Vox pop: មតិចម្រុះលើការបញ្ចូលភាសាចិនក្នុងកម្មវិធីសិក្សាថ្នាក់អនុវិទ្យាល័យ និងវិទ្យាល័យ
រដ្ឋាភិបាលកម្ពុជា និងចិន បានចុះហត្ថលេខាលើអនុស្សារណៈយោគយល់គ្នា ក្នុងការដាក់បញ្ចូលកម្មវិធីសិក្សាភាសាចិននៅតាមគ្រឹះស្ថានសិក្សាសាធារណៈចាប់ពីថ្នាក់ទី៧ ដល់ថ្នាក់ទី១២នៅកម្ពុជា។ ពិធីចុះហត្ថលេខាលើឯកសារនេះ ត្រូវបានធ្វើឡើង ក្រោមអធិបតីភាពរបស់នាយករដ្ឋមន្ត្រីកម្ពុជា-ចិន នារសៀលថ្ងៃទី៩ ខែវិច្ឆិកា ឆ្នាំ២០២២ នៅវិមានសន្តិភាព។
Newsroom Cambodia បានសម្ភាសន៍សិស្សនិស្សិត គ្រូបង្រៀន និងអាណាព្យាបាលទៅលើការបញ្ចូលភាសាចិនក្នុងកម្មវិធីសិក្សាសាធារណៈនេះ។
យុវសិស្ស ធឿន គីមឡង អាយុ១៧ឆ្នាំ ជាសិស្សថ្នាក់ទី១១ មកពីអនុវិទ្យាល័យសំរោងបានប្រាប់មក Newsroom Cambodia ថា...
យុវជន១៥ក្រុមដាក់បង្ហាញស្នាដៃជាគម្រោងពាក់ព័ន្ធនឹងការផ្លាស់ប្តូរសង្គមដោយភាពវិជ្ជមាន
យុវជនឆ្នើមចំនួន១៥ក្រុមនៃកម្មវិធីជំនាន់ថ្មី ដាក់បង្ហាញស្នាដៃដែលជាគម្រោងពាក់ព័ន្ធនឹងការផ្លាស់ប្តូរសង្គមប្រកបដោយភាពវិជ្ជមាន និងដែលកំពុងអនុវត្តនៅក្នុងសហគមន៍ជាច្រើននៅទូទាំងប្រទេស។
កម្មវិធីជំនាន់ថ្មី (New Future Generation) គឺជាកម្មវិធី សម្រាប់យុវជនកម្ពុជានៅទូទាំងប្រទេសសម្រាប់ប្រែក្លាយសក្តានុពលរបស់ពួកគេឲ្យទៅជាសកម្មភាព និងសមិទ្ធផលជាក់លាក់។ កម្មវិធីនេះមានការគាំទ្រពីអង្គការយូនីសេហ្វប្រចាំកម្ពុជា។
ការដាក់តាំងបង្ហាញស្នាដៃរបស់ក្រុមយុវជនក្នុងកម្មវិធីជំនាន់ថ្មីនេះធ្វើឡើងក្នុងពេលដែលអង្គការអន្តរជាតិយូនីសេហ្វប្រចាំកម្ពុជា និងក្រសួងពាក់ព័ន្ធ ប្រារព្ធទិវាកុមារពិភពលោកនៅរាជធានីភ្នំពេញកាលពីថ្ងៃទី ១៨ ខែវិចិ្ឆកា ឆ្នាំ២០២២ ដែលជាខួបត្រូវបានអនុម័តលើអនុសញ្ញាស្តីពីសិទិ្ធកុមារកាលពីថ្ងៃទី ២០ ខែវិច្ឆិកា ឆ្នាំ១៩៨៩។
កញ្ញា រស ពេជ្រពុទិ្ធកា ប្រធានគម្រោង UNITELL ដែលជាគម្រោងបង្កើតសារសំឡេង...
