្នុងសេចក្តីប្រកាសព័ត៌មានបានស្រង់សម្តីរបស់សេដ្ឋវិទូជាន់ខ្ពស់របស់ធនាគារអភិវឌ្ឍន៍អាស៊ី ADB លោក...
អាជ្ញាធរខ្មែរ និងថៃបើកច្រកទ្វារតំបន់ព្រំដែន៤០០ ស្រុកសំឡូតឡើងវិញបន្ទាប់ពីជំងឺកូវីដ១៩បានធូរស្រាល
អាជ្ញាធរខេត្តបាត់ដំបង និងខេត្តត្រាតប្រទេសថៃ បើកដំណើរការឡើងវិញនូវច្រកទ្វារតំបន់ព្រំដែន ៤០០ ស្រុកសំឡូត ខេត្តបាត់ដំបង ទល់នឹងច្រកទ្វារតំបន់ព្រំដែនបានម៉ាក់មួង ស្រុកបរ៉ៃ ខេត្តត្រាត បន្ទាប់ពីស្ថានភាពជំងឺកូវីដ១៩ មានភាពប្រសើរឡើង។
យោងតាមលិខិតរបស់រដ្ឋបាលខេត្តបាត់ដំបង ជូនទៅអភិបាលខេត្តត្រាត កាលពី ថ្ងៃទី៥ ខែធ្នូ ឆ្នាំ២០២២ បញ្ជាក់ថា ដោយសារបច្ចុប្បន្នចំនួនអ្នកឆ្លងកូវីដ១៩មានការថយចុះ ហើយប្រជាពលរដ្ឋទទួលបានការចាក់វ៉ាក់សាំងការពារជំងឺកូវីដ១៩ បានយ៉ាងពេញលេញ និងមានប្រសិទ្ធភាព ទើបសម្រេចឱ្យបើកច្រកទ្វារនេះឡើងវិញ។
ក្នុងលិខិតរបស់រដ្ឋបាលខេត្តបាត់ដំបងដដែលបញ្ជាក់តាមន័យដើមថា៖ «ដើម្បីបន្តសហប្រតិបត្តិការ រវាងព្រះរាជាណាចក្រកម្ពុជា...
Q&A៖ មនុស្សចាស់នៅកម្ពុជានៅតែខ្វះការយកចិត្តទុកដាក់ពីអ្នកពាក់ព័ន្ធ
ការស្រាវជ្រាវមួយរបស់អង្គការមនុស្សចាស់កម្ពុជា ដែលធ្វើឡើងដោយវិទ្យាស្ថានជាតិសង្គមកិច្ច កាលពីឆ្នាំ២០១៩រកឃើញថា មនុស្សចាស់មានទំនោរ និងការវិវត្តនៃជំងឺ និងពិការភាពខ្ពស់។ មនុស្សដែលមានវ័យកាន់តែច្រើន មានបញ្ហាប្រឈមខ្លាំងទាក់ទងនឹងជំងឺឆ្លង ជំងឺមិនឆ្លង ចំណេះដឹងនៃការថែទាំសុខភាព និងការមិនទទួលបានការជូនដំណឹងពីសេវានានា។
ខាងក្រោមនេះជាកិច្ចសម្ភាសរវាងលោក ដូង ដាវីឌ និងលោក ទុំ វីរ៉ា នាយកប្រតិបត្តិអង្គការមនុស្សចាស់កម្ពុជានៅថ្ងៃទី២៣ ខែវិច្ឆិកា ឆ្នាំ២០២២។
Q: ជម្រាបសួរលោក ទុំ វីរ៉ា!
A: បាទ...
បេក្ខជនរាប់ពាន់ចាប់ផ្តើមប្រលងមធ្យមសិក្សាទុតិយភូមិបាក់ឌុបនៅទូទាំងប្រទេស
បេក្ខជនរាប់ពាន់បានចាប់ផ្តើមប្រលងមធ្យមសិក្សាទុតិយភូមិ(បាក់ឌុប)នៅទូទាំងប្រទេសនៅថ្ងៃចន្ទនេះ ដោយមានការរឹតបន្តឹងខ្លាំង រួមមានការត្រួតពិនិត្យកូនសិស្សមិនចូលមណ្ឌលនិងការដាក់ពង្រាយកំលាំងសន្តិសុខផងដែរ។
អគ្គលេខាធិការដ្ឋាន ក្រសួងមហាផ្ទៃប្រកាសពីការផ្ដល់ ឬប្ដូរអត្តសញ្ញាណប័ណ្ណសញ្ជាតិខ្មែរ
អគ្គលេខាធិការដ្ឋាន ក្រសួងមហាផ្ទៃបានចេញសេចក្ដីជូនដំណឹងដល់អគ្គលេខាធិការ អគ្គនាយក អគ្គាធិការ ប្រធានក្រុមប្រឹក្សានីកម្ម និងអង្គភាពនានាអំពីនីតិវិធី និងបែបបទសម្រាប់ស្នើសុំផ្ដល់អត្តសញ្ញាណប័ណ្ណសញ្ជាតិខ្មែរ ចាប់ពីថ្ងៃទី៦ ដល់ថ្ងៃទី៩ ខែធ្នូ ឆ្នាំ២០២២ នៅសាលប្រជុំអគ្គនាយកដ្ឋានរដ្ឋបាល អគារA ទីស្ដីការក្រសួងមហាផ្ទៃ។
លោកវេជ្ជបណ្ឌិត គួច ម៉េងលី ផ្តល់អនុសាសន៍ស្តីពីកំណែទម្រង់វិស័យអប់រំនៅកម្ពុជា
លោកវេជ្ជបណ្ឌិតគួច ម៉េងលី បានផ្តល់អនុសាសន៍ទៅក្រសួងអប់រំថា ការរឹតបណ្តឹងទៅលើតែការប្រឡងរបស់សិស្សនៅថ្នាក់បាក់ឌុប គឺមិនទាន់គ្រប់គ្រាន់នោះទេដើម្បីធ្វើកំណែទម្រង់វិស័យអប់រំនៅកម្ពុជា តែត្រូវបន្ថែមការធ្វើកំណែទម្រង់គ្រូបង្រៀនគ្រប់កម្រិត និងរឹតបណ្តឹងម៉ោងសិក្សារបស់សិស្ស។ នេះបើយោងតាមទំព័រហ្វេសបុកផ្លូវការរបស់លោកចុះផ្សាយកាលពីថ្ងៃទី០២ ខែធ្នូ ឆ្នាំ២០២២។
គ្រួសារនារីរងគ្រោះថាក្រុមគ្រូពេទ្យគ្មានបច្ចេកទេសគ្រប់គ្រាន់ និងស្នើរយុត្តិធម៌ជូនគ្រួសាររបស់ខ្លួន
ក្រុមគ្រួសារនារីរងគ្រោះដោយការរំលូតកូន ហើយបង្កផលប៉ះពាល់ដល់ស្ដ្រីជាម្ដាយ បាននិយាយថាក្រុមគ្រូពេទ្យរបស់មន្ទីរសម្រាកព្យាបាល និង សម្ភពដើមអង្ក្រងគ្មានបច្ចេកទេសគ្រប់គ្រាន់ និងស្នើឱ្យពួកគេផ្ដល់យុត្តិធម៌ជូនសមាជិកគ្រួសាររបស់ខ្លួនបន្ទាប់ពីធ្វើឱ្យមានផលប៉ះពាល់ដល់សុខភាពធ្ងន់ធ្ងរ។
Latest News