កំណាត់ផ្លូវមហាវិថីឈ្នះឈ្នះនឹងត្រូវផ្អាកចរាចរបណ្ដោះអាសន្នពីថ្ងៃទី២១ ដល់៣០ វិច្ឆិកាដើម្បីប្រកួតកីឡាជាតិ
រដ្ឋបាលរាជធានីភ្នំពេញជូនដំណឹងពីការបញ្ចៀសចរាចរ និងផ្អាកចរាចរជាបណ្ដោះអាសន្នសម្រាប់យានជំនិះគ្រប់ប្រភេទដែលឆ្លងកាត់កំណាត់ផ្លូវមហាវិថីឈ្នះឈ្នះ ពីគល់ស្ពានព្រែកព្នៅ រហូតដល់ផ្លូវជាតិលេខ៦ ពីថ្ងៃទី២១ ដល់ថ្ងៃទី៣០ ខែវិច្ឆិកា ឆ្នាំ២០២២ ដើម្បីប្រកួតកីឡាជាតិ។
ក្នុងសេចក្តីជូនដំណឹងរបស់រដ្ឋបាលរាជធានីភ្នំពេញ ចេញនៅថ្ងៃទី១៨ ខែវិច្ឆិកា ឆ្នាំ២០២២បញ្ជាក់ថា ក្រសួងអប់រំ យុវជន និងកីឡា នឹងរៀបចំពិធីបើក និងពិធីបិទការប្រកួតកីឡាជាតិលើកទី៣ នៅពហុកីឡាដ្ឋានជាតិមរតកតេជោ ដែលស្ថិតក្នុងភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ ក្រោមអធិបតីភាពលោកនាយករដ្ឋមន្រ្តី ហ៊ុន...
ព្រះបរមរាជវាំងនឹងបើកឱ្យភ្ញៀវទេសចរជាតិ-អន្តរជាតិចូលទស្សនាឡើងវិញចាប់ពីដើមខែធ្នូនេះ
ព្រះបរមរាជវាំងនឹងបើកដំណើរការឡើងវិញ សម្រាប់ទទួលភ្ញៀវទេសចរជាតិ-អន្តរជាតិ ចូលទស្សនា ចាប់ពីថ្ងៃទី១ ខែធ្នូ ឆ្នាំ២០២២ បន្ទាប់ពីត្រូវបានបិទអស់រយៈពេលជាង ២ឆ្នាំដោយសារការរាតត្បាតជំងឺកូវីដ១៩។
ក្នុងលិខិតដែលរដ្ឋមន្រ្តីក្រសួងព្រះបរមរាជវាំង ជូនរដ្ឋមន្រ្តីក្រសួងទេសចរណ៍ ចេញនៅថ្ងៃទី១៧ ខែវិច្ឆិកា ឆ្នាំ២០២២ បញ្ជាក់អំពីការជូនដំណឹងការបើកដំណើរការឱ្យភ្ញៀវទេសចរជាតិ-អន្តរជាតិ ចូលទស្សនាព្រះបរមរាជវាំងឡើងវិញ។
លិខិតនោះបញ្ជាក់តាមន័យដើមថា៖ «ខ្ញុំសូមជម្រាបជូនឯកត្តមរដ្ឋមន្រ្តីឱ្យបានជ្រាបថា ក្រសួងព្រះបរមរាជវាំងនឹងបើកដំណើរការឡើងវិញសម្រាប់ទទួលភ្ញៀវទេសចរជាតិ-អន្តរជាតិ ចូលទស្សនាព្រះបរមរាជវាំង ចាប់ពីថ្ងៃទី០១ ខែធ្នូ ឆ្នាំ២០២២ខាងមុខ»។
ព្រះបរមរាជវាំង ព្រមទាំងកន្លែងជាគោលដៅទេសចរណ៍មួយចំនួននៅរាជធានីភ្នំពេញ ត្រូវបានបិទទ្វារមួយរយៈក្នុងអំឡំឡុងពេលនៃការរីករាលដាលជំងឺកូវីដ១៩ តាំងពីដើមឆ្នាំ២០២០មក៕
Q&A៖ បទពិសោធន៍នៃការតែងនិពន្ធរបស់កវី ស៊ូ ខេមរិន្ទ
វិស័យតែងនិពន្ធសៀវភៅក្នុងប្រទេសកម្ពុជាមិនទាន់មានភាពទូលំទូលាយនៅឡើយ។ អ្នកប្រកបមុខរបរជាអ្នកតែងនិពន្ធនៅកម្ពុជា គឺតែងជួបឧបសគ្គជាច្រើនក្នុងអាជីពរបស់ខ្លួន តួយ៉ាងទាំងការរកចំណូលតាមរយៈការលក់សៀវភៅ ទាំងការការពារតាមផ្លូវច្បាប់ដែលខ្លួនបានតាក់តែង ទាំងការទទួលស្គាល់នូវគុណតម្លៃ និងកម្លាំងចិត្តផ្សេងៗទៀតដើម្បីអភិវឌ្ឍន៍ជំនាញរបស់ខ្លូន។
ខាងក្រោមនេះជាកិច្ចសម្ភាសន៍របស់សិក្ខាកាម Newsroom Cambodia ជាមួយលោក ស៊ូ ខេមរិន្ទ ជាអ្នកនិពន្ធវ័យក្មេងដែលទទួលបានជ័យលាភីច្រើនជុំវិញវិស័យតែងនិពន្ធនាពេលបច្ចុប្បន្ន។
Q: សូមជម្រាបសួរលោក ស៊ូ ខេមរិន្ទ បាទ!
A: បាទ! សូមជម្រាបសួរ!
Q: តើលោកចាប់ផ្តើមចាប់យកអាជីពជាអ្នកនិពន្ធតាំងពីឆ្នាំណាមក?
A: ខ្ញុំចាប់ផ្តើមអាជីពជាអ្នកនិពន្ធដំបូងគេគឺនៅឆ្នាំ២០០១ នៅជាសិស្សថ្នាក់ទី១១។
Q: តើមានកត្តាសំខាន់ៗអ្វីខ្លះដែលធ្វើឱ្យលោកចង់ក្លាយជាអ្នកនិពន្ធ?
A: មានកត្តាមួយចំនួនដែរ...
សង្គមស៊ីវិលជំរុញឱ្យរដ្ឋាភិបាលពិចារណាលើការគ្រប់គ្រងអគ្គីសនីដោយខ្លួនងជាជាងផ្ដល់សិទ្ធិគ្រប់គ្រងឱ្យបរទេស
ក្រសួងរ៉ែប្រកាសថា កម្ពុជាមិនខ្វះភ្លើងប្រើប្រាស់នៅគ្រប់វិស័យសេដ្ឋកិច្ច ខណៈសង្គមស៊ីវិលថា រដ្ឋាភិបាលកម្ពុជាគួរពិចារណាឡើងវិញទៅលើការគ្រប់គ្រងអគ្គីសនីក្នុងប្រទេស ដើម្បីផ្ដល់ភាពងាយស្រួលដល់ការប្រើប្រាស់សម្រាប់ប្រជាជន និងគិតគូអំពីផលប៉ះពាល់បរិស្ថាន ជាជាងផ្ដល់សិទ្ធិគ្រប់គ្រងទៅឱ្យក្រុមហ៊ុនបរទេស។
ការលើកឡើងរបស់សង្គមស៊ីវិល ធ្វើឡើងបន្ទាប់ពីក្រសួងរ៉ែ និងថាមពល បានបង្ហោះសារមួយលើទំព័រហ្វេសប៊ុករបស់ខ្លួន នៅថ្ងៃទី១៦ ខែវិច្ឆិកា ឆ្នាំ២០២២ ដោយបញ្ជាក់ថា កម្ពុជាមិនខ្វះភ្លើងប្រើប្រាស់នៅគ្រប់វិស័យសេដ្ឋកិច្ច ក៏ដូចជាជីវភាពរបស់ប្រជាពលរដ្ឋ។
ការចុះផ្សាយដដែលនោះបន្ថែមថា លោក ស៊ុយ សែម រដ្ឋមន្រ្តីក្រសួងរ៉ែបានបញ្ជាក់នៅក្នុងកិច្ចសន្ទនាស្ដីពី «ការប្រើប្រាស់ថាមពលអគ្គិសនីសម្រាប់វិស័យកសិកម្ម» ថា...
Q&A៖ ផលប៉ះពាល់របស់ប្រជាកសិករក្រោយទឹកជំនន់បំផ្លាញដំណាំកសិកម្ម
ទឹកជំនន់ឆ្នាំ២០២២នេះបានធ្វើឱ្យប៉ះពាល់ដល់ដំណាំរបស់ប្រជាកសិករកម្ពុជា ជាពិសេសដំណាំស្រូវមានការខូចខាតប្រមាណជា៣០ម៉ឺនហិកតា ក្នុង២០ខេត្តនៃប្រទេសកម្ពុជា។ ប៉ុន្តែ រាជរដ្ឋាភិបាលកម្ពុជាតាមរយៈក្រសួងកសិកម្មក៏បានអន្ដរាគមន៍ភ្លាមៗ ដោយបានផ្ដល់គ្រាប់ពូជស្រូវ និងដំណាំផ្សេងទៀតដល់ប្រជាកសិករនៅក្នុងខេត្តចំនួន១៩។
លោក ថេង សាវឿន ប្រធានសមាគមសម្ព័ន្ធសហគមន៍កសិករកម្ពុជា(CCFC Cambodia) បានផ្ដល់កិច្ចសម្ភាសន៍ដល់លោក សាក់ ស៊ីហឿន ជាសិក្ខាកាមNewsroom Cambodia អំពីផលប៉ះពាល់ដំណាំកសិកម្មរបស់ប្រជាកសិករ ក្រោយទឹកជំនន់។
Q: ជម្រាបសួរលោក ថេង សាវឿន!
A: បាទជម្រាបសួរ!
Q: នៅឆ្នាំ២០២២នេះ កម្ពុជាបានទទួលរងទឹកជំនន់...
Q&A៖ សេរីភាពនយោបាយនៅកម្ពុជាមិនទាន់អំណោយផលដល់យុវជននៅឡើយ
អង្គការតម្លាភាពកម្ពុជាបានចេញរបាយការណ៍ស្រាវជ្រាវរបស់ខ្លួនដែលមានចំណងជើងថា «ការស្ទង់មតិយុវជនស្ដីពីគោលនយោបាយ» កាលពីថ្ងៃទី៣១ ខែតុលា ឆ្នាំ២០២២ ដោយបានសម្ភាសន៍យុវជនដែលមានអាយុចន្លោះ១៥ដល់៣០ឆ្នាំ ចំនួន១,៦០០នាក់ ចំនួន២០០ភូមិ ទូទាំង២៥រាជធានី-ខេត្តនៃប្រទេសកម្ពុជា។ ក្នុងនោះអ្នកដែលនៅជនបទមានចំនួន៧៣% និងទីប្រជុំ២៧% ស្រីសរុបចំនួន៥០% ហើយការស្រាវជ្រាវផ្ដោតសំខាន់ទៅលើវិស័យមួយចំនួនដូចជាការអប់រំ សុខភាព ការងារ និងការចូលរួមវិស័យសង្គមនយោបាយ។
ខាងក្រោមនេះជាកិច្ចសម្ភាសន៍រវាង Newsroom Cambodia ជាមួយលោក អ៊ឹម នរិន្ទ ប្រធានកម្មវិធីជាន់ខ្ពស់ នៃអង្គការតម្លាភាពកម្ពុជាជុំវិញការចូលរួមរបស់យុវជនកម្ពុជាក្នុងវិស័យនយោបាយនាពេលបច្ចុប្បន្ន។
លោកយ៉ិត យុតយូ៖...
Q&A៖ ការបង្កើតសហជីពនៅកន្លែងការងារនៅតែជាបញ្ហាប្រឈម
វិវាទការងារនៅក្នុងប្រទេសកម្ពុជានៅតែបន្តមានជាហូរហែរ ដែលស្ថិតក្រោមរូបភាពផ្សេងៗគ្នា បើទោះជាមានក្រសួងការងារ ច្បាប់ការងារ និងសហជីពជាច្រើនត្រូវបានបង្កើតឡើង ដើម្បីការពារសិទ្ធិ និងផលប្រយោជន៍របស់និយោជិតយ៉ាងណាក្ដី។ ការរំលោភបំពានសិទ្ធិពីសំណាក់និយោជក ក្រុមហ៊ុន ឬរោងចក្រ បានបណ្ដាលឱ្យមានការធ្វើកូដកម្ម និងបាតុកម្មតវ៉ាជាបន្តបន្ទាប់។
លោក អាត់ ធន់ ប្រធានសហភាពការងារកម្ពុជា (Cambodia Labour Confederation) បានផ្ដល់កិច្ចសម្ភាសដល់លោក ល័ក្ខ មករា ជាសិក្ខាកាម Newsroom Cambodia...
ក្រសួងប្រៃសណីយ៍ព្រមានចាត់វិធានការលើម្ចាស់បុរី ឬអគារដែលកេងចំណេញពីការភ្ជាប់សេវាអ៊ីនធឺណិត
ក្រសួងប្រៃសណីយ៍ និងទូរគមនាគមន៍ (ក.ប.ទ) ព្រមានចាត់វិធានការផ្លូវច្បាប់លើម្ចាស់បុរី និងអគារសហកម្មសិទ្ធិដែលទារលុយជាថ្នូរនឹងការអនុញ្ញាតឱ្យតភ្ជាប់បណ្ដាញសេវាអ៊ីនធឺណិតចូលក្នុងលំនៅដ្ឋានរបស់អ្នកប្រើប្រាស់នៅក្នុងបុរី និងអគារសហកម្មសិទ្ធិ។
ក្រសួងប្រៃសណីយ៍ និងទូរគមនាគមន៍បានបង្ហោះសេចក្តីអំពាវនាវមួយលើទំព័រហ្វេសប៊ុករបស់ខ្លួនកាលពីថ្ងៃទី១៥ ខែវិច្ឆិកា ឆ្នាំ២០២២ ដោយអំពាវនាវឱ្យម្ចាស់បុរី និងអគារសហកម្មសិទ្ធិមួយចំនួន ត្រូវបញ្ឈប់ការទារលុយជាថ្នូរនឹងការអនុញ្ញាតឱ្យតភ្ជាប់បណ្តាញសេវាអ៊ីនធឺណិតចូលក្នុងបុរី និងអគារសហកម្មសិទ្ធិដែលផ្ទុយនឹងច្បាប់ស្តីពីទូរគមនាគមន៍ និងបញ្ឈប់ប្រតិបត្តិការផ្ដល់សេវាអ៊ីនធឺណិតដោយខ្លួនឯង និងគ្មានអាជ្ញាបណ្ណពីនិយ័តករទូរគមនាគមន៍កម្ពុជានៅក្នុងបុរី និងអគារសហកម្មសិទ្ធិ។
ក្រសួងប្រៃសណីយ៍ និងទូរគមនាគមន៍ក៏បន្ថែមថា៖ «ក្នុងករណីម្ចាស់បុរី និងអគារសហកម្មសិទ្ធិមួយចំនួនតូច នៅតែបន្តធ្វើសកម្មភាពខាងលើ ក.ប.ទ នឹងចាត់វិធានការយ៉ាងម៉ឺងម៉ាត់ ស្របតាមច្បាប់ស្ដីពីទូរគមនាគមន៍...
ក្រសួងធនធានទឹកជូនដំណឹងពីការប្រែប្រួលអាកាសធាតុចាប់ពីថ្ងៃទី១៦ដល់ ២២ ខែវិច្ឆិកា
ក្រសួងធនធានទឹក និង ឧតុនិយមនៅថ្ងៃអង្គារ បានជូនដំណឹងឱ្យដល់ប្រជាពលរដ្ឋអំពីបម្រែបម្រួលអាកាសធាតុ ក្នុងរយៈពេលមួយសប្តាហ៍ខាងមុខ ដោយក្នុងតំបន់ខ្លះនឹងមានភ្លៀងធ្លាក់កម្រិតខ្សោយ ទៅបង្គួរ និងតំបន់ខ្លះមានលាយឡំផ្គរ និងរន្ទះ។
យោងតាមសេចក្តីជូនដំណឹង របស់ក្រសួងធនធានទឹក និងឧតុនិយមបានបង្ហោះលើទំព័រហ្វេសប៊ុកផ្លូវការរបស់ខ្លួនកាលពីថ្ងៃទី១៥ ខែ វិច្ឆិកា ឆ្នាំ ២០២២ កម្ពុជានឹងទទួលរងឥទ្ធិពលពីការជួបប្រសព្វគ្នានៃជ្រលងសម្ពាធទាបក្នុងកម្រិតបង្គួរដែលរុញទូលមកពីសមុទ្រចិនខាងត្បូង និង ទ្រនុងសម្ពាធខ្ពស់ពីភាគខាងជើង (ចិន) ក្នុងកម្រិតខ្សោយ។
បើតាមសេចក្តីជូនដំណឹងខាងលើបន្ថែមថា ស្ថានភាពបែបនេះនឹង ធ្វើឱ្យតំបន់បីមានការប្រែប្រួល ក្នុងនោះរួមមានតំបន់ទំនាបកណ្តាល សីតុណ្ហភាពអប្បបរមា...
រដ្ឋសភាកម្ពុជានឹងធ្វើជាម្ចាស់ផ្ទះរៀបចំកិច្ចប្រជុំមហាសន្និបាតអន្តរសភាអាស៊ានលើកទី៤៣ នៅចុងខែវិច្ឆិកានេះ
រដ្ឋសភាជាតិកម្ពុជានឹងធ្វើជាម្ចាស់ផ្ទះរៀបចំកិច្ចប្រជុំមហាសន្និបាតអន្តរសភាអាស៊ាន (AIPA) លើកទី៤៣ ចាប់ពីថ្ងៃទី២០ ដល់ថ្ងៃទី២៥ ខែវិច្ឆិកា ឆ្នាំ២០២២ ក្រោមមូលបទ «បោះជំហានជាមួយគ្នា ដើម្បីនិរន្តរភាព បរិយាប័ន្ន និងភាពធន់របស់អាស៊ាន»។
បើតាមសេចក្តីជូនដំណឹងរបស់រដ្ឋសភាចេញផ្សាយនៅថ្ងៃទី១៤ ខែវិច្ឆិកា ឆ្នាំ២០២២ បញ្ជាក់ថា ពិធីបើកមហាសន្និបាតជាផ្លូវការនឹងប្រារព្ធធ្វើឡើងនៅព្រឹកថ្ងៃទី២១ វិច្ឆិកា វេលាម៉ោង៩:៣០នាទី ដោយមានព្រះរាជសារស្វាគមន៍របស់ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី...
Q&A: ចាប៉ីដងវែងជាឧបករណ៍ស្ថិតក្នុងបញ្ជីបេតិកភណ្ឌពិភពលោកតែមិនសូវមានអ្នករៀន
ចាប៉ីដងវែងត្រូវបានដាក់បញ្ចូលទៅក្នុងបញ្ជីបេតិកភណ្ឌពិភពលោក នៅថ្ងៃទី ៣០ ខែវិច្ឆិកា ឆ្នាំ២០១៦ ក៏ប៉ុន្តែ បើនិយាយពីទីកន្លែងបណ្តុះបណ្តាលការហាត់រៀន និង ទីផ្សារចាប៉ីដងវែងវិញ គឺនៅមានកម្រិតទាបជាងឧបករណ៍តន្រ្តីសម័យ។ មួយវិញទៀត កូនខ្មែរមួយចំនួននៅតែមិនដែលស្គាល់ អំពីឧបករណ៍បុរាណប្រភេទនេះនៅឡើយ។
Newsroom Cambodia បានសម្ភាសន៍លោក ពេជ សារ៉ាត ជាគ្រូបន្តវេនបន្ទាប់ពីព្រឹទ្ធាចារ្យ កោសល្យវោហារ គង់ ណៃ នៃសហគមន៍ចាប៉ីអមតៈ (Community of...
Q&A៖ គម្រោងអាជីវកម្ម «សត្វ២១» របស់យុវជនមួយក្រុមនឹងផ្ដល់ប្រយោជន៍ដល់អតិថិជនដែលមានសត្វចិញ្ចឹម
កម្មវិធីប្រកួតប្រជែង «យុវជន២១» ក្រោមប្រធានបទ៖ «សហគ្រិនឌីជីថល៖ គំនិតផ្ដួចផ្ដើម អាជីវកម្មក្នុងគន្លងថ្មី» ត្រូវបានរៀបចំឡើង និងស្ថិតក្រោមគំនិតផ្ដួចផ្ដើមរបស់លោក ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា ដោយបានរកឃើញ ម្ចាស់ជ័យលាភីលេខមួយក្នុងការប្រកួតប្រជែងនេះ ដែលបានទៅលើក្រុមយុវជនមួយក្រុម មកពីសាកលវិទ្យាល័យកម្ពុជាក្រោមគម្រោងអាជីវកម្ម «សត្វ២១» របស់ពួកគេ បន្ទាប់ពីឆ្លងកាត់ការជម្រុះជាច្រើនវគ្គកន្លងមក។
ប្រធានក្រុមយុវជនគម្រោង «សត្វ២១» លោក ស៊ិន សុខសិនិទ្ធ...
Q&A៖ សេរីភាពរបស់អ្នកសារព័ត៌មាននៅកម្ពុជានៅតែមានកម្រិត
កម្ពុជាស្ថិតនៅក្នុងចំណាត់ថា្នក់ទី១៤៤ ក្នុងចំណោម១៨០ប្រទេសនៃសន្ទស្សន៍សេរីភាពសារព័ត៌មានសកលឆ្នាំ ២០២១។ នេះបើតាមការវាយតម្លៃរបស់អង្គការអ្នកកាសែតគ្មានព្រំដែន (Reporters Without Borders) ដែលមានមូលដ្ឋាននៅទីក្រុងប៉ារីស ប្រទេសបារាំង។ ប៉ុន្តែសម្រាប់ឆ្នាំ២០២២ នេះ អង្គការនេះបានឱ្យដឹងថា កម្ពុជាទទួលបានចំណាត់ថ្នាក់ទី ១៤២ ក្នុងចំណោម ១៨០ ប្រទេស។ ចំណាត់ថ្នាក់នេះបន្តបង្ហាញថា សេរីភាពសារព័ត៌មាននៅកម្ពុជានៅមិនទាន់មានភាពល្អប្រសើរនៅឡើយទេ។
លោក សេង ថៃ ជាអ្នកសារព័ត៌មាននៃវិទ្យុសំឡេងប្រជាធិបតេយ្យេ VOD បានផ្តល់កិច្ចសម្ភាសជាមួយ...
លោកនាយករដ្ឋមន្ត្រី ហ៊ុន សែន អាក់ខានចូលរួមកិច្ចប្រជុំ G20 និង APEC ក្រោយតេស្តឃើញវិជ្ជមានកូវីដ១៩
លោកនាយករដ្ឋមន្ត្រី ហ៊ុន សែន អាក់ខានចូលរួមកិច្ចប្រជុំ G20 នៅទីក្រុងបាលី និងកិច្ចប្រជុំ APEC នៅទីក្រុងបាងកក ក្នុងសប្តាហ៍នេះ បន្ទាប់ពីធ្វើតេស្តឃើញវិជ្ជមានជម្ងឺកូវីដ១៩ នៅប្រទេសឥណ្ឌូនេស៊ី។
យោងតាមទំព័រហ្វេសប៊ុកផ្លូវការរបស់លោកនាយករដ្ឋមន្ត្រី ហ៊ុន សែន ដែលបានបង្ហោះនៅព្រឹកថ្ងៃអង្គារ ទី១៥ ខែវិច្ឆិកា ឆ្នាំ២០២២នេះបញ្ជាក់ថា បើទោះជាពេទ្យឥណ្ឌូនេស៊ីបញ្ជាក់ថាលោកវិជ្ជមានកូវីដ១៩យ៉ាងណាក្តី ក៏លោកមិនមានអាការៈអ្វីប្លែកនោះឡើយ។
នាយករដ្ឋមន្ត្រី ហ៊ុន សែន សរសេរតាមន័យដើមថា៖ «...
Latest News
